Մենք մեծ չենք մտածում, չենք կարողանում դիմացինի հաջողությունը հանդուրժել, մեր անձնական շահի ետեւից ենք ընկած․ Խառատյան

Բալետի արտիստ, խորեոգրաֆ, ՀՀ ժողովրդական արտիստ Ռուդոլֆ Խառատյանի կարծիքով՝ Հայաստանի ազգային բալետի եւ օպերային թատրոնն ու Կառավարությունը փայտի երկու ծայրեր են. մեկը գաղափարական կողմն է առաջ տանում, այն, թե մենք ուր ենք, մյուսը՝ քաղաքականը։ Վերջինիս համոզմամբ՝ գաղափարական կողմով այսօր աշխարհից հետ ենք մնում:

Այս պահին ԱՄՆ-ում գտնվող Ռուդոլֆ Խառատյանի հետ «Հայկական ժամանակի» զրույցը՝ ստորեւ․

- Պարոն Խառատյան, ժամանակավո՞ր եք ԱՄՆ մեկնել, թե՞ մշտական բնակություն եք հաստատել այնտեղ։

- Ժամանակավո՛ր։ Ես շարունակում եմ բնակվել Հայաստանում՝ Երեւանում: Պարզապես եկել եմ այստեղ՝ արձակուրդի։ Ի դեպ, այստեղ էլ ազատ չեմ՝ մասնավոր դասեր եմ տալիս։ Իմացա «Սուրմալուի» պայթյունի մասին. չգիտեմ՝ կեսն ասում են՝ պատահական է, մի մասն էլ, թե պատահականություն չէ, արդեն կասկածում եմ։ Անիծե՞լ են Հայաստանին, թուղթ ու գի՞րն են արել, ի՞նչ են արել, չե՜մ հասկանում։ Իմ պատկերացումներով՝ ժամանակին Հայաստանը պետք է ղեկավարվեր շատ ճկուն ձեւով... չեմ ուզում քաղաքական բաներ ասել, որովհետեւ քաղաքական գործիչ չեմ, թեպետ իմ կարծիքն ունեմ տարբեր հարցերի վերաբերյալ։ Շատ նեղված եմ միայն, որ այսօր ադմինիստրատիվ աշխատանք կատարող անձինք հասնում են մի աստիճանի, երբ իրենք են որոշում մեր՝ հայերիս բախտը:

- 44-օրյա պատերազմից հետո ամեն ինչ կարծես իրար է խառնվել, ու մարդիկ էլ չեն կարողանում ուշքի գալ, ագրեսիան է մեծացել: Ինչ եք կարծում՝ այս ամենը ե՞րբ կհանդարտվի:

- Պատահական ոչինչ չի լինում։ Սա հազարամյակների մեր անփութությունն է, մեր չաշխատելու եւ ուրիշի վրա հույսը դնելու գաղափարների հետեւանքը։ Այսօր այդ ամենը դուրս է գալիս, արտահայտվում կյանքի տարբեր իրավիճակներում․ մենք իրար ատում ենք, դարձել ենք անհամբեր, անհանդուրժող։ Կրթությունը մեզ մոտ շատ թերի է։ Ամենը պետք է այնպես դասավորվեր, որ մեր ազգն ի ծնե իր յուրահատկությունները օգտագործեր։ Արդեն քանի՜ հազար տարի է՝ մենք կորցրել ենք մեր գլխավոր ունակությունները, աշխատելու կարողությունը, քանի որ միայն աշխատանքով կարող էինք դուրս գալ այս ամենի միջից, բարձրանալ դեպի վերեւ, չիջնել հատակը։ Այսօր բազում երկրներ իրենց շահերն են հետապնդում, այդ պատճառով էլ մենք դարձել ենք թշնամի երկիր մեր հարեւան երկրներին։ Այսօր բոլորը մեր դեմ են աշխատում, բզկտում մեզ, իրար դեմ լարում, ազգի ներսում թշնամություն սերմանում:

- Ասում են՝ հազարամյակների ընթացքում այդպես էլ դասեր չենք քաղում։

- Շատ դժվար է։ Չգիտես՝ ինչ անել, ինչպե՞ս օգնել։ Մտորումիս թեման մասնավորեցնելով՝ մի բան պատմեմ․ ներկայացումներ էի բեմադրել՝ մեծարելով Նարեկացուն: Երբ այն առաջին անգամ Հայաստանը հանրայնացրեց մեր երկրից դուրս՝ բազում երկրներ հետաքրքրություն ցուցաբերեցին, հրավերներ ստացա ու շարունակում եմ ստանալ։ Սակայն այդ ներկայացումն այսօր հանվել է Օպերային թատրոնի խաղացանկից, ադմինիստրատիվ ձեւով է հանվել, այլ ոչ թե արվեստագետի կարծիքի կամ գաղափարական նպատակների։ Չեմ ուզում բողոքել, բայց գիտե՞ք՝ ցավալին որն է, որ այդ մարդիկ ոչ թե հասկանալով են անում, այլ անձնական շահերի համար թշնամություն են սերմանում։ Մենք մեծ չենք մտածում, չենք կարողանում դիմացինի հաջողությունը հանդուրժել, պետականամետ չենք:

- Իսկ հայ հանդիսատեսը խստապահանջ չէ՞։

- Մեզ մոտ էլ լեփ-լեցուն դահլիճներ էին, սակայն Օպերային թատրոնը չի կարողանում այդ գաղափարներն առաջ տանել, որովհետեւ առաջնորդվում է սեփական ադմինիստրատիվ ծրագրով՝ «սրան սպանեմ, հասնեմ այս աստիճանին, սրա գործը նսեմացնեմ՝ հանկարծ իմ պաշտոնն իրեն չտան»։ Դրա համար էլ մեր ազգը չի կարողանում դուրս գալ այս վիճակից։ Լարված ենք իրար դեմ։ Գիտե՞ք՝ ցավալին որն է, որ մեր ազգն այնքա՜ն փոքր է դարձել, որ բոլորը կարեւոր դեր ունեն երկրում, բոլորն անելիք ունեն, բայց ամեն մեկն իր տեղում չէ:

- Ժամանակին ասում էիք, որ շատ բեմադրություններ, երբ դրսից գալով՝ բերեցիք, այստեղ նույն ոգեւորությունը չկար. մտահոգություններ ունեիք, որ հայաստանյան հանրությունը պատրաստ չէ։

- Նայած՝ ո՜ր հանրության մասին ենք խոսում մենք։ Եթե մեծամասնության մասին է խոսքը, ապա ես այսպես կբացատրեմ․ կյանքը եռանկյունի է, եռանկյունու ներքեւում միշտ ռաբիսն է լինում, որը, ի դեպ, շատ կարեւոր է Հայաստանի համար, որովհետեւ մեծ զանգվածն է, եւ իրենք են շարժիչ ուժը։ Հետո եռանկյունուց մի փոքր վերեւ արդեն գալիս են զգայական եւ ինտելեկտուալ աշխարհները։ Այսինքն՝ որոշ անհատներ, այդ թվում՝ ես, վերեւից պետք է լույս տանք ու կրթենք։ Ձեզ մի օրինակ բերեմ՝ նստած միասին ֆիլմ ենք նայում, բայց դանդաղ է զարգանում, գիտե՞ք՝ ինչու, որովհետեւ հին ֆիլմ է, իսկ այսօրվա կյանքի ռիթմը չափազանց արագացել է։ Պետք է տանք որակ այսօրվա ռիթմով, բայց պատմական ու համաշխարհային արժեքներ պարունակող։ Այսօր թատրոնի գաղափարախոսությունը հետեւյալն է՝ Օպերային թատրոնն ու մեր Կառավարությունը փայտի երկու ծայրեր են. մեկը մեր գաղափարական կողմն է առաջ տանում, թե մենք ուր ենք, մյուսը՝ քաղաքականը։ Գաղափարական կողմով մենք այսօր աշխարհից շատ հետ ենք մնացել։ Մեր մտածածը, մեր ունեցածը աշխարհին ներկայացնելու համար առաջին հերթին անհրաժեշտ է կրթություն։ Պետք է երգի, բալետային պարի միջոցով աշխարհին փոխանցենք մեր մտահոգությունները, մեր հուզական եւ էմոցիոնալ վիճակները։

- Ձեր հարցազրույցներից մեկում մի անգամ ասել եք, որ կյանքը մեզ տալիս է հնարավորություն՝ հասկանալու, թե մեր միսիան որն է։ Անգամ նշել էիք, որ կյանքը մեզ կհասկացնի, թե հայության դերակատարումը որն է։ Ի վերջո, ո՞րն է հայության դերը։

- Մեր միսիան շատ կարեւոր է, բայց կողքի՝ մեզ թշնամացած ազգերը մեզ շատ են խառնում ու խանգարում։ Մեր միսիան խաչմերուկի վրա մնալն ու բոլորին հասկանալն է՝ ամենալայն իմաստով։ Հյուսիս-հարավ․ մենք կարող ենք հասկանալ ե՛ւ հյուսիսի ժողովրդին, ե՛ւ հարավի, ե՛ւ արեւմուտքի ու արեւելքի։ Այդ բոլորին միացնողը մենք պետք է լինենք։ Սա է մեր միսիան ի վերուստ տրված։ Դրա համար են մյուս ազգերն ուզում վերցնել մեր ձեռքից, իսկ մենք հեշտությամբ հրաժարվում ենք, հետո էլ ասում՝ «վա՛յ, մեր հողերը տարան»։ Իհարկե, կտանեն, քանի մենք ներսից իրար ենք բզկտում: Մեր միսիան թերի է մնացել։ Աշխատել է պետք, շատ աշխատել։ Երբ ես Օպերային թատրոնում էի ու աշխատեցնում էի բոլորին, երիտասարդներն ուզում էին աշխատել, ձգտում էին, իսկ այն մարդիկ, որոնք արդեն իբր թե մեծահասակներ են (բանակում ասում են՝ ստարիկներ, բայց բալետում այդ գաղափարը չկա), չէին ուզում։ Այդ մեծահասակները սկսեցին խանգարել, որ աշխատանքը չհաջողվի,  քանդեցին։ Այդ փոքր օղակից ես հասկանում եմ, թե վերեւներում կամ մնացած օղակներում ի՜նչ է կատարվում։

Տպել
2930 դիտում

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել