Երևան
12 °C
ԱՄՆ փոխնախագահ Ջեյմս Դի Վենսը հայտարարել է, որ ԱՄՆ-ն և Իրանը չեն կարողացել համաձայնության գալ Իսլամաբադում կայացած բանակցություններից հետո: Վենսի խոսքով՝ Իրանը հրաժարվել է ընդունելուց ԱՄՆ-ի պայմանները, մասնավորապես՝ Միացյալ Նահանգները չի տեսել Թեհրանի կողմից միջուկային զենք չմշակելու «հիմնարար հանձնառությունը»։
ԱՄՆ փոխնախագահ Վենսը ինքնաթիռով հետ է մեկնել Պակիստանից այն բանից հետո, երբ Իրանի հետ լարված բանակցությունները, որոնք տևել են ավելի քան 21 ժամ, չեն հանգեցրել պատերազմին վերջ դնող խաղաղության համաձայնագրի։
«Մենք մի շարք իմաստալից քննարկումներ ունեցանք իրանցիների հետ, և սա լավ լուրն է: Վատ լուրն էլ այն է, որ մենք համաձայնության չհասանք, և ես կարծում եմ, որ դա շատ ավելի վատ լուր է Իրանի համար, քան Միացյալ Նահանգների:
Մենք պարզապես չկարողացանք հասնել այնպիսի իրավիճակի, երբ իրանցիները ընդունեն մեր պայմանները»,- ասել է Վենսը։
Նա ընդգծել է, որ միջուկային զենքի հարցը գլխավորն է ԱՄՆ-Իրան բանակցություններում, և որ նախագահ Թրամփի հիմնական նպատակն է կանխել Թեհրանի կողմից միջուկային զենքի ձեռքբերումը թե՛ հիմա, թե՛ ապագայում։ Վենսի խոսքով՝ Իսլամաբադի բանակցություններում Միացյալ Նահանգները չի տեսել իրանցիների կողմից միջուկային զենք չմշակելու որևէ պարտավորություն։
Ավելի վաղ ԱՄՆ նախագահ Դոնալդ Թրամփը հայտարարել էր, որ չի մտահոգվում Պակիստանում ԱՄՆ-Իրան բանակցությունների արդյունքով։ Նա ասել է, որ Վաշինգտոնն արդեն հաղթանակած է դուրս եկել պատերազմից։
«Ինձ համար կարևոր չէ՝ մենք համաձայնության կհասնենք, թե ոչ։ Հարցն այն է, որ մենք հաղթեցինք: Մենք ամբողջությամբ ոչնչացրել ենք այս երկիրը»,- Սպիտակ տան բակում լրագրողներին ասել է Թրամփը։
Նա կրկնել է իր նախկին պնդումները, որ ԱՄՆ-ն ոչնչացրել է Իրանի ռազմաօդային ուժերը, նավատորմը և ղեկավարությունը ու այժմ աշխատում է Հորմուզի նեղուցով ազատ անցում ապահովելու ուղղությամբ, ինչը, նրա խոսքով, ԱՄՆ-ն անում է այն երկրների անունից, որոնք «կա՛մ վախեցած են, կա՛մ թույլ, կա՛մ ժլատ»։
«ՆԱՏՕ-ն մեզ չօգնեց»,- հավելել է ԱՄՆ նախագահը:
Ինչպե՞ս են ընթացել բանակցությունները
ԱՄՆ-ի, Իրանի և Պակիստանի մասնակցությամբ եռակողմ բանակցությունները սկսվել էին այն բանից հետո, երբ Հարավային Լիբանանում Իսրայելի հարվածները նվազել էին, և այլ նախապայմաններ՝ բավարարվել։
Իրանական պատվիրակությունը գլխավորում էր խորհրդարանի խոսնակ Մոհամմադ Բաղեր Ղալիբաֆը, որը նախկինում Իսլամական հեղափոխության պահապանների կորպուսի անդամ էր։ Պատվիրակության կազմում էին նաև արտգործնախարար Աբբաս Արաղչին, Պաշտպանության խորհրդի քարտուղար Ալի Աքբար Ահմադիանը, Կենտրոնական բանկի նախագահ Աբդոլնասեր Հեմմատին և մի քանի պատգամավոր։
«Մենք լավ մտադրություններ ունենք, բայց վստահություն չկա: Ամերիկացիների հետ մեր բանակցությունների փորձը միշտ ավարտվել է ձախողմամբ և խոստումների խախտմամբ»,- ասել է Ղալիբաֆը Պակիստան ժամանելուն պես։
Ամերիկյան պատվիրակության կազմում փոխնախագահ Ջեյ Դի Վենսից բացի՝ ընդգրկված էին Թրամփի հատուկ դեսպանորդ Սթիվ Ուիթքոֆը և նրա փեսան՝ Ջարեդ Քուշները։
Բանակցությունները սկսվել են լրատվամիջոցներում տարածված այն տեղեկությունների ֆոնին, որ Վաշինգտոնը համաձայնել է բացել սառեցված իրանական ակտիվները, ինչպես նաև Դոնալդ Թրամփի կողմից Հորմուզի նեղուցում ականազերծման գործողություն սկսելու մասին հայտարարության ֆոնին։
«Մենք քննարկեցինք այս բոլոր հարցերը, ինչպես նաև մի շարք այլ հարցեր»,- BBC-ի փոխանցմամբ՝ Իսլամաբադից մեկնելուց առաջ լրագրողների հարցերին պատասխանելով՝ ասել է ԱՄՆ փոխնախագահը։
Բանակցությունների ընթացքում իրանական լրատվամիջոցները հաղորդել են, որ ԱՄՆ-ն «չափազանց մեծ պահանջներ» է ներկայացնում Հորմուզի նեղուցի վերաբերյալ և «անընդունելի պահանջներ մի շարք այլ հարցերի վերաբերյալ»։
Իրանի արտաքին գործերի նախարարության խոսնակ Էսմայիլ Բաղաեին բանակցությունների ավարտից կարճ ժամանակ առաջ հայտարարել է, որ դրանց հաջողությունը «կախված է հակառակ կողմի լրջությունից և բարի կամքից»։ Բաղաեին նաև կոչ է արել Վաշինգտոնին զերծ մնալ «չափազանց մեծ պահանջներից և անօրինական խնդրանքներից» և ճանաչել Իրանի «օրինական իրավունքներն ու շահերը»։
Financial Times-ը հաղորդել է, որ շաբաթ երեկոյան բանակցությունները փակուղի են մտել Հորմուզի նեղուցի շուրջ հարցի պատճառով. աղբյուրները հրատարակությանը հայտնել են, որ Իրանը պնդում է պահպանել ջրային ուղու վերահսկողությունը և գանձել նավերից վճարներ՝ մերժելով նեղուցի համատեղ վերահսկողության տարբերակները։
Իր հերթին Վենսը նկարագրել է ԱՄՆ մոտեցումը բանակցություններին. «Կարծում եմ՝ մենք բավականաչափ ճկուն ենք եղել, բավականաչափ հարմարվողական»։
Նա նաև ասել է, որ ժամեր տևած բանակցությունների ընթացքում մի քանի անգամ խոսել է ԱՄՆ նախագահ Դոնալդ Թրամփի հետ՝ նշելով. «Չգիտեմ, թե քանի անգամ ենք խոսել, գուցե կես տասնյակ, գուցե տասնյակ անգամ վերջին 21 ժամվա ընթացքում»։
Պակիստանի արտաքին գործերի նախարար Մուհամմադ Իսհաք Դարը խաղաղության բանակցությունների ավարտից հետո հայտարարել է՝ «կարևոր» է, որ երկու կողմերն էլ շարունակեն պահպանել հրադադարը։
«Մենք հույս ունենք, որ երկու կողմերն էլ կշարունակեն գործել դրական ոգով՝ ամբողջ տարածաշրջանում և դրանից դուրս երկարատև խաղաղության և բարգավաճման հասնելու համար»,- գրել է նա «X»-ում՝ ընդգծելով, որ Պակիստանը կշարունակի դեր խաղալ երկու կողմերի միջև երկխոսության խթանման գործում «առաջիկա օրերին»։
ԱՄՆ-Իրան առաջին բանակցությունները գրեթե կես դարի ընթացքում
BBC-ի թղթակիցը հայտնել է, որ իրանական կողմը ժամանել է Իսլամաբադ՝ ընդգծելով դիվանագիտության նկատմամբ իր խոր անվստահությունը. ԱՄՆ-ի հետ բանակցությունները անցյալ և այս տարի խափանվել էին պատերազմի պատճառով՝ այդպես էլ չսկսելով:
Ահա թե ինչու Թեհրանը պնդում էր, որ կբանակցի միայն ԱՄՆ բարձրաստիճան պաշտոնյայի, մասնավորապես՝ փոխնախագահ Վենսի հետ, որը համարվում է նախագահ Դոնալդ Թրամփի վարչակազմին ամենաուժեղ հակառակվողը և դեմ հանդես եկողը թանկարժեք ռազմական գործողությունների վերաբերյալ:
2015 թվականին, երբ Իրանը և համաշխարհային տերությունները հաջող միջուկային համաձայնության էին հասել, պահանջվեց 18 ամիս առաջընթացների և անհաջողությունների համար. Թրամփը, ինչպես հայտնի է, նախընտրում է արագ հաջողությունները։
Լրատվական փակուղի. մի կողմը պնդում է, մյուսը՝ հերքում
Reuters-ը, հղում անելով իրանական բարձրաստիճան աղբյուրին, հաղորդել է, որ Վաշինգտոնը համաձայնել է ապաշրջափակել Կատարի և այլ երկրների բանկերում պահվող սառեցված իրանական ակտիվները: Միաժամանակ CBS News-ի բարձրաստիճան աղբյուրը հերքել է դա։
Իր հերթին ԱՄՆ նախագահ Դոնալդ Թրամփը Truth Social-ի էջում հայտարարել է, որ ԱՄՆ զինված ուժերը սկսել են ականազերծել Հորմուզի նեղուցը: Դրանից առաջ Axios-ի լրագրող Բարաք Ռավիդը հաղորդել էր, որ շաբաթ օրը ԱՄՆ ռազմածովային ուժերի մի քանի նավեր անցել են Հորմուզի նեղուցով առանց Իրանի նախնական համաձայնության։
Իրանական պետական հեռուստատեսությունը հերքել է դա՝ պնդելով, որ ԱՄՆ ռազմանավը նախազգուշացվել է, որ 30 րոպեի ընթացքում կենթարկվի հարձակման, եթե այն անցնի Հորմուզի նեղուցով, հաղորդում է Reuters-ը։
Շաբաթ երեկոյան ԱՄՆ կենտրոնական հրամանատարությունը (CENTCOM) հաղորդել է, որ ականազերծման գործողության շրջանակներում Հորմուզի նեղուցով անցել են երկու ռազմածովային ականակիրներ: Իրանը դարձյալ հերքել է այս հայտարարությունը։
«Ցանկացած նավի անցնելու նախաձեռնությունը պատկանում է Իրանի Իսլամական Հանրապետության զինված ուժերին»,- Fars լրատվական գործակալությունը մեջբերում է զինված ուժերի խոսնակի խոսքերը։
Բանակցություններին մեկնելուց առաջ ԱՄՆ պատվիրակության ղեկավար Ջեյ Դի Վենսը հայտարարել է, որ ԱՄՆ-ն պատրաստ է «ձեռք մեկնել», եթե իրանցիները գործեն «բարի կամքով»։ Սակայն եթե նրանք «փորձեն խաբել», ԱՄՆ-ն դա չի հանդուրժի, ընդգծել է փոխնախագահը՝ հավելելով, որ նախագահ Թրամփը ԱՄՆ բանակցային պատվիրակությանը տվել է «բավականին հստակ հրահանգներ»։
Թրամփը նախկինում իր սոցիալական ցանցի՝ Truth Social-ի էջում գրել էր, որ բանակցություններ վարելը «միակ պատճառն է, որ Իրանի իշխանությունները դեռ ողջ են»:
«Հայկական Ժամանակ»-ը Telegram-ում
Օնլայն վարկ AMIO Mobile հավելվածում
Մենք ձեզ խեղդելու ենք ձեր սև «իկրայի» մեջ, թոշակառուից գողանում էիք, որ զխտկվեիք. Փաշինյան
Հանրապետության օրը Հանրապետության հրապարակում ժամը 10:00-ին սկսում ենք. վարչապետ
Յունիբանկը չի բարձրացնի անշարժ գույքի գրավով վարկերի հաստատուն ճշգրտվող տոկոսադրույքները
«4 հոգուն 20 հազար տա՞մ, խմեն»․ «Ալկաշներ են կակռազ», «Ասեմ Դոդին ընտրեք»․ ընտրակաշառքի ձայնագրություն ԲՀԿ-ից
Սահմանվել են պատվովճարի չափեր «Պաշտպան հայրենյաց» ծրագրով հերթական պայմանագիր կնքելու դեպքում
Գրողը տանի, ո՞նց կարելի է էս զինանշանը հրապարակել և ասել, որ «վերջ, զինանշանից խաչը գողացան, տարան, ջնջեցին
Հանրապետության օրվան նվիրված զորահանդեսի ընթացքում հնչելու են թնդանոթի կրակոցներ․ ՊՆ
Ինչու է արդիականացվել, և ինչ խորհրդանշական տարրեր ունի ԶՈՒ նոր զինանշանը․ ՊՆ-ն մանրամասնել է
ՀԷՑ-ը միջազգային բանկերում ունեցած վարկային պարտավորություններից ևս շուրջ 9 մլն ԱՄՆ դոլարի մարում է կատարել
Սյունիքն այսօր անվտանգ է ավելի, քան երբևէ, որովհետև ՀՀ-ն երաշխավորել է իր տարածքային ամբողջականությունը
Որոշ օգտատերեր կեղծ տեղեկություններ են տարածում՝ իբր մայիսի 28-ին մարզերից եկող ճանապարհները փակ կլինեն․ ՊՆ
Ընտրակաշառքի գործով ձերբակալվել է 10 անձ․ 3-ի նկատմամբ կիրառվել է կալանք, 1-ի՝ տնային կալանք
Կայացել է թմրամիջոցների ապօրինի շրջանառության դեմ պայքարի ռազմավարության մշտադիտարկման խորհրդի նիստը
Որ հայ հասարակությանը կահաբեկեն 300 հզր ադրբեջանցիներով, միայն թե մի քոսոտ խմբակցություն ունենան, չէի սպասում
Գազայում սպանվել է ՀԱՄԱՍ-ի զինված թևի նոր ղեկավար Մուհամմադ Օդեհը
Թանգարանային ոլորտի աշխատակիցները կատեստավորվեն. Կառավարությունը 151.8 մլն դրամ է հատկացրել
Հունիսի 5-ին Հանրապետության հրապարակում տեղի է ունենալու մեր մեծ հավաքը. Փաշինյան․ տեսանյութ
Վարորդական իրավունքից առաջին անգամ զրկվողը այն կկարողանա վերականգնել առանց քննության՝ 50 հազար դրամ վճարելով
Երևանում ԲՀԿ-ականներ են ձերբակալվել. նրանց թիվը հասնում է 10-ի
Հանրապետության գետերի մեծ մասում սպասվում է ջրի ելքերի մեծացում
Դիլիջան-Իջևան ճանապարհից Պարզ լիճ տանող հատվածում երթևեկությունը կսահմանափակվի
Մեկ անձ կալանավորվել է շուրջ 700 հզր դոլար արժեքով ավելի քան 13 կգ թմրամիջոցների ապօրինի շրջանառության համար
Արբատ գյուղից «Ուժեղ Հայաստան» կուսակցության 8 աջակից ընտրակաշառքի գործով է անցնում․ հարուցվել է քրհետապնդում
Մայիսի 28-ին Հանրապետության հրապարակում կսպասենք բոլորիդ․ Պապիկյանը տեսանյութ է հրապարակել
ՀՀ-ն ՌԴ-ից վառելիքի և չմշակված ադամանդի մատակարարումների համաձայնագրի չեղարկման սպառնալիքով նամակ չի ստացել
Դիլիջանում կանցկացվի «ՀՀ վարչապետի գավաթ» դպրոցականների թիմային խճուղավազքի եզրափակիչ փուլը
Մենք ՀՀ-ն թալանող նրանց թաթիկները ջարդել ենք․ վարչապետն ու ՔՊ թիմը քարոզարշավ են իրականացնում Կոտայքի մարզում
«Ուժեղ Հայաստան»-ի հավաքին մասնակցելու համար ստացել են 15.000-ական դրամ գումար. երկու անձ կալանավորվել է
Ոնց կարող ես նայել բանակի նոր զինանշանին և խաչը չտեսնել․ 2 տարբերակ կա. կա՛մ սադրիչ սրիկա ես, կա՛մ անմեղսունակ
Կալուգացի օլիգարխը տասնամյակով չի հեռանալու ՀՀ-ից. նա պիտի նստի որպես լրտես, հոսանքի գող, փող լվացող․ Փաշինյան
Սուրեն Պապիկյանը ներկայացրել է Հայաստանի Հանրապետության բանակի նոր զինանշանը․ տեսանյութ
Արենի գյուղի տներից մեկում գազաբալոն է պայթել․ կան տուժածներ
ԱԺ նիստում ժամը 10:00-ին անհրաժեշտ թվով պատգամավորներ չեն գրանցվել
Վարդան Ղուկասյանի որդին՝ Սպարտակ Ղուկասյանը, կմնա կալանավորված
Սև ծովից ցիկլոն կներթափանցի․ Սուրենյանն առաջիկա օրերին սպասվող եղանակի մասին տեսանյութ է հրապարակել
Սուպեռ մամա չէ, ռուսի ստեռվա բաբա է․ առավոտը Բրյուսել են խաղում, երեկոյան՝ Մոսկվայի դռանը քսմսվում․ Խաչատրյան
Երևանի և մարզերի բազմաթիվ հասցեներում լույս չի լինի
ՀՀ տարածքում ավտոճանապարհները հիմնականում անցանելի են
Բարի լույս, լավ օր, և սիրում եմ բոլորիդ․ վարչապետը տեսանյութ է հրապարակել
