Երևան
21 °C
Գյումրիում աճուրդ-վաճառքով նախատեսվում է օտարել Ալեքսանդրապոլի առաջին բժշկական բազմապրոֆիլ կազմակերպությունը, որն անկախ Հայաստանի առաջին բազմապրոֆիլային հիվանդանոցն է եղել:
Խոսքը Կումայրի արգելոցում գտնվող հայտնի Ճերմակ հիվանդանոցի մասին է: Կառույցը համարվում է պատմական նշանակության հուշարձան-շենք:
Գյումրու ավագանու՝ փետրվարի նիստերից մեկում ընդունված այս որոշումը դեռ կյանքի չի կոչվել:
Ավագանու «Ապրելու երկիր» խմբակցության ղեկավար Կարեն Մալխասյանը, որն ի սկզբանե դեմ է եղել հուշարձան-շենքի վաճառքին, «Հայկական ժամանակ»-ի հետ զրուցում ասում է՝ որոշումը կա, այլ կարգավորումներ պետք չեն, համայնքապետարանը որ պահին ցանկանա, կհայտարարի այդ աճուրդը, բայց հետաքրքիր է, որ մինչ այս պահը չի արվել:
Մալխասյանը նաև նշում է՝ իր թիմի վերլուծությունները փաստում են՝ հուշարձան-շենքի օտարման մասին ավագանու որոշման և ոլորտը կարգավորող նորմատիվ իրավական ակտերի միջև առկա են ակնհայտ հակասություններ։
«Առաջարկություն ենք ներկայացրել, որ չօտարվի շենքը՝ մինչև այդ հարցերը ճշտվեն»,- ասում է նա:
Շուրջ 2400 քառակուսի մետր մակերես ունեցող շենքն իր 6000 քառակուսի մետր հողատարածքով գնահատվել է 750 մլն դրամ, համայնքապետարանն աճուրդի մեկնարկային գին է սահմանել 1 մլրդ 100 մլն դրամը։
Որպես այս քայլի հիմնավորում՝ Գյումրու համայնքապետ Վարդգես Սամսոնյանն ընդգծում է այդ հսկայական շինության պահպանման մեծ ծախսի անհնարինությունը, ներդրողների և կառույցով հետաքրքրված անձանց բացակայությունը:
Հիմնավորման առաջին մասն իսկապես իրականություն է. համայնքի բյուջեն փոքր է, և նման ծախսի հնարավորություն չունի: Ներդրողների ու հետաքրքրվածների բացակայությունը, սակայն, կարելի է նկատել որպես ոչ այնքան տեղին մեկնաբանություն:
«Երեք կազմակերպություն եկան, հանրային լսում եղավ, բայց դրանից հետո՝ ոչ մի քայլ: Ու ամեն անգամ, երբ ասում էինք՝ եղավ հանրային լսում, ինչո՞ւ չեք տրամադրում մարդկանց, մեզ ասում էին՝ հասկանանք՝ ի՞նչ ենք անում, հազար չափենք, մեկ ձևենք: Ու հանկարծ՝ աճուրդ»,-ասում է Մալխասյանը:
Հանրային լսում իսկապես եղել է, որին մասնակցել են Գյումրու Ավստրիական մանկական հիվանդանոցի նախկին տնօրեն, «Արմենիա» հանրապետական ԲԿ փոխտնօրեն Աշոտ Կուրղինյանը, «ՆԵՈՄԵԴ ՊՐՈՎԱՅԴԵՐՍ» ընկերությունն ու գործարար Արա Սարոյանը:
2022-ի մայիսին կայացած հանրային լսմանն Աշոտ Կուրղինյանը ներկայացրել է 1 միլիարդ դրամի ներդրումային ծրագիր՝ խոստանալով ստեղծել Գյումրիում մինչև այժմ գոյություն չունեցող առողջապահական հնարավորություններ:
Նկատենք, որ ներդրումային այս ծրագրի գումարը գրեթե այնքան է, որքան համայնքապետարանն այժմ սահմանել է աճուրդ-վաճառքի համար որպես մեկնարկային գին:
Անկախ ներդրումային ծրագրից՝ Կուրղինյանն այս շենքում մասնավոր կլինիկայի համար վարձակալած 300 քառակուսի մետր տարածք ունի, 19 միլիոն դրամի հիմնանորոգման աշխատանքներ է կատարել, ևս 3 միլիոն դրամ էլ համայնքային բյուջե վարձակալության գումար է վճարել:
Հանրային լսման երկրորդ մասնակից «ՆԵՈՄԵԴ ՊՐՈՎԱՅԴԵՐՍ»-ը մայիսին նախատեսում էր Ճերմակ հիվանդանոցը դարձնել էնդոսկոպիկ վիրաբուժական կենտրոն, գինեկոլոգիայի, օնկոլոգիայի, ուրոլոգիայի բաժանմունքներով, պոլիկլինիկայով:
Այս ընկերությունը 400 մլն դրամի ներդրումային ծրագիր էր ներկայացրել և նախատեսում էր որպես վարձակալություն 500 հազար դրամ վճարել համայնքապետարանին:
Հանրային լսման երրորդ մասնակից գործարարը նախատեսում էր հիվանդանոցը ծառայեցնել որպես հյուրանոց:
Ներկա պահին, երբ ավագանին հաստատել է աճուրդով օտարելու տարբերակը, չի հստակեցվել, թե ինչ են անելու շենքի վարձակալները, որոնք դեռ չավարտված պայմանագրեր ունեն:
Մասնավորապես, այս կառույցի մի հատվածը վարձակալությամբ տրամադրված է «Կարմիր խաչ» ընկերությանը, որի վարձակալության ժամկետի ավարտին դեռ 10 տարի կա:
Շենքի ճակատային մասում «Հայկական կարիտաս»-ին պատկանող ցուցանակ ևս կա: Այսինքն՝ և՛ ներդրողներ կան, և՛ հետաքրքրվածներ, և՛ վարձակալներ:
Կարեն Մալխասյանը պատմական նշանակության կառույցը դեռևս չօտարելու առաջարկից բացի՝ նաև դիմել է ԿԳՄՍՆ, ներկայացրել իր մտահոգությունները, կատարած վերլուծություններն ու խնդրել պարզաբանում:
Նախարարությունն էլ տեղեկացրել է, որ հուշարձան-շենքի վերաբերյալ գրություն չեն ստացել, և այն օտարելու որոշումը կայացվել է առանց լիազոր մարմնի հետ համաձայնեցնելու: ԿԳՄՍՆ-ն Գյումրու համայնքապետից պարզաբանում է պահանջել:
Լուսանկարում՝ Ճերմակ հիվանդանոցի բակային հատվածը
«Նախարարությունը պարզաբանում էր ուզել համայնքապետից, ինքն էլ գրել էր, որ մենք օրենքի կետերը պահպանել ենք, խնդիր չկա: Ես չգիտեմ՝ հիմա ինչ է մեզ պատասխանելու ԿԳՄՍ նախարարությունը: Կամ հասկանանք, եթե ընթացակարգը խախտված է, պետք է պայքարենք որոշումն անվավեր ճանաչելու համար: Իսկ եթե ամեն ինչ օրենքի շրջանակներում է, արդեն նպատակային նշանակության համար պետք է պայքարենք, որ սեփականատերը ոնց չուզի, օգտագործի»,- նշում է ավագանու անդամը:
Լուսանկարները՝ «Հայկական ժամանակ»-ի
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
ՀՀ-ն ԱՄՆ-ին է հանձնել հետախուզման մեջ գտնվող ամերիկացուն
ԵԽ գրասենյակի ղեկավարն ու Պապիկյանը քննարկել են համատեղ իրականացվող ծրագրի մանրամասները
Ուժերը մեզ վրա է պատո՞ւմ, թե չեն ընկալում ՀՀ-ն որպես անկախ պետություն. Սիմոնյան
Բերման է ենթարկվել բողոքի ակցիաների 29 մասնակից
Գառնիկ Դանիելյանին տեղափոխել են հիվանդանոց
Ռուսաստանում մեկնաբանել են Հայաստանի և Ադրբեջանի միջև առաջին սահմանային սյան տեղադրումը
Բերման են ենթարկվել Էդգար Ղազարյանը, Նաիրա Զոհրաբյանն ու Երևանում կազմակերպված ակցիայի այլ անդամներ
Տավուշում ԵԿՄ մեքենան վնասելու, խուլիգանության գործով ձերբակալված «Մարտական եղբայրության» հիմնադիրը կալանավորվել է
Ապրիլի 17-22-ին գրանցված առավելագույն ջերմաստիճանները գերազանցել են բոլոր պատմական արժեքները. անոմալ տաքը կպահպանվի
Քանի դեռ ժողովրդին ոչ մի բան չունեն առաջարկելու, 20, 30, 40 հոգով հավաքվելու են գոռգռան և գնան տներով. Սիմոնյան
Վազգենը որ գար, կասեր՝ «արա, ամբողջ կյանքում «наша раша»-ի տակ տնքալով պարողը իրավունք չունի սահմանից խոսել. Խաչատրյան
ԱԺ Հայաստան-Ֆրանսիա բարեկամական խումբը ֆրանսիացի գործընկերների հետ քննարկել է երկուստեք հետաքրքրության հարցեր
Դրսից թելադրված բան է․ Սիմոնյանը մանրամասնեց, թե ովքեր են ՀՀ-ում ընդդիմախոսները
© 2024 Հայկական ժամանակ