Երևան
12 °C
Դպրոցականների շրջանում թմրանյութերի հնարավոր շրջանառության հարցը խիստ մտահոգիչ է: Սա ավելի ընդգծվեց, երբ հայտնի դարձավ, որ Մխչյան գյուղի դպրոցներից մեկում բարձր դասարանի մի քանի աշակերտ չորս ամիս շարունակ հետապնդել է 4-րդ դասարանի երկու երեխայի, ստիպողաբար նրանց շուրթերին թմրանյութի նմանվող ճերմակ փոշի քսել, լցրել բերանն ու այդպիսով ըստ նախնական տեղեկությունների՝ կախվածություն առաջացրել: Հետո ստիպել են, որ գումար տան իրենց:
4 անձի նկատմամբ քրեական վարույթ է նախաձեռնվել, 2-ի նկատմամբ կիրառվել է դաստիարակչական և վարչական հսկողություն, մեկն էլ տնային կալանքում է: Քննչական կոմիտեն այդ ճերմակ փոշին փորձաքննության է ուղարկել:
ԿԳՄՍ փոխնախարար Արաքսիա Սվաջյանը հրավիրած մամուլի ասուլիսի ընթացքում նույնպես արձանագրել էր՝ դպրոցներում թմրանյութերի տարածվածության մասով խնդիրը ահագնացող է։ Ըստ նրա՝ ՀՀ ներքին գործերի նախարարության գործընկերների հետ պարբերաբար հանդիպումներ են ունենում, որի արդյունքում քննարկել են մի քանի գործիքակազմ, որոնք կարող են օգնել հաստատություններում կանխարգելիչ աշխատանքներն առավել լավարկելու հարցում։
«Մյուս կողմից պարզ է, որ սա շատ զգայուն թեմա է։ Կան բազմաթիվ աշակերտներ, որոնք որևէ կերպ նման գործընթացներում ներառված չեն, և նրանց համար կարող է շատ զգայուն լինել նման թեմաների մեջ մտնելը։ Հիմա փորձում ենք գործիքակազմ մշակել, տեսնենք՝ ինչպես կարող ենք ավագ դասարաններում, որոնք առավել ռիսկային են, կանխարգելիչ միջոցառումները խստացնել»,- ասել էր նա։
Վերջինս տեղեկացրել էր նաև, որ աշխատանքներ են իրականացնում դպրոցների անվտանգության ստանդարտների մշակման ուղղությամբ․ առաջիկայում կմեկնարկի գործընթաց, որով նախատեսվում է ավագ և 700-ից ավելի աշակերտ ունեցող դպրոցներում անցակետեր տեղադրել, որպեսզի դպրոց ելքն ու մուտքն առավել կառավարելի լինի։ Հստակ տեսանելի կլինի, թե ովքեր են դպրոց մտել, ովքեր են դուրս եկել, ուշադրության կենտրոնում կլինեն նաև աշակերտների հաճախումները։
«Հայկական ժամանակ»-ի հետ զրույցում ՀՀ ՆԳՆ ոստիկանության համայնքային ոստիկանության գլխավոր վարչության, մասնագիտական մեթոդական աջակցման վարչության պետ, ոստիկանության գնդապետ Էդգար Պետրոսյանը նկատում է՝ անչափահասների շրջանում թմրամիջոցների, հոգեմետ նյութերի ապօրինի շրջանառության կանխարգելմանն ուղղված միջոցառումների շրջանակում շրջաբերական է հասցեագրվել ոստիկանության տարածքային ստորաբաժանումներին, որով տրվել է հանձնարարական՝ թմրանյութերի վերաբերյալ կանխարգելիչ աշխատանքներ իրականացնել անչափահասների ծնողների և մանկավարժական անձնակազմի հետ։
Պետրոսյանը նաև անդրադարձել է հարցին, թե արդյոք ոստիկանության կողմից տարվող աշխատանքների ընթացքում եղե՞լ է դեպք, երբ հայտնաբերվել է անչափահաս, որը դպրոցում թմրանյութեր է շրջանառել կամ օգտագործել․ «Եղել է մի դեպք 2024 թվականին Էրեբունու տարածքում, որի փորձաքննության արդյունքում պարզվել է՝ անչափահասի մոտ եղել է ընդամենը Վիտամին Ց։ Այլ դեպքեր դեռևս չեն գրանցվել»։
Նրա խոսքով՝ անչափահասների շրջանում թմրամիջոցների օգտագործման կանխարգելման նպատակով նախատեսվում է ներդնել մուլտի թեստերի գործածության գործիքակազմ ծնողների ներգրավմամբ, որի արդյունքում կպահպանվի նաև անձնական տվյալների գաղտնիությունը, քանի որ հետագա հետազոտությունների արդյունքները պարունակում են բժշկական գաղտնիք։
«ՆԳՆ ոստիկանության և ՀՈԳՎ և ենթակա տարածքային ստորաբաժանումներն իրականացրել են կանխարգելիչ բնույթի աշխատանքներ՝ ապօրինի թմրաշրջանառության դեպքերի նվազեցման նպատակով, որի շրջանակներում բացառապես անչափահասների ծնողների, ուսումնական հաստատությունների վարչակազմի հետ իրականացվել են իրավական իրազեկման աշխատանքներ՝ նպատակ ունենալով բարձրացնել իրավագիտակցության մակարդակը, վաղօրոք կանխել հնարավոր բացասական հետևանքները»,- ասում է նա։
Ինչ վերաբերում է տելեգրամյան ալիքներով թմրանյութեր վաճառողների կողմից դրանք դպրոցի տարածքում թաքցնելուն, Պետրոսյանը նկատում է․ «Խնդիրն այն է, որ նպատակը ոչ թե դպրոցներն են, այլ այնպիսի վայրերը, որը տեսադաշտից հեռու է և կողմնորոշիչ բան ունի, օրինակ՝ ծառ։ Այդ նույն հաջողությամբ տեղադրումները կատարվում են այգիներում, պուրակներում»։
Ըստ ՀՀ ՆԳՆ ոստիկանության համայնքային ոստիկանության գլխավոր վարչության, մասնագիտական մեթոդական աջակցման վարչության պետ, ոստիկանության գնդապետ Էդգար Պետրոսյանի՝ նախարարությունը ԿԳՄՍ նախարարության հետ նաև քննարկում է ուսումնական հաստատություններում անվտանգային համակարգերի տեղադրման գործընթացը։ Նա համոզված է, որ նման համակարգի միջոցով 90 տոկոսով հնարավոր կլինի կանխել դեպքերը, ինչպես, օրինակ, կատարվել են Մխչյան գյուղի դպրոցում։
«Մենք նաև ԿԳՄՍՆ-ին ենք փոխանցել ոստիկանության մոնիթորինգի արդյունքները, թե ամբողջ Հայաստանի Հանրապետությունում որքանով են դպրոցները հագեցված տեսախցիկներով, դրանցից քանիսն են գործում տեսագրման, քանիսը՝ ուղղակի տեսադիտման կարգով, քանիսն են ձայնով, քանիսը՝ առանց ձայնի։ Այսինքն՝ այդ առումով մոնիթորինգ ենք կատարել և փոխանցել ենք նախարարության գործընկերներին, իրենք պետք է ստեղծեն անվտանգային համակարգ դպրոցներում։ Խնդիրն այն է, որ կանխարգելման համար պետք է կատարել մի քանի քայլ, օրինակ՝ տեսախցիկներ, որոնց տեղակայման վայրերը որոշվելու են ՆԳՆ ոստիկանության համաձայնությամբ, քանի որ կան առավել ռիսկային գոտիներ, որտեղ տեսախցիկների տեղադրումը շատ ավելի կարևոր է։ Պետք են նաև լուսավորություն, ցանկապատում, որ հեշտ չլինի թեկուզ երեկոյան ժամերին այդ տարածքներ թափանցելը»,- ասում է նա:
«Հայկական Ժամանակ»-ը Telegram-ումԻրանը երկարաձգել է օդային տարածքը փակ պահելու ժամկետը
Քույր ու եղբոր ծեծի գործով ձերբակալվել է Տաթև համայնքի վարչական ղեկավարը
Իրանի Իսլամական հեղափոխության պահապանների կորպուսի հետախուզության նոր ղեկավար է նշանակվել
Կառավարությունը հաստատել է պաշտպանական արդյունաբերության ոլորտի 2 հայտի ֆինանսավորման, կատարման կարգը. նախարար
Արտակ Զեյնալյանի մանդատը տրամադրվել է «Հանրապետություն» կուսակցության ցուցակից Լինա Ղշյանին
Տարածաշրջանի զարգացումների ֆոնին մեծ նշանակություն ունեն ուղղակի կապերը հարևանների հետ. Վարդանյան
«Գյումրու երեխաների տանը» հայտնաբերվել է 1 տարեկան տղայի մարմին
Ադրբեջանի ստորաբաժանումները կրակել են Ներքին Հանդի ուղղությամբ. վնասվել է տուն
Նիկոլ Փաշինյանն աշխատանքային այցով ժամանել է Թուրքիա. լուսանկարներ
Որ դեպքում անապահով ընտանիքների աշխատունակ անդամներին աշխատանքի տեղավորող գործատուները կստանան աջակցություն
Որևիցե ճնշում չկա, հայ առաքելական եկեղեցին մեր բոլորի եկեղեցին է. Նարեկ Մկրտչյան
Մեկնարկել է Գյումրու ավագանու նիստը. օրակարգում 30 հարց կա
Ֆրանսիան Իրանից իր քաղաքացիների տարհանումը դիտարկում է Հայաստանի և Թուրքիայի տարածքներով. Բարո
Իրանը հայտարարել է Իսրայելի հարվածների հետևանքով 5 հիվանդանոցի վնասման մասին
Վարչապետը մեկնել է Թուրքիա. նրան ուղեկցում են Ռուբինյանը, Միրզոյանը, Կոստանյանը
ID քարտերի պահանջարկը մեծացել է, տրամադրման ժամկետների ուշացման խնդիրը՝ վերացել. ՆԳՆ
Իրանը միջուկային ռումբ չէր պատրաստում, երբ Իսրայելը սկսեց հարձակումները, բայց տարրեր կային. Գրոսսի
Գիշերը Գյումրիում ծեծկռտուք է եղել․ կան ձերբակալվածներ
Կասեցվել է «Պիցցա Տաշիր»-ին պատկանող հանրային սննդի ևս մեկ կետի արտադրական գործունեությունը
Ինչպե՞ս հասկանալ ուժերին, որոնք մի քանի օր է՝ պատերազմի քարոզչությամբ ահաբեկում են ՀՀ քաղաքացիներին. Ղազարյան
Air Arabia-ն դադարեցրել է թռիչքները դեպի Հայաստան, Ադրբեջան, Վրաստան, Իրան և Իրաք
Իսրայելը 60 ինքնաթիռով հարվածներ է հասցրել Իրանի տասնյակ ռազմական օբյեկտների
Մի քանի ժամ լույս չի լինի Երևանի և 9 մարզի բազմաթիվ հասցեներում
Իրանը հարվածել է իսրայելական ռազմական կիբեռանվտանգության ընկերությանը և Microsoft-ի գրասենյակին. կան տուժածներ
Փախստականների, ապաստան հայցողների և տեղահանված անձանց իրավունքները մեր առանցքային ուղղությունն են. ՄԻՊ
Թրամփն Իրանին հարվածելու կամ չհարվածելու որոշում կկայացնի առաջիկա երկու շաբաթվա ընթացքում․ Սպիտակ տուն
Վարչապետ Նիկոլ Փաշինյանի անունից կեղծ գրառում է տարածվում
ԱԳ փոխնախարարն ու Կարմիր խաչի և Կարմիր մահիկի ներկայացուցիչն անդրադարձել են համագործակցության հեռանկարներին
Թող չթվա, որ ՀԷՑ-ի աշխատողները ստրուկ են, կարելի է տանել միտինգի. դատվելու են, եթե ստիպեն. Ալեքսանյան
ՀՀ-ԵՄ Գործընկերության կոմիտեի նիստին մասնակցելու համար պատվիրակություն կգործուղվի Բելգիա. ովքեր են կազմում
Զուգարանային արդարադատը՝ պՌիվետ Ռոբը, դժգոհել է դատաիրավական համակարգից. Չախոյան
ՏԿԵ նախարարի հանձնարարականով ՀՀ-Իրան սահմանային անցակետից ավտոբուսները ստանդարտ գնով են մարդկանց տանում Երևան
«Արմենալ»-ի տարածքից ջերմային այրվածքներով «Այրվածքաբանության ազգային կենտրոն» է տեղափոխվել 34-ամյա տղամարդ
Դրանց սիրուհիներն ամեն օր մի դրվագ են պատմում կեղտոտ անկողիններից. Տաշիրի Սամոն թաքնվել է պղծված վեղարի տակ
ՊՆ-ն ամառային զորակոչի համար «1991 ստորաբաժանման» մրցույթ է հայտարարել․ ինչպես դիմել
Կոնկուրենտ է տեսել, որոշել է փչացնել. Սաֆարյանը՝ Քոչարյանի՝ Սամվել Կարապետյանին աջակցելու մասին
Երևանի առաջին ատյանի ընդհանուր իրավասության քրեական դատարանը նոր դատավոր ունի. նախագահը հրամանագիր է ստորագրել
Շարժակազմի վերանորոգում՝ Երևանի մետրոյի անխափան երթևեկության համար. տեսանյութ
«Իմ քայլը» հիմնադրամի պատվիրակությունը մասնակցել է Կենտրոնական Ասիայի կին ձեռնարկատերերի համաժողովին
Մարկուս Ռիտերը հետևել հայ-ադրբեջանական սահմանազատված սահմանի հայկական կողմում տիրող իրավիճակին
© 2025 Հայկական ժամանակ
Website by MATEMAT