Երևան
27 °C
ՀՀ կառավարության վերջին նիստում վարչապետ Կարեն Կարապետյանը առողջապահության նախարար Լեւոն Ալթունյանին մի շարք հանձնարարականներ տվեց դեղերի շուկայի վերաբերյալ:
«Հաշվի առնելով, որ կեղծված եւ նմանակված, կոնտրաֆակտ դեղերի շրջանառությունը բացասական ազդեցություն կարող է ունենալ հանրապետությունում դեղագործության ճյուղի զարգացման եւ շուկայում մրցակցային հարաբերությունների վրա՝ Կարեն Կարապետյանը հանձնարարել է ՀՀ առողջապահության նախարարին երկշաբաթյա ժամկետում իրականացնել դեղերի շուկայի ուսումնասիրություն, իրավական կարգավորումների վերլուծություն եւ կառավարության աշխատակազմ ներկայացնել արդյունքների վերաբերյալ տեղեկատվություն՝ կցելով անհրաժեշտ քայլերի իրականացման ժամանակացույցը»,- կարդում ենք կառավարության նշված նիստի վերաբերյալ պաշտոնական հաղորդագրության մեջ:
Նախ նկատենք, որ կեղծված դեղերի խնդիրը վարչապետին առաջին հերթին մտահոգում է փաստորեն ոչ թե մարդկանց առողջության տեսանկյունից, այլ միայն դեղագործության ու մրցակցության: Նաեւ անդրադառնանք նախարար Ալթունյանի մինչ այդ տված հարցազրույցներից մեկին, որտեղ նա վստահեցնում է, թե Հայաստանում կեղծված դեղերի արտադրության ծավալները մոտենում են զրոյի:
«Ես այդպիսի տեղեկություն չունեմ, որ երբեւիցե բացահայտվել է մի արտադրամաս, որտեղ կեղծել են դեղեր արդյունաբերական մասշտաբներով»,- հավելել է առողջապահության նախարարը:
Այս երկու մեջբերումները համադրելով` կարելի է եզրակացնել, որ հայաստանյան շուկայում կան կեղծված դեղեր, որոնք, սակայն ոչ թե տեղում են արտադրվում, այլ ներմուծվում են: Ընդ որում, եթե խնդիրն առաջ է քաշվում վարչապետի մակարդակով, ուրեմն պետք է որ դա շատ լուրջ լինի եւ ընդգրկի մեծ ծավալներ:
Առողջապահության նախարարության աշխատակազմի առողջապահական պետական տեսչությունից, որի գործառույթներից մեկը վերաբերում է դեղերի եւ դեղագործական գործունեության վերահսկողությանը, տեղեկացանք, որ նույն տեսչության գոյության երեք տարիների ընթացքում հայտնաբերվել է երեք անուն կեղծված դեղ:
«Անցյալ տարի երկու անուն կեղծ դեղ է հայտնաբերվել մեկ դեղատանը: Դրանք եղել են «Ֆուրացիլին» աչքի կաթիլները եւ «Ֆուրացիլին» ականջի կաթիլները, որոնք ուղարկվել են փորձաքննության: Պարզվել է, որ նշված դեղերը մի շարք ցուցանիշներով չեն համապատասխանում սահմանված չափորոշիչներին, մասնավորապես, ստերիլության կետն է խախտված եղել, եւ նյութերն ուղարկվել են իրավապահ մարմիններին, այդ կապակցությամբ հարուցվել է քրեական գործ»,- մեր զրույցում ասաց առողջապահական պետական տեսչության դեղերի եւ դեղագործական վերահսկողության բաժնի պետ Վահե Մինասյանը:
Ճշտող հարցին ի պատասխան նա դարձյալ, որպես կեղծվածության ցուցիչ, միայն ստերիլության անհամապատասխանությունը շեշտեց: Իսկ թե նշված դեղերն ինչ վնաս են հասցրել դրանք օգտագործողների առողջությանը, տեսչությանը հատնի չէ: Վահե Մինասյանն ասաց, որ օրինակ աչքի կաթիլները կարող էին հանգեցնել տեսողական օրգանի ախտահարման:
«Ֆուրացիլին»-ներն արտադրվել են Հայաստանում: Դրանով զբաղվել է «Քիմտեխ» գիտահետազոտական ընկերությունը: Ի դեպ, վերջինս, ըստ Մինասյանի, նման գործունեությամբ զբաղվելու ժամանակ արդեն չի ունեցել համապատասխան լիցենզիա, որն ինչ-ինչ պատճառներով դադարեցված է եղել իր իսկ դիմումի համաձայն:
Երրորդ դեղը, որը դասվում է կեղծվածների շարքը, «Ոսկե աստղ» բալզամն է: Այն ներմուծվել է Հայաստան: «Դեղարտադրող վիետնամական ընկերությունը դիմել էր առողջապահության նախարարություն, որ իր կողմից արտադրված դեղի կեղծված տարբերակը շուկայում կա: Ահազանգի հետեւից գնացել ենք եւ երեք դեղատներում հայտնաբերելով կեղծված տարբերակները` այդ նյութերը նույնպես փոխանցել ենք իրավապահ մարմիներին»,- շարունակեց առողջապահական տեսչության պաշտոնյան:
Վերոնշյալ պատկերից թերեւս կարելի է եզրակացնել, որ վարչապետի մտահոգության դրսեւորումը կա՛մ փոքր-ինչ չափազանցված է, կա՛մ կեղծ դեղերը հեղեղել են մեր շուկան, սակայն տեսչությունը թերանում է դրանք բացահայտելու գործում:
Վահե Մինասյանը կարծիք հայտնեց, որ կեղծված դեղերի առկայությունը հայաստանյան շուկայում չի կրում համատարած բնույթ ու իրենից չի ներկայացնում մեծ խնդիր: Հիմնական բարդությունն, ըստ նրա, կապված է չգրանցված դեղերի հետ, որի ներթափանցման ռիսկը մեծանում է ԵԱՏՄ անդամակցությամբ պայմանավորված:
«Վտանգն ավելի շատ կարող է լինել ներմուծման առումով, քանի որ եթե ներմուծման ընթացակարգերը հեշտացված են, դա կարող է նպաստել, որ մեր շուկա ներթափանցեն կեղծ դեղեր»,- ասաց պաշտոնյան` մանրամասնելով, որ մաքսային հսկողություն չլինելու պատճառով արդեն իսկ արձանագրվել են դեպքեր, երբ Ռուսաստանից կամ Բելառուսից մեր շուկայում են հայտնվել չգրանցված դեղեր` առանց փորձաքննության:
Նշենք, որ վերջին տարիներին կառավարությունը կասեցրել էր տեսչական ստուգումները: Դրանից հետո առողջապահական տեսչությունը վերահսկողական գործառույթն իրականացրել է վարչական վարույթների միջոցով: Ինչ վերաբերում է դեղերի շուկայում ուսումնասիրություն իրականացնելու՝ վարչապետի հանձնարարականին, Վահե Մինասյանն ասաց. «Ներկա պահին գրություն է ուղարկվել կառավարություն, որպեսզի լինի հանձնարարական, ու ստուգումները բացվեն: Արդեն ձեւավորվել են աշխատանքային խմբեր, որոնք համապատասխան հանձնարարականից հետո կիրականացնեն իմ նշած գործառույթները»:
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ալեն Սիմոնյանին
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
© 2024 Հայկական ժամանակ