Արյան անալիզից մինչև տեսողության ստուգում. Երևանում գործող հանրային տրանսպորտի վարորդներն անվճար ինչ բուժզննում կանցնեն

Օրերս Երեւանի քաղաքապետ Հրաչյա Սարգսյանը հայտարարեց, որ համայնքային ավտոբուսների վարորդները պետք է պարբերաբար պարտադիր բուժզննում անցնեն: Վերջինս հանձնարարեց հնարավորինս ուշադրության կենտրոնում պահել հարցը:

Նախքան քաղաքապետարանի այս հայտարարությունը՝ «Հայկական ժամանակ»-ը եւս քանիցս ահազանգեր է ստացել երթեւեկության ընթացքում վարորդների ինքնազգացողության վատացման, ուշաթափությունների դեպքերի վերաբերյալ: Մոտ մեկ ամիս առաջ էլ արձանագրվել էր հասարակական տրանսպորտը վարող վարորդի կենսաբանական մահ:

ՀՀ քաղաքաշինության, տեխնիկական եւ հրդեհային անվտանգության տեսչական մարմնի (ՔՏՀԱ) Երեւանի տրանսպորտի անվտանգության բաժանմունքի պետ Արթուր Արաբաչյանը «Հայկական ժամանակի» հետ զրույցում ասում է՝ կանոնավոր երթուղիները՝ լինի ներհամայնքային, ներմարզային, միջմարզային, թե միջպետական, նախքան լիցենզիա ստանալու համար հայտարարված մրցույթներին մասնակցելը՝ պարտավոր են, նախ, ունենալ հավաքակայան, որը սահմանվում է ՀՀ տրանսպորտի մասին օրենքով: Մասնագետի հավաստմամբ՝ հավաքակայանի միջոցով էլ իրականացվում են բոլոր անհրաժեշտ գործընթացները, որպեսզի քաղաքացիները կարողանան օգտվել անվտանգ տրանսպորտային երթեւեկությունից:

«Երբ վարորդներն ավարտում են տվյալ օրվա իրենց աշխատանքը, տրանսպորտային միջոցն ուղեւորվում է պարտադիր հավաքակայան, իսկ առավոտյան աշխատանքը սկսելուց առաջ՝ մինչեւ գիծ դուրս գալը, այսինքն՝ առաջին երթն իրականացնելը, տվյալ հավաքակայանում՝ լինի պետական, թե մասնավոր, պետք է լինեն համապատասխան բուժակներ, որոնք ստուգում են վարորդների առողջական վիճակը: Գոյություն ունեն հատուկ ճանապարհային թերթիկներ, որոնց վրա էլ համապատասխան նշագրումն արվում է»,-մանրամասնում է Արաբաչյանը:

Վերջինս նաեւ պարզաբանում է՝ ՔՏՀԱ աշխատակիցներն ամենօրյա ստուգումներ են իրականացնում ինչպես միջմարզային տրանսպորտի, այնպես էլ մայրաքաղաքի հասարակական տրանսպորտի վիճակի վերաբերյալ, ստուգում են նաեւ ճանապարհային թերթիկների առկայությունը, եթե դրանք բացակայում են կամ խախտումներով են, ապա վարչական արձանագրություն է կազմվում:

ՔՏՀԱ-ի Երեւանի տրանսպորտի անվտանգության բաժանմունքի պետի փոխանցմամբ՝ սույն թվականի վերջին եռամսյակում ճանապարհային թերթիկի ստուգումների ընթացքում 12 արձանագրություն է կազմվել, եղել են դեպքեր, երբ վարորդը առհասարակ չի ունեցել ճանապարհային թերթիկ, եղել է նաեւ, որ առկա է եղել թերթիկը, սակայն համապատասխան բուժակի եւ մեխանիկի պարտադիր նշագրումները բացակայել են. «Վարչական արձանագրություն է կազմվել: Վարչական իրավախախտումների վերաբերյալ օրենսգրքի համապատասխան՝ 20 հազար դրամ տուգանք է հասնում»:

Երեւանի քաղաքապետարանի տրանսպորտի վարչության պետ Հայկ Սարգսյանն էլ շեշտում է՝ փորձում են հարցը ամենօրյա ռեժիմով ուշադրության կենտրոնում պահել: Նրա խոսքով՝ ավտոբուսի հավաքակայանում առկա է բուժկետ, որտեղ ամեն օր՝ մինչեւ աշխատանքի անցնելը, վարորդները անցնում են համապատասխան ծավալի բուժզննում: «Ունենք 4 կետ, ամեն կետում՝ 2 բուժաշխատող, նրանք ամեն օր ստուգում են վարորդներին, իրականացնում զարկերակային ճնշման չափում, ալկոհոլի ազդեցության առկայության որոշում, ամեն ինչ, ինչը հնարավոր է նախնական բուժզննման միջոցով իրականացնել»,- հավելում է նա:

Անդրադառնալով վարորդների ինքնազգացողության կամ երբեմն մահվան դեպքերին՝ Սարգսյանը նկատում է՝ այդ ոչ հաճախ արձանագրվող դեպքերը վերահսկել, ցավոք սրտի, հնարավոր չէ, քանի որ անգամ այն ժամանակ, երբ վարորդները նոր են աշխատանքի անցնում ու ներկայացնում փաստաթղթեր, մանրամասն բուժզննություն չի ներառում. թոքերի նկարահանում է, պոլիկլինիկական մի քանի զննում. «Մենք չենք կարող պահանջել ավելին, որը օրենքով չկա»:

Երեւանի քաղաքապետարանի տրանսպորտի վարչության պետը ուրախությամբ փաստում է՝ արդեն գործում է «Առողջության ապահովագրության փաթեթ», որից նաեւ կարող են օգտվել հասարակական տրանսպորտի վարորդները: Այն անձինք, ովքեր «Երեւանի ավտոբուս» ՓԲԸ-ի վարորդներ են, փաթեթի շրջանակում տարին մեկ անգամ անցնելու են անվճար բուժզննում:

Քաղաքապետարանի առողջապահության վարչությունից էլ մանրամասնում են՝ առողջության ապահովագրության փաթեթը ներառում է հիվանդանոցային պայմաններում սուր, անհետաձգելի եւ պլանային բուժօգնություն, արտահիվանդանոցային բուժօգնություն, լաբորատոր եւ գործիքային հետազոտություններ եւ տարեկան մեկանգամյա կանխարգելիչ բուժզննում:

Կանխարգելիչ բուժզննությունը վարորդներն անցնում են տարեկան մեկ անգամ ապահովագրողի ընտրած բժշկական հաստատություններում:

Ինչ վերաբերում է կանխարգելիչ բուժզննությանը, ապա այն ներառում է հետեւյալ բժշկական ծառայությունները.

  • Արյան ընդհանուր հետազոտություն լեյկոֆորմուլայով,
  • Արյան բիոքիմիական հետազոտություն /գլյուկոզա, պրոթրոմբինային ինդեքս, խոլեստերին,
  • Մեզի ընդհանուր հետազոտություն,
  • Գործիքային քննություն (ԷՍԳ),
  • Որովայնի եւ փոքր կոնքի ուլտրաձայնային հետազոտություններ,
  • Ակնաբույժի խորհրդատվություն, տեսողության ստուգում, անհրաժեշտության դեպքում՝ ակնոցի դուրս գրում,
  • Թերապեւտի խորհրդատվություն, անհրաժեշտության դեպքում՝ թերապեւտի ուղեգրմամբ նեղ մասնագետների խորհրդատվություններ,
  • Վահանաձեւ գեղձի ուլտրաձայնային հետազոտություն:
Տպել
2786 դիտում

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են