Շենքը, որի պատշգամբը փլվել է, վթարային չէ, դեպքի պահին երեխան մոր գիրկն է եղել. մանրամասներ Տավուշում փլուզված շենքից

Ինչպես արդեն հայտնել ենք, երեկ Տավուշի մարզի Այրում խոշորացված համայնքի Հաղթանակ բնակավայրի շենքերից մեկի պատշգամբի փլուզման հետևանքով 7 մարդ տարբեր վնասվածքներով տեղափոխվել էին Նոյեմբերյանի ԲԿ, 3-ամյա աղջնակն էլ մահացել էր հիվանդանոցի ճանապարհին:

Տավուշի մարզի մարզպետարանի առողջապահության և սոցիալական ապահովության վարչության պետ Ռուբեն Տիգրանյանը «Հայկական Ժամանակի» հետ զրույցում տեղեկացրեց, որ հոսպիտալացվածներից մեկն արդեն դուրս է գրվել: «Երկուսը ունեն կոնքի կոտրվածք: Մյուսի մոտ առկա է վերհոնքային շրջանի պատռվածք, կարեր են դրել, գուցե իրեն էլ դուրս գրեն: Մեկը կրծաքավանդակի սալջարդ ունի, մյուսն էլ ողնաշարի շրջանում է սալջարդ ստացել: Նրանց կյանքին վտանգ չի սպառնում: Այսինքն՝ 4-ը դեռ կշարունակեն բուժումը հիվանդանոցում»,- ասաց Տիգրանյանը:

Հաղթանակի վարչական ղեկավար Վահրամ Շարոյանն էլ մեզ հետ զրույցում պատմեց, որ շենքը, որի պատշգամբը փլվել է, կառուցվել է 1972 թվականին, սակայն որպես վթարային շենք ճանաչված չէ: Շենքում 7 ընտանիք է բնակվում: Փլուզումը եղել է շենքի ետնամասից, հիմքը, ըստ ղեկավարի, ամուր է. «Խորհրդային տարիներին շինությունը պանսիոնատ է եղել, իսկ հետո անժամկետ տրվել է փախստականներին։ Նրանց մի մասը Ռուսաստան են մեկնել, մյուսները դեռ շարունակում են բնակվել: Ետնամասում պատշգամբ կա, որը հրդեահավտանգային ելք է և նախատեսված չէ ամենօրյա օգտագործման համար, այսինքն՝ շենքի մուտքը դա չէ: Բնակիչները առանձին ելք ու մուտք ունեն դեպի շենք»:

Այն, որ ետնամասի պատշգամբը օգտագործման ենթակա չի եղել, շենքի բնակիչները տեղեկացված են եղել, ասում է Շարոյանը: Այդ կողմից ելքը փակ է եղել, սակայն բնակիչներից մեկը դեպքից երկու օր առաջ իր միջոցներով բացել է դուռն ու պատշգամբի հատվածն օգտագործել, որպեսզի տվյալ հատվածում լվացք փռի: Հարևաններից մեկի ձայնի վրա մյուսները, իրար կանչելով, դուրս են եկել պատշգամբ՝ 3 քմ տարածքում 7 հոգով կանգնած են եղել:

«Պատշգամբի դուռը փակել ենք, իրենց էլ զգուշացրել, որ դա ծանրությանը չի դիմանում, մի օգտվեք: Իրենցից մեկը բացել է, ու հարևաններով հավաքվել են: Տուժածները 4 ընտանիքից են, 7 հոգի են եղել, պատշգամբն էլ չի դիմացել ու քանդվել է: Շենքը ներքին հարդարման կարիք ուներ ընդամենը, պատերը շատ ամուր են: Միայն այդ պատշգամբն էր ոչ բարվոք վիճակում»,- ասաց համայնքի ղեկավարը:

Դեպքի հետևանքով մահացած 3 տարեկան երեխան այդ պահին մոր գրկին է եղել։ Մայրն էլ սալջարդ ու թեթև կոտրվածքներ է ստացել։ Երեխայի հայրը Ռուսաստանում է՝ արտագնա աշխատանքի: Այսօր պետք է հետ վերադառնա տուն:  

Շենքի բնակիչները այդտեղ ապրել են դեռևս 1990 թվականից: Այն օգտագործվել է որպես հանրակացարան: Դիմե՞լ են արդյոք բնակիչները տուն ստանալու հարցով համայնքի ղեկավարությանը, թե՞ ոչ, համայնքի ներկայիս ղեկավարը տեղյակ չէ, ասում է՝ իր ղեկավարության ժամանակ ոչ ոք այդ հարցով իրեն չի դիմել: «Մի գուցե դիմել են, բայց իմ աշխատած տարիների ժամանակ չի եղել: Հիմա էլ, որ դուրս գրվեն, տուժածները պետք է այդ շենքում ապրեն, կամ էլ իրենցից ոմանք հայրական տուն ունեն, չեմ կարող ասել՝ ինչ կորոշեն»,- հավելեց Վահրամ Շարոյանը:

Մերի Խաչատրյան

Տպել
3375 դիտում

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը