Գարեգին Չուգասզյանը համագործակցության մեսիջներ է ուղարկում Ռուբեն Վարդանյանին

01/11/2016 schedule10:30

2017 թվականի ընտրություններին ընդառաջ սփյուռքն աննախադեպ ակտիվացել է: Նախորդ երկու համապետական ընտրություններում եւ հետընտրական զարգացումներում նույնպես սփյուռքը որոշակիորեն ներգրավվեց, բայց դա հիմնականում անհատական բնույթ էր կրում եւ որեւէ կենտրոնից չէր կազմակերպվում: 2008, 2013 թվականներին ակտիվ սփյուռքահայերը 10 հոգի էլ չէին լինի, որոնք ակտիվանում էին քարոզարշավի վերջին փուլում կամ հետընտրական զարգացումների ժամանակ:

Հիմա բոլորովին այլ իրավիճակ ունենք: Ընտրություններից դեռ 6 ամիս կա, բայց սփյուռքի հայրենակիցները հայաստանյան քաղաքական ուժերի հետ հավասար մտել են գործընթացի մեջ: Ընդ որում, դա տեղի է ունենում ոչ թե նախկինի նման անհատական նախաձեռնությունների տեսքով, այլ համակարգային ձեւով: Այս պահին ունենք երկու նման խոշոր նախաձեռնություն, եւ բոլորովին չի բացառվում, որ մինչեւ ընտրություններ նորերն ի հայտ գան:

Խոսքը մեկ ամիս առաջ մի խումբ անվանի սփյուռքահայերի նախաձեռնած «Արդարություն Հայաստանում» խորագրով ստորագրահավաքի, եւ անցյալ շաբաթ էլ ավելի անվանի սփյուռքահայերի նախաձեռնած «Գլոբալ հայերի ապագան այսօր է» վերնագրով բաց նամակի մասին է: Երկու դեպքում էլ հեղինակներն իրենց մտահոգությունն են հայտնում ՀՀ ներկայի եւ ապագայի վերաբերյալ եւ ներհայաստանյան գործընթացներին մասնակցելու հայտ են ներկայացնում:

Թե ինչու են հատկապես այս ընտրություններից առաջ սփյուռքի մեր հայրենակիցներն այսքան ակտիվացել, առանձին վերլուծության թեմա է: Այս պահին աչք է ծակում մեկ այլ երեւույթ. սփյուռքում նույնպես չեն կարողանում միասնական մոտեցում ձեւավորել Հայաստանում փոփոխությունների հարցում, այնպես, ինչպես տարիներ շարունակ դա չի ստացվում հայաստանյան ընդդիմադիրների մոտ: «Գլոբալ հայերը» եւ «Արդար հայերը» արտահայտում են նույն մտահոգությունները, խոսում են գրեթե նույն լեզվով: «Արդար հայերի» գաղափարակիրն ու առաջամարտիկն Արսինե Խանջյանն է, «Գլոբալ հայերինը»` Ռուբեն Վարդանյանը: 

«2017թ. գարնանը կայանալիք խորհրդարանական ընտրությունները ՀՀ իշխանությունների համար վերջնական հնարավորություն է՝ կատարելու վերափոխմանը միտված ազնիվ քայլերը»,- ասում է Արսինե Խանջյանը: «Այդ որոշումները (կառավարման մոդելի փոփոխության,-Ա.Հ.) պետք է ավարտին հասցնել, քանի որ մեր իրավիճակում կիսատ քայլերը կարող են լիակատար կործանման հանգեցնել... Մենք երկրորդ հնարավորություն չենք ունենալու»,- ասում է Ռուբեն Վարդանյանը:

«Անկախության 25-րդ տարում ՀՀ-ն առերեսվում է սոցիալական, քաղաքական եւ տնտեսական մեծ մարտահրավերների, որոնք խոչընդոտում են հանրապետության կենսունակությունը»,- ասում է Խանջյանը: «Մենք ՀՀ Անկախության 25-ամյակին մոտեցանք մի իրավիճակում, երբ այս տարիների ընթացքում ստեղծված երկրի կառավարման մոդելն իրեն սպառել է»,- ասում է Վարդանյանը:

Նրանք երկուսը խոսում են Արցախի գլխին կախված վտանգի մասին, ՀՀ-ում անհավասար մրցակցային պայմանների, օլիգարխների, արտագաղթի եւ բոլորիս քաջ հայտնի մյուս մտահոգիչ երեւույթների մասին: Երկուսն էլ նշում են, որ սփյուռքը իրավունք չունի անտարբեր մնալ, կարեւորում են իրենց երկրների օրինակն ու կրթական նախագծերը ՀՀ ներմուծելը եւ այլն: «Արդար հայերը» մի քիչ ավելի սուր եւ անբռնազբոս են արտահայտվում, «Գլոբալ հայերը»` ավելի նուրբ եւ դիվանագիտորեն:

Սակայն նրանք սինխրոն են նույնիսկ իրենց թույլ կետում. երկուսն էլ ասելիքը ամենավճռական պահին ընդհատում են, խոսում են «вокруг до около» եւ նշանակետին այդպես էլ չեն հասնում: Ավելին, երկուսի դեպքում էլ փոփոխությունների հույսը կապվում է Սերժ Սարգսյանի հետ: Մեկն ասում է՝ մենք ընտրություններում դիտորդություն կանենք, դուք արդար ընտրություններ կազմակերպեք: Մյուսն ասում է՝ մեզ ներգրավեք եւ մենք ձեզ կօգնենք իրական փոփոխություններ անել:

Այսքանից հետո ընդհանրապես անհասկանալի է, թե ինչու «Գլոբալ հայերը» չեն ստորագրել «Արդար հայերի» հայտարարության տակ եւ հակառակը: Նշենք, որ երկուսը միասին ներկայացնում են սփյուռքահայ էլիտայի մի հսկայական հատված` շուրջ 60 անվանի հայեր` Ազնավուրից մինչեւ Թանկյան, Նուբար Աֆեյան, Հասմիկ Պապյան, Վահե Բերբերյան, Սեմ Սիմոնյան, Սամվել Կարապետյան, Ատոմ Էգոյան եւ այլն:

Գուցե սխալվում ենք, բայց տպավորություն կա, որ այս երկու նախաձեռնությունն էլ որոշակի թելերով կապված են ՀՀ քաղաքական ուժերի հետ. «Արդար հայերը»՝ Հիմնադիր խորհրդարանի, «Գլոբալ հայերը»` Վարդան Օսկանյանի կուսակցության: ՀԽ նախագահ, հետախուզման մեջ գտնվող Գարեգին Չուգասզյանը անցյալ շաբաթ հատուկ արձագանքեց Ռուբեն Վարդանյանի հարցազրույցին` ուժերը մեկտեղելու կոնկրետ մեսիջներ փոխանցելով:

Ի՞նչ է այս ամենը նշանակում, արդյոք առաջիկայում արդար եւ գլոբալ հայերը կմիավորվե՞ն, ինչպե՞ս կներգրավվեն 2017-ի ընտրություններին, կամ իշխանությունը թույլ կտա՞, որ առհասարակ ներգրավվեն, թե՞ նրանց հարցերն էլ կլուծի այնպես, ինչպես ընդդիմության հարցերն է լուծում Հայաստանում. ցույց կտա ժամանակը:

Փաստ է, սակայն, որ 2017-ից առաջ Սերժ Սարգսյանի դիմադրության ուղղությունները շատանում են եւ նրա հիմնական զենքը` ֆինանսական հոսքերը վերահսկելը, որ արդյունավետ է երկրի ներսում, կորցնում է ուժը, որովհետեւ սփյուռքի հնարավորություններն այս առումով անսահմանափակ են:

Տպել
12368 դիտում

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները