Կարծում եմ՝ հունվարի վերջ կունենանք շատ շքեղ գետնանցում. ինչու է ձգձգվում «Փակ շուկա»-ի անցումի շահագործման հանձնումը

Դեռևս անցյալ տարվա սեպտեմբերից Երևանի քաղաքապետարանի նախաձեռնությամբ սկսվել է Մաշտոցի պողոտայի՝ «Փակ շուկայի» հատվածում գտնվող գետնանցումի վերանորոգման գործընթացը, որի ավարտը նախատեսվում էր անցյալ տարվա դեկտեմբերի 25-ին: Այս մասին մեզ հետ զրույցում ասել էր Երևանի քաղաքապետարանի շինբարեկարգման վարչության պետի պաշտոնակատար Խորեն Գրիգորյանը:

Թե ինչո՞ւ գետնանցումը դեռ շահագործման չի հանձնվում, շինբարեկարգման վարչության պետի պաշտոնակատար Խորեն Գրիգորյանը «Հայկական ժամանակ»-ի հետ զրույցում ասում է՝ ոչ թե շինարարական աշխատանքներն են ձգձգվել, այլ նախնական նախագծանախահաշվային նախագծի փոփոխություն է եղել:

«Փորձել ենք Երևանը բերել միանման տեսքի: Մենք ունենք մասնավորի կողմից ամենագեղեցիկ և շքեղ ձևով վերանորոգում իրականացված՝ պրեսգրանիտով շարված գետնանցում, Մարգարյան հիվանդանոցի կողքը: Փորձեցինք նույնատիպ ինչ-որ բան ստանալ, որ Մաշտոցի պողոտայում գտնվող բոլոր գետնանցումները լինեն նույն գեղեցկության ու շքեղության: Դրա համար որոշակի նյութական փոփոխություններ իրականացրինք, որը մեկ ամսով երկարաձգվեց վերանորոգման աշխատանքները»,- պարզաբանում է Գրիգորյանը:

Վերջինիս խոսքով՝ վերանորոգման և շինարարական աշխատանքները շարունակվում են բուռն կերպով. «Եթե ուշադիր լինեք, օրվա ցանկացած ժամի՝ գիշեր-ցերեկ, այնտեղ աշխատում են: Պարզապես այն նյութական միջոցները՝ մատերիալը, որ փոխարինել ենք, ավելի բարդ ու երկարատև աշխատանք է պահանջում»:

Գրիգորյանն ասում է, որ նախագիծը փոխել են՝ նաև հաշվի առնելով վարչապետի հանձնարարականը՝ օգտագործել հիմնականում բնական քարեր:

«Փոխել ենք պրեսգրանիտը: Մուտքերի և ելքերի մոտ տրավերտինը փոխարինել ենք բազալտով: Փորձում ենք այնպիսի նյութից ապակիներ տեղադրել, որ չջարդվեն, չխունանան ու արևից չգունաթափվեն: Պարզապես ուզում ենք լավ գործ անել»,- վստահեցնում է նա:

Քաղաքապետարանի շինբարեկարգման վարչության պետի պաշտոնակատարի խոսքով՝ միակ բանը, որ այս ընթացքում խոչընդոտել է շինարարների աշխատանքին, նախագծանախահաշվային նախագծի փոփոխությունն է եղել, նաև քարերի տեսակներն են փոխվել, որոնց հետ աշխատելն ավելի բարդ է. «Ի դեպ, այսօր էլ եմ այցելել գետնանցման տարածք և, կարծում եմ, հունվարի վերջ կունենանք շահագործման հանձնվող շքեղ, շատ շքեղ գետնանցում: Սա ուղղակի վերանորոգում չէր»:

Ըստ նրա՝ դեռևս վերջնական որոշում չկա, սակայն որոշ խնդիրներից խուսափելու համար քննարկվում է տարածքի շահագործումը մասնավորին հանձնելու հարցը:

«Հրապարակի վերին հատվածի գետնանցումը վերանորոգելու հաջորդ օրը գնացի, խայտառակ վիճակ էր, անգամ ջրի պոմպերն էին պոկել: «Լամբադա» կամրջի ստորգետնյա հետիոտնային անցումում ևս ամեն օր վայրագություններ են անում: Վերանորոգված պատրին տարբեր նյութերով նկարում են: Եվ, այո՛, մեր ամբողջ մտահոգությունը հենց դա է՝ այն ծախսը, որ արվում է՝ քաղաքը գեղեցկացնելու համար, հակառակ էֆեկտին չհանգեցնի»,- նշում է Խորեն Գրիգորյանը:

Խոսելով 2023 թվականին Երևան քաղաքում շինբարեկարգման աշխատանքների ծավալների մասին՝ զրուցակիցն ասում է, որ տարին հագեցած է լինելու այդ առումով:

«Այս պահին Պարոնյան խաչմերուկի Սուրբ Սարգիս եկեղեցի տանող գետնանցման նախագիծն է իրականացվում, մի քանի տարբերակներ ենք նախագծում: Դրանցից մեկը ստորգետնյա ավտոկայանատեղին է, մյուսը՝ առևտրի կենտրոնը: Մի քանի տարբերակներ ենք ունենալու, վերջում կհասկանանք, թե որն ենք իրականացնելու: Նախատեսում ենք Օղակաձև այգու չորրորդ, երկրորդ հատվածների վերանորոգում, Կենդանաբանական այգու հետ կապված որոշակի աշխատանքներ են արվելու, պատմամշակութային որոշ կառույցների վրա ևս անդրադարձ է լինելու: Ամբողջությամբ հիմնանորոգվելու են Էրեբունու թանգարանն ու Պատանի հանդիսատեսի թատրոնը»,- մանրամասնում է նա:

Վերջինս նշում է, որ նախատեսվում են մի շարք մանկապարտեզների վերանորոգում, որոշների դեպքում՝ զրոյից կառուցում. «Օրինակ՝ Ծարավ աղբյուր թաղամասում, որտեղ նախատեսված չէ ո՛չ դպրոց, ո՛չ մանկապարտեզ, որոշվեց, որ այդտեղ մանկապարտեզ պետք է կառուցվի: Արդեն նախագծանախահաշվարկային փաստաթղթերը մրցութային փուլում են: Վերանորոգվելու է տասից ավելի մանկապարտեզ»:

Համալիր ուշադրություն է դարձվելու քաղաքի բոլոր ոլորտներին, նկատում է Երևանի քաղաքապետարանի շինբարեկարգման վարչության պետի պաշտոնակատար: Ըստ նրա՝ նախատեսվում է նոր ճանապարհների կառուցում՝ քաղաքի կենտրոնի ծանրաբեռնվածությունը թուլացնելու համար:  

«Չեմ ուզում այս պահին հաշվարկել, թե ինչ ծախսերի մասին է խոսքը, բայց կարող եմ ասել, որ միայն այս տարի վերջին 5-6 տարվա բյուջեի չափով շինբարեկարգում ենք իրականացնելու և նոյեմբերին կունենանք լրիվ այլ Երևան: Ունենք մի շարք շատրվաններ, որ պետք է գործարկենք, ունենք, որ զրոյից պետք է կառուցենք: Շատ հագեցած տարի ենք ունենալու և տարեվերջին շատ յուրահատուկ Երևան»,- հավաստիացնում է նա:

Վերջինիս խոսքով՝ քաղաքականություն է մշակվում Երևանի աղտոտվածության վերացման, տապի՝ շոգի դեմ պայքարելու և կլիմայի վրա դրական ազդեցություն ունենալու համար:

«Այս տարի պլանավորում ենք ազատվել ասֆալտապատ մայթերից, ամեն ինչ պետք է անենք կա՛մ բազալտե, կա՛մ բետոնի բլոկների սալիկապատումներով: Պետք է մաքսիմում ազատվել ասֆալտից: Երևանը շոգ քաղաք է, ու պետք չէ ավելի ծանրացնել ասֆալտով: Ուշադրություն ենք դարձնելու նաև հենաշարժողական խնդիր ունեցողների համար թեքահարթակների կառուցմանը: Վստահեցնում եմ, որ տարվա վերջ կունենանք ավելի թարմ, ավելի լուսավոր, ջրով հարուստ և ավելի մաքուր Երևան»,- շեշտում է նա:

 Հերմինե Կարապետյան

Տպել
1591 դիտում

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացրել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Երթևեկության կազմակերպման փոփոխություն կլինի Միկոյան-Գալշոյան փողոցների խաչմերուկում

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը