Երևան
12 °C
2018 թվականին ՀՀ Արմավիրի մարզի Մերձավան համայնքի նախկին ղեկավար Լեւոն Գրիգորյանը աճուրդային կարգով, ընդամենը 100 հազար ՀՀ դրամ արժեքով իր եղբորն է օտարել համայնքային սեփականություն հանդիսացող Մերձավանի լիճը։
Մերձավանի համայնքապետարանում 2018 թվականի օգոստոսի 17-ին կայացած ավագանու նիստի օրակարգային հարցերից մեկն է եղել, եւ մեծամասնության կողմ քվեարկության միջոցով որոշվել է համայնքային սեփականությունն օտարել։ Որոշման մասին հրապարակված փաստաթղթում լիճը ձեւակերպված է գյուղատնտեսական նշանակության այլ հողատեսքի հողակտոր, որն էլ աճուրդով տրվել է Ռուբիկ Պայքարի Գրիգորյանին։
Լիճը գտնվել է նախկին գյուղապետի տան դիմաց, վերջինս էլ նախքան տարածքը աճուրդի հանելը շինաղբով ու քարերով է փակել՝ արհեստականորեն ցամաքեցնելով այն։
«Հայկական ժամանակ»-ի խմբագրություն դիմած մերձավանցիների խոսքով՝ նախկին գյուղապետն ամեն ինչ պլանավորել է նախապես, անգամ նախքան աճուրդի հանելն իր միջոցներով մասնակի բարեկարգել ու կիսով չափ պարսպապատել է լճի ափամերձ հատվածը։
«Մինչեւ աճուրդի հանելն անօրինական ցանկապատել էր, 90 տոկոսն իրեն է պահել, մնացած 10 տոկոսը՝ բաժանել իր մտերիմների միջեւ, որպեսզի հարցը փակվի»,- ասում են բնակիչները։
Նրանց խոսքով՝ դեռեւս 2018 թվականին իրենց բողոքների հիման վրա նախկին մարզպետ Գագիկ Միրիջանյանն այցելել է Մերձավան լճի տարածք, արձանագրվել են օրենքի կոպիտ խախտումներ, ապա մարզպետի հանձնարարականով կասեցվել է այդ տարածքում որեւէ միջամտություն անելը։ Խոստացել են, որ ապականված լճի տարածքը կվերադարձվի համայնքին, սակայն մինչ օրս այն գտնվում է նախկին գյուղապետի եւ իր եղբոր տիրապետության տակ։
«Արձանագրել էին, որ օրենքի կոպիտ խախտումով է արված աճուրդը, եւ որ համայնքի ղեկավարը իրավունք չուներ իր ընտանիքի անդամին այն օտարել։ Մենք մտածում էինք, որ դա համայնքի սեփականություն է մնացել, բայց այսօր տեսնում ենք, որ այդ մարդիկ շարունակում են տարածքում աշխատանքներ իրականացնել՝ հետագայում այն իրենց ծառայեցնելու նպատակով»,- ասում են բնակիչները։
Վերջիններս նշում են՝ բազմիցս են բողոքել, սակայն՝ ապարդյուն։ Այժմ էլ գրությամբ դիմել են ՀՀ գլխավոր դատախազություն, սակայն դեռեւս պատասխան չեն ստացել։ Նրանց պնդմամբ՝ լիճը պետք է վերադարձվի համայնքին, եւ որեւէ մեկն իրավունք չունի այն օտարել ու ապականել։
Բնակիչների փոխանցմամբ՝ նախկին գյուղապետի տան դիմաց գտնվող մեկ այլ հողատարածք եւս օտարվել է, եւ այժմ պատկանում է վերջինիս արտերկրում ապրող որդուն․ «Կենցաղի տուն» կոչվող համայնքային սեփականությունն այսօր Լեւոն Գրիգորյանի որդու՝ Պայքար Գրիգորյանի անունով է․ «Լեւոն Գրիգորյանը գյուղապետ լինելու ժամանակ հսկայական գումարներ է համայնքային բյուջեից դուրս գրել՝ իբրեւ թե խաղահրապարակի բարեկարգման համար, սակայն այդ տարածքը այսօր պիտանի չէ որպես խաղահրապարակ ու շատ շուտով շարքից դուրս կգա եւ վերջնականապես կմնա իրենց»։
Նկատենք՝ ավելի վաղ գրել էինք Մերձավան համայնքին պատճառված շուրջ 8 մլն ՀՀ դրամի վնասի մասին։ ՀՀ քննչական կոմիտեից հայտնել էին, որ մեղադրանք է առաջադրվել համայնքի ղեկավար Լեւոն Գրիգորյանին։ Հաղորդագրության համաձայն՝ Մերձավան համայնքի նախկին ղեկավարը, անշարժ գույքի նկատմամբ առանց պետական գրանցման շրջանակներում, նույն համայնքի բնակիչներ չհանդիսացող մի խումբ անձանց, որոնց մեջ եղել են նաեւ անչափահասներ, տրամադրել է կեղծ քաղվածքներ այն մասին, թե իբր հողերի սեփականաշնորհման ժամանակ Մերձավանի տարածքում անհատույց ստացել են հողամասեր:
Դեպքի առթիվ հարուցվել է քրեական գործ՝ ՀՀ քրեական օրենսգրքի 308-րդ հոդվածի 1-ին (Պաշտոնեական լիազորությունները չարաշահելը) եւ 325-րդ հոդվածի 1-ին մասերով (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշեր կեղծելը, իրացնելը կամ օգտագործելը): Մերձավանի նախկին ղեկավար՝ Լեւոն Գրիգորյանի կողմից համայնքին շուրջ 8 մլն դրամ վնասի պատճառման վերաբերյալ գործը դատարանում է։
Խնդրի վերաբերյալ «Հայկական ժամանակ»-ը դիմեց ՀՀ Արմավիրի մարզպետարան եւ Փարաքարի համայնքապետարան, որի կազմում էլ գտնվում է այժմ Մերձավանը։
Փարաքար համայնքի ղեկավար Դավիթ Մինասյանը մեզ հայտնեց, որ համայնքապետարանը բնակիչներից որեւէ դիմում-բողոք չի ստացել։ Մինասյանի խոսքով՝ ինքն էլ առաջին անգամ է լսում նման խնդրի մասին եւ որեւէ տեղեկատվության չի տիրապետում։
ՀՀ Արմավիրի մարզպետարանից էլ մեզ հայտնեցին, որ կայցելեն համապատասխան վայր ու խնդրին ավելի հանգամանալից կծանոթանան։ Այստեղից մեզ խոստացան բնակիչների բողոքներն անհետեւանք չթողնել։
Ինֆեկցիոն հիվանդությունների ազգային կենտրոնում անհետաձգելի բուժօգնության բաժանմունք է բացվել
17-ամյա Վահե Սուքիասյանը՝ շախմատի Եվրոպայի մինչև 18 տարեկան պատանիների չեմպիոն
Կտրիճ Ներսիսյան, զավակ ունե՞ս, թե՞ ոչ. դեռ որքա՞ն հոգևորականի ես այս շղթայում զոհաբերելու՝ աթոռդ պահելու համար
13-ամյա Տիգրան Համբարձումյանը՝ շախմատի Եվրոպայի մինչև 14 տարեկան պատանիների փոխչեմպիոն
Հագեցած աշխատանքային օրն ավարտեցինք Կապանում. Ալեն Սիմոնյան
ՀՀ և Հնդկաստանի առողջապահության նախարարությունները համաձայնագիր են ստորագրել. ինչ է այն նախատեսում
Մոսկվան դրական է գնահատում Վաշինգտոնում խաղաղության համաձայնագրի նախաստորագրումը, կարևոր է՝ ստորագրվի. ՌԴ ԱԳՆ
ԱՍՀ նախարարը քննարկման ժամանակ կարևորել է պետություն-քաղհասարակություն համագործակցությամբ իրականացված ծրագրերը
Դատավորների ընդհանուր ժողովը կարգապահական հարցերի հանձնաժողովի դատավոր չհանդիսացող անդամ է ընտրել
Շուրջ 5 մլն եվրոյի աջակցություն՝ Ոստիկանության և ՓԾ կարողությունների և ինստիտուցիոնալ ներուժի զարգացմանը
Լանջաղբյուրում մեքենան բախվել է քարե պարսպին. զոհ ու վիրավոր կան
Վարույթով, որում ներգրավված է նաև Քերոբյանը, 9 ձերբակալված կա. կալանքի միջնորդություններ են ներկայացվել
Ավտովթար Երևանում՝ մարդատարների և միկրոավտոբուսի մասնակցությամբ. կան տուժածներ
Լուսացույցի փոփոխություն` Երևանի խաչմերուկներից մեկում
Ադրբեջանով ՀՀ ցորեն գալը հավաստում է՝ հեռու-մոտիկ երկրները ընդունում են, որ խաղաղություն է. տեսանյութ
ՔԿ-ն մանրամասներ է հայտնել Արարատի մարզի խուզարկությունների վերաբերյալ. ձերբակալվել է 8 անձ. լուսանկարներ
Պետք է հասկանալ՝ արդյոք այս քայլով ՌԴ-ն Ադրբեջանի միջոցով չի փորձում մեզ պահել իր ազդեցության գոտում
Վարչապետն ընդունել է Վահե Գաբրաշին. քննարկվել են ՀՀ-ում իրականացվող տնտեսական ծրագրերին առնչվող հարցեր
Հայկական բրենդիի անվանման և շուկայական դիրքավորմանն առնչվող հարցեր են քննարկվել. հանդիպում է տեղի ունեցել
Կցրտի՞, թե՞ կտաքանա. ինչ եղանակ է սպասվում նոյեմբերին. Սուրենյանը մանրամասնում է
Արարատ Միրզոյանը հանդիպել է Հնդկաստանի ԱԳ նախարարի տեղակալ, Արևմտյան ուղղության հարցերով քարտուղարի հետ
Արագածոտնի թեմի դիվանապետ Տեր Գարեգին քահանա Արսենյանի խափանման միջոցը փոխվել է
Վահան Քերոբյանին կալանավորելու միջնորդություն է ներկայացվել
Խուզարկություններ Արարատի մարզում. մեծ թվով զենք-զինամթերք է հայտնաբերվել
Ոստիկանության գվարդիայի հրամանատար Հայկ Բաբայանին ոստիկանության գեներալ-մայորի կոչում է շնորհվել
Վարչապետն ուսանողներին և աշակերտներին ներկայացրել է Իրական Հայաստանի գաղափարախոսությունը
Ամիօ բանկը կրճատել է հերթում սպասման ժամանակը մինչև 12 րոպե
Այս հանդիպմանն էի պատրաստվում սրճարանում. վարչապետը տեսանյութ է հրապարակել
ՀՀ-ն բարձր է գնահատում Սաուդյան Արաբիայի՝ Հայաստան-Ադրբեջան խաղաղությանն աջակցող դիրքորոշումը. Միրզոյան
Օդի ջերմաստիճանը կբարձրանա. տեղումներ չեն լինի
Աշակերտների և ուսանողների հետ հանդիպմանը պետք է պատրաստվել առանձնահատուկ կերպով. վարչապետ
Մահացել է Վահագն Ալեքսանյանի մայրը
Մանվել Գրիգորյանի դատավոր դստեր լիազորությունները կասեցվել են
Ադրբեջանում միջոցառում պետք չէ ավելացնել, որովհետև Հայաստանում կա Արման Թաթոյան. Հարությունյան
Աննա Վարդապետյանն ու Իտալիայի գլխավոր զինվորական դատախազը փոխըմբռնման հուշագիր են ստորագրել
Եվրոն թանկացել է. ինչ փոփոխություններ է արձանագրել տարադրամի շուկան նոյեմբերի 7-ին
Լուկաս Սելարայանն այլևս չի խաղա ՀՀ ազգային հավաքականում. Եղիշե Մելիքյան
Հայաստանում ամուսնությունը, ամուսնալուծությունը և երեխայի ծնունդը շուտով հնարավոր կլինի գրանցել առցանց. Գալյան
ԱՄԷ-ում առևանգել և սպանել են կրիպտոարժույթի առևտրով զբաղվող Ռոման Նովակին և կնոջը
Ալեն Սիմոնյանը Սիսիանում տաքսու վարորդներից մեկի մեքենան է վարել. տեսանյութ
