Ուկրաինայի սահմանը հատած ՀՀ քաղաքացիները քանի օր կարող են ԵՄ երկրներում մնալ եւ ինչ աջակցություն կտրամադրվի նրանց

Ուկրաինան լքած ՀՀ քաղաքացիները 15 օր իրավունք ունեն մնալու Եվրոպական միության երկրներում՝ հայրենիք վերադառնալու պայմանով: Այս մասին «Հայկական ժամանակ»-ին հայտնեց ՀՀ սփյուռքի գործերի գլխավոր հանձնակատարի գրասենյակի ռազմավարությունների մշակման բաժնի պետ, հայրենադարձության հարցերի պատասխանատու Հովհաննես Ալեքսանյանը:

Ալեքսանյանը նաեւ հայտնեց՝ Սփյուռքի հանձնակատարի գրասենյակը զետեղել է Ուկրաինայից դուրս տանող անցակետերի մասին տեղեկատվություն: Ըստ այդմ՝ Ուկրաինայում ապրող մեր այն քաղաքացիները, որոնք հնարավորություն ունեն հատելու այդ երկրի արեւմտյան սահմանային անցակետերը, կարող են աջակցություն ստանալ Լեհաստանի, Հունգարիայի, Սլովակիայի, Չեխիայի, Ռումինիայի, Մոլդովայի եւ Բուլղարիայի հայկական համայնքային ու հասարակական կազմակերպությունների, անհատների կողմից:

Հայրենադարձության հարցերի պատասխանատուի խոսքով՝ Ուկրաինան լքող ՀՀ քաղաքացիները վերոնշյալ երկրների հայ համայնքներում կարող են ժամանակավոր լուծել իրենց կացարանի, սննդի, հագուստի խնդիրները: Այդ երկրներում ապրող բազմաթիվ անհատների ու այդտեղ գործող հայ համայնքների միջոցով հնարավորություն է ստեղծվել Ուկրաինան լքող մեր քաղաքացիներին տալ կանգառի հնարավորություն:  

Հետաքրքրվեցինք նաև՝ եթե մեր հայրենակիցներն ունեն փաստաթղթային խնդիրներ, ապա այդ պարագայում իրենց հայրենադարձումն ինչպե՞ս է կազմակերպվում: Հովհաննես Ալեքսանյանը նկատեց. «Եթե նման խնդիր ունեն, ապա այդ երկրներում կարող են դիմել ՀՀ դեսպանատուն, հյուպատոսական ծառայություններ եւ կարգի բերել իրենց փաստաթղթերը: Մյուս կողմից, հայկական համայնքներում ունենք փաստաբանական ծառայությունների գրասենյակներ, դրանք ղեկավարող հայ հայրենակիցներ, թարգմանիչներ, որոնք պատրաստակամ են օգնելու մեր հայրենակիցներին, եթե նման հարցի կարիք կլինի»:

Ալեքսանյանը նաեւ ասաց՝ Ուկրաինան լքող ՀՀ քաղաքացիները Եվրոպական միության երկրներ մուտքի հնարավորություն ունեն առանց վիզային սահմանափակումների, առանց քովիդի թեստի, երբեմն՝ նույնիսկ առանց պատշաճ փաստաթղթերի առկայության:

Վերջինս նաեւ նշեց՝ ունենք հայկական համայնքային կազմակերպություններ, անհատներ, գործարարներ, որոնք իրենց ընտանիքներում, իրենց բնակարաններում կամ հյուրատներում հնարավորություն կտան 3-5 օրով ապաստարան գտնել մեր հայրենակիցներին՝ մինչեւ նրանք կարողանան օդանավի տոմս ձեռքբերել ու վերադառնալ Հայաստան:

«Մեր քաղաքացիներից շատերն իրենց ավտոմեքենաներով են: Նրանք ցամաքային ճանապարհով կարող են գալ՝ Ռումինիայի սահմանը հատելով, ապա Թուրքիայով, Վրաստանով կկարողանան մուտք գործել Հայաստանի Հանրապետություն»,- ասաց Ալեքսանյանը՝ վստահեցնելով՝ Ուկրաինայի սահմանը հատած մեր բոլոր քաղաքացիներն էլ ունեն կանգառի կետեր, կան խմբերով աշխատող պատրաստակամ անհատներ ու համայնքային կազմակերպություններ, որոնք այս օրերին լծված են օգնություն ցուցաբերելու գործին:

Իսկ ինչ վերաբերում է ազգությամբ հայ, սակայն Ուկրաինայի քաղաքացիություն ունեցող հայերին, ինչպես նաեւ Ուկրաինայի քաղաքացիություն ունեցող այլ ազգի ներկայացուցիչներին եւ, բնականաբար, հենց ուկրաինացիներին, ապա նրանք եւս կկարողանան գալ Հայաստան: «Սակայն հարկ է նշել, որ Ուկրաինայի քաղաքացիություն ունեցող անձանց համար ԵՄ-ն իր տարածքում, իր գոտում գուցե շատ ավելի երկար ժամանակով տրամադրի մնալու ու ապրելու պայմաններ»,- նկատեց հայրենադարձության հարցերի պատասխանատուն:

Ըստ Ալեքսանյանի՝ ԵՄ երկրների տարածքում Ուկրաինայի քաղաքացիների համար աշխատում է ԵՄ եւ ՄԱԿ-ի փախստականների հանձնակատարի գրասենյակը, իսկ թե այդ երկրներում Ուկրաինայի քաղաքացիներին ինչքա՞ն կպահեն, ի՞նչ օժանդակություն կտան, արդեն ԵՄ երկրների ԵՄ հանձնաժողովի որոշելիքն է: Նա նաեւ նշեց, որ գուցե Ուկրաինայի քաղաքացիներին տեղում փախստականի կարգավիճակ տրվի:

Հովհաննես Ալեքսանյանը դժվարացավ ճշգրիտ ու ամբողջական թիվ նշել, թե Ուկրաինայից որքա՞ն հայ կամ ՀՀ քաղաքացի է դուրս եկել սահմանային անցակետերով, սակայն նշեց՝ վերջին օրերին Սփյուռքի հանձնակատարի գրասենյակի կապը համայնքների ու կազմակերպությունների հետ ցույց է տալիս, որ հազարավոր մեր հայրենակիցներ Ուկրաինայի սահմանն են հատել դեպի արեւելյան Եվրոպայի երկրներ:

«Ուկրաինայում ընդհանուր 25 անցակետեր կան, եւ դժվար չէ պատկերացնել, որ օրական տասնյակ մեր քաղաքացիներ են այդ երկիրը լքում: Օրինակ՝ Ուկրաինայից դեպի Լեհաստան սահմանահատման անցակետերը 15-ն են: Ուկրաինան Եվրոպական միության 4 երկրների սահմանակից պետություն է՝ Սլովակիա, Ռումինիա, Հունգարիա, Լեհաստան: Առաջին հերթին սրանք միակ գործող սահմաններն են, որոնք ունեն անցակետեր Ուկրաինայի տարածքը լքելու համար, դրան գումարած՝ Մոլդովան, որը ԵՄ-ի երկրների թվում չէ»,- ասաց Հովհաննես Ալեքսանյանը:

Նշենք, որ Ուկրաինային սահմանակից Բելառուսի եւ Ռուսաստանի հետ բոլոր անցակետերը փակ են: Մեր բազմաթիվ հայրենակիցներ արդեն Լեհաստանում են: Ունենք նաեւ Սլովակիայում, Ռումինիայում եւ Մոլդովայում:

Ըստ Հովհաննես Ալեքսանյանի՝ Սփյուռքի գործերի գլխավոր հանձնակատարի գրասենյակը մշտական կապի մեջ է մեր այն հայրենակիցների հետ, որոնք այժմ խմբերով փորձում են լքել Ուկրաինան:

«Մինչեւ մեր զրույցը՝ ես կապ եմ հաստատել 1-2 օր առաջ Խարկովից դուրս եկած մեր հայրենակիցների հետ, նրանք 20-30 հոգանոց խմբերով են դուրս գալիս, քանի որ տվյալ հատվածը, որտեղ իրենք են գտնվում, ունի միջանցքի հնարավորություն: Իսկ այն քաղաքներում ու շրջաններում, որտեղ այլեւս այդ հնարավորությունը չկա, եւ ճանապարհներն էլ անվտանգ չեն, մեր հայրենակիցները, ցավոք սրտի, ոչինչ անել չեն կարող, քան ուղղակի սպասելն է»,- եզրափակեց Ալեքսանյանը:

Տպել
1807 դիտում

Օդի ջերմաստիճանը կնվազի. ինչ եղանակ սպասել առաջիկա օրերին

Հենրիխ Մխիթարյանը պաշտոնապես դարձել է Միլանի «Ինտեր»-ի ֆուտբոլիստ

Երևանը դարձել է ռուսաստանցիների համար ամենազանգվածային արտասահմանյան զբոսաշրջային ուղղությունը

Հիմնանորոգվում է Նորաբաց գյուղի քայքայված, առանց շինարարական նորմերի պահպանման կառուցված ջրագիծը

Մեկնարկել է անկանխիկ գործարքների դեպքում՝ կենսաթոշակի և նպաստի 10% հետվճարի ծրագիրը

«Սփյուռքի երիտասարդ դեսպան» վերապատրաստման ծրագրին դիմելու վերջնաժամկետը հուլիսի 10-ն է

ՀՀ փրկարարները բացել են փակ դռները

«Հայաստա՜ն, հո՛ւպ տուր». մանրամասներ 50-Cent-ի երեկվա համերգից (լուսանկարներ)

«Մոսմետրոստրոյ»-ի տնօրենը ցանկություն ունի ծանոթանալ Հայաստանի տրանսպորտային ենթակառուցվածքներին

Հունիսի 14-ի ավտովթարի հետևանքով հիվանդանոց տեղափոխված վարորդը մահացել է

Ներքին Շենգավիթի մոտակայքում ավտոմեքենան բախվել է էլեկտրասյանը, շրջել այն

Ես կվերադառնամ. 50 Cent-ը Երեւանի կենտրոնից լուսանկար է հրապարակել (լուսանկար)

2022 թվականը հոբելյանական է մեր օրերի անվանի կոմպոզիտորներից 3-ի և երգիչներից 2-ի համար

Գնել Սանոսյանը հետևել է Երեւան-Երասխ-Գորիս-Մեղրի-Իրանի սահման միջպետական ավտոճանապարհի շինարարությանը

9 բալ ուժգնությամբ երկրաշարժ է տեղի ունեցել Իրանում. կան զոհեր

«Կալաշնիկովի» ինքնաձիգների կամավոր հանձնման դեպքեր Արմավիրի մարզային վարչության բաժիններում

Շիրակի մարզի բոլոր համայնքներում 2022 թվականի սուբվենցիոն ծրագրերով կիրականացվեն բնակավայրի փողոցաշինական աշխատանքներ

Այս Սահմանադրությունը չի ապահովում դատարանների անկախությունը, այն փոխելով՝ կվերանան նաև կլանային համակարգերը. Սաքունց

Հունիսի 25-ից ՀՀ քաղաքացիություն ստանալու դիմումները կքննարկվեն 90 աշխատանքային օրում՝ նախկին 6 ամսյա ժամկետի փոխարեն

Մոսկվայում սպանվել է Վանաձորում հայտնի 44-ամյա Վարդան Փ-ն. տեսախցիկն արձանագրել է սպանության պահը (տեսանյութ)

Որքան մարդ է մասնակցել ընդդիմության այսօր հրավիրած հանրահավաքին և երթին

Երեւանի կենդանաբանական այգին նոր կենդանիներով կհամալրվի. ինչ խնդիրներ կան այսօր այնտեղ

Լենա Նանուշյանը և ՀՀ-ում ԵՄ դեսպան Անդրեա Վիկտորինը «Քովիդ-19»-ի դեմ խթանիչ դեղաչափ են ստացել

100 պատանի հնարավորություն է ստացել մասնակցելու «Տիեզերական ճամբար 2022»-ին

Բարդ ժամանակահատվածում ՊՊԾ-ն իր առջև դրված խնդիրը կատարել է, ինչն արժանի է գնահատանքի. Նիկոլ Փաշինյան

Հայ 3 ըմբիշ ազատ ոճի ըմբշամարտի Եվրոպայի երիտասարդական առաջնության եզրափակչում է

Նիկոլ Փաշինյանը Սամվել Կարապետյանի հետ քննարկել է «Տաշիր» ընկերությունների խմբի ներդրումային ծրագրերի ընթացքը

Ընդմիշտ կհրաժարվենք «պոլիկլինիկա» նեգատիվ բառից․ առաջնային օղակում նոր բարեփոխումներ են սպասվում

Արտակ Ջումայանը հանդիպել է Վիենի քաղաքապետի հետ, եղել Լիոնի հիվանդանոցում

Վիեննայում կողմերը կրկին ընդգծել են պայմանավորվածությունը՝ շարունակելու կարգավորման գործընթացն առանց նախապայմանների

Դեսպան Տիգրան Մկրտչյանն ու Հունաստանի ՄԻՊ-ը անդրադարձել են Հունաստանում բնակվող ՀՀ քաղաքացիների իրավունքներին

ՄԱԿ-ում ՏԿԵ փոխնախարարը ներկայացրել է Հայաստանի ճանապարհային անվտանգության ոլորտում առկա մարտահրավերները

Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ

Տնտեսվարողներին տրամադրվող օժանդակության ժամկետը կերկարաձգվի

Վարչապետն ընդունել է Գերմանիայի տնտեսական համագործակցության և զարգացման դաշնային նախարարին

Շիրակի մարզում փրկարարները մարել են պատշգամբում բռնկված հրդեհը

Պետք է բոլորս Արթուր Վանեցյանից հետո հրաժարվեինք պատգամավորական մանդատից. Թագուհի Թովմասյանը պաշտոնից հրաժարական չի տա

Ազգային ժողովը պարզաբանել է, թե ինչու է հանվել ԱԺ շենքի ՀՀ պետական զինանշանը

Սյունիքում ազատել են ցանկապատի մեջ արգելափակված արջի քոթոթին

Դոլարն ու եվրոն երկար անկումից հետո աճել են. ՀՀ կենտրոնական բանկը հրապարակել է նոր փոխարժեքներ