Մեզ հետաքրքրող ցանկացած տարածք կարող ենք նկարել. Արծրուն Հովհաննիսյանը՝ ՀՀ առաջին տիեզերական արբանյակի մասին

Երեկ՝ Երևանի ժամանակով 22:35-ին, ԱՄՆ Կանավերալ հրվանդանում գտնվող տիեզերակայանից SpaceX ընկերության տիեզերանավով Երկիր մոլորակի ուղեծիր է դուրս բերվել ՀՀ առաջին տիեզերական արբանյակը: Սա տեղի է ունեցել հայկական պետական «Գեոկոսմոս» ՓԲԸ և իսպանական «Սատլանտիս» ընկերության համագործակցության արդյունքում:

Հրթիռի արձակման վայրում ներկա են գտնվել ՀՀ բարձր տեխնոլոգիական արդյունաբերության նախարար Ռոբերտ Խաչատրյանը և ԱՄՆ-ում ՀՀ արտակարգ և լիազոր դեսպան Լիլիթ Մակունցը:

Նշենք, որ SpaceX-ը ամերիկյան կազմակերպություն է, որը զբաղվում է տիեզերական սարքավորումների արտադրմամբ: Կազմակերպության գլխամասային գրասենյակը գտնվում է ԱՄՆ-ի Կալիֆոռնիա նահանգի Հոթորն քաղաքում։ Այն 2002 թվականին հիմնադրել է PayPal-ի նախկին բաժնետեր և Tesla Motors-ի գործադիր տնօրեն Իլոն Մասկը՝ նպատակ ունենալով նվազեցնել տիեզերական թռիչքների արժեքը՝ ճանապարհ հարթելու Մարսի գաղութացման համար: Ընկերությունը մշակել է Falcon 1, Falcon 9 և Falcon Heavy հրթիռ մեքենաները, ինչպես նաև Dragon տիեզերանավը:

Ռազմական փորձագետ Արծրուն Հովհաննիսյանի կարծիքով՝ ՀՀ առաջին տիեզերական արբանյակի՝ երկիր մոլորակի ուղեծիր դուրս բերելը Հայաստանի համար ռազմավարական մեծ նշանակություն ունի:

«Սա չունենալը մեր ամենաթույլ կողմերից մեկն է եղել: Իհարկե, ինչ-որ առումով օգտվում էինք մեր ռազմական դաշնակիցներից, բայց սեփական արբանյակ ունենալը լրիվ այլ է: Պարամետրերին նայելով՝ չէի ասի, թե ամերիկյան կամ ռուսական ամենաթոփ հետախուզական արբանյակների պարամետրերից ունի մերը, սակայն միջինից բարձր պարամետրեր ունի, որոնք Հայաստանի պահանջարկի համար բավականին լավն են: Մանավանդ օպտիկական հետախուզության նկարահանման լայնույթը՝ 26 կիլոմետր, բավականին լավ թիվ է»,- «Հայկական ժամանակի» հետ զրույցում ասում է Հովհաննիսյանը:

Անդրադառնալով ռազմական առավելություններին՝ վերջինս նկատում է՝ արբանյակը հնարավորություն կտա տիեզերքից մեզ հետաքրքրող ցանկացած տարածք ցանկացած խորության վրա նկարել:

Հարցադրմանը՝ ինչո՞ւ է Հայաստանը նոր հասնում այս հնարավորությանը, արդյոք ավելի վաղ այս ուղղությամբ աշխատանքներ չե՞ն տարվել, փորձագետը ևս մեկ անգամ ընդգծում է՝ Հայաստանը սրա կարիքը վաղուց է, ինչ ուներ:

«Օրինակ՝ կան պետություններ, որոնք առանձնապես չունեն հետախուզական արբանյակներ ունենալու կարիք, և նրանք կարող ենք օգտվել տարատեսակ միջազգային պլատֆորմներից: Սակայն մեզ համար չափազանց կարևոր խնդիր էր սա, և տարիներ շարունակ մասնագետները սրա մասին խոսում էին ու խոսում»,- ասում է նա:

Հովհաննիսյանը չափազանց կարևոր է համարում SpaceX ընկերության հետ համագործակցությունը. «Իլոն Մասկի հետ համագործակցությունը շատ կարևոր է, և հուսով եմ՝ շարունակական բնույթ է կրելու: Ինչպես գիտեք, Իլոն Մասկը համաշխարհային ժամանակակից տիեզերագնացության լուծումների մեջ անգերազանցելի է: Նա այս ոլորտում ունի նոր խոսք և նոր որակ՝ ավելի բարձր հորիզոններ գրավելու համար: Ինձ համար սա է շատ նշանավոր պահ»:

Դիտարկմանը՝ ՀՀ վարչապետ Նիկոլ Փաշինյանն այսօր Կառավարության նիստի ժամանակ հայտնել է, որ մինչև 2023 թվականի վերջը Հայաստանի Հանրապետությունում կստեղծվեն արբանյակի կառավարման կենտրոն և ընդունիչ կայան, որի շուրջ կձևավորվի մասնագետների գիտագործնական թիմ: Հարցադրմանը՝ մինչ այդ տիեզերալուսանկարների ստացում և արբանյակի կառավարում ՀՀ-ում չի՞ իրականացվելու, Հովհաննիսյանն ասում է՝ տեխնիկապես կարող ենք ստանալ՝ պատվիրելով, օրինակ, արտադրող կազմակերպությունից:

«Վարչապետը նկատի ունի, որ ՀՀ-ն իր արբանյակը կարող է շահագործել և օգուտ քաղել դրանից: Սա նաև շատ լավ է, քանի որ արբանյակի կառավարման դպրոց ես դու ունենում քո երկրում, որը թանկ հաճույք է: Մի բան է ուրիշին պատվիրելը, մի բան է սեփական դպրոց ունենալը և կադրեր պատրաստելը: Հուսով եմ՝ այդ կադրերի պատրաստումը նույնպես կապ կունենա Իլոն Մասկի հետ»,- ընդգծում է ռազմական փորձագետը և հավելում, որ Հայաստանում էլ կան մասնագետներ, որոնք տարիներ շարունակ տիեզերական կազմակերպությունների հետ աշխատանքային փորձ են ունեցել, սակայն չգիտի՝ նրանք այս արբանյակի հետ կարո՞ղ են աշխատել, թե՞ ոչ:

Անդրադառնալով նրան, որ ծրագրվում է, որ ընդունիչ կայանը արբանյակային տվյալների ստացման և փոխանցման ծառայություններ մատուցի նաև արբանյակների այլ օպերատորների համար՝ Արծրուն Հովհաննիսյանը նշում է՝ ՀՀ-ն կարող է նկարահանումներ անել արբանյակից և կոմերցիոն նպատակներով վաճառել նկարահանած այն կադրերը, որոնք պետք են այլ կազմակերպություններին:

Փորձագետը ևս մեկ անգամ շեշտում է՝ սա կարևոր իրադարձություն է մեր կյանքում, և պետք է ՀՀ բոլոր քաղաքացիներին շնորհավորել. «Սա համապետական և համազգային նշանակության ձեռքբերում է, վստահ եմ՝ կծառայի մեր մարտունակության բարձրացմանը»:

Անյուտա Աթանեսյան

Տպել
6151 դիտում

«Կալաշնիկովի» ինքնաձիգների կամավոր հանձնման դեպքեր Արմավիրի մարզային վարչության բաժիններում

Շիրակի մարզի բոլոր համայնքներում 2022 թվականի սուբվենցիոն ծրագրերով կիրականացվեն բնակավայրի փողոցաշինական աշխատանքներ

Այս Սահմանադրությունը չի ապահովում դատարանների անկախությունը, այն փոխելով՝ կվերանան նաև կլանային համակարգերը. Սաքունց

Հունիսի 25-ից ՀՀ քաղաքացիություն ստանալու դիմումները կքննարկվեն 90 աշխատանքային օրում՝ նախկին 6 ամսյա ժամկետի փոխարեն

Մոսկվայում սպանվել է Վանաձորում հայտնի 44-ամյա Վարդան Փ-ն. տեսախցիկն արձանագրել է սպանության պահը (տեսանյութ)

Որքան մարդ է մասնակցել ընդդիմության այսօր հրավիրած հանրահավաքին և երթին

Երեւանի կենդանաբանական այգին նոր կենդանիներով կհամալրվի. ինչ խնդիրներ կան այսօր այնտեղ

Լենա Նանուշյանը և ՀՀ-ում ԵՄ դեսպան Անդրեա Վիկտորինը «Քովիդ-19»-ի դեմ խթանիչ դեղաչափ են ստացել

100 պատանի հնարավորություն է ստացել մասնակցելու «Տիեզերական ճամբար 2022»-ին

Բարդ ժամանակահատվածում ՊՊԾ-ն իր առջև դրված խնդիրը կատարել է, ինչն արժանի է գնահատանքի. Նիկոլ Փաշինյան

Հայ 3 ըմբիշ ազատ ոճի ըմբշամարտի Եվրոպայի երիտասարդական առաջնության եզրափակչում է

Նիկոլ Փաշինյանը Սամվել Կարապետյանի հետ քննարկել է «Տաշիր» ընկերությունների խմբի ներդրումային ծրագրերի ընթացքը

Ընդմիշտ կհրաժարվենք «պոլիկլինիկա» նեգատիվ բառից․ առաջնային օղակում նոր բարեփոխումներ են սպասվում

Արտակ Ջումայանը հանդիպել է Վիենի քաղաքապետի հետ, եղել Լիոնի հիվանդանոցում

Վիեննայում կողմերը կրկին ընդգծել են պայմանավորվածությունը՝ շարունակելու կարգավորման գործընթացն առանց նախապայմանների

Դեսպան Տիգրան Մկրտչյանն ու Հունաստանի ՄԻՊ-ը անդրադարձել են Հունաստանում բնակվող ՀՀ քաղաքացիների իրավունքներին

ՄԱԿ-ում ՏԿԵ փոխնախարարը ներկայացրել է Հայաստանի ճանապարհային անվտանգության ոլորտում առկա մարտահրավերները

Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ

Տնտեսվարողներին տրամադրվող օժանդակության ժամկետը կերկարաձգվի

Վարչապետն ընդունել է Գերմանիայի տնտեսական համագործակցության և զարգացման դաշնային նախարարին

Շիրակի մարզում փրկարարները մարել են պատշգամբում բռնկված հրդեհը

Պետք է բոլորս Արթուր Վանեցյանից հետո հրաժարվեինք պատգամավորական մանդատից. Թագուհի Թովմասյանը պաշտոնից հրաժարական չի տա

Ազգային ժողովը պարզաբանել է, թե ինչու է հանվել ԱԺ շենքի ՀՀ պետական զինանշանը

Սյունիքում ազատել են ցանկապատի մեջ արգելափակված արջի քոթոթին

Դոլարն ու եվրոն երկար անկումից հետո աճել են. ՀՀ կենտրոնական բանկը հրապարակել է նոր փոխարժեքներ

Ընտրել ենք ժողովրդավարության ուղեգիծը, ինչը բացառում է իրավական արկածախնդրությունը. Արթուր Դավթյան

Մեկնարկել է Հայաստանի և Թուրքիայի հատուկ ներկայացուցիչների հանդիպումը

Գագիկ Ջհանգիրյանը հրաժարական է տվել ԲԴԽ անդամի պաշտոնից

Ամփոփվել է «Դասարան+Դասական» թատերական կրթական ծրագրի հերթական փուլը

Իրազեկման այց զորակոչային և զորահավաքային համալրման ծառայության տարածքային ստորաբաժանում

Հայկ Մամիջանյանը, Թադևոս Ավետիսյանը և Արթուր Խաչատրյանը ԱԺ հանձնաժողովների փոխնախագահի պաշտոններից հրաժարվել են

ՇՄ նախարարը մասնակցել է «Ջանքերի միավորում՝ հանուն Սևանա լճի էկոհամակարգի պահպանման» միջազգային համաժողովին

Անձը ոչ սթափ վիճակում կոտրել է ԵՊՀ ֆակուլտետներից մեկի մուտքի դռան և մոտակայքում տեղադրված սուրճի ապարատի ապակիները

Մեկնարկում է անկանխիկ գործարքների դեպքում կենսաթոշակի և նպաստի 10% հետվճարի ծրագիրը

Կեսօրից հետո առանձին շրջաններում կդիտվի կարճատև անձրև. ինչ եղանակ է սպասվում առաջիկայում

Արցախում նշվում է Քննչական կոմիտեի ծառայողի մասնագիտական տոնը (լուսանկարներ)

Կյանքիս ամենահուզիչ շնորհավորանքը․ Հարութ Փամբուկչյանը «Զինվորի տան» տղաների հետ փչում է ծննդյան մոմերը (տեսանյութ)

Քաջարանի համայնքապետ Մանվել Փարամազյանը մասնակցելու է առաջիկա ընտրություններին

Հայաստանի բասկետբոլի տղամարդկանց հավաքականը կիսաեզրափակչում է

Դատախազությունը վերջապես ունեցավ իր թանգարանը, շնորհավորում եմ պատմությունը կերտած աշխատակիցներին. Գոռ Աբրահամյան