«Արմենիա տոբակոյի» աշխատակիցներին ազատել են աշխատանքից՝ «Հայաստան» դաշինքի հավաքին չգնալու համա՞ր. ինչ է ասում ՍՊԸ-ն

«Հայկական ժամանակի» խմբագրություն է դիմել քաղաքացի Հարություն Թովմասյանը, որը 2019 թվականի փետրվարի 2-ին ընդունվել է «Արմենիա տոբակո քոմփանի» սահմանափակ պատասխանատվությամբ ընկերություն՝ որպես պահեստապետ, սակայն 2021 թվականի օգոստոսին հեռացվել է աշխատանքից, ըստ իրեն, քաղաքական հայացքների պատճառով:

Թովմասյանի պնդմամբ՝ 2021 թվականի հունիսի 18-ին Հանրապետության հրապարակում «Հայաստան» դաշինքը անցկացրել է նախընտրական ամփոփիչ հանրահավաք և «Արմենիա տոբակո քոմփանիի» ղեկավարությունը պարտադրել է աշխատակիցներին, որ նրանք մասնակցեն տվյալ հավաքին, սակայն Հարություն Թովմասյանը և նույն ընկերության աշխատակից Վոլոդյա Ավետիսյանը մերժել են:

«Ես հրաժարվել եմ մասնակցել հանրահավաքին, որից հետո աշխատավայրում սկսեցին արհեստական խնդիր ստեղծել ինձ համար: Աշխատակիցներին ասում էին, թե այս ֆիրմայում եք աշխատում, ով ձեզ վարձատրում է ու չեք ուզում ֆիրմայի ղեկավարությանը սատարեք: Բանը հասավ նրան, որ 2021 թվականի օգոստոսի 13-ին ինձ և Ավետիսյան Վոլոդյային, որը արտադրամասի հերթափոխի պետն էր, հեռացրին աշխատանքից՝ մեղադրելով գողություն կատարելու համար՝ իբրև թե ծխախոտ ենք գողացել պահեստից։ Առանց ինձ կանչելու, օրենքի կոպիտ խախտմամբ, իմ նյութական պատասխանատվության տակ գտնվող միջոցները գույքագրում են արել, հանձնում-ընդունում են արել, ու եթե պակաս միջոցներ կային, այդ դեպքում ինչո՞ւ վերջնահաշվարկի գումարից պահում չեն արել»,- պատմում է Թովմասյանը:

Նրա խոսքով՝ դեպքից հետո անցել է բավականին ժամանակ, սակայն վերջիններս այդպես էլ չեն կարողանում աշխատանք գտնել, քանի որ, իրենց կարծիքով, նախկին գործատուն շարունակում է խոչընդոտներ ստեղծել: «Երկուսս էլ բարձրագույն կրթություն ունենք, 10-ից ավելի տարվա փորձ՝ երկրի լավագույն ընկերություններում, բայց չենք կարողանում աշխատանք գտնել, ենթադրում եմ, որ նախկին գործատուն շարունակում է խոչընդոտներ ստեղծել: Դիմել ենք մի շարք կազմակերպությունների, հարցազրույցների փուլը շատ լավ անցել ենք, հետո՝ մերժում ստացել: Ամենայն հավանականությամբ գործատուները զանգահարում են մեր նախկին աշխատավայր՝ կարծիք հարցնելու, նրանք էլ սխալ տեղեկություններ են տալիս մեր մասին: Այս պատճառով մենք ստիպված ենք արտագնա աշխատանքի մեկնել, ընդհուպ մինչև ընդմիշտ ընտանիքով տեղափոխվել, թռիչքի տոմսն արդեն գնել եմ, քանի որ դատական համակարգն էլ չի գործում հօգուտ քաղաքացիների»,- ասում է նա:

Զրուցակիցը նշում է՝ ազատվելուց հետո՝ 2021-ի սեպտեմբերի 14-ին, «Արմենիա տոբակո քոմփանի» ՍՊԸ-ի դեմ հայց են ներկայացրել՝ զրպարտություն համարվող տվյալները հերքելու, հրապարակայնորեն ներողություն խնդրելու, զրպարտության և վիրավորանք հասցնելու համար փոխհատուցում տալու պարտավորեցնելու պահանջներով:

«Քաղաքացիական գործը ներկայացվել է ՀՀ Կոտայքի մարզի առաջին ատյանի ընդհանուր իրավասության դատարան, որը մակագրվել է դատավոր Ազատ Դունամալյանին: Սեպտեմբերի 28-ին դատավորը հայցը վերադարձրել է՝ մերժելով պետական տուրքի վճարումը հետաձգելու մասին միջնորդությունը և պահանջել է վճարել պետական տուրքը՝ առանց հստակ նշելու դրա չափը: 2021 թվականի նոյեմբերի 1-ին՝ 120 հազար դրամ պետական տուրքը վճարելուց հետո, հայցադիմումը կրկին ներկայացրել ենք ՀՀ Կոտայքի մարզի առաջին ատյանի ընդհանուր իրավասության դատարան, և այս անգամ գործը մակագրվել է դատավոր Հասմիկ Ջալալյանին: Նա էլ նոյեմբերի 22-ին որոշում է կայացրել, որ մեր՝ արդեն իսկ վճարած 120 հազար դրամ պետական տուրքի գումարը պետք է լինի 128 հազար դրամ և հայցը վերադարձրել է, որպեսզի եռօրյա ժամկետում հայցադիմումի թերությունները վերացվեն:

2022 թվականի հունվարի 19-ին՝ 8000 դրամ պետական տուրքը վճարելուց հետո, հայցադիմումը կրկին ներկայացրել ենք ՀՀ Կոտայքի մարզի առաջին ատյանի ընդհանուր իրավասության դատարան, և գործը միայն մեկ ամիս անց՝ փետրվարի 11-ին, մակագրվել է Կոտայքի մարզի ընդհանուր իրավասության դատարանի դատավոր Արման Օհանյանին, որը փետրվարի 22-ին որոշում է կայացրել հայցադիմումը կրկին վերադարձնել: Պատճառաբանության մեջ նշվել է, որ իբր թե հայցադիմումի սկզբնամասի, բովանդակության և եզրափակիչ մասերի ուսումնասիրությունից հստակ չէ, թե ո՞ւմ դեմ է պահանջներ ներկայացվել դատարանի քննությանը, և պարզ չէ, թե ո՞վ է պատասխանողը»,- պատմում է քաղաքացին:

Հարությունի խոսքով՝ այդ դեպքից հետո՝ 2022 թվականի մարտի 16-ին, իրենք բողոքարկել են Արման Օհանյանի որոշումը և դիմել ՀՀ վերաքննիչ քաղաքացիական դատարան:

«Ապրիլի 15-ին ՀՀ վերաքննիչ քաղաքացիական դատարանի դատավոր Ամրահի Պետրոսյանը մեր բողոքը բավարարել է և Արման Օհանյանի կայացրած որոշումը վերացրել՝ որոշման մեջ էլ նշելով, որ ՀՀ Կոտայքի մարզի առաջին ատյանի ընդհանուր իրավասության դատարանը բողոք բերող անձանց ձևական նկատառումներով զրկել է իր իրավունքների դատական պաշտպանության իրականացման հնարավորությունից: Հիմա գործը կրկին Արման Օհանյանի մոտ է, ցավոք սրտի, ով այդպես էլ նիստերի օր չի նշանակում: Երբ մենք փորձում ենք կապ հաստատել և հասկանալ՝ որն է դրա պատճառը, հեռախոսին պատասխանում է մի աղջիկ, որը ներկայանում է որպես քարտուղարուհի և ամեն անգամ մի բան ասում է՝ «շատ ինֆորմացիա չեմ կարող տալ, ես տեղյակ չեմ, դատավորը արձակուրդ է, դատավորը զբաղված է, նա տեղում չէ», և այսպես շարունակ»,- նշում է նա:

Քաղաքացիները կարծում են՝ դատավոր Արման Օհանյանի՝ ոչ իրավաչափ և ձևական նկատառումների հիման վրա կայացրած որոշումը կապված է «Արմենիան Տոբակո Քոմփանի» ՍՊԸ-ի սեփականատերերի՝ դատավորի վրա ունեցած հնարավոր ճնշումների կամ գուցե կոռուպցիոն մեխանիզմներ առկա լինելու հետ:

Վերջինս նշում է՝ հարցին լուծում տալու համար դիմել են տարբեր պատկան մարմինների, սակայն՝ ապարդյուն. «Բազմաթիվ նամակներ ենք հղել ՀՀ գլխավոր դատախազին (-խմբ. Արթուր Դավթյան) արդարադատության նախարարին, ոստիկանության պետին, Մարդու իրավունքների պաշտպանին, Կոռուպցիայի կանխարգելման հանձնաժողով, ՀՀ հակակոռուպցիոն կոմիտե, Դատավորների միություն, ՀՀ քննչական կոմիտե, ՀՀ Ազգային Ժողովի մարդու իրավունքների պաշտպանության և հանրային հարցերի մշտական հանձնաժողովի նախագահին, բայց արդյունավետ պատասխան չենք ստացել»:

«Դիմել եմ Ազգային ժողովի պատգամավոր Թագուհի Թովմասյանին, որն էլ կապ էր հաստատել գործարանի հետ, չեմ կարող ասել, թե կոնկրետ ո՞ւմ հետ էր խոսել, քանի որ չգիտեմ, բայց նրանք սպառնացել էին, որ մեզ ներում չի լինելու ու գոհ թող լինեն, որ ոստիկանություն չենք կանչել, այլ ուղղակի ազատել ենք: Ես դիմել եմ նաև Արդարադատության նախարարություն՝ դատավոր Օհանյանի՝ կոռուպցիոն սխեմաների մեջ ներգրված լինելու հարցով, սակայն այնտեղից էլ պատասխան եմ ստացել, որ այս հարցի քննարկումը դուրս է նախարարության իրավասությունների շրջանակից: Դատավորների ընդհանուր ժողովի էթիկայի և կարգապահական հարցերի հանձնաժողովից էլ, իմ դիմումին ի պատասխան, հայտնել են, որ Արման Օհանյանը համապատասխանում է դատավորի կարգավիճակին և իր էությամբ չի հեղինակազրկել դատական իշխանությունը»:

Հարցի առնչությամբ «Հայկական ժամանակ»-ը դիմեց ԲԴԽ մամուլի խոսնակ Լիլիթ Շաբոյանին, որը մեր զրույցում հայտնեց, որ Հարություն Թովմասյանից իրենք նույնպես դիմում ստացել են՝ դատավոր Արման Օհանյանի վերաբերյալ, և հանձնաժողովը եզրակացրել է, որ Թովմասյանի թվարկած արարքները չեն համարվում կարգապահական խախտում, և հետևանքների բացակայության հանգամանքով կասկածի տակ չի կարող դրվել դատավորի համապատասխանելիությունը դատավորի կարգավիճակին:

Մենք կապ հաստատեցինք նաև «Արմենիա տոբակո քոմփանի» ՍՊԸ՝ հարցի վերաբերյալ ընկերության դիրքորոշումը իմանալու: Ընկերությունից խնդրեցին հարցերը ուղարկել գրավոր տարբերակով: Ի պատասխան՝ ՍՊԸ-ի տնօրեն Ռաֆայել Բաբայանը հայտնել է, որ Հարություն Թովմասյանի պնդումները չեն համապատասխանում իրականությանը և դրանով արատավորում է ՍՊԻ-ի գործարար համբավը:

Նկատենք, որ 2020 թվականին fip.am-ն անդրադարձել էր «Արմենիա տոբակո քոմփանի» ՍՊԸ-ին՝ պարզելով, որ, իրավաբանական անձանց էլեկտրոնային ռեգիստրի տվյալների համաձայն, ընկերությունն ունի 3 բաժնետեր՝ Լիլիթ Աբրահամյան, Արսեն Հարությունյան և Վարդան Հարությունյան։ Վերջին երկուսը եղել են բարձրաստիճան պաշտոնյաներ և համարվում են նախկին վարչապետ Կարեն Կարապետյանի մերձավոր շրջապատի անձինք: Իսկ Լիլիթ Աբրահամյանը Նիկոլայ Գաբրիելյանի՝ «Գազի Կոլյայի» դուստրն է։ «Արմենիան տոբակո քոմփանիի» գլխավոր տնօրենն էլ Արմեն Ունանյանն է. վերջինիս անունը մամուլում հայտնվել է 2018-ի մայիսին՝ ԱԱԾ-ի՝ հանցավոր սխեմա բացահայտելու ժամանակ։

Տպել
2666 դիտում

ԶՈՒ զինծառայողի՝ հրազենային վնասվածք ստանալու դեպքի առթիվ նախաձեռնվել է քրեական վարույթ

Մակրոնը հեռախոսազրույց կունենա Պուտինի և Զելենսկիի հետ

Ինչ ունեցվածք ունի ՀՀ ԱԺ պատգամավոր Հրաչյա Հակոբյանը

Մառախուղ, մերկասառույց, ձյան տեղումներ. ինչպիսին է իրավիճակը ՀՀ ավտոճանապարհներին

«Շատերն են առիթավորվել ինչ-որ». Վլադիմիր Գասպարյանի 20-ամյա դուստրը հայտնել է քաղաքականությամբ զբաղվելու որոշման մասին

Երևանի Սիլիկյան թաղամասում ավտոմեքենան կամրջից շրջվել է. վարորդը հոսպիտալացվել է ծայրահեղ ծանր վիճակում

Սեյրան Օհանյանի կինը ծաղիկների հետ հերթական լուսանկարն է հրապարակել (լուսանկար)

Փարաքար գյուղի անասնագոմերից մեկի տանիքում այրվել է մեծ քանակությամբ անասնակեր

Թե՝ «մեր օրակարգով ենք եկել». ընդդիմության նպատակը հարցի շուրջ հայտարարի գալը չէր՝ մկան թակարդ են լարում. Սամսոնյան

Արցախում պատշաճ կերպով վերահսկվում է ընդերքօգտագործողների գործունեությունը․ ԱՀ բնապահպանության կոմիտեի հայտարարությունը

Ադրբեջանի պաշտպանության նախարարությունը հերթական ապատեղեկատվությունն է տարածում. ՀՀ ՊՆ

Դեկտեմբերի 6-ին ու 7-ին չի գործելու Երևանի մետրոպոլիտենը

Հանրապետության հրապարակը հրաշքի մաս է դարձել, ամեն բան կանենք բացթողումները շտկելու համար. քաղաքապետ (լուսանկարներ)

Վահագն Խաչատուրյանը հրամանագրեր է ստորագրել դատավորներ նշանակելու մասին

Փակվելու են փողոցներ, արգելվելու է մեքենաների կայանումը, ստուգվելու են քաղաքացիները․ ոստիկանությունը՝ վաղվա օրվա մասին

Ամանորյա Երևանն այս տարի կառանձնանա գեղարվեստական լուսավորության նոր ու բացառիկ լուծումներով (տեսանյութ)

Աշոցքում և Ամասիայում ձյուն է տեղում. ՀՀ որոշ ավտոճանապարհների մերկասառույց է, մառախուղ

Զինծառայող է հրազենային վիրավորում ստացել. նրա վիճակը գնահատվում է ծայրահեղ ծանր

Ինչպես կարող է խաղաղապահների վերահսկողության գոտում հայտնվեն քաղաքացիական հագուստով սադրանք իրականացնողներ․ Նորիկյան

Ադրբեջանի բռնապետը հենց մեկ անգամ սահմանին պարտություն կրի, հաջորդ օրը իրենց երկրում կլինի իշխանափոխություն․Հովհաննիսյան

Դեղերի շատ օգտագործումն ինչի կարող է հանգեցնել. դեղատները հաճախ խախտում են պահանջը՝ առանց դեղատոմսի տրամադրելով դրանք

«Հայոց ցեղասպանության հատուցման հարցը. սահմանելով ազգային և ﬕջազգային իրավարարության սահմանները» գիտական թեման հաղթել է

Մաշկաբանության ազգային կենտրոնի լոգասենյակի պատուհանից փախուստի դիմած կալանավորված անձը հայտնաբերվել է

Վարդաքարցին հարևանի տնից կենցաղային իրեր է գողացել

Հասարակության բոլոր շերտերի համար պետք է մեր մարզը, քաղաքը հարմարավետ լինի, դրան են միտված մեր ջանքերը․ Շիրակի մարզպետ

Միրզոյանը Ռիքերի հետ հանդիպման ժամանակ շեշտել է Ադրբեջանի զինված ուժերի՝ ՀՀ ինքնիշխան տարածքից դուրսբերման հրամայականը

Որոշ տեղերում շտկված էին նկատված սխալներն ու թերացումները․ Գեղարքունիքի մարզպետը հետևել է սուբվենցիոն ծրագրերի ընթացքին

Միջազգային հանրությանը խնդրում ենք ստիպել Ադրբեջանին հարգել խաղաղության օրակարգը, հեռանալ Հայաստանի հողերից․ Ինարիտու

Երևանի մետրոպոլիտենը դեկտեմբերի 6-ին և 7-ին 7 ժամով չի գործի (տեսանյութ)

Կոչ ենք անում միջազգային հանրությանը գործուն քայլեր ձեռնարկել և սանձազերծել ագրեսորին․ Արցախի ԱԳՆ

Ադրբեջանական կողմի հետ ավելի քան երեք ժամ տևած բանակցությունները տվել են դրական արդյունք․ տեղեկատվական շտաբ

Այս պահին Արցախի 120 հազար ժողովուրդը ամբողջական շրջափակման մեջ է՝ կանգնելով հումանիտար վերահաս աղետի առջև․ Արցախի ՄԻՊ

76-ամյա տղամարդը ձերբակալվել է՝ որդու և հարսի նկատմամբ սպանության փորձ կատարելու կասկածանքով

Փորձ է արվում խզել Արցախի և ՀՀ-ի միակ կապը, Ադրբեջանի գործողություններն ուղղված են ԱՀ բնակչության և խաղաղապահների դեմ

Ավելի քան երկու ժամ է շարունակում է փակ մնալ Արցախ-Հայաստան միակ մայրուղին․ տեղեկատվական շտաբ

Ադրբեջանը նպատակ ունի հումանիտար աղետ ստեղծել Արցախում․ ԱՀ առողջապահության նախարարություն

Շուշի-Քարին տակ հատվածում ադրբեջանցիները շարունակում են փակ պահել ճանապարհը, սա ցեղասպան և ահաբեկչական քայլ է. Բաբայան

Արգավանդում 76-ամյա տղամարդը կացնով կտրել է քնած որդու մատները

Ալեն Սիմոնյանը Մոսկվայում կմասնակցի ՀԱՊԿ ԽՎ խորհրդի և 15-րդ լիագումար համատեղ նիստին

Азербайджанцы перекрыли трассу Степанакерт-Горис (фото)