Եթե որեւէ մեկը մտածում է՝ դե 19 տարեկանների ֆուտբոլ է, ի՞նչ է որ, ապա արժե նայել մինչեւ 19 տարեկանների Եվրո 2019-ի շրջանակներում Հայաստան ժամանած թիմերի կազմերին: Այստեղ տոմսերի համար 200-500 դրամ վճարելով ֆուտբոլասերները շատ հնարավոր է՝ տեսնեն, ինչո՞ւ չէ՛, նաեւ հանդիպեն ու լուսանկարվեն այն ֆուտբոլիստների հետ, որոնց՝ «Ոսկե գնդակ» ստանալուն մի քանի տարի անց գուցե հետեւեն հեռուստացույցով:

Սերխիո Ռամոս, Պոլ Պոգբա, Անտուան Գրիզման, Մեսութ Օզիլ, Կիլիան Մբապե, կարելի է շարունակել այն ֆուտբոլիստների շարքը, որոնք ժամանակին անցել են մինչեւ 19 տարեկանների Եվրոպայի առաջնության փորձությունով: ՀՀ ժամանած հավաքականների հայտացուցակներում ակումբների ներկայացվածությունից կարելի է եզրակացնել, որ դրանցում էլ քիչ չեն ապագա աստղերը: Կան ֆուտբոլիստներ Հայաստանում եվրոպական ամենասիրված ակումբներից:

Օրինակ, բացման խաղում Հայաստանի մրցակից Իսպանիան ունի 6 ֆուտբոլիստ «Բարսելոնայից», 4-ը՝ «Ռեալ Մադրիդից»: Կան նաեւ խաղացողներ «Ատլետիկոյից», «Վալենսիայից», «Սեւիլիայից», «Մանչեստեր Սիթիից» ու «Բորուսիա Դորտմունդից»: Իտալիայի կազմում ընդգրկված են «Յուվենտուսի», «Միլանի», «Ինտերի», «Լացիոյի», մրցաշարի գործող չեմպիոն Պորտուգալիայի կազմում՝ «Պորտուի», «Բենֆիկայի», «Սպորտինգի» խաղացողներ:

Այնպես որ, թեեւ Հայաստանը մահվան խմբում է Իսպանիայի, Իտալիայի ու Պորտուգալիայի հետ (Ա խումբ), էսթետիկ հաճույք ամեն դեպքում երկրպագուները մրցաշարից կստանան: Բացի այդ՝ իրենց ցուցադրելու հնարավորություն կունենան ՀՀ ընտրանու տղաները: Չէ՞ որ հայտնի թիմերի խաղացողներն իրենց հետ Հայաստան են «բերելու» բազմաթիվ սկաուտների, գլխավոր մարզիչ Արթուր Ոսկանյանն էլ վստահ է, որ իր թիմի մի շարք խաղացոներ հանգիստ կարող են հանդես գալ արտասահմանյան թիմերում: Բացման խաղին ուշադրությամբ հետեւելու են «Բարսայի» ներկայացուցիչներ, քանի որ, ինչպես տեղեկացնում է իսպանական Marca պարբերականը, ակումբի ղեկավարությունը մրցաշարի արդյունքներով պետք է որոշում կայացնի մի քանի ֆուտբոլիստների ապագայի վերաբերյալ:

Եվրո 2019-ին մասնակցում է 8 թիմ: Բացի նշվածներից՝ հանդես են գալու նաեւ Չեխիան, Իռլանդիան, Նորվեգիան: Մայիսի 31-ին Երեւանում կայացած վիճակահանության արդյունքում նրանք բաժանվել են 2 խմբի: Մրցաշարը մեկնարկում է հուլիսի 14-ին: Եզրափակիչը հուլիսի 27-ին է: Հայաստան-Իսպանիա բացման խաղը տեղի է ունենալու Վազգեն Սարգսյանի անվան «Հանրապետական» մարզադաշտում:

Խաղերը կայանալու են 3 մարզադաշտերում՝ «Հանրապետական», «Բանանց», Երեւանի ֆուտբոլի ակադեմիա: «Հանրապետականի» տոմսարկղերում կարելի է ձեռք բերել բոլոր 3 մարզադաշտերում նշանակված խաղերի տոմսերը, իսկ «Բանանցի» տարածքում եւ ակադեմիայում վաճառվում են միայն տվյալ մրցավայրի հանդիպումների տոմսերը:

Խաղերը կհեռարձակվեն Հանրային հեռուստաընկերության եթերով:

Մրցաշարի ամբողջական խաղացանկը հետեւյալն է.

Կիրակի, 14.07

«Ա» խումբ

Հայաստան-Իսպանիա, 18։45, «Հանրապետական» մարզադաշտ

Իտալիա-Պորտուգալիա, 21։00, «Բանանց» մարզադաշտ

 Երկուշաբթի, 15.07

«Բ» խումբ

Նորվեգիա-Իռլանդիա, 18։45, ՀՖՖ տեխնիկական կենտրոն/ֆուտբոլի ակադեմիա

Չեխիա-Ֆրանսիա, 21։00, «Հանրապետական» մարզադաշտ

 Չորեքշաբթի, 17.07

«Ա» խումբ

Պորտուգալիա-Իսպանիա, 18։45, «Բանանց» մարզադաշտ

Հայաստան-Իտալիա, 21։00, «Հանրապետական» մարզադաշտ

Հինգշաբթի, 18.07

«Բ» խումբ

Չեխիա-Նորվեգիա, 18։45, ՀՖՖ տեխնիկական կենտրոն/ֆուտբոլի ակադեմիա

Իռլանդիա-Ֆրանսիա, 21։00, «Բանանց» մարզադաշտ

Շաբաթ, 20.07

«Ա» խումբ

Պորտուգալիա- Հայաստան, 21։00, «Հանրապետական» մարզադաշտ

Իսպանիա-Իտալիա, 21։00, ՀՖՖ տեխնիկական կենտրոն/ֆուտբոլի ակադեմիա

Կիրակի, 21.07

«Բ» խումբ

Ֆրանսիա-Նորվեգիա, 21։00, «Բանանց» մարզադաշտ

Իռլանդիա-Չեխիա, 21։00, ՀՖՖ տեխնիկական կենտրոն/ֆուտբոլի ակադեմիա

Փլեյ-օֆ

Չորեքշաբթի, 24.07

Կիսաեզրափակիչ

18։00, «Բանանց» մարզադաշտ

21։00, «Հանրապետական» մարզադաշտ

Շաբաթ, 27.07

Եզրափակիչ

20։30, «Հանրապետական» մարզադաշտ

* Կիսաեզրափակիչում «Ա» խմբի հաղթողը կխաղա «Բ» խմբի 2-րդ թիմի, «Բ» խմբի հաղթողը՝ «Ա» խմբի 2-րդ թիմի հետ:

 

Տպել
2072 դիտում

Հայ խաղաղապահները մասնակցել են «Կոսովոյի ուժեր» զորավարժության վարժանքին

ՀՀ վարչապետն ու բարձրաստիճան պաշտոնյաները հարգանքի տուրք են մատուցում Սումգայիթի ոճրագործության զոհերի հիշատակին

Նիկոլ Փաշինյանը հրապարակել է Այո-ի մեծ պաստառներից մեկը

Երևանի Երզնկյան փողոցի և Բաղրամյան պողոտայի խաչմերուկում քաղաքացին վրաերթի է ենթարկվել

Արմեն Սարգսյանը ուղերձ է հղել Ադրբեջանական ԽՍՀ-ում կազմակերպված ջարդերի զոհերի հիշատակի օրվա առթիվ

Իրանցի վարորդները բեռնատարները կդատարկեն «Ագարակ տերմինալ»-ի պահեստում՝ չխորանալով ՀՀ-ի տարածքի մեջ. ՊԵԿ

ՀՀ տարածքում կան փակ և դժվարանցանելի ճանապարհներ. ռուսական կողմում կուտակված 400 բեռնատար կա

Դավթաշեն 2-րդ թաղամասում էլեկտրական սյունն ընկել էր ճանապարհի երթևեկելի գոտի

Հրդեհ Հովտաշեն գյուղում. այրվել է մոտ 300 հակ անասնակեր

Վրաստանում կորոնավիրուսի առաջին դեպքը, «դատարկված» սուպերմարկետներն ու դեղատները

Վիրուսին ձեռ չի տալիս, որ սպանի իր տիրոջը, իրեն ձեռք է տալիս, որ ապրի այդ օրգանիզմում. բժիշկը՝ կորոնավիրուսի մասին

Տավուշի մարզպետարանը եւ Teach For Armenia կրթական հիմնադրամը համագործակցության հուշագիր են ստորագրել

ՀՀ հպարտ քաղաքացու անձնագիր. Նիկոլ Փաշինյանը հրապարակել է «Այո» քարոզչության բուկլետը

Արտաշատի ԲԿ-ում ավելի քան 500 աշխատակիցների աշխատավարձը բարձրացվել է

Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում ձնահոսքի բարձր ռիսկ կա

Գյումրիում կատարված դանակահարությունը բացահայտվել է. 46-ամյա տղամարդուն դանակահարել է 39-ամյա եղբայրը

Արագածոտնի մարզպետը 7 ընտանիքի բնակարանի գնման վկայագրեր է հանձնել

Եվրամիությունն ընդլայնում է Թուրքիայի դեմ պատժամիջոցները

Գյումրի է վերադարձել հետախուզման մեջ գտնվող Վերա Ա.-ն. նա մեղադրվում է ՀՀ ՔՕ 119-րդ (Խոշտանգումը) և 133-րդ հոդվածներով

Սումգայիթի ջարդերի 32-րդ տարելիցն է. ստահոդ քարոզչությունը տարածվում է ռուսական կայքերով