«Պետք է ամեն պահ պատրաստ լինենք նենգ թշնամիներից վատթարագույնին». քաղաքագետը՝ Լավրովի հայտարարությունների մասին

«ԵՄ դիտորդական առաքելության՝ հայ-ադրբեջանական սահմանին տեղակայվելուն զուգընթաց՝ ռուսական կողմը շարունակաբար բացում է խաղաքարտերը և փորձում ներկայացնել, որ թե՛ 44-օրյա պատերազմը, թե՛ դրան հաջորդած իրադարձությունները ամբողջությամբ տեղավորվում են ռուս-ադրբեջանական շահերի տիրույթում»:

«Հայկական ժամանակ»-ի հետ զրույցում ասում է քաղաքագետ Հարություն Մկրտչյանը՝ անդրադառնալով ՌԴ ԱԳ նախարար Սերգեյ Լավրովի այսօրվա հայտարարություններին, որում նաև ասվում էր՝ «Հայաստանը երկար տարիներ օկուպացրել է Ադրբեջանի 7 շրջան, որոնք իրեն չէին պատկանում»:

«Լավրովն այսպես ինքնախոստովանական ցուցմունք է տալիս: Եկեք չմոռանանք այս համատեքստում Շոյգուի և Թուրքիայի պաշտպանության նախարարի հայտարարությունը, որ Արցախում Թուրքիան և Ռուսաստանը հատուկ օպերացիա իրականացրին փայլուն կերպով: Այս հայտարարությունից հետո հայ հասարակությունն ու ՀՀ իշխանությունները պետք է եզրակացություններ անեն: Մենք գործ ունենք ռուս-թուրք-ադրբեջանական տանդեմի հետ, որոնք խնդիր են դրել իրենց առաջ զրկել Հայաստանին իր ինքնիշխանությունից և ոչնչացնել նրան»,- նկատում է նա:

Վերջինս, արձագանքելով նաև Լավրովի այն հայտարարությանը, որ եթե Երևանը դեռ ուզում է, հայ-ադրբեջանական սահմանին ՀԱՊԿ առաքելություն կարող է ուղարկվել 1 կամ 2 օրվա ընթացքում, ասում է՝ չի կարծում, թե հավասարակշիռ դիվանագետը կարող է այսպիսի հայտարարություններ անել:

«Ի՞նչ խաղաղապահ առաքելության մասին է խոսքը: Ռուսական կողմը, որը 2020 թվականի նոյեմբերի 9-ի հայտարարության տեքստի կողմ է, իբրև արբիտր Արցախում և Լաչինի միջանցքում, չի կատարում իր պարտավորությունները, և, ըստ երևույթին, 120 հազար հայ այս պահին կանգնած է ցեղասպանության եզրին, ու դա ոչ միայն ադրբեջանական կողմի ձեռքբերումն է, այլև ռուսական, ու նա նաև այս պահին հանցակից է Ադրբեջանին՝ նոր ցեղասպանություն իրականացնելու գործում: Երբ Ռուսաստանը շարունակաբար նկատելու չի տալիս 1997 թվականի հայ-ռուսական փոխօգնության պայմանագիրը, երբ նա, լինելով ՀԱՊԿ-ում, չի ճանաչում ՀՀ-ի սուվերեն տարածքն ու սահմանները, ի՞նչ խաղաղապահ առաքելության մասին է խոսքը: Սա պարզապես հայկական կողմին մոլորեցնելու համար է, որպեսզի հայերը հետ կանգնեն ԵՄ դիտորդներին տարածաշրջանում տեղակայելուց և հետագայում նաև խոր ինտեգրացիոն գործընթացներ նրանց հետ ծավալելուց»,- կարծում է նա:

Մկրտչյանի համոզմամբ՝ Ռուսաստանն իր ազդեցությունը կորցրել է մեր տարածաշրջանում դեռևս 44-օրյա աղետալի պատերազմի օրերին: Ռուսական կողմը կոչված էր տարածաշրջանում ռազմական բալանսը պահելու և տարածաշրջանում նոր արյունալի պատերազմ թույլ չտալու համար: Ըստ նրա, սակայն, տարիներ շարունակ նա գնաց Ադրբեջանին զինելու ճանապարհով ու ինչ-որ պահի ստիպված եղավ կուլ գնալ նաև Բաքվի բռնապետի պահանջներին:

«Այս պայմաններում Հայաստանը ռուս-ադրբեջանական և ռուս-թուրքական հարաբերությունների տիրույթում ստանձնեց զոհի դեր: Այս համատեքստում, միանշանակ, հայկական կողմը պետք է փնտրի միջազգային հարաբերություններում իր շահերը, բացի դա, ինքնանպատակ Ռուսաստանին տարածաշրջանում մենք չենք պատրաստվում պահել»,- ասում է նա:

Քաղաքագետի դիտարկմամբ՝ Ռուսաստանը Հայաստանի հետագա կյանքի համար կենսական վտանգ ներկայացնող պետություն է: Ռուսական կողմից շարունակաբար հնչում են ստեղծված իրավիճակը սրող հայտարարություններ, նա անդադար մատնանշում և խոսում է ինչ-որ միջանցքի մասին ու շարունակում պրոադրբեջանական քաղաքականություն վարել տարածաշրջանում:

«Այս ամենի վառ օրինակն է Լաչինի միջանցքի տևական փակ լինելը, որի միջոցով ռուսական կողմը փորձում է նաև հայկական կողմի վրա ճնշում գործադրել՝ դարձնելով միջանցքի հարցն իր ձեռքի մահակը՝ Հայաստանի գլխին հարվածելու ու նոր զիջումներ կորզելու համար: Ռուսաստանից որևէ լավ և դրական քայլ Հայաստանի համար անձամբ չեմ սպասում, ու նա ամեն բան անելու է՝ ադրբեջանական կողմի վրա ճնշում գործադրելու և նրան նոր պատերազմի դրդելու համար: Ադրբեջանն էլ իր հերթին սկսել է շատ վտանգավոր խաղ, որը կարող է իր համար հակառակ արդյունքն ապահովել, ու դա նաև Իսրայելի հետ տեղի ունեցող գործընթացների մասով: Պետք է ամեն պահի պատրաստ լինենք նենգ թշնամիներից վատթարագույնին»,- շեշտում է նա:

Մկրտչյանի կարծիքով՝ Հայաստանն այս իրավիճակում պետք է խոսի բացառապես խաղաղության դիրքերից և առաջ տանի խաղաղության օրակարգը, որքան էլ, որ դա չի ընդունվում և ընկալվում Բաքվում և Մոսկվայում. «Պարտադրված պատերազմի պարագայում էլ ՀՀ-ն պետք է և պարտավոր է պաշտպանի իր սուվերեն տարածքը, նաև՝ նոր դաշնակիցների հետ, ոչ թե Ռուսաստանի և ՀԱՊԿ-ի»:

Վերջինս, արձագանքելով նաև ՀՀԿ գործադիր մարմնի անդամ Էդուարդ Շարմազանովի «Ֆեյսբուք» սոցիալական ցանցում արված գրառմանը, որում մասնավորապես նա գրել էր՝ Ադրբեջանը ոչ թե ազատագրել, այլ օկուպացրել է Լեռնային Ղարաբաղի մի մասը, զրուցակիցն ասում է՝ Շարմազանովը պետք է հարցեր ուղղի իր առաջնորդ Սերժ Սարգսյանին. տարիներ շարունակ դրսում բանակցել, դրանց արդյունքում պարտավորվել են, որ զիջելու են ադրբեջանական կողմին 5, առանձին դեպքերում՝ 7 շրջան: Փոխարենը չստանալով Արցախի կարգավիճակը՝ ի՞նչ էր ուզում Սերժ Սարգսյանը:

«Ի վերջո, 44-օրյա աղետալի պատերազմը, որը 30 տարվա կառավարիչները, այդ թվում՝ նաև Սերժ Սարգսյանը, փաթաթեցին ՀՀ քաղաքացիների վզին, ի՞նչ բանակցային ժառանգություն է թողել Հայաստանի հետագա իշխանություններին: Ինձ համար միևնույն է՝ այդ իշխանությունը Փաշինյա՞նն է, թե՞ իրենց հետո մեկ այլ առաջնորդ: Խնդիրը տարիների կուտակված և չարված աշխատանքի արդյունքն է, այդ թվում՝ Շարմազանովի չարած աշխատանքի: Տարիներ շարունակ դաշնակցային հարաբերություններ էին հաստատում Ռուսաստանի հետ, ո՞ւր կորան հիմա այդ եղբայրական-դաշնակցային հարաբերությունները: Նրա առաջնորդն էր, որ ՀՀ քաղաքացիներին համոզում էր, թե Եվրասիական տնտեսական միության անդամակցությունը տնտեսական բլոկին միանալու քայլ չէ, այլ մեծ մասամբ՝ անվտանգային խնդրի լուծման միջոց»,- նկատում է քաղաքագետը: 

Ըստ նրա՝ սրան զուգահեռ պետք է հիշել, որ 30 տարի շարունակ ԱՄՆ-ն և Ֆրանսիան չէին, որ զինում էին Ադրբեջանին, այլ չակերտավոր մեր ռազմավարական դաշնակիցը. «Լավ կլինի Շարմազանովը, լինելով պատմաբան, թերթի ոչ վաղը անցյալը՝ իրենց կառավարման տարիները, և նույն հարցերն ուղղի իր առաջնորդին, նրա ձևավորած կառավարությանն ու Սեյրան Օհանյանին»:

Նատալի Մկրտչյան

Տպել
1413 դիտում

«Վստրեչի» կամուրջը վերանորոգվում է. ի հայտ են եկել չնախատեսված խնդիրներ (տեսանյութ)

Տոկիոյի հրաշքը՝ Երևանում. մանրամասներ երկրագնդի ամենագեղեցիկ ծառի մասին

Նոր հրաժարականի դիմում. Հրաչյա Սարգսյանի կադրերը հեռանում են քաղաքապետարանից

Դանակահարել են երևանյան ռեստորաններից մեկի անվտանգության աշխատակցին

Տավուշի մարզպետը ՌԴ դեսպանի հետ միջտարածաշրջանային երկկողմ համագործակցության հարցեր է քննարկել

«Տելեգրամ»-ով մեթադոն ձեռք բերած տղամարդը ձերբակալվել է

Գերեզմանների վրա միայն թվեր են գրված, միլիոնավոր մարդկանց ինքնությունն անհայտ է. Էրդողանը կօգտվի դրանից. թուրքագետ

Խնածախ-Ստեփանակերտ ճանապարհին մեքենան ձորն է գլորվել. 35-ամյա տուժածի վիճակը ծանր է

Նիկոլ Փաշինյանը ցույց է տվել տարածքը, որտեղ կառուցվելու է Ակադեմիական քաղաքը (տեսանյութ)

Հրապարակվել է Հայաստանի ազգային հավաքականի վերջնական հայտացուցակը

Համաշխարհային բանկը Հայաստանին 100 միլիոն դոլարի վարկ կտրամադրի

Մեր քաղաքացիները ևս պահանջում են օր առաջ բացել Բարսեղ Թումանյանի՝ օպերա տանող ճանապարհը

24-ամյա կինը ամենօրյա ռեժիմով ենթարկվել է սեռական շահագործման. կա կալանավորված

«Հանուն քեզ». Էրիկ Կարապետյանը 5 նոր տեսահոլովակ է ներկայացրել (տեսանյութ)

Շրջանների զգալի մասում անձրև և ամպրոպ կլինի

Մենք պետք է ձգտենք տարածաշրջանային հավասարակշռության և խաղաղության, ոչ թե պատերազմի. ՀՀ նախագահ

Ադրբեջանը պետք է դադարեցնի իր դատապարտելի արարքների մեջ ՀՀ-ին մեղադրելու ապարդյուն փորձերը. Մհեր Մարգարյան

Վերահաստատում եմ հայ-հունական համագործակցությունը զարգացնելու մեր պատրաստականությունը. ՀՀ վարչապետի ուղերձը

Երևանի թիվ 1 տուն-ինտերնատի պատշգամբում տղամարդու կախված դի է հայտնաբերվել

Թուրքիայից ովքեր ներկա կլինեն ֆուտբոլային հանդիպմանը. ՀՖՖ նախագահը մանրամասեր է հայտնել

Ինչ իրավիճակ է Լարսի ճանապարհին

Վաղը Երևանի մետրոպոլիտենը կաշխատի արտակարգ ռեժիմով

Երթևեկության փոփոխություն Իսակովի պողոտա-Բաբաջանյան փողոց խաչմերուկում

Օգոստոսից բարձրագույն կրթություն չունեցող ուսուցիչը դպրոցում աշխատել չի կարողանա. ինչ է առաջարկվում

Երևան-Մեղրի ճանապարհին ավտոմեքենա է շրջվել

Թույլատրվել է «Տաշիր ինվեստ գրուպ»-ի գործունեությունը

Ողբերգական դեպք Երևանում. շրջված մոպեդի ուղևորները հայտնվել են ավտոբուսի տակ, կա մահացած երեխա

Սուրեն Պապիկյանն այցելել է հանրապետության հարավարևմտյան սահմանագոտի (լուսանկարներ)

Պայքար ծխելու դեմ՝ հասնելով վերջնագծին. THE LANCET

Վրաստանի խորհրդարանը 4 պատգամավորի զրկել է մանդատից

Մի հաջողության պատմություն. «ՍտոմԱրթ»՝ ստոմատոլոգիական կլինիկա զրոյից

Ադրբեջանի տարածած հաղորդագրություն չի համապատասխանում իրականությանը. ՀՀ ՊՆ

Չմտածված սադրանքը ոչ միայն քաղաքական հետևանք է ունենալու, այլև մարզական, ի վերջո՝ նաև պատասխան խաղ է լինելու. Սաֆարյան

Չի մնացել եռակողմ հայտարարությունների մի դրույթ, որն այս պահի դրությամբ Ադրբեջանը խախտած չլինի. Արմեն Պապիկյան

Արմավիրի ջրանցքներից մեկում դի է հայտնաբերվել

Թուրքիայի ֆուտբոլի հավաքականը Երևանում է (լուսանկարներ)

Վարչապետը հանդիպել է արտախորհրդարանական քաղաքական ուժերի ներկայացուցիչների հետ

Ռուսաստանի անհիմն պահանջներին մենք սկսել ենք ասել` կներեք, դրանք անհիմն են. Արսենյան

Պեսկովը խոսել է Հայաստանում Վլադիմիր Պուտինի ձերբակալության սպառնալիքի մասին

Մինչև տուրիստական սեզոնը ՀՀ-ն ու Թուրքիան կբացեն սահմանները երրորդ երկրների քաղաքացիների համար. Արարատ Միրզոյան