Երևան
5 °C
2023 թվականը Հայաստանի մարմնամարզության հավաքականի համար սկսվում է Թիֆլիսում փետրվարի 7-ից կայանալիք 14-օրյա ուսումնամարզական հավաքին մասնակցելով, որին լինելու են թե՛ մեծահասակներ, թե՛ երիտասարդներ, թե՛ աղջիկներ: Այնտեղից մեծահասակների թիմը կմեկնի Գերմանիա՝ Աշխարհի գավաթի խաղարկության առաջին փուլին, որից անմիջապես հետո կմասնակցի Դոհայում կայանալիք Աշխարհի գավաթի խաղարկության երկրորդ փուլին:
«Աշխարհի գավաթի խաղարկություններն անցնելու են չորս փուլով: Երրորդն ապրիլին Բաքվում է լինելու, բայց չենք մասնակցի, վերջինը Քայիրում է, այնտեղ կմասնակցենք: Բնականաբար, առանց ակնկալիքների չենք գնում: Կգնանք, կմասնակցենք, հետո ամեն ինչ կերևա, բայց որ գնալու ենք պայքարելու, և մեր տղաներն ուժեղագույններից են, բոլորս գիտենք»,- «Հայկական ժամանակ»-ի հետ զրույցում ասում է Հայաստանի մարմնամարզության հավաքականի գլխավոր մարզիչ Հակոբ Սերոբյանը:
Վերջինս մանրամասնում է՝ տարվա առաջին մրցաշարում՝ Աշխարհի գավաթի խաղարկությունում, Հայաստանը կներկայացնեն Օլիմպիական խաղերի բրոնզե, աշխարհի և Եվրոպայի առաջնությունների ոսկե մեդալակիր Արթուր Դավթյանը, Աշխարհի առաջնության կրկնակի բրոնզե մեդալակիր և Եվրոպայի կրկնակի չեմպիոն Հարություն Մերդինյանը, Աշխարհի գավաթի խաղարկությունների հաղթող Վահագն Դավթյանը, ինչպես նաև՝ Արթուր Ավետիսյանն ու Գագիկ Խաչիկյանը:
«2021 թվականին Օլիմպիական խաղերում բրոնզե մեդալի նվաճումը, 2022 թվականին Եվրոպայի ու աշխարհի չեմպիոնությունն անկախ Հայաստանի պատմության մեջ աննախադեպ են եղել բոլոր առումներով: Նաև Երիտասարդների Եվրոպայի չեմպիոն ենք ունեցել: Հայտնի խոսք կա, որ միշտ ավելի դժվար է եղածը պահելը, քան ձեռք բերելը: Հիմա մենք գնալու ենք պայքարելու, բայց հաստատ շատ-շատ բարդ է լինելու, որովհետև այս տարի մարզիկները պայքարելու են Օլիմպիական խաղերի վարկանիշների համար»,- նկատում է Սերոբյանը:
Մարմնամարզությունը բարդ և անկանխատեսելի, ինչպես նաև վտանգավոր մարզաձև է, սակայն մեր մարզիկները լուրջ վնասվածքներ չունեն, որոնք կարող են խանգարել նրանց առաջիկա առաջնություններում: Հավաքականի գլխավոր մարզիչն ասում է՝ ցանկացած առաջնությունից առաջ զրուցում է մարզիկների հետ. «Պարտադիր խոսում եմ նրանց հետ, ասում՝ հավատացեք ձեր ուժերին, դուք կարո՛ղ եք ու գնում ենք ապացուցելու, որ մենք ուժեղ ենք: Պատերազմից հետո պարտադիր շեշտում եմ, որ հայ ազգն ուժեղ է, և պետք է ազգի պատիվը բարձր պահել: Ոչ միայն դուք եք մասնակցում, ոչ միայն ձեր պատիվն է, այլ ամբողջ ազգի պատիվը: Ասում եմ «դուխո՛վ»»:
Հակոբ Սերոբյանի խոսքով՝ ցանկացած մարզիկ պետք է ունենա կամային հատկանիշներ: Ինչ վերաբերում է մեր մարզիկներին, ըստ նրա, հավաքականի տղաները շատ տարբեր են:
«Մեկին պետք է շահագրգռել, մյուսին հավաքվելու համար՝ զայրացնել, երրորդի հետ ընդհանրապես պետք չէ խոսել: Բոլորը տարբեր են, բայց մենք նրանց վաղուց ու շատ լավ ճանաչում ենք, և դա օգնում է մեզ: Մերդինյան Հարությունին, օրինակ, մանկուց՝ 33 տարի է՝ ճանաչում ենք, Արթուր Դավթյանին՝ 25 տարի: Բոլորին շատ լավ գիտենք, նրանք հասուն, կայացած մարզիկներ են և գիտեն՝ ինչ են անում, ինչ են ուզում: Կան մարզիկներ, որոնց հետ զուգահեռ աշխատում ենք, բացատրում, ցույց տալիս»,- նշում է գլխավոր մարզիչն ու հավելում, որ երիտասարդ մարմնամարզիկ Խաչիկյան Գագիկը, օրինակ, հավաքների և մարզումների ժամանակ ցույց տված իր լավագույն արդյունքները չի կրկնում մրցաշարերի ժամանակ. «Մարզվելու ժամանակ գերազանց արդյունք է ցույց տալիս, բայց արդեն քանի մրցույթ է՝ չի կարողանում կրկնել արդյունքը: Հիմա մենք փորձում ենք հասկանալ, թե որն է խնդիրը, փոփոխություններ ենք անում, և այս տարի իր հետ լուրջ հույսեր եմ կապում»:
Սերոբյանի վստահեցմամբ՝ ամենակարևորը՝ հավաքականի տղաների շրջանում շատ առողջ, ընկերական մթնոլորտ է:
Խոսելով ոլորտի և մարզիկների խնդիրներից՝ վերջինս խուսափում է ևս մեկ անգամ կրկնել հայտնի փաստը, որ մարզադպրոցի պայմանները շատ վատ են:
«Բոլորը՝ երկրի ամենաբարձր ղեկավարությունից սկսած, գիտեն, որ այսօրվա պայմանները շատ վատ են: Ի՞նչ անենք, չմարզվե՞նք: Ժամկետ չեմ կարող նշել, բայց վստահ եմ, որ երկու-երեք տարի հետո կունենանք միջազգային ստանդարտներին համապատասխան մարզադպրոց: Մեր մարզադպրոցը, որտեղ հիմա մարզվում ենք, կարող է մինչև սպորտի վարպետի մակարդակ ապահովել, միանշանակ Աշխարհի չեմպիոնները նման պայմաններում չեն մարզվում»,- նշում է Սերոբյանը:
Գլխավոր մարզիչը նաև հիշում է՝ Արթուր Դավթյանի չեմպիոն դառնալուց հետո եղել են Կառավարությունում, և վարչապետ Փաշինյանն անձամբ է ասել, որ շուտով կունենան նոր մարզադպրոց, որի տարածքն արդեն հատկացվել է: Բայց, թե ի՞նչ փուլում են շինարարական աշխատանքները, վերջինս տեղյակ չէ:
Նա նաև կարևորում է այն, որ անձամբ և ոլորտում հաջողություն գրանցած յուրաքանչյուր մարզիկ տեսնում են պետական աջակցություն. «Արդյունքներ գրանցած բոլոր մարզիկները պատշաճ վարձատրվում են, ստանում ֆինանսական աջակցություն: Վերջին շրջանում այդ գումարը կրկնապատկվեց թե՛ մարզիչների, թե՛ մարզիկների համար»:
Խոսելով միջազգային մրցաշարերում մարզիկների ելույթների ժամանակ իր ապրումների ու զգացողությունների մասին՝ մարզիչն ասում է՝ «մինչև մարզիկն իր անելիքն անում, վերջացնում է, «հոգիս դուրս է գալիս»»:
«Արթուր Դավթյանի ելույթի ժամանակ տրիբունայում էի, կողքս ընկերներս, կոլեգաներս էին: Երբ հասկացա, որ դարձավ Աշխարհի չեմպիոն, ուղղակի թողեցի ու դուրս եկա, որպեսզի մենակ մնամ: Չեմ կարող ասել՝ ինչ էի զգում այդ պահին. անբացատրելի էմոցիաներ էին: Անգամ այդ նյարդային վիճակից ինձ վրա ամբողջությամբ ցան էր առաջացել: Աշխարհի ամենամեծ դրամական պարգևը ստանալուց անգամ նման բան չէի զգա, ինչ այդ պահին եմ զգացել»,- ժպիտով է հիշում մարմնամարզության հավաքականի գլխավոր մարզիչը:
Վերջինս հիշատակում է նաև 2021 թվականին Տոկիոյում կայացած Օլիմպիական խաղերը:
«Մինչ այդ, այո՛, Աշխարհի չեմպիոն չէինք ունեցել, բայց ունեցել էին մեդալներ Աշխարհի առաջնություններից, բոլոր կարգի մրցույթներից: Իսկ Օլիմպիական մեդալ վերջին անգամ 41 տարի առաջ էինք ունեցել: 1980 թվականին Ալբերտ Ազարյանի որդին՝ Էդուարդ Ազարյանն էր ԽՍՀՄ-ում դարձել Օլիմպիական չեմպիոն: Եվ մեկ էլ՝ Արթուրի հաջողությունն ու մեդալը. սա լրիվ այլ զգացողություն էր, չգիտեմ՝ ինչ հպարտություն էի զգում այդ պահին: (- հեղ. Ծիծաղում է): Ճիշտն ասած՝ խմիչքի հետ սեր չունեմ, բայց այդ պահին նստել եմ, բոլորի հետ նշել: Մենք պատրաստ էինք, կարող էինք, բայց մինչև վերջ չէի հավատում, որ կկարողանանք Օլիմպիական մեդալ բերել»,- հպարտորեն շեշտում է Հակոբ Սերոբյանը:
Նա 2000 թվականից մարմնամարզության հավաքականի մարզիչն է ու հիշում է, թե ինչ բարդ ժամանակներ են ապրել. «Շատ դժվար ճանապարհ ենք անցել: Մենք հասանք ամեն ինչի, ամեն տեղից մեդալներ ունեցանք, պակասում է միայն Օլիմպիական ոսկին, դա էլ ենք բերելու: Դահլիճներն էլ որ լինեն, մեր երիտասարդներն ավելի լավ պայմաններում կմարզվեն»:
Հերմինե Կարապետյան
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
© 2024 Հայկական ժամանակ