Երևան
27 °C
ՀՀ նոր կառավարությունը բոլորովին չի տիրապետում դեղերի ոլորտում սպասվող այն աղետին, որը վրա կհասնի «Դեղերի մասին» ՀՀ օրենքի գործողության մեջ մտնելուց անմիջապես հետո: Դեռ նախկին կառավարության օրոք «մշակված» եւ ընդունված այս օրենքն ուժի մեջ է մտնելու ընդամենը 20 օրից` դեկտեմբերի 15-ից:
Գործող կառավարության անտեղյակությունը ակնհայտ է դառնում մի պաշտոնական հաղորդագրությունից, որը տարածվեց օրերս: «Միջկառավարական խորհրդի նիստում հավանության են արժանացել նաեւ միասնական շուկայում դեղերի շրջանառությունը կարգավորող իրավական նորմերը, որոնց համաձայն, 2017 թվականի հունվարի 1-ից Եվրասիական տնտեսական միության տարածքում կգործի դեղերի միասնական շուկա: Արդյունքում՝ միասնական ընթացակարգին համապատասխան ԵԱՏՄ անդամ երկրներում գրանցված եւ ճանաչում ստացած դեղամիջոցների համար կապահովվի ազատ շրջանառություն ամբողջ ԵԱՏՄ տարածքում՝ առանց լրացուցիչ ընթացակարգերի: Քննարկման ժամանակ կարեւորվել է այն հանգամանքը, որ վերոնշյալ նախագծի ընդունումը կհանգեցնի ԵԱՏՄ տարածքում դեղամիջոցների որակի բարձրացմանն ու դրանց գների նվազեցմանը»,- ասված էր նոյեմբերի 16-ին ՀՀ վարչապետ Կարեն Կարապետյանի մասնակցությամբ Մոսկվայում տեղի ունեցած Եվրասիական միջկառավարական խորհրդի նիստի վերաբերյալ կառավարության տարածած հաղորդագրության մեջ:
Խնդիրն այն է, որ կառավարության այս հաղորդագրության մեջ նշվածը բացարձակապես չի համապատասխանում իրականությանը: 2017 թվականից չի գործելու միասնական շուկան: Հակառակը` դրանից 15 օր առաջ նույնիսկ ԵԱՏՄ-ից «զուգահեռ ներկրման» սխեմայով դեղերի ներկրումը Հայաստան գրեթե իսպառ կդադարի եւ դա սահմանված է «Դեղերի մասին» նոր օրենքի տրամաբանությամբ: Օրենքի մշակմանը ակտիվորեն մասնակցած պաշտոնյաները ամեն տեղ հայտարարում են, թե կխթանվի «զուգահեռ ներկրումը», սակայն օրենքի դրույթները լրիվ հակառակն են: Եթե նույնիսկ Ռուսաստանում եւ Հայաստանում գրանցված նույն արտադրողի նույնանուն դեղը, որոնց տուփերը ու փաթեթավորումը համընկնում են 100 տոկոսով, ՌԴ-ից այդ դեղը Հայաստան ներկրել հնարավոր չի լինելու, քանի որ դրա գրանցման իրավատերերը` «հոլդերները» տարբեր են ՀՀ-ում եւ ՌԴ-ում: Իսկ օրենքը պարտադիր պայման է սահմանում, որ այդ «հոլդերները» նույնը լինեն: Իսկ դա բերելու է դեղերի կտրուկ թանկացման:
Օրենքը անիմաստ ու անտրամաբանական պահանջներ է ներկայացնում ներկրվող դեղերի փաթեթավորմանը: Եթե ներկրված որեւէ դեղի տուփի վրա առկա է նույնիսկ դիզայնի աննշան տարբերություն, որը համաձայնեցված չէ «Դեղգործակալության» հետ, ապա այդ անվանումով դեղերի բոլոր խմբաքանակների իրացումը պետք է կասեցվի: Նույնիսկ այն խմբաքանակների, որոնք գրանցված նմուշի հետ բացարձակ նույնական են եւ ներկրվել են առողջապահության նախարարության օրինական թույլտվությամբ: Կասեցված մեկ անվանում դեղի պահպանումը առաջացնում է խոշոր տուգանք՝ 1 միլիոն դրամ: Նշանակում է միակ տարբերակը այդ դեղի թե՛ նախկին, թե՛ ներկա բոլոր խմբաքանակները մեծածախ պահեստներից եւ դեղատներից անմիջապես հավաքելն ու ոչնչացնելն է: Բայց կասեցումը ժամանակավոր գործընթաց է, որը կարճ ժամանակում ենթակա է վերացման: Մնում է անհասկանալի այս պաթոլոգիական վնասարարության մոտիվը:
Օրենքով տարանջատվել են դեղի մեծածախ եւ մանրածախ իրացմամբ զբաղվող տնտեսվարողները: Այսինքն, այն տնտեսվարողը, որը զբաղվում է դեղերի ներկրմամբ եւ մեծածախ վաճառքով, չի կարող զբաղվել նաեւ մանրածախ առեւտրով: Իսկ դա նշանակում է, որ այսօր դեղատների ցանցեր ունեցող ընկերությունները, որոնք նաեւ դեղեր են ներկրում, պետք է կառուցվածքային խոշոր փոփոխություն անեն: Պետք է հիմնեն մի այլ ընկերություն, որը կզբաղվի միայն ներկրմամբ ու մեծածախ առեւտրով, իսկ իրենք շարունակեն զբաղվել մանրածախ առեւտրով: Բայց այդ դեպքում կառաջանան հարկային շատ խոշոր պարտավորություններ, որոնք լրացուցիչ ֆինանսնական բեռ են դառնալու ընկերությունների համար այդ պահին:
Իսկ եթե մեծածախ առեւտրով զբաղվողը հիմնի մեկ այլ ընկերություն, որը պետք է զբաղվի նաեւ մանրածախ առեւտրով, ապա ցանցի ամեն դեղատան համար պետք է ստանա լիցենզիա: Դա էլ կարող է ամիսներ տեւել, իսկ այդ ընթացքում դեղատունը չի կարող գործել: Ուշագրավն այն է, որ մանրածախ-մեծածախ այս տարանջատումը բացարձակապես իմաստ չունի գոնե այն պատճառով, որ այդ տարանջատված տնտեսվարողները ըստ օրենքի կարող են լինել փոխկապակցված: Այսինքն նույն մարդիկ կարող են հիմնել մի ընկերություն, որը զբաղվում է միայն մեծածախ առեւտրով, եւ հենց այդ նույն մարդիկ ստեղծեն մեկ այլ ընկերություն, որը կզբաղվի բացառապես մանրածախ առեւտրով: Թե որն է սրա իմաստը, ոչ ոք մինչ օրս տրամաբանական բացատրություն չի տվել:
Օրենքը ուժի մեջ մտնելուց հետո շատ ու շատ դեղեր կարող են իրացվել միայն բուժող բժշկի տված դեղատոմսով: Սա միայն առաջին հայացքից է թվում պարզ գործողություն: Չկան վերլուծություններ, թե արդյոք մեր պոլիկլինիկաները պատրաստ են արագ սպասարկել այն մարդկանց, որոնք ամեն դեղ գնելու համար ստիպված պետք է դիմեն իրենց բժշկին՝ դեղատոմս դուրս գրելու համար: Ինչ են անելու, ասենք, գյուղերի բնակիչները, եթե դեղի շտապ կարիք ունենան... Այս գործընթացը կանոնակարգելու համար անհրաժեշտ են բազմաթիվ նորմատիվ ակտեր, որոնք դեռ պատրաստ չեն: Դեղատները պետք է ունենան հիվանդների ողջ տեղեկատվական բազան, ինչպես նաեւ գտնվեն ընդհանուր էլեկտրոնային ցանցում, որպիսին գոյություն չունի: Տասնյակ նման չլուծված խնդիրները ընդամենը 20 օր անց քաոսի են բերելու:
Այս օրենքի հետ կապված բազմաթիվ հարցեր անընդհատ բարձրացվել են լրատվամիջոցներում, սակայն դրանք մնացել են անպատասխան: Իրավասու պաշտոնյաները ոչ հերքել, ոչ էլ պարզաբանել են այս հարցերը: Ակնհայտ է, որ օրենքը պետք է արմատական փոփոխությունների ենթարկվի, իսկ մինչ այդ դրա գործողության մեջ մտնելը պետք է հետաձգվի անորոշ ժամկետով: Իսկ ամենակարեւորն այն է, որ օրենքում փոփոխություններ կատարելիս պետք է այդ գործից կիլոմետրերով հեռու պահել բոլոր նրանց, ովքեր որեւէ կերպ մասնակցել են դրա մշակմանը նախկինում: Դրանով կբացառվեն այն մութ շահերը, որոնք դրվել են օրենքի հիմքում:
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
© 2024 Հայկական ժամանակ