Հայտնի է բենզինի նոր ներկրողը. Կարեն Կարապետյանի գալով նա մուտք գործեց շուկա

ՀՀ Տնտեսական մրցակցության պետական պաշտպանության հանձնաժողովի նախագահ Արտակ Շաբոյանը Armtimes.com-ի հետ զրույցում ասել էր, որ Հայաստան բենզին ներկրողների ցանկում հոկտեմբեր ամսից ավելացել է եւս մեկը: Այս կազմակերպությունը «Մաքս պետրոլ» ՓԲԸ-ն է: «Ես մշտապես ասել եմ, որ բենզինի ոլորտը գտնվում է մեր ուշադրության ներքո: Այո, վերջին մի քանի տարիներին այնտեղ երկու խոշոր ներմուծողներ են եղել, հոկտեմբերից նոր ընկերություն է հայտնվել՝ «Մաքս պետրոլը» որը սկսել է Ռուսաստանից ու Ռումինիայից մեծ քանակությամբ բենզին ներկրել, ինչը փաստում է այն մասին, որ շուկայում խոչընդոտներ չկան»,- ասել էր Արտակ Շաբոյանը:

Հասկանալու համար, թե ի՞նչ կազմակերպություն է «Մաքս պետրոլ»-ը նախ փորձեցինք համացանցի բաց աղբյուրներից օգտվել: Բացի մեր հրապարակումից ուրիշ որեւէ կայքում «Մաքս պետրոլ» անվանումը չհանդիպեցինք: Իրավաբանական անձանց պետական ռեգիստրի գրանցամատյանում այս կազմակերպությունը գրանցվել է 2016 թվականի սեպտեմբերի 5-ին, այն ժամանակ, երբ խոսվում էր վարչապետ Հովիկ Աբրահամյանի հրաժարականի մասին եւ նոր կառավարություն ղեկավարի ամենահավանական թեկնածուն էր համարվում Կարեն Կարապետյանը:

«Մաքս պետրոլ»-ի միակ հիմնադիրը Պատրիկ Աճեմյանն է, որն իր աշխատանքային ուղին սկսել է «Հերմես» ՓԲԸ-ից՝ աշխատելով որպես  ֆինանսական գծով տնօրեն (2002 թ.): 2002 թվականից առ այսօր Հայաստանի պետական տնտեսագիտական համալսարանի «Ֆինանսական» ֆակուլտետի «Ֆինանսներ» ամբիոնի ասիստենտ է: 2004-2005 թվականներին էլ աշխատել է ՀԷՑ-ում:

Պարզվում է, Պատրիկ Աճեմյանը «Մաքս պետրոլ»-ը հիմնադրել եւ գրանցել է այն վայրում, որտեղ ապրում է: Այսինքն՝ իր տանը, քանի որ ՓԲԸ-ի վկայականում կազմակերպության գործունեության իրականացման հասցեն նա նշել է նույն վայրը:

Ընկերության կանոնադրական կապիտալը կազմում է 100 հազար դրամ, որն էլ կազմում է 100 սովորական բաժնետոմս, իսկ մեկ բաժնետոմսի անվանական արժեքը սահմանված է 1000 դրամ:

«Մաքս պետրոլ»-ի գործադիր մարմնի ղեկավարը, տնօրենը Պատրիկ Աճեմյանն է: Մեր զրույցում նա ասաց, որ արտերկրում է եւ միայն մի քանի օրից Հայաստանում կլինի եւ կպատասխանի մեր հարցերին:

Հիշեցնենք, որ տարիներ շարունակ Հայաստանի բենզինի շուկայում գերիշխող դիրք են զբաղեցնում «Ֆլեշ» եւ «ՍՊՍ» ընկերությունները: Մինչ օրս որեւէ ընկերության չի հաջողվել մեծածավալ ներկրումներ կատարել Հայաստան, իսկ «Մաքս պետրոլ»-ի հայտնվելն իր հետ բազմաթիվ հարցեր է առաջացրել:

Տպել
18017 դիտում

Ժնևում կողմերը պայմանավորվել են չհարվածել քաղաքացիական բնակչությանը, փոխանցել իրենց մոտ գտնվող ռազմագերիների ցուցակը

Ժնևում ավարտվել է ՀՀ և Ադրբեջանի արտգործնախարարների՝ ավելի քան 7 ժամ տեւած հանդիպումը

Ադրբեջանից վերադարձված գերին մանրամասներ է պատմում մյուս գերիների հանդեպ դաժան վերաբերմունքի մասին (տեսանյութ)

Ադրբեջանը օգտագործում է ֆոսֆոր պարունակող զենք, որը զանգվածային ոչնչացման բնույթ ունի. ՀՀ ՄԻՊ (տեսանյութ)

Էգեյան ծովի թուրք-հունական հատվածում երկրաշարժի հետեւանքով 14 զոհ, 542 տուժած կա 2 կողմում. ամփոփ

Պատերազմը սկսելուց հետո որեւէ պատգամավոր պարգևավճար չի ստացել ու չպիտի էլ ստանա. Վահագն Թեւոսյան

Եթե Ադրբեջանը կընկնի մեր իշխանությունների ոտքերը՝ թող գան, եթե ոչ, պիտի չհոգնենք կռվից, մինչեւ Քուր գնանք. Ռ.Պետրոսյան

ՀՀ և ԱՀ ՄԻՊ-երը Արցախ այցի համատեղ հրավեր են ուղարկել Հայաստանում հավատարմագրված դիվանագիտական ներկայացուցչություններին

Մեր զինված ուժերն ունեն որոշակի դիրքային առավելություններ. ՊՆ ներկայացուցիչ

Լեգիոներների սահմանափակում. ինչպես են թիմերը լուծում խնդիրը

Կապանի Դավիթ բեկ բնակավայրում այսօր մարտական գործողություններ են եղել. Արծրուն Հովհաննիսյան

ԱՄՆ-ն փաստում է՝ Ադրբեջանը վարանում է համաձայնվել առանց նախապայմանների հրադադարին․ Արմենպրես

Հրետակոծության հետևանքով Արցախի Ակնաղբյուր գյուղում սպանվել է 60-ամյա տղամարդ. 6 խաղաղ բնակիչ վիրավոր են. Արցախի ՄԻՊ

Դավիթ Տոնոյանը եւ Ֆրանսիայի դեսպան Ժոնաթան Լաքոտը քննարկել են ռազմական գործողությունների գոտում տիրող իրավիճակը

Եվրոպական մշակութային կոնվենցիայի մասնակից երկրների համաժողովում կոչ է արվել դատապարտել թուրքադրբեջանական ագրեսիան.ԿԳՄՍՆ

Արսեն Թորոսյանը Գեղարքունիքում ծանոթացել է վիրավոր զինվորների և կորոնավիրուս ունեցող պացիենտների բուժման ընթացքին

Ապարանի ոստիկանները Արցախից բերված փամփուշտներ են հայտնաբերել

«Մեր օգնությունը բանակին այսօր առավել քան երբեւէ պետք է»․ քաղաքացին իր անձնական ավտոմեքենան կնվիրաբերի բանակին

1000 դրամների շեմը վերանայելու հարցով քննարկումներ են սկսվել. «կընտրվի այն մոտեցումը, որը լավագույն լուծումը կլինի»

ԱԻՊԾ տնօրենին շնորհվել է փրկարարական ծառայության գեներալ-մայորի կոչում. համակարգի մի խումբ աշխատակիցներ պարգևատրվել են