Հուսամ՝ շատերը կհետաքրքրվեն հոլով․ Հայաստանի պատվիրակը երկրպագուներին ներկայացրեց «Եվրատեսիլի»՝ այս տարվա խորհրդանիշը

Հայաստանն այս օրերին պատրաստվում է «Մանկական Եվրատեսիլ 2022»-ին։ Եվրատեսիլյան շունչ ու վառ գույներն այսօր «Սիզնս Պարկ Սթեյշն» այգում էին, իսկ մեկ ամսից Կարեն Դեմիրճյանի անվան մարզահամերգային համալիրը կհյուրընկալի մրցույթի մասնակիցներին:

Այս տարի «Մանկական Եվրատեսիլ»-ն իր 20-րդ պտույտն է կատարում. մրցույթի խորհրդանիշն ընտրվել է գունազարդ հոլը։ Հայաստանի պատվիրակ Նարեի հետ միասին մեծերն ու փոքրերը այսօր «Սիզնս Պարկ Սթեյշն» այգում հավաքվել էին՝ հոլ խաղալու՝ վերհիշելով տարիների ընթացքում բակային ավանդույթ դարձած ամենահայտնի ու զվարճալի խաղերից մեկը:

Հուզված, սակայն մեծ պատասխանատվությամբ 14-ամյա Նարեն պատրաստվում է Հայաստան ժամանող 16 երկրի պատվիրակներին սովորեցնել հոլ խաղալ և նրանց ներկայացնել մեր երկիրը։ Նա խոստացավ մինչև դեկտեմբերի 11-ը սովորել հոլը լիարժեք պտտել։

«Հույս ունեմ, որ շատերը կհետաքրքրվեն հոլով և կիմանան, որ այն հայկական ազգային խաղ է ու հին պատմություն ունի: Ինքս խաղալ գիտեմ: Մինչև մրցույթը իմացել եմ այս խաղի մասին, բայց չեմ խաղացել: Շատ ուրախ էի, ու ինձ համար շատ անսպասելի էր, որ ես եմ ներկայացնելու Հայաստանը։ Քաջ գիտակցում եմ իմ առջև դրված պատասխանատվությունը։ Որքան օրը մոտենում է, այդքան հուզմունքս ավելանում է»,- «Հայկական ժամանակ»-ի հետ զրույցում ասաց նա:

Նարեն համոզված է՝ «Եվրատեսիլ»-ի՝ այլ երկրների մասնակիցները տպավորվելու են Հայաստանով. «Հայաստանում, որտեղ էլ շրջենք, իրենց դուր է գալու, և, կարծում եմ, որ նրանք շատ կսիրեն իմ երկիրը»։ 

316066168_1596626234126029_8487166449393424670_n.jpg (246 KB)

Մեր երկրի պատվիրակը հավանում է իր երգը, որը կոչվում է «Dance!»: (Երաժշտությունը գրել են Գրիգոր Կյոկչյանը և Նիկ Էգիբյանը, խոսքերը՝ Գրիգոր Կյոկչյանը):

«Մենք ընտրել ենք լավագույն երգը, որով ներկայանալու եմ։ Ոչ միայն մեր երկրին այն կգրավի, այլ նաև բոլոր եվրոպական երկրներին»,- վստահ ասաց նա։

Իր երկրպագուների ու եվրատեսիլյան խորհրդանիշ՝ «Ֆռռիկ» ապրանքանիշի հիմնադիր Գագիկ Մխիթարյանի հետ Նարեն նախ հոլ խաղալ սովորեց, հետո երկրպագուների հետ  լուսանկարվեց։

«Թելի ծայրին կա օղակ, այն անցկացնում ենք աջ ձեռքի ցուցամատին, ձախ ձեռքով բռնում ենք հոլն ու համաչափ հնարավորինս ամուր փաթաթում ենք դեպի վերև։ Վերջին հատվածում բութ մատը դնում ենք հոլի ծայրին, շատ մոտ ենք բռնում ու մեզնից 1,5 մետր հեռավորության վրա կատարում ենք հարված»,- հոլը պտտեցնել սովորեցրեց Գագիկ Մխիթարյանը:

Մխիթարյանի խոսքով՝ հոլն ի սկզբանե ծառայել է որպես զենք, սակայն ժամանակի ընթացքում նաև որպես խաղ է մտել մարդկանց կենցաղ ու վերածվել հետաքրքիր ժամանցի:

«Մեծ ձեռքբերում է, ու շատ լավ արդյունք է, որ միջազգային մշակութային մրցույթի խորհրդանիշը «Ֆռռիկ»-ն է։ Ընտրվել է այնպիսի խորհրդանիշ, որը կարտացոլի և՛ հրաշքի գաղափարը, և՛ «Մանկական Եվրատեսիլ»-ի 20-ամյակը՝ միավորելով մասնակից բոլոր մանուկներին: Փոքրիկներն ու այն մարդիկ, ովքեր չգիտեին, չեն տեսել՝ հոլն ինչ է, հնարավորություն ունեն ծանոթանալու։ Ծանոթացնում ենք մեր ժամանակակից սերունդին հոլի հետ, որովհետև որոշ ժամանակ բոլորը մոռացել էին այս խաղը։ Հիմա տարբեր տարիքային ներկայացուցիչներ խաղում են․ հոլի մասին գիտեն ամբողջ աշխարհում, պարզապես իր տեսքով, խաղի բնույթով բոլորինը տարբեր է»,- «Հայկական ժամանակ»-ի հետ զրույցում ասաց Մխիթարյանը:

315500567_803673167374072_3116740946053888692_n.jpg (483 KB)

Հայկական լեռնաշխարհի տարբեր հատվածներում տարբեր կերպ են հոլ խաղացել, այն տարբեր անուններ է ունեցել: Ըստ Մխիթարյանի՝ հայկական հոլը շատ անկանխատեսելի է, տարբերվում է իր հզորությամբ ու կոպտությամբ։ Անկառավարելի է, դժվար է ենթարկվում։

Մրցույթի այս տարվա խորհրդանիշ հոլի տեսակը հատուկ է հայկական մշակույթին և զարդարված է ազգային նախշերով։ Այդ նախշերը Հայաստանում կարելի է տեսնել պատմական-ճարտարապետական հուշարձանների, գորգերի և հագուստների վրա։ Ավանդական փայտե խաղալիքներին տրվել է նեոնային տեսք, որն արտացոլում է ժամանակակից Հայաստանը։

«Գյումրիում 5 տարվա արդյունքում մենք ունեցանք բազմաթիվ ձեռքբերումներ։ Աշխարհի 80 երկիր արդեն գիտի մեր ապրանքանիշի մասին։ Անսովոր էր, որ մարդիկ շատ էին հետարքրքվում, ու առաջին գնորդը տատիկ-պապիկներն էին։ Մենք զգացինք, որ այն պետք է մեր մշակույթին, մեր առօրյային»,- նկատեց նա։

Առանց տարիքային սահմանափակման բոլորը սպասում են «Մանկական Եվրատեսիլ»-ի մեկնարկին։ 14-ամյա Նարեն զգում է իր հայրենակիցների սերն ու աջակցությունը։ Փոքրիկները հանդիպման ընթացքում գրկում ու հաջողություն էին մաթում մեր պատվիրակին, ասում են՝ անհամաբեր սպասում են, որ այս անգամ էլ Նարեն հաղթի:

«Մանկական Եվրատեսիլ 2021»-ում Մալենայի հաղթանակի շնորհիվ մրցույթը 2022-ին կանցկացվի Հայաստանում: Հայաստանը կհյուրընկալի 16 երկրի մասնակցի:

315292538_455159406759256_5916552276027870303_n.jpg (342 KB)

Տպել
1343 դիտում

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել