Երևան
23 °C
Վեց տարի առաջ կինեզիստ Դավիթ Պարյանն ու նրա ընկերները որոշեցին կամավորական թիմ ձեւավորել եւ օգնել զինվորական ծառայություն անցնող տղաներին: Ապրիլյան պատերազմից հետո էլ որոշեցին, որ պիտի օգտակար լինեն մարտի դաշտում վիրավորված տղաներին: Կամավորական թիմը գնալով ընդլայնվեց, եւ միմյանց հաջորդող չարաբաստիկ իրադարձություններն այնպես դասավորվեցին, որ Դավիթը մնաց վիրավոր զինվորների կողքին եւ մինչ օրս էլ նրանց հետ է: Սկզբում՝ որպես կամավոր, հետո՝ կայացած մասնագետ:
Դավիթ Պարյանի հետ «Հայկական ժամանակի» զրույցը ստորեւ.
- Դավիթ, շատերը Ձեր մասին իմացան Ապրիլյան պատերազմից հետո, երբ մի քանի կամավորների հետ թիմ ձեւավորեցիք եւ սկսեցիք աջակցել պատերազմում վիրավորված տղաներին: Ինչպե՞ս առաջացավ գաղափարը:
- Կամավորական խումբ ձեւավորելու միտքը ծագեց հենց Ապրիլյան պատերազմի օրերին: Այդ ժամանակ ես եւ «Հայաստանի ֆիզիկական կուլտուրայի եւ սպորտի պետական ինստիտուտ»-ի դասախոսներից Նունե Տեր-Մարգարյանի ու ուսանողական ընկերներս որոշել էինք գնալ առաջնագիծ եւ օգնել ինչով կկարողանանք: Սկզբում քննարկում էինք, որ կարելի է առաջին բուժօգնություն ցուցաբերել, հետո մտածեցինք, որ վիրավորները առողջապահական ավելի նեղ մասնագիտական օգնության կարիք կունենան՝ կինեզոթերապիա եւ այլն: Դավիթ Արսենյանի, Արտավազդ Օհանյանի, Վահեի, Ալեքսի հետ էինք այդ քննարկումներն անում: Սկզբում 7 հոգով էինք, հետո՝ 9, եւ այդպես թիմը գնալով ընդլայնվեց: Գնացինք Արցախ, հետո, երբ վերադարձանք, առաջին քայլս հոսպիտալ այցելությունն էր: Վերակենդանացման բաժանմունքում ամենածանր վիճակում գտնվող տղաներին տեսնելուց անմիջապես հետո հանդիպեցի Կենտրոնական կայազորային զինվորական հոսպիտալի վերակենդանացման բաժանմունքի վարիչ Գայանե Հովհաննիսյանին, առաջարկս ներկայացրի, մեծ սիրով համաձայնեց, մեկ-երկու օրում կամավորական թիմ հավաքեցինք եւ անցանք գործի:
«Զինվորի տուն» վերականգնողական կենտրոնի ձեւավորման փուլում արդեն միավորեցինք մեր ջանքերը, մեր կամավորական թիմն էլ գնալով ընդլայնվեց: Այս պահին արդեն 300 հոգանոց աշխատակազմ ունենք:
- Կորոնավիրուսի լարված շրջանում մի քանի ամիս Դուք տուն չեք գնացել, ապրել «Հայրենիքի պաշտպանի» տանը՝ զինվոր տղաների հետ: Ինչպե՞ս հաղթահարեցիք այդ շրջանը, ի՞նչը օգնեց, որ «Զինվորի տունը», այսինքն՝ այնտեղ բուժում ստացող մեր տղաներն ու ողջ անձնակազմը հաղթահարեն կորոնապատերազմը:
- Միայն ես չէ, մեր ամբողջ թիմն էր տղաների կողքին: Դժվար էր: Կորոնավիրուսի ահուսարսափն այդ ժամանակ շատ էր, մենք տեսնում էինք, որ այդ վիրուսը պրակտիկ, նորմալ կյանքով ապրող մարդկանց է նույնիսկ տանում, իսկ «Զինվորի տանը» մենք ունեինք շատ ծանր վիճակում գտնվողներ: Ելումուտն ու պացիենտի հետ շփումը կարող էր շատ ռիսկային լինել, որոշեցինք, որ այդ շրջանում ամենաարդարացված տարբերակը դրսի հետ հաղորդակցումը հնարավորինս նվազագույնի հասցնելն է: Սնունդը բերում էին, հատուկ պրոցեդուրաներով ախտահանում, նոր ներս մտցնում, ամբողջ աշխատակազմը տարբեր ժամկետներով մնում էր կենտրոնում: Չնայած լարվածությանն ու դժվարություններին՝ հետաքրքիր շրջան էր, նաեւ մեր հնարավորությունները հասկանալու համար, տեսնելու, թե աշխատանքային ծանրաբեռնված պրոցեսում էլ ինչ է հնարավոր անել:
Գրեթե 7 ամիս մեկուսացումից հետո դուրս եկա՝ իբրեւ թե մի քիչ մաքուր օդի, արեւ տեսնելու, սակայն դրանից մեկ շաբաթ չանցած՝ պատերազմ սկսվեց: Ինձ մոտ այդ ժամանակ զգացողություն էր, որ ամիսներով չէ, այլ տարիներով կարելի էր այնտեղ մեկուսացած մնալ, միայն թե պատերազմ չլիներ: Սակայն ունենք այն, ինչ ունենք: Որպեսզի վաղը կրկին չունենանք նման իրավիճակ, մենք հիմա պետք է պատրաստ լինենք ավելին տալու, ավելի աշխատելու:
- Որո՞նք են կինեզիստի աշխատանքի հիմնական բարդությունները: Հայտնվո՞ւմ եք հոգեբանական դժվար իրավիճակներում պացիենտների հետ աշխատելիս:
- Ֆիզիկական ծանրաբեռնվածությունը դժվարություն չեմ համարում: Շատերը, որոնք առաջին անգամ են այցելում մեզ, հուզմունք, վախեր են ունենում, սակայն միջավայրն այնպիսին է, որ ամեն ինչ շատ արագ է հաղթահարվում: Ամենածանրը առաջին փուլն է, երբ մարդ, վերակենդանացման բաժանմունքում արթնանալով, բախվում է նոր իրականության, որին երբեւէ չի սպասել, գուցե ամենավատ երազում էլ չի երեւակայել. մեկի ոտքը չկա, մյուսի՝ ձեռքերը... տարբեր մասերի վիրավորումներ, շարժվելու, խոսելու ֆունկցիոնալ առումով անբավարար վիճակ: Յուրաքանչյուր անձի համար դա աշխարհի վերջն է, ու ամենադժվարը այդ կետից հետո առաջ գնալն է, իսկ մեզ համար ամենապատասխանատուն այդ պահին նրա հետ շփվելը: Սկզբնական այդ բարդ փուլը հաղթահարելուց հետո մարդն ինքն էլ է սկսում կամաց-կամաց համակերպվել եւ փորձել եղածի հաշվին իր կյանքը բերել բնականոն հունի: Տեսնում է, որ իրենից ավելի ծանր վիճակում գտնվող մարդիկ կան:
Մենք ունենք դեպքեր, երբ 2016 թվականի Ապրիլյանին բավական ծանր վիրավորում ստացած երիտասարդ տղան այժմ հաղթահարել է եւ աշխատում է կենտրոնում ու այսօր օգնում է իրենից շատ ավելի թեթեւ վիրավորում ունեցող տղաների: Այս ամենը պատահականության սկզբունքով է եղել, սակայն ինքնըստինքյան նաեւ մոտիվացիա է մյուսների համար. այդ տղային նայելով՝ նրանք հոգեբանորեն ավելի են ուժեղանում: Երբեմն տղաներն իրենց խնդիրների հետ կապված այնպիսի հումորներ են անում, որ չես կարողանում ծիծաղդ զսպել: Եվ հետաքրքիր է նաեւ, որ այդ կատակները սպեցիֆիկ են. եթե կողքից մեկ ուրիշը լսի, չի հասկանա կամ սեւ հումոր կդիտարկի:
- Մի անգամ խոսելով բժշկի աշխատանքի պատասխանատվության մասին՝ այդ ոլորտում «մեջը բան կա՞» հարցադրումն անողներին որակել էիք հասարակության մակաբույծներ, շեշտել, որ պետական մակարդակով բժշկությունը պիտի ազատվի մարմինն «առողջացնող» այդ մակաբույծներից: Այսօր այդ ազատումն իրականացվո՞ւմ է, թե՞ ոչ:
- Մեր երկրում էլ իմունային համակարգն իր ստույգ դերը պետք է ունենա. եթե օրգանիզմում իմունային համակարգը աշխատում է, կենտրոնական նյարդային համակարգի բարձրագույն օրգանին՝ գլխուղեղին, չի ենթարկվում իմունային համակարգը: Իմունային համակարգը նաեւ գլխուղեղի համար է պաշտպան: Եթե իմունային համակարգը չլինի, գլխուղեղն էլ կմահանա: Երբ որ իմունային համակարգը կա, անկախ նրանից՝ մակաբույծները շա՞տ են, քի՞չ են, բոլոր կողմերի՞ց են, թե՞ մի քանի, այն իր գործը կատարում է՝ մաքրում է տեղի ունենում: Դրա համար մեր երկրի համար առաջնային կարեւոր է իմունային համակարգը կայացնել: Ցանկացած երկրում է այդպես: Կարծում եմ՝ մենք էլ մեր երկրի իմունային համակարգը կկայացնենք, եւ ամեն ինչ լավ կլինի:
- Ասում են, որ Դուք հաճախ եք Նժդեհի մտքերը ցիտում եւ առաջնորդվում նրա գաղափարախոսություններով: Ծանր ժամանակներում Նժդեհի հատկապես ո՞ր պատգամներով եք առաջնորդվել եւ առաջնորդվում:
- Տարբեր իրավիճակներում են ինձ օգնության գալիս Նժդեհի մտքերը, խոսքերը: Եթե փորձեմ հանրագումարի բերել, ապա այս խոսքերով եմ շատ առաջնորդվում՝ «կռվիր այնպես, որ հեշտացնես քեզնից հետո նույն նպատակի համար եկողների գործը: Սա է մարտիկի բարոյական իմպերատիվը»: Այսինքն, եթե մենք մեր բաժին գործը չենք անում, այն կուտակվում է մեզնից հետո եկողի վրա: Դա բոլոր դեպքերում է այդպես՝ թե՛ կյանքում, թե՛ մարտի դաշտում, որովհետեւ կյանքն էլ է կռվի դաշտ: Կարծում եմ՝ յուրաքանչյուրն իր գործում պիտի այնպես անի, որ մեզնից հետո հաջորդ սերնդի համար ինչ-որ հարցերում նրանց կյանքը հեշտացվի: Եթե կյանքում կարողանանք ամեն ինչ ճիշտ կազմակերպել, ուրեմն կա՛մ կռվի դաշտի կարիքը չի լինի, կա՛մ ավելի քիչ ջանք գործադրելու կարիք կլինի: Նաեւ շատ եմ օգտագործում Նժդեհի մեկ այլ ասույթ՝ «Ապրել ու գործել միայն այն բանի համար, որի համար արժե մեռնել եւ մեռնել միայն այն բանի համար, որի համար արժեր ապրել»:
Խախտումների մասին որոշումը էլեկտրոնային ծանուցման եղանակով ստանալու դեպքում տուգանքի գումարը կնվազի 20 տոկոսով
Մերձմոսկովյան Բալաշիխայում ադրբեջանցի գործարար է սպանվել
Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող (տեսանյութ)
Ստեփանավանի թիվ 1 հիմնական դպրոցում վարչապետը ծանոթացել է խնդիրների վերացման աշխատանքներին (տեսանյութ)
Մեքենան դուրս է եկել հանդիպակաց երթևեկելի գոտի, բախվել քարերին, հայտնվել ձորակում. ընտանիքի 3 անդամ հիվանդանոցում է
Սահմանազատման մասին պայմանավորվածությունը վերացնում է խաղաղության համաձայնագրի ճանապարհի մեծ խոչընդոտը․ Գերմանիայի ԱԳՆ
Կան ուժեր, որոնք ուզում են, որ Հայաստանի ինքնությունը կամ պետականությունը զարգանա ֆորպոստի տրամաբանությամբ․ Փաշինյան
Թուրքիայի ԱԳՆ-ն ողջունել է Հայաստանի և Ադրբեջանի սահմանազատման հանձնաժողովների ձեռք բերած համաձայնությունը
Վերին Ծաղկավանի անտառում շունը ընկել է մոտ 15 մ խորության ձորը
Հայոց ցեղասպանության թանգարան-ինստիտուտին են հանձնվել Սողոմոն Թեհլիրյանին առնչվող բացառիկ ընտանեկան մասունքներ
Չհանդիպելու պլաններ չունենք․ Փաշինյանը՝ ՌԴ նախագահի հետ հանդիպման հավանականության մասին
Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել
Ես ուզում եմ, որ մենք ճիշտ գնահատենք, թե ինչ է տեղի ունեցել․ վարչապետը խոսել է սահմանազատման մասին (տեսանյութ)
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
© 2024 Հայկական ժամանակ