Երևան
21 °C
Սերժ Սարգսյանը Վաշինգտոնից նոր գլուխկոտրուկ առաջադրեց, ու արդեն քանի օր է՝ քաղաքական կուլիսներում փորձում են գտնել դրա պատասխանը:
Իր ամերիկյան այցի ընթացքում Սարգսյանը, հիշեցնենք, «Քարնեգի» հիմնադրամում հայտարարել էր. «Ես, իրոք, կարող եմ կանխատեսել, թե ով կարող է լինել Հայաստանի ապագա առաջնորդը, բայց վախենամ՝ եթե հայտարարեմ, ապա այդ մարդը դժոխային օրեր կունենա մինչեւ առաջնորդ դառնալը»: Հետաքրքիր է, որ մոտավորապես նույնաբովանդակ մի հայտարարություն էր արել նաեւ Ռոբերտ Քոչարյանը՝ իր պաշտոնավարման երկրորդ ժամկետի ավարտից մեկ տարի առաջ: «Ամենեւին էլ այն մարդը չի լինելու ՀՀ հաջորդ նախագահը, ում մասին մտածում են»,- 2007-ի նախաշեմին՝ լրագրողների ամանորյա ընդունելության ժամանակ հայտարարել էր Քոչարյանը: Բայց եթե վերջինիս «գլուխկոտրուկը» լուծվեց անմիջապես, ու բոլորի համար պարզ էր, որ Քոչարյանը Սարգսյանին նկատի ունի, ապա Սարգսյանի դեպքում այլ է: Այս ընթացքում նախագահի մի քանի թեկնածուների անուններ են շրջանառվել՝ սկսած պաշտպանության նախարար Սեյրան Օհանյանից, վերջացրած Սահմանադրական դատարանի նախագահ Գագիկ Հարությունյանով: Օհանյանի անունը, սակայն, որոշ ժամանակ անց դուրս եկավ շրջանառությունից: Նրա PR-ը սկսելուն պես նա իսկապես դժոխային օրեր ունեցավ: Նրա դեմ մեծ արշավ սկսվեց, ընդ որում, գրոհն ակնհայտորեն կազմակերպվում էր իշխանական մի թեւից: Այսպիսով, Օհանյանի հարցը փակվեց:
Սերժ Սարգսյանի՝ ԱՄՆ մեկնելուց անմիջապես առաջ մի բավական ուշագրավ բան տեղի ունեցավ, որը վրիպել էր շատերի աչքից: Մյուռոնօրհնեքի օրը՝ սեպտեմբերի 27-ին, Սերժ Սարգսյանը քաղաքական վերնախավի հետ Մայր Աթոռ Սուրբ Էջմիածնում ներկա էր Վարագա Ս. Խաչի տոնին, որտեղ ամենայն հայոց կաթողիկոս Գարեգին Երկրորդի ձեռամբ կատարվում էր Սրբալույս Մյուռոնի օրհնության արարողությունը: Սերժ Սարգսյանի մի կողքին արարողության ողջ ընթացքում կանգնած էր նրա հատուկ հանձնարարություններով դեսպան, ԼՂՀ նախկին նախագահ Արկադի Ղուկասյանը՝ կնոջ հետ, մյուս կողքին՝ ԱԺ նախագահ Գալուստ Սահակյանը՝ կնոջ հետ: Սա, նկատենք, արարողակարգի կոպիտ խախտում է: Ըստ արարողակարգի, երկրի նախագահի կողքին կանգնում են մի կողմից՝ վարչապետը, մյուս կողմից՝ Ազգային ժողովի նախագահը: Այդ օրը, սակայն, վարչապետ Հովիկ Աբրահամյանը կանգնած էր Արկադի Ղուկասյանի կողքին եւ կանգնած էր դեմքի բավական խոժոռ ու մտախոհ արտահայտությամբ: Թե ինչ է արարողակարգի այս ցուցադրական խախտումը նշանակում, իհարկե, դժվար է միանշանակ ասել: Մինչ այս Արկադի Ղուկասյանի անունը շրջանառվում էր որպես Լեռնային Ղարաբաղի Հանրապետության հաջորդ նախագահի թեկնածու: Ինքը՝ Ղուկասյանը, մեզ հետ զրույցում այդ կապակցությամբ ասել էր, թե հիմա ժամանակը չէ իր առաջադրման մասին խոսելու: Չի բացառվում, իհարկե, որ արարողակարգի սույն խախտումն իրականում կապ ունի Ղուկասյանի ԼՂՀ նախագահ դառնալու սցենարի հետ, բայց եւ չի բացառվում, որ դրանով Սարգսյանն իր թիմին մեսիջ է ուղարկել՝ կապված հայաստանյան զարգացումների հետ: Ամեն դեպքում, այս ցուցադրությունը դժվար է պատահական անվանել: Սարգսյանը դա արեց եւ անմիջապես էլ այնտեղից մեկնեց ԱՄՆ, որտեղից լսեցինք նրա վերոնշյալ հայտարարությունը Հայաստանի ապագա առաջնորդի մասին:
Հանրապետականի վերին օղակները խուսափում են որեւէ անուն նշել եւ մեկնաբանել Սերժ Սարգսյանի ասածը, մանավանդ որ, սահմանադրական փոփոխություններով երկրի կառավարման ողջ կառուցվածքը փոխվում է, ու դժվար է ասել՝ ՀՀ ապագա առաջնորդ ասելով, Սերժ Սարգսյանը հատկապես ինչ նկատի ունի՝ վարչապե՞տ, ԱԺ նախագա՞հ, թե ՀՀ նախագահ: Ի դեպ, վարչապետ Հովիկ Աբրահամյանն արդեն հայտարարել է, որ ինքը ընտրություններից հետո կրկին հավակնում է երկրի վարչապետի պաշտոնին: Իսկ ՀՀ նախագահի թեկնածությանը էլի այլ անձինք կարող են հավակնել՝ սկսած, ասենք, տարածքային կառավարման եւ արտակարգ իրավիճակների նախարար Արմեն Երիցյանից: Բայց ՀՀԿ-ում պնդում են, թե իրենց մոտ նման քննարկում չի եղել: Մեր հարցերին երեկ պատասխանել է ՀՀԿ ԳՄ անդամ, ԱԺ ՀՀԿ խմբակցության ղեկավար Վահրամ Բաղդասարյանը:
- Պարոն Բաղդասարյան, Սերժ Սարգսյանը «Քարնեգի» հիմնադրամում հայտարարել էր, որ ինքը կանխատեսում է՝ ով կարող է լինել ՀՀ ապագա առաջնորդը: ՀՀԿ-ում քննարկում եղե՞լ է այս հարցով:
- Ոչ, նման քննարկում չի եղել: Եթե քննարկվեր, բնականաբար, կարող էր նաեւ հայտարարվել:
- Իսկ ինչո՞ւ է Սարգսյանն ասում, որ դժոխային օրեր կունենա այդ անձը, այսինքն, ՀՀԿ-ի ներսո՞ւմ խնդիր կլինի՞, թե դրսում:
- Ես չեմ ցանկանում, իհարկե, նախագահի ասածները մեկնաբանել, բայց իմ կարծիքով, այսօրվա մեր մամուլի, ընդդիմադիրների այդ չարամտությունները կարող են ավելորդ քննարկման եւ շահարկման առարկա դառնալ: Ինձ թվում է, պիտի համբերենք, իրադարձությունները զարգանան, եւ այդ ժամանակ կխոսենք: Նախ, ի՞նչ է նշանակում իրավահաջորդ, ինձ համար անհասկանալի է՝ իշխանության որ ոլորտի իրավահաջորդը:
- Այո, Հայաստանի ապագա առաջնորդ ձեւակերպումն էլ է անհասկանալի:
- Իշխանությունների տարանջատման սկզբունքը դրված է Սահմանադրության մեջ, այս առաջնորդը ինձ համար մի փոքր... նայած, առաջնորդ ասելով, ինչ ենք հասկանում:
- Սեյրան Օհանյանի անունն էր անընդհատ շոշափվում որպես նախագահի ապագա թեկնածու, բայց կարծես թե այդ անունը դուրս եկավ շրջանառությունից:
- Մենք նման քննարկում չենք ունեցել, մեր կողմից որեւէ անուն չի դրվել շրջանառության մեջ:
- Դուք որեւէ մեկին տեսնո՞ւմ եք ապագա նախագահի պոստում:
- Ես բացարձակապես այդ ուղղությամբ չեմ մտածել, որ իմանամ, որովհետեւ մենք դեռ առջեւում Սահմանադրության հանրաքվե ունենք եւ խորհրդարանական ընտրություններ, ընտրությունները կլինեն, որից հետո կմտածենք այն ամենի մասին, ինչը ձեզ անհանգստացնում է:
- Այդ դեպքում, ինչո՞ւ է Սերժ Սարգսյանը հիմա նման հայտարարություն անում:
- Վտանգավոր հայտարարությո՞ւն է արել: Եթե երկրորդ նախագահը կանխատեսում է, երրորդը իրավունք չունի՞: Դրանք կանխատեսումներ են: Յուրաքանչյուր ոք իրավունք ունի կանխատեսում անել:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ