Ռուսաստանը հերթական անգամ մեզ «քցեց»․ ինչ պայմանավորվածություններ են եղել. քաղաքագետը՝ Տեղ գյուղում կատարվածի մասին

«Եթե Ադրբեջանն ուզենար մեծ պատերազմ հրահրել, երեկ չէր կանգնի, կշարունակեր այդ գործողությունները: Սա հերթական սադրանքն է՝ հիբրիդային պատերազմի տրամաբանության մեջ, որը Հայաստանի հանդեպ վարում է 2020 թվականից սկսած»:

Այս մասին «Հայկական ժամանակ»-ի հետ զրույցում ասում է քաղաքագետ Դավիթ Ստեփանյանը՝ անդրադառնալով Տեղ համայնքում տեղի ունեցած ադրբեջանական կողմի հերթական սադրանքին:

Ըստ քաղաքագետի՝ այս սադրանքի հետևում կա երկու ածանցյալ թիրախ:

«Շատ մեծ է հավանականությունը, որ սա ուղղված էր եվրոպական դիտորդական առաքելության դեմ: Պիտի ցույց տան, որ նրանք նվաստ են և որևէ դերակատարում չունեն, իսկ Ալիևն ամենակարող է: Իմ երկրորդ վարկածով՝ սրանով աշխատում են նաև Ռուսաստանի օգտին, որպեսզի ՀԱՊԿ չարաբաստիկ առաքելությունը հրավիրեն Հայաստան: Եթե եվրոպական դիտորդները չեն կարող իրենց դերակատարումն ունենալ, ուրեմն նոր խթաններ են ստեղծում, որպեսզի ՀԱՊԿ-ի «չդիտորդները» գան Հայաստան»,- ասում է քաղաքագետը:

Ստեփանյանի դիտարկմամբ՝ եվրոպական դիտորդները ոչ մի բան այս պարագայում չէին կարող անել, քանի որ նախ այդ հատվածում տեղակայված չեն եղել. «Մինչև մարտի 28-ը այնտեղ տեղակայված են եղել ռուս զինվորականները, մինչդեռ, ըստ պայմանավորվածության, այնտեղ պետք է մնային մինչև ապրիլի 1-ը: Մարտի 28-ին նրանք լքել են իրենց դիրքերը, որից հետո հաստատվել են ադրբեջանցի զինվորականները: Ռուսաստանը հերթական անգամ մեզ «քցել» է: Մեր ղեկավարությունը պետք է պատրաստ լիներ դրան և չսպասեր ապրիլի 1-ին, որովհետև մենք լավ գիտենք՝ Ադրբեջանն ինչի է ընդունակ»:

Քաղաքագետի խոսքով՝ մեծ է հավանականությունը, որ Ադրբեջանի և Ռուսաստանի միջև եղել են պայմանավորվածություններ. «Ռուսաստանից նորից հնչեցվում է ՀԱՊԿ առաքելության մասին առաջարկությունը, զսպվածության կոչերը՝ հավասարապես երկու կողմերին, մոդերացիայի ռուսական ուժեղացման փորձերը: Այս ամենը հաշվի առնելով, այո՛, կարծում եմ, շատ մեծ է հավանականությունը, որ այդ պայմանավորվածությունը եղել է»:

Անդրադառնալով ՌԴ ԱԳՆ ներկայացուցիչ Մարիա Զախարովայի հայտարարությանը, թե ՌԴ զինված ուժերի միջոցով են հասել լարվածության թուլացմանը՝ Ստեփանյանը նկատում է, որ ռուսական ուժերն այնտեղ չեն եղել, և որ այդ հայտարարությունները բացարձակ սուտ են:

«Չգիտեմ՝ Զախարովան ինչ է ասել, որտեղից է այդ ինֆորմացիան հայթայթել, բայց հարյուր տոկոսով վստահ եմ, որ այդ գոտում ո՛չ ռուսական զինվորականներ կան, ո՛չ որևէ դիտորդներ, ո՛չ էլ Եվրամիության դիտորդներ: Այդտեղ են եղել միայն Տեղ գյուղի աշխարհազորը և մեր բանակի սպաներն ու զինվորականները: Ստում են, հերթական անգամ փորձում են իրենց երեսը փրկել, որը վաղուց սև է, պարզ պատճառով՝ նրանք իրենց որևէ պարտականություն չեն իրականացնում»,- ասում է քաղաքագետը:

Նրա խոսքով՝ ռուսական ծրագիրը մեկն է՝ Լավրովի պլանը, որի առաջին փուլը Ռուսաստանն իրականացրել է 44-օրյա պատերազմը սանձահարելով՝ սանկցիա տալով Ալիևին և կիսելով Արցախը իր, Թուրքիայի և Ադրբեջանի միջև:

«Հիմա երկրորդ փուլն են իրականացնում, որն է՝ Հայաստանի տարածքով բացել էքստերիտորիալ միջանցք, որով Ադրբեջանը և Թուրքիան կունենան ուղիղ շփում՝ ռուսական ներքին ուժերի վերահսկողության ներքո, իսկ եթե ձեռքի հետ էլ մի քանի գյուղ են ուզում տալ, դա արդեն Ադրբեջանի ենթանպատակներն են. փորձում է այդ ամենից օգտվել և հնարավորինս շատ «պոկել» Հայաստանից, որից հետո ստորագրել խաղաղության պայմանագիրն այն պայմաններով, ինչպես դա պատկերացնում են Բաքվում: Այսինքն՝ գիծ են քաշում և գրում՝ կապիտուլյացիա: Այսքանը»,- մանրամասնում է Դավիթ Ստեփանյանը:

Վերջինիս գնահատմամբ՝ այս ամենը բացառելու համար մենք պետք է ՀԱՊԿ-ում հարց բարձրացնենք. «Պետք չէ դուրս գալ, ես նորից եմ կրկնում և իմ դիրքորոշումը չեմ փոխել, բայց պետք է հարց բարձրացնել, որ Հայաստանը, այո՛, պատրաստվում է ՀԱՊԿ-ից դուրս գալ, այն պարզ պատճառով, որ ադրբեջանական տեռորիստական գործողությունները ՀՀ սահմաններին, բնակիչների և զինվորականների հանդեպ չեն դադարում, ՀԱՊԿ-ը չի կատարում իր սեփական պարտավորվածությունները, իսկ անդամակցությունը մեռյալ կառույցում ՀՀ-ի համար որևէ հիմքեր և նախապատվություններ ունենալ չի կարող: Ես վստահեցնում եմ, որ դրանից հետո ադրբեջանական սադրանքները միանգամից կդադարեն»:

Այս ամենի ֆոնին անդրադառնալով ընդդիմության գործողություններին՝ քաղաքագետը նկատում է, որ վերջիններս, ինչպես ցանկացած ընդդիմություն աշխարհում, փորձում են օգտագործել պահը և իրենց «ձեռքերը տաքացնել», սակայն նրանք դա անում են պետության դեմ աշխատելով:

«Երեկ մեր հայտնի ընդդիմադիր ադրբեջանագետներից մեկը գրել և հրապարակել էր «Եռաբլուր»-ում նոր փորված շիրիմների մասին, որը ալիևյան պրոպագանդան՝ «Հաքինազ»-ը, տարածել էր ամբողջ աշխարհով: Դա աշխատանք է ի վնաս պետության, և մեր ընդդիմությունն աշխատում է այդ տրամաբանությամբ: «5-րդ շարասյան» դերակատարում են նրանք կատարում և «5-րդ շարասյան» պիտակն ամեն օր իրենց աշխատանքով և գործողություններով կպցնում սեփական ճակատին»,- նշում է Ստեփանյանը:

Հերմինե Կարապետյան

Տպել
3812 դիտում

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել