Երևան
12 °C
«Էլեկտրոնային հարթակով ուղևորափոխադրման ծառայություն իրականացնող վարորդները 2027 թվականի հունվարի 1-ից կներառվեն առողջության համընդհանուր ապահովագրության համակարգում»։
Այս մասին Ազգային ժողովում հայտարարել է առողջապահության նախարարի տեղակալ Լենա Նանուշյանը՝ ներկայացնելով «Առողջության համընդհանուր ապահովագրության մասին» օրենքում փոփոխություններ և լրացումներ նախատեսող նախագիծը։
Փոխնախարարը նշել է, որ 2026 թվականի հունվարի 1-ից ներդրված առողջության համընդհանուր ապահովագրության համակարգի գործարկումից հետո անցած երեք ամիսների ընթացքում տարբեր հարթակներում քննարկումներ են անցկացվել՝ ի հայտ եկած խնդիրները վերհանելու և լուծումներ առաջարկելու նպատակով։
«Այս երեք ամիսների ընթացքում տարբեր քննարկումների արդյունքում ստացել ենք մի շարք առաջարկություններ շահառուների կողմից և մշակել ենք այս նախագիծը, որը ներկայացրել ենք ձեր քննարկմանը և հաստատմանը»,- ասել է Նանուշյանը։
Նրա խոսքով՝ նախագծով առաջարկվում է ընդլայնել այն խմբերի շրջանակը, որոնք ընդգրկվելու են ընդհանուր ապահովագրական համակարգում։ Այդ խմբերի թվում են էլեկտրոնային հարթակով ուղևորափոխադրում իրականացնող վարորդները։
Լենա Նանուշյանը պարզաբանել է, որ նման առաջարկությունը ներկայացրել են հենց շահառուները։
«Տարբեր շահառուներ, որոնք արդեն իսկ ապահովագրության շահառու են և գոհ են համակարգի տրամադրված ծառայությունից, առաջարկել են, որ իրենց ընտանիքի անդամները, որոնք ներգրավված չեն ապահովագրության համակարգում, կարողանան նույնպես վճարել և մասնակցել ապահովագրության համակարգի շրջանակներում տրամադրվող ծառայություններին»,- նշել է նա։
Նախագծով առաջարկվում է նաև ընդլայնել «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքի իմաստով շահառու ճանաչված անձանց շրջանակը։ Հիմնավորման համաձայն՝ այս փոփոխության արդյունքում առողջության համընդհանուր ապահովագրության շահառուների թիվը կավելանա շուրջ 393 անձով, ինչը, ըստ հաշվարկների, պետական բյուջեի համար տարեկան կպահանջի լրացուցիչ մոտ 50 մլն դրամի ծախս։
Փոփոխություններով նախատեսվում է նաև առաջ բերել փոխկապակցված անձանց՝ ընտանիքի անդամների ապահովագրման ժամկետը։ Եթե գործող կարգավորմամբ նրանք կարող էին համակարգում ընդգրկվել 2028 թվականից, նոր առաջարկով այդ հնարավորությունը կգործի արդեն 2027 թվականի հունվարի 1-ից։
Օրինագծով նաև առաջարկվում է ապահովագրական համակարգում ներառել մինչև մեկ տարեկան երեխաներին, հանել փախստականների և ապաստան հայցողների մասնակցության սահմանափակումը, հստակեցնել հաշմանդամություն ունեցող երեխայի ծնողի կամ խնամակալի կարգավիճակին վերաբերող դրույթները, ինչպես նաև վերանայել մի շարք վճարումների, փոխհատուցումների, գաղտնի տեղեկությունների պաշտպանության և բժշկական ծառայությունների մատուցման հետ կապված նորմեր։
Նախագծով առանձին կարգավորումներ են առաջարկվում նաև անհատ ձեռնարկատերերի և նոտարների ապահովագրավճարների վճարման ժամկետների և կարգի մասով։ Մասնավորապես 2026 թվականի համար վճարման վերջնաժամկետ է սահմանվում հուլիսի 20-ը, ինչպես նաև նախատեսվում է ամսական ձևաչափով վճարման հնարավորություն։
«Հայկական Ժամանակ»-ը Telegram-ում
Մենք մեր հողերը ոչ մեկին չենք տվել, մենք ճանաչել ենք ՀՀ տարածքային ամբողջականությունը. վարչապետ
Զոհերի ու զոհողությունների, զրկանքների, տառապանքի գնով, դժոխքով անցնելով ձեռք բերվեց այն, ինչ ունենք. վարչապետ
ՀՀ յուրաքանչյուր քաղաքացի հավասարապես պաշտպանված է. վարչապետը ներկա է գտնվել եզդիական համայնքի Նոր տարվան
Կարվի առավելագույնը՝ Ախուրյան գետը բնականոն հուն վերադարձնելու համար. ՋԿ նախագահն այցելել է Շիրակի մարզ
Կիրանցի դպրոցականներն Ադրբեջանից 50 մ հեռու դասի են գնում, 30 մ հեռու՝ ֆուտբոլ խաղում. խաղաղությունը սա է
Հայաստանի և Ադրբեջանի միջև հաստատված խաղաղությունն ունի նաև պարտադիր իրավական ուժ. Նիկոլ Փաշինյան
Հայաստան-ԵՄ քաղհասարակության պլատֆորմի 8-րդ երկկողմ հանդիպումը․ վարչապետ
Կալուգայի Սամոյի, Ծառուկյանի և Քոչարյանի քաղաքական թիմերի մեջ կա 1 հայտարարված վարչապետի թեկնածու. Ալեքսանյան
Անցած գիշեր ՀՀ մի շարք բնակավայրերում աննախադեպ ցուրտ է գրանցվել
Քրեական ոստիկանները բացահայտել են մեթամֆետամինի պատրաստման դեպք. մանրամասներ
Իրանում պատերազմը գրեթե ավարտվել է. Թրամփ. տեսանյութ
Ինձ համար չկան տարբեր ազգեր, մեծագույն հարգանք ունենք ՀՀ-ում ապրող բոլորի նկատմամբ. վարչապետը՝ եզդի համայնքին
Սա՞ է ձեր ուժը՝ կերակրող կանանց միջոցով ընտրակաշառք բաժանեք ու թաքնվեք նրանց թիկունքում. Չախոյան
Հայաստանի միջպետական և հանրապետական նշանակության ճանապարհներին իրականացվում են ամառային պահպանման աշխատանքներ
«Քաղաքացիական պայմանագիր» կուսակցությունն ապրիլի 15-ին ընտրական ցուցակը կներկայացնի ԿԸՀ
Գորիսի թատրոնի դերասանները տեսան՝ ինչպես «կանսերվի բանկեքով» խրամատները դարձան ամրացված կառույցներ. Խաչատրյան
Վարչական հսկողությունն այս դեպքում փրկություն է, «կերակրող մորը» չեն ստիպի ընտրակաշառք բաժանել. Հովհաննիսյան
Հայաստանը կմասնակցի Մոսկվայում կայանալիք ԱՊՀ արտաքին գործերի նախարարների խորհրդի նիստին
Որպես ՀՀ քաղաքացի՝ ես էլ չունեմ արդարադատության և արդարության զգացում․ սա ֆունդամենտալ պրոբլեմ է. վարչապետ
ԿԸՀ-ն վարչական ռեսուրսի չարաշահման որևէ դեպք չի արձանագրել. Վահագն Հովակիմյան
Մեկնարկել է Սամվել Կարապետյանի գործով դատավարությունը
Էսօր ասում են՝ դե լավ, կերակրող մայր է, թող ընտրակաշառք բաժանի, վաղը կասեն՝ դե լավ, ընտրություն էր, կեղծեցինք
Ընտրություններին հեռարձակումը կապահովվի ընտրողների ավելի քան 99 տոկոսը ներառող մոտ 1800 տեղամասից. ԿԸՀ նախագահ
Ասում է՝ եկեք հանրահավաք անենք իշխանությունների դեմ, որ բռնում է ընտրակաշառք բաժանելու համար. Հարությունյան
Վենսը Ուկրաինային զենքի ուղղակի մատակարարումների դադարեցումն անվանել է ԱՄՆ-ի նվաճումներից մեկը
Եթե նորածնի մայրը հանցանք է անում, ուրեմն անմե՞ղ է դառնում. Իոաննիսյան
Բոլոր ընտրակաշառք բաժանողներն ու վերցնողները ձերբակալվելու են. Ռուբինյան
Այո, դասական երաժշտության համերգը կարող է 7000 հանդիսատես հավաքել մարզահամերգային համալիրում. ԿԳՄՍ նախարար
ՀՀ մի շարք հատվածներ դժվարանցանելի են կցորդով բեռնատարների համար
Դատախազների միջազգային ասոցիացիայի Գործադիր կոմիտեի նիստը 2028 թվականին կանցկացվի Հայաստանում
Գոհար Ղումաշյանը և Վերժինե Ստեփանյանը ազատ են արձակվել. սահմանվել է վարչական հսկողություն
Կանադայում ՀՀ դեսպանն ու պատգամավոր Սթիվեն Գիլբոն քննարկել են COP17-ում ՀՀ առաջնահերթությունները
500 մարզիկ 30 երկրից․ Կիոկուշին կարատեի աշխարհի գավաթի խաղարկությունը կկայանա Երևանում
Բարի լույս, լավ օր, և սիրում եմ բոլորիդ. վարչապետ
ԲՏԱ նախարարն ու Բենժամեն Հադադը վերահաստատել են ռազմավարական գործընկերության ձևավորման կարևորությունը
Զինծառայողի մահվան դեպքի առթիվ նախաձեռնվել է քրեական վարույթ․ ՔԿ
Կանանց ԱԱ-2027․ Հայաստանի հավաքականը տանը խոշոր հաշվով զիջել է Բելառուսի թիմին
Զինծառայող է մահացել․ ընթանում է քննություն․ ՊՆ
«Ռոսատոմի» գրեթե բոլոր աշխատակիցները լքել են Բուշերի ատոմակայանը. Լիխաչով
Տեղի է ունեցել «Քաղաքացիական պայմանագիր» կուսակցության վարչության նիստ. այն վարել է Նիկոլ Փաշինյանը. տեսանյութ
