Կայացել է Ազգային ժողովի կարողությունների ուժեղացմանն ուղղված Թվինինգ ծրագրի հանրային իրազեկման միջոցառումը

Դեկտեմբերի 1-ին «Մարիոթ» հյուրանոցում տեղի է ունեցել «ՀՀ Ազգային ժողովի կարողությունների ուժեղացում` Համապարփակ եւ ընդլայնված գործընկերության համաձայնագրի վերահսկողության ու կիրարկման հետագա աջակցության համար» Թվինինգ ծրագրի հանրային իրազեկման միջոցառումը: Մասնակցել են ՀՀ Ազգային ժողովի, Հունաստանի եւ Իտալիայի (առցանց ձեւաչափով) խորհրդարանների պատգամավորներ եւ աշխատակազմերի ներկայացուցիչներ, Հայաստանում հավատարմագրված օտարերկրյա դեսպաններ, միջազգային կառույցների ներկայացուցիչներ, փորձագետներ:

ԱԺ-ն հիշեցնում է, որ Թվինինգ ծրագիրը ֆինանսավորում է Եվրոպական միությունը, իրականացնում են Իտալիայի եւ Հունաստանի խորհրդարանները: Ծրագրի նպատակն է զարգացնել ՀՀ ԱԺ կարողությունները, օրինաստեղծ եւ օրենսդրական վերահսկողության գործիքների կատարելագործման միջոցով խթանել ԵՄ օրենսդրության ու քաղաքականության մոտարկման գործընթացը եւ աջակցել ԵՄ-Հայաստան Համապարփակ եւ ընդլայնված գործընկերության համաձայնագրի վերահսկողությանն ու կիրարկմանը:

Բացման խոսքով հանդես է եկել ՀՀ ԱԺ փոխնախագահ Ռուբեն Ռուբինյանը: Ողջունելով մասնակիցներին` նա ընդգծել է, որ 2021թ. մարտի 1-ին ԵՄ-Հայաստան Համապարփակ եւ ընդլայնված գործընկերության համաձայնագրի ուժի մեջ մտնելը նշանավորել է Եվրոպական միության եւ Հայաստանի միջեւ համագործակցության նոր փուլի սկիզբը: Համաձայնագրի դրույթներով ամրագրվում է Եվրոպական միության եւ Հայաստանի միջեւ փոխգործակցության ոլորտների լայն շրջանակ, այդ թվում` ժողովրդավարության, օրենքի գերակայության, մարդու իրավունքների նկատմամբ հարգանքի ամրապնդումը, ավելի շատ աշխատատեղերի եւ գործարար հնարավորությունների ստեղծումը, օրենսդրության կատարելագործումը, հանրային անվտանգության եւ ավելի մաքուր շրջակա միջավայրի ապահովումը, ինչպես նաեւ ավելի լավ կրթության եւ հետազոտական հնարավորությունների ապահովումը:

ԱԺ փոխնախագահի խոսքով` ՀՀ Ազգային ժողովը հակված է իրականացնելու ստանձնած պարտավորությունների արդյունավետ կատարման եւ  Ազգային ճանապարհային քարտեզի ու գործողությունների ծրագրի ներդրման մեխանիզմի խորհրդարանական վերահսկողության իրեն վերապահված առաքելությունը` նախ եւ առաջ իր քաղաքացիների բարեկեցության համար:

Ըստ Ռուբեն Ռուբինյանի` Արեւելյան գործընկերության «Տնտեսական եւ ներդրումային ծրագրի» շրջանակում 2021թ. հուլիսին Հայաստանին տրամադրված աջակցության հետ մեկտեղ համաձայնագրի ամբողջական գործարկումը շոշափելի օգուտներ կընձեռի Հայաստանի քաղաքացիներին եւ էական նշանակություն կունենա սոցիալ-տնտեսական վերականգնման եւ երկրի երկարաժամկետ կայունության համար:

ՀՀ ԱԺ աշխատակազմի ղեկավար-գլխավոր քարտուղար Վահան Նարիբեկյանը, ողջունելով Թվինինգ ծրագրի հանրային իրազեկման միջոցառման մասնակիցներին, նշել է. «Ազգային ժողովի աշխատակազմը, Թվինինգ ծրագրի շրջանակում համագործակցելով Հունաստանի եւ Իտալիայի խորհրդարանների հետ, հետապնդում է մեկ կարեւոր նպատակ` հզորացնել Ազգային ժողովի կարողությունները` օգտագործելով միջազգային լավագույն փորձը»: Վահան Նարիբեկյանն ընդգծել է, որ Ազգային ժողովի հարյուրավոր աշխատակիցների հնարավորությունների, գիտելիքների, կարողությունների ուժեղացումն ուղիղ համեմատական է Ազգային ժողովի հզորացմանը: «Ազգային ժողովի աշխատակազմը միշտ բաց է նման ծրագրերի համար: Մենք վստահ ենք, որ այս համագործակցությունը արգասաբեր կլինի Թվինինգ ծրագրի բոլոր մասնակից պետությունների խորհրդարանների համար` էլ ավելի ամրապնդելով բարիդրացիական, գործընկերային եւ եղբայրական կապը մեր ազգերի միջեւ»,- ասել է ԱԺ աշխատակազմի ղեկավար-գլխավոր քարտուղարը:

«Ցանկացած հաջող թվինինգային ծրագրի հիմքը սերտ համագործակցությունն է պետական կառավարման մարմինների, այս դեպքում` ԵՄ անդամ պետությունների խորհրդարանների եւ գործընկեր պետությունների միջեւ` հասանելի դարձնելով անդամ պետությունների փորձագիտական կարողությունները»,- կարծիք է հայտնել Հայաստանում Եվրոպական միության պատվիրակության ղեկավար Անդրեա Վիկտորինը: Նա հույս է հայտնել, որ կբարելավվեն ԱԺ կարողությունները`  կատարելագործելու համաձայնագրի հետ կապված օրենսդրությունը եւ պրակտիկան: Նշվել է, որ Եվրամիությունը եւ անդամ երկրները միշտ գործունեություն են ծավալում հանուն քաղաքացիների եւ ժողովրդի բարօրության` բարձրացնելու նրանց վստահությունը ինստիտուտների նկատմամբ:

Վերջերս Եվրամիությունն ավելի քան 30 մլն եվրո է հատկացրել Հայաստանում արդարադատության եւ հակակոռուպցիոն ոլորտներում բարեփոխումների համար: «Այս բարեփոխումները Հայաստանի` CEPA-ով ստանձնած հանձնառությունների մաս են»,- բարձրաձայնել է Անդրեա Վիկտորինը: Նա երախտագիտություն է հայտնել ՀՀ Ազգային ժողովի ներկայացուցիչներին եւ ծրագրի բոլոր գործընկերներին` շարունակական հանձնառության եւ բարդ ժամանակահատվածում ծրագիրն իրականացնելու համար: ԵՄ պատվիրակության ղեկավարը համոզմունք է  հայտնել, որ կշարունակվի Հայաստանի խորհրդարանի հետ արդյունավետ համագործակցությունը:

Ելույթ է ունեցել նաեւ Հունաստանի խորհրդարանի Հունաստան-Հայաստան բարեկամական խմբի նախագահը: «Մեր իտալացի գործընկերների հետ մենք նպատակ ունենք ապահովել փորձագիտական աջակցություն, որն անհրաժեշտ է ուժեղացնելու Հայաստանի խորհրդարանի կարողությունները` CEPA-ի իրագործման նկատմամբ մոնիտորինգ իրականացնելու համար»,- ընդգծել է նա:

Մասնակիցներին առցանց ձեւաչափով ողջունել է նաեւ Իտալիայի Պատգամավորների պալատի Իտալիա-Հայաստան բարեկամության խմբի նախագահ Ջուլիո Չենտեմերոն:

Թվինինգ ծրագրի իրագործման ընթացքի եւ բաղադրիչների մասին խոսել են Հունաստանի եւ Իտալիայի խորհրդարանների աշխատակազմերի ներկայացուցիչները: ՀՀ ԱԺ կողմից ծրագրի ղեկավար Մարի Մանուկյանն ընդգծել է, որ Թվինինգի շնորհիվ ձեւավորվել է հիանալի հարթակ, որում երեք երկրների խորհրդարանների աշխատակիցները ոչ միայն ամենօրյա ռեժիմով շփվում են, ծանոթանում աշխատանքի կազմակերպական նրբություններին, սովորում եւ սովորեցնում, այլ նաեւ ձեւավորվել է երեք ժողովուրդների սերտ շփման, քաղաքակրթական երկխոսության, արժեքների փոխանակման ուրույն միջավայր: «Մեզ համար մեծ պատիվ է, որ այս առաքելությունն իրականացնում ենք ժողովրդավարության հայրենիքի, պառլամենտական մշակույթի եւ պառլամենտական` դարերի պատմություն ունեցող երկրների հետ, որոնցից ցանկանում ենք վերցնել լավագույն փորձն ու տեղայնացնել մեր Ազգային ժողովում»,- նշել է ծրագրի ղեկավարը:

«Օրենսդրական մոտարկումը Հայաստանում. մարտահրավերներ եւ հեռանկարներ» թեմայով ելույթ է ունեցել Բրյուսովի անվան պետական համալսարանի «Իրավական մոտարկման լաբորատորիայի» ակադեմիական համակարգող Աննա Խվորոստիանկինան:

Այնուհետեւ հիմնական եւ թեմատիկ ելույթների հայեցակետերի վերաբերյալ կայացել է կլոր սեղան-քննարկում, որին մասնակցել են ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը, Հունաստանի խորհրդարանի եվրոպական հարցերի եւ հանրային կառավարման, հասարակական կարգի եւ արդարադատության հանձնաժողովների անդամ Իոաննիս Միխայիլ Լովերդոսը, Հունաստանի  խորհրդարանի եվրոպական եւ տնտեսական հարցերի հանձնաժողովների անդամ Լազարոս Ծավդարիդիսը, Հունաստանի խորհրդարանի Հունաստան-Հայաստան բարեկամական խմբի նախագահ Դիմիտրիոս Մարկոպուլոսը եւ Իտալիայի Պատգամավորների պալատի Իտալիա-Հայաստան բարեկամության խմբի նախագահ Ջուլիո Չենտեմերոն` տեսակապի միջոցով:

Տպել
349 դիտում

Տաթև-Կապան ավտոճանապարհին արգելափակումից 23 բեռնատար է դուրս է բերվել

Բարի գալուստ սպորտի, հումորի և մշակույթի կենտրոն. Տյումենից Գյումրի են ժամանել տուր-օպերատորներ և ԶԼՄ ներկայացուցիչներ

Պետական գույքը հանրային սեփականություն է, հանրությունը պիտի տեղյակ լինի՝ ինչպես է կառավարվում այն. Առնակ Ավետիսյան

ՀՀ պաշտպանության նախարար Սուրեն Պապիկյանն այցելել է «Եռաբլուր» զինվորական պանթեոն

Արցախից Երևան տեղափոխված երեխան «Սուրբ Աստվածամայր» ԲԿ-ի վերակենդանացման բաժանմունքում է. վիճակը կայուն ծանր է

ՀՀ-ում կրճատվել է միջմարզային երթուղիների թիվը. աստիճանաբար անցում կկատարվի միասնական երթուղային ցանցի

Մահացել է Հայաստանի վաստակավոր մարզիչ, միջազգային կարգի մրցավար Սամվել Հարությունյանը

Ձեր չարչարանքի և փայլուն աշխատանքի արդյունքում պետությունը 2021-ին ստացել է 600 մլն դրամի շահույթ. Կարեն Անդրեասյան

Նազելի Բաղդասարյանը Շիրակի մարզ է հրավիրել ՀՀ էկոնոմիկայի նախարարի տեղակալին՝ ֆերմերների հետ հանդիպման

Ղազախստանը պատրաստակամ է քննարկել «Քովիդ-19»-ի դեմ իր արտադրած պատվաստանյութը ՀՀ-ին տրամադրելու հարցը

ՀՀ ոստիկանապետը 2022-ը հայտարարել է թմրամիջոցների դեմ պայքարի տարի. տեղի է ունեցել ՀՀ ոստիկանության կոլեգիայի նիստը

ՀՀ արդարադատության նախարարը նոր տեղակալ ունի

Գորիս-Սիսիան ավտոճանապարհին մեքենաներ են բախվել. կան տուժածներ

Հանրային սննդի օբյեկտներ, հյուրանոց, մարզասրահ, գրադարան, թանգարան, թատրոն ու կինո այցելելու նոր պահանջ

ԱԺ փոխնախագահն ընդունել է ԵՄ պատվիրակությանը. անդրադարձ է արվել հայ-թուրքական հարաբերությունների կարգավորման գործընթացին

Կենտրոն վարչական շրջանի տնտեսվարողները տուգանվել են պոլիէթիլենային չթույլատրված տոպրակների օգտագործման համար

Երևանի քաղաքապետարանում անցկացվող ամենշաբաթյա գործակարգավարական խորհրդակցությունները կհեռարձակվեն ուղիղ եթերով

Թաղման բյուրոյի խնդիրների ու խախտումների վերաբերյալ քննարկում է տեղի ունեցել Երևանի դատախազի տեղակալի եւ քաղաքապետի միջև

Հակոբ Հակոբյանն ու Արթուր Մանուկյանն ընտրվել են ՀՌՀ անդամ

Արցախում ավտովթարի հետևանքով ծանր վնասվածք ստացած երեխան ռուս խաղաղապահների ուղղաթիռով այսօր տեղափոխվել է Երևան

UCOM-ը զանգերի սպասարկման նոր կենտրոն կունենա Վանաձորում

Ռուսական կողմը շարունակելու է ջանքերը Հայաստան-Թուրքիա հարաբերությունների կարգավորման ուղղությամբ. Սերգեյ Կոպիրկին

Մայրը և որդին խաբեությամբ հափշտակել են անձանց անվամբ ձևակերպված վարկերի գումարները. գործը դատարանում է

Հայ խաղաղապահները վերադարձել են Հայաստան

Հայտնաբերվել է հակահամաճարակային կանոնների խախտման 18 դեպք

Այսօր ինքնասպանության փորձ կատարած աղջկա վիճակը ծայրահեղ ծանր է

Սյունիքի մարզի Գորիս-Սիսիան ճանապարհահատվածում բուք է

Լոռու մարզում արձանագրվել է բոտուլիզմի 1 դեպք. հիվանդի վիճակը գնահատվում է միջին ծանրության

Շրջակա միջավայրի նախարարի մոտ տեղի է ունեցել խորհրդակցություն անտառային ոլորտի խնդիրների վերաբերյալ (լուսանկարներ)

Վերջին 30 տարում Հայաստանի ՔԿՀ-ներում բարձրագույն կրթություն է ստացել ընդամենը 11 դատապարտյալ

Որդու գերեզմանին ինքնասպանության փորձ կատարած դպրոցի տնօրենը հիվանդանոցում մահացել է

Ռուբեն Հախվերդյանը հրապարակել է իր՝ «Աշնանային էլեգիա» ստեղծագործության տեսահոլովակը

Դոլարի փոխարժեքն աճել է. Կենտրոնական բանկը սահմանել է նոր փոխարժեքներ

«Լադանիվան» եվրոպական հեղինակավոր մրցույթի հաղթողների թվում է

Զարեհ Սինանյանը և Կարեն Ավանեսյանը կգործուղվեն Բելառուսի Հանրապետություն

Վարչապետ Նիկոլ Փաշինյանն առաջիկա օրերին ասուլիս կտա

Մեքենան բախվել է ծառին. վարորդը մահացել է

Ժնևում ընթանում են Լավրով-Բլինքեն բանակցությունները

Վարչապետն ընդունել է Եվրոպական միության պատվիրակությանը (լուսանկարներ)

Կոտայքի մարզպետարանի և Հայաստանի ֆիզիկական կուլտուրայի և սպորտի պետական ինստիտուտի միջև հուշագիր է կնքվել