Ծառուկյան VS Արգամիչ. խնամիներից մեկը կվերադառնա, մյուսը կհեռանա՞ քաղաքականությունից

Գագիկ Ծառուկյանը ցանկանում է վերադառնալ քաղաքականություն: 2015 թվականի փետրվարյան ցավոտ իրադարձություններից հետո առաջին անգամ Ծառուկյանի վերադարձի ռեալ նշաններ կան: Նախօրեին, ինչպես գրել էինք, նա այդ հարցը քննարկել է անգամ ԲՀԿ վերնախավի հետ, ինչը երեկ չհերքեցին ԲՀԿ մի քանի պատգամավորներ:

Հիշեցնենք, փետրվարի 12-ին Սերժ Սարգսյանը ՀՀԿ խորհրդի նիստում սկանդալային ելույթ ունեցավ՝ Գագիկ Ծառուկյանին անվանելով քաղաքական չարիք, հայտարարելով, որ ժամանակին ինքն է արգելել օգտագործել «Դոդի Գագո» եզրույթը եւ սպառնալով բացահայտել Ծառուկյանի տնտեսական հանցագործությունները: Որպես հետեւանք` Ծառուկյանը վայր դրեց ԲՀԿ նախագահի լիազորությունները եւ հայտարարեց քաղաքականությունից դուրս գալու մասին:

ԱԺ պատգամավորի մանդատից նա, սակայն, չհրաժարվեց, թեեւ քաղաքականությունից դուրս գալու համար առաջին հերթին պետք էր մանդատը վայր դնել: Ծառուկյանի դեպքում, սակայն, քաղաքականությունից հեռանալը եւ միաժամանակ պատգամավոր մնալը ժամանակին նորմալ ընկալվեց: Որեւէ մեկի մոտ հարց  չառաջացավ՝ ինչպե՞ս է դա հնարավոր եւ ինչո՞ւ է նա պահպանում մանդատը, որովհետեւ 5-րդ գումարման ԱԺ նիստերին Ծառուկյանը ավելի քիչ է հայտնվել, քան խորհրդարանի էլեկտրիկը (վերջինս երբեմն ստիպված է լինում խափանված տեխնիկան նիստին զուգահեռ արագ նորոգել):

Մինչդեռ, եթե վերադառնանք փետրվարյան իրադարձություններին, կհիշենք, որ Ծառուկյանն այն ժամանակ այնպիսի վիճակում էր, որ չէր կարող ինքնուրույն որոշել` ինչից է հրաժարվում, ինչից` ոչ: Այդ ամենը մանրակրկիտ կերպով համաձայնեցվում էր Սերժ Սարգսյանի հետ: Այսինքն, եթե Սերժ Սարգսյանն այն ժամանակ ասեր, որ պետք է նաեւ մանդատը վայր դնի, Ծառուկյանը մեկ վայրկյան անգամ չէր վարանի: Սարգսյանը, սակայն, բավարար համարեց ԲՀԿ ղեկավարի լիազորությունները վայր դնելը, իսկ մանդատը պահպանվեց:

Դժվար է ասել՝ ամեն ինչ ի սկզբանե՞ էր մտածված, թե՞ ոչ, սակայն ներկայացնենք մի քանի փաստ եւ մի քանի հնարավոր զարգացում, որոնք կարող են բացատրել, թե Սերժ Սարգսյանի ինչին էր պետք, որ Ծառուկյանը շարունակի մնալ պատգամավոր:

Ի՞նչ տեղի ունեցավ Գագիկ Ծառուկյանի քաղաքականությունից դուրս գալուց հետո: Նրա հիմնադրած կուսակցության նախագահ դարձավ Նաիրա Զոհրաբյանը, որին տրվեց գործելու եւ կուսակցությունը ղեկավարելու լիակատար ազատություն: Այսինքն, Ծառուկյանը ոչ միայն դե յուրե, այլեւ դե ֆակտո դադարեց «Բարգավաճ Հայաստանի» առաջնորդը լինել, կուսակցության հետ կապված ամբողջ պատասխանատվությունը թողնելով Նաիրա Զոհրաբյանի վրա: Վերջինս այս ընթացքում բազմիցս հայտարարել է, որ իր եւ Ծառուկյանի շփումները քաղաքականությունից դուրս են, ինչը նշանակում է, որ քաղաքական քայլերը Զոհրաբյանը չի քննարկել եւ չի համաձայնեցրել Ծառուկյանի հետ:

Նաիրա Զոհրաբյանի համար, սակայն, դժվար կլիներ կուսակցության գործունեության վերաբերյալ ռազմավարական նշանակության որոշումները առանց որեւէ մեկի ծանրակշիռ խորհուրդների կայացնելը: Զոհրաբյանին այլ բան չէր մնում, քան ապավինել իր վաղեմի բարեկամ, այդ ժամանակ վարչապետ Հովիկ Աբրահամյանին: Վերջինս էլ, իհարկե, չէր կարող մերժել բարեկամուհուն, որի փխրուն ուսերին այդքան ծանր բեռ էր ընկել:

Եվ ահա Աբրահամյանի խորհուրդներով եւ մեծ թվով անդամներ կորցնելով՝ ԲՀԿ-ն իրեն հայտարարեց ընդդիմություն, եւ այս մեկուկես տարվա ընթացքում  ակտիվ մասնակցեց իշխանությունների դեմ տարբեր քաղաքական ֆորմատների, ներքին դավադրությունների: Արդեն գրել ենք, որ վարչապետի պաշտոնից Հովիկ Աբրահամյանի հեռացման պատճառներից մեկը այս բոլոր պրոցեսներին նրա անուղղակի մասնակցությունն էր:

Սակայն մոտենում են 2017 թվականի ընտրությունները, եւ Նաիրա Զոհրաբյանը առավել քան երբեւէ՝ հենարանի կարիք է ունենալու: Հարց է առաջանում, ո՞վ պետք է լինի այդ հենարանը, արդյո՞ք կրկին Հովիկ Աբրահամյանը: Իսկ գուցե ավելի լավ կլինի` Գագիկ Ծառուկյա՞նը: Ճիշտ է՝ Աբրահամյանն ու Ծառուկյանը խնամիական հարաբերություններով են կապված, սակայն դա արդեն խիստ երկրորդական է, որովհետեւ փետրվարյան դրամայից հետո Ծառուկյանը Սերժ Սարգսյանի համար լիովին կառավարելի է դարձել, ինչը բացարձակապես չի կարելի ասել Հովիկ Աբրահամյանի մասին:

Եվ ահա թե ինչու էր պետք պահպանել Ծառուկյանի մանդատը: ԲՀԿ-ում իշխանությունը վերականգնելու հարցում քաղաքացի Ծառուկյանը, մեղմ ասած, չէր կարող մրցել քաղաքացի Աբրահամյանի հետ: ԱԺ պատգամավոր Ծառուկյանը քաղաքացի Աբրահամյանի նկատմամբ ակնհայտ առավելություն ունի:

Այս պահին բոլոր հիմքերը կան, որպեսզի խնամի Ծառուկյանը վերադառնա քաղաքականություն, իսկ Հովիկ Արգամիչը դուրս գա քաղաքականությունից: Ինչպես կզարգանան իրադարձությունները, ցույց կտա ժամանակը: Եթե Գագիկ Ծառուկյանն իսկապես վերադառնա քաղաքականություն, եւ մեր վարկածը հաստատվի, ապա կստացվի, որ Գագիկ Ծառուկյանը հերթական անգամ Սերժ Սարգսյանին օգնեց վերացնել իր քաղաքական մրցակցին: 2012 թվականի խորհրդարանական ընտրություններից առաջ Սարգսյանը Ծառուկյանի միջոցով չեզոքացրեց Լեւոն Տեր-Պետրոսյանին: 2017-ից առաջ փաստորեն նույնը կարող է պատահել Հովիկ Աբրահամյանի հետ:

Տպել
6333 դիտում

Գյումրիում «Բալասանյան» դաշինքի թեկնածուի նախընտրական պաստառի համար ծառի ճյուղեր են կտրում (տեսանյութ)

Բացահայտվել են ռազմամթերքի մատակարարման գործում ՀՀ ԶՈՒ բարձրաստիճան պաշտոնյայի լիազորությունները չարաշահելու դեպքեր. ԱԱԾ

Հանդիպումը, որը կայացավ պատերազմից մեկ տարի անց, դրական քայլ է. Ֆրանսիայի ԱԳ նախարարը Միրզոյան-Բայրամով հանդիպման մասին

Ստեփանակերտը Երևանի թիկունքն է ու հենարանը. Հայկ Մարությանի շնորհավորել է Ստեփանակերտի օրը

Հակամարտության կարգավորումը պետք է տեղի ունենա ԵԱՀԿ ՄԽ համանախագահության հովանու ներքո.Միրզոյանը հանդիպել է Նուլանդի հետ

Գյումրեցին անպայման պետք է լսի Ստեփանակերտի թատրոնի ասելիքը. Աճեմյանի բեմում են արցախի դերասանները

Կոչ եմ անում շինարարությունը տեղափոխել ՀՀ տարբեր հատվածներ. Սուրեն Պապիկյանը մասնակցել է «Build Armenia - 2021» էքսպոյին

Կողոպուտի մեղադրանքով երկու անձ է կալանավորվել

Քաղաքացին պետք է բավարարված և գոհ հեռանա՝ առանց ավել րոպե կամ դրամ ծախսելու. Կարեն Անդրեասյանը ներկայացրեց ՔԿԱԳ պետին

Սեպտեմբերի 27-ին կկատարվի հոգեհանգիստ զոհված հայրենյաց պաշտպանների համար

Տեղի է ունեցել Հայաստանի և Ադրբեջանի ԱԳ նախարարների հանդիպումը

ԵԱՀԿ Մինսկի խմբի համանախագահների հետ հանդիպմանը ՀՀ ԱԳ նախարարը շեշտել է ռազմագերիների հայրենադարձման անհրաժեշտությունը

Զորամասերից մեկում պատերազմի զոհերին նվիրված հուշաքար և մատուռ է բացվել (լուսանկարներ)

Ջանֆիդայի մանկապարտեզի հիմնանորոգումն ավարտվել է

Լևոն Տեր-Պետրոսյանն առանձնազրույց է ունեցել Արցախի Հանրապետության պետնախարար Արտակ Բեգլարյանի հետ

«Օպելի» վարորդը սպառնացել է ոստիկանին, կոտրել մատնեմատը, պոկել կրծքանշանը, հարուցվել է քրեական գործ. Քննչական կոմիտե

Օդի ջերմաստիճանը կնվազի, սպասվում է անձրև

Գետերի մեծ մասում դիտվել է ջրի ելքերի մեծացում

«Օպելի» ուղղությամբ կրակած վարորդը ներկայացել է և կալանավորվել

Հայաստանի Հանրապետությունում սեպտեմբերի 27-ին կհայտարարվի մեկ րոպե լռություն

Ռուստամ Մուրադովը Արշակ Կարապետյանին է ներկայացրել ՌԴ խաղաղապահ ուժերի նորանշանակ հրամանատար Գենադի Անաշկինին

Սահմանվել են տուգանքի նոր չափեր

Զբոսաշրջության ոլորտի առաջատար fvw Travel Talk գերմանական լրատվականի 10 էջը նվիրված է Հայաստանին

Արմեն Խաչատրյանն ազատվել է Էկոնոմիկայի նախարարության գլխավոր քարտուղարի պաշտոնից

«Արևիք» ազգային պարկի տարածքում հրդեհաշիջման աշխատանքները վերսկսվել են

«Ֆիթչ» վարկանիշային գործակալությունն անփոփոխ է թողել Հայաստանի Հանրապետության սուվերեն վարկանիշը` «կայուն» հեռանկարով

Հանդիպել են ՀՀ և Արցախի հանրային ծառայությունները կարգավորող հանձնաժողովների նախագահները

«Երևանի ոսկերչական գործարանի» գույքը վաճառվել է հաշվեկշռային արժեքից շուրջ 4 անգամ ցածր գնով. հարուցվել է քրեական գործ

Ֆրանսիական Շամոնիից՝ հայկական Դիլիջան. հոկտեմբերին Հայաստանում կանցկացվի «Մտքերի հայկական գագաթնաժողովը» (տեսանյութ)

Մեծ աշխարհի այս գողտրիկ անկյունում է բաբախում Արցախի սիրտը. նշվում է Ստեփանակերտի օրը

Երևանի կանաչապատման հիմնարկը նոր տեխնիկա ունի. հիմնարկում վարորդների խնդիր կա (տեսանյութ)

ԵԱՀԿ Մինսկի խմբի համանախագահների միջնորդությամբ հանդիպել են Հայաստանի և Ադրբեջանի արտգործնախարարները

Կորոնավիրուսային իրավիճակն ավելի է վատթարանում. երեկ հաստատվել է 1066 նոր դեպք, գրանցվել՝ 23 մահ

Էդուարդ Հարությունյանն ազատվել է վարչապետի աշխատակազմի արարողակարգի բաժնի պետի պաշտոնից

Միրզոյանը Բոռելի հետ հանդիպմանն ընդգծել է գերիների հայրենադարձման խնդրի քաղաքականացման անընդունելիությունը (տեսանյութ)

Հատուկ ծրագիր Հովհաննես Շարամբեյանի անվան ժողովրդական արվեստների թանգարանում

Շենաթաղում բռնկված հրդեհն ինքնամարվել է

Երևանի մի քանի փողոցում և 4 մարզի որոշ համայնքներում լույս չի լինի

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը