Գոմ, պադվալ, կռիսանոց, նեխած տուն չառաջարկել. Երեւանում վարձով բնակարան գտնելը խնդիր է դարձել

Երեւանում վարձով բնակարան գտնելը խնդիր է դարձել: Եթե տարիներ առաջ այս խնդրին բախվում էր միայն ուսանող տղաների խումբը, ապա այժմ այն համատարած է՝ անկախ վարձակալի սեռից ու տարիքից: Պատճառն այն է, որ նախ, շատ քիչ են վարձով տրվող ազատ բնակարանները, մյուս կողմից էլ, դրանց գներն աստղաբաշխական թվերի են հասնում: Շուկան ազատ է, անշարժ գույքի սեփականատերերն էլ գին որոշելու հարցում, մեղմ ասած, անկաշկանդ:

List.am հայտարարությունների կայքում ամենաէժան բնակարանի գինն այսօր սկսվում է 120 հազար դրամից, այն էլ՝ ծայրամասում, ոչ լիարժեք կահավորված եւ միջին կոսմետիկ կարգավիճակով: Կոմիտասում վարձով տրվող բնակարանների գները Կենտրոնին չեն զիջում, նույնիսկ երբեմն ավելի թանկ են: 140, 160 հազար դրամից պակաս գնով բնակարան հնարավոր չէ գտնել, և խոսքը մեկ կամ երկու սենյականոց բնակարանի մասին է: Կոմիտասում 1 սենյականոց բնակարանի ամսավճարն արժե 160 հազար դրամ, իսկ 2 սենյականոց բնակարանինը՝ 250 հազար դրամ:

Օրինակ՝ ամսական 100-150 հազար դրամ աշխատող անձին Երևանի ծայրամասում միջին կարգավիճակի բնակարան վարձակալելու համար հարկավոր է 300 հազար դրամ: Սա այն դեպքում, եթե տան տերը բարեխիղճ գտնվի և միայն առաջին երկու ամսվա կանխավճարը պահանջի, այսինքն՝ 240 հազար դրամ, վարձավճարի 50 տոկոսն էլ գործակալն է պահանջում, տվյալ դեպքում՝ 60 հազար դրամ:

Խնդրի առնչությամբ բազմաթիվ են բողոքները «Ֆեյսբուք» սոցիալական ցանցում բացված «Վարձով բնակարաններ» խմբում, որտեղ հայտարարություններ են հրապարակում ինչպես վարձակալությամբ բնակարան հատկացնող անձինք, այնպես էլ նրանք, ովքեր ցանկանում են վարձակալել: Վերջիններս նշում են՝ ինչ գնով և պայմաններով բնակարան են ցանկանում գտնել:

Սակայն, ինչպես նշեցինք, վերջին շրջանում այս խումբն ավելի շատ վերածվել է բողոքների հարթակի, որտեղ հիմնականում մարդիկ իրենց դժգոհություններն են արտահայտում, որ ամիսներ շարունակ չեն կարողանում վարձով բնակարան գտնել, դրսում են մնացել եւ այլն: Ըստ օգտատերերի՝ իրենց գրպանին ինչ-որ չափով հասանելի գումարով հնարավոր չէ վարձակալել կենցաղային նորմալ պայմաններով ու միջին կարգավիճակի բնակարան:

«Փնտրում եմ բնակարան՝ 2 սենյակ, 2 հոգու համար՝ մինչեւ 100.000 ՀՀ դրամ (դոլար չէ, եվրո չէ, այլ դրամ): Գոմ, պադվալ, վագոն, կռիսանոց, նեխած, խոնավ տուն չառաջարկել: Հուսով եմ՝ գոնե հիմա սենց կստացվի մի բան գտնել»,- խմբում գրել է օգտատերերից մի աղջիկ: Ի դեպ, նման գրառումները բազմաթիվ են:

Մեկ այլ խնդիր է նաեւ բրոքերական կազմակերպությունների աշխատանքը: Սրա մասին խոսելով՝ 28-ամյա Ս. Բ.-ն «Հայկական ժամանակի» հետ զրույցում իր բողոքն արտահայտեց տվյալ գործունեությամբ զբաղվող կազմակերպությունների աշխատանքից՝ շեշտելով՝ աշխատում են անհասկանալի մոտեցումներով:

«List.am-ում բնակարանների բոլոր հայտարարությունների տակ գրված են միեւնույն համարները: Զանգում ես՝ պատասխանում է տղամարդ, և տպավորություն է, որ նա ոչ թե ուզում է բնակարանների համար վարձակալ գտնել, այլ ճիշտ հակառակը՝ այնպես անել, որ դրանք չուզես: Որ բնակարանն ինչ-որ չափով հավանում եմ, ասում է՝ դա ազատվելուց հետո տերը թանկացնելու է, մյուսը խոնավ է շատ, մյուսը հարմար չէ եւ այլն: Չեմ հասկանում՝ գործակալներն ինչո՞ւ շահագրգռված չեն օգնելու այս հարցում»,- ասաց մեր զրուցակիցը:

Հատկանշական է, որ անշարժ գույքի շուկայում համատարած անկառվարելի վիճակի մասին են փաստում և բարձրաձայնում նաեւ բնակարանների վարձակալությամբ զբաղվող միջնորդները՝ գործակալները: Նրանք նշում են, որ համատարած գնային վերանայումից հետո իրենք ամենաշատն են տուժել:

«Առաջ տներն էժան էին, մենք ավելի շատ տուն էինք կարողանում տալ: Ճիշտ է, ամեն տան դեպքում մեր գումարն էլ մի փորք ավելի քիչ էր, բայց քանակը դա փակում էր, եւ մենք ավելի գոհ էինք»,- մեզ հետ զրույցում ասաց գործակալ Ս.-ն:

Գործակալը նաեւ նշեց՝ թանկ տները հիմնականում հնդիկները կամ իրանցիներն են վերցնում, այն էլ՝ կարճաժամկետ: Նրա խոսքով՝ ինքը ոլորտում է շուրջ 8 տարի, եւ Երեւանում տների գներն սկսել են բարձրանալ սիրիահայերի գալուց հետո: Այս ամենի հետ մեկտեղ վարձով տրվող բնակարանների գների բարձրացմանը նպաստեցին նաև համավարակի հետևանքով սահմանված սահմանափակումները:

Ըստ նրա՝ իրենց համար էլ է գլխացավանք գնալ, օրվա մեջ 5-6 հոգու տուն ցույց տալ եւ դժգոհություններ լսել գնի ու պայմանների անհամապատասխանության հետ կապված: Հաճախ հենց այս պատճառով են հայտարարությամբ զանգահարողներին մանրամասն ներկայացնում տան լավ ու վատ կողմերը, որպեսզի տեղում փաստի առաջ չկանգնեն, ինչը, սակայն, երբեմն թյուր կարծիքների տեղիք է տալիս:

Գարիկ անունով մի գործակալ էլ «Հայկական ժամանակի» հետ զրույցում դժգոհեց, որ տան տերերն ամեն ինչ խառնել են իրար, հաշվի չեն առնում անգամ տարածքները, թե որտեղ է գտնվում իրենց բնակարանը՝ ծայրամասո՞ւմ, թե՞ կենտրոնում:

«Աշխարհի ծայրն էլ լինի՝ տունը սարքում են, ինչ է թե նոր վերանորոգված տուն է, մտքներին եկած գինն սահմանում են: Կենտրոնում կա լավ տուն, երկու սենյակն արժե 500 դոլար, նայում ես՝ Քանաքեռի տարածքում էլ է նույն գինը և միայն այն բանի համար, որ նորակառույց շենքում է»,- ասաց նա:

Գործակալի վստահեցմամբ՝ պահանջարկը մեծ է, իսկ որոշողը տան տերն է, ինչը, բնականաբար, իրենց վրա էլ է ազդում: «Օր է լինում՝ մեկ հաճախորդին 5-6 տուն ենք ցույց տալիս, բայց չի կարողանում գնի մեջ տեղավորվել, արդյունքում գործարք չենք ունենում: Ամսական առավելագույնը 4-5 գործարք ենք կատարում»,- ասաց նա:

Նրա խոսքով՝ տան տիրոջ հետ փորձում են իրենք էլ բանակցել, որ վարձակալողին էլ համար լինի, բայց միշտ չէ, որ հաջողվում է արդյունքի հասնել: «Դուք պիտի տեսնեիք, թե ինչ էր կատարվում պատերազմի օրերին. Արցախից եկածներին տուն չէին տալիս, համոզում էինք, տերերի ոտքերն ընկնում, որ այդ մարդկանց տուն տային, բայց չէին տալիս: Ասում էին՝ մենք Արցախից եկածներին չենք կարող տուն տալ, մեզ էնպիսի մարդ է պետք, որ վճարունակ լինի»,- նկատեց գործակալը:

Տպել
3891 դիտում

Նիկոլ Փաշինյանը շնորհավորական ուղերձ է հղել Ջո Բայդենին

Ալեն Սիմոնյանի հայտարարությունը ԱԺ հանձնաժողովի նախագահի պաշտոնից Արմեն Գևորգյանի հրաժարականի դիմումի մասին

Միրզոյանը Սանջայ Վերմային է ներկայացրել ՀՀ դիրքորոշումը տարածաշրջանում խաղաղության հաստատման գործընթացների նկատմամբ

Կարճատև անձրև, տեղ-տեղ՝ կարկուտ. առաջիկա օրերին ջերմաստիճանը կբարձրանա

Ավարտվել է համակարգչային տեխնիկայի օգտագործմամբ հափշտակություն կատարելու գործի նախաքննությունը. ՔԿ

Արձանագրվել է սնկից թունավորման 16 դեպք՝ 27 տուժածով. դեպքերի գերակշիռ մասն արձանագրվել է Լոռու մարզում

Վարչապետն ընդունել է Ժողովրդավարության աջակցության ազգային հիմնադրամի նախագահին

Արմեն Փամբուխչյանը, Արա Նազարյանը և Արմեն Գասպարյանը պարգևատրվել են «ՀՀ զինված ուժեր 30 տարի» հոբելյանական մեդալով

Վլադիմիր Պուտինն այս տարի շնորհավորական հեռագիր չի հղելու Վաշինգտոնին ԱՄՆ անկախության օրվա առթիվ. Կրեմլ

Վերջին տարիներին կտրուկ աճել են Հայաստան-Հնդկաստան ապրանքաշրջանառության ծավալները. Արարատ Միրզոյան (տեսանյութ)

Փրկարարները հայտնաբերել են երեկվանից որոնվող քաղաքացու դին

11 առարկա, 550-ից ավելի դիմորդ. մեկնարկել է բուհական միասնական քննությունների երկրորդ փուլը

Ջրվեժի բակերից մեկում խաղացող 8-ամյա տղան պատահական կրակոցից մարմնական վնասվածք է ստացել

Հայաստանի և Հնդկաստանի միջև դրամաշնորհային աջակցության վերաբերյալ հուշագիր է ստորագրվել

Հայաստանում վերջին մեկ շաբաթում հաստատվել է կորոնավիրուսի 174 նոր դեպք. մահ չի գրանցվել

Հանրապետության նախագահի նստավայրում կայացել է դատավորների երդման արարողություն

Վարազդատ Հարոյանը հեռացել է «Կադիս»-ից

Առցանց հարթակներում տեղեկատվության անվտանգության իրավական կարգավորման հարցով գլխավոր դատախազը դիմել է Կառավարություն

ԲԴԽ անդամը հրաժարական է ներկայացրել

Հայաստանում ընթանում է հայ-հնդկական միջկառավարական հանձնաժողովի 8-րդ նիստը

Ռուբեն Վարդազարյանը միջնորդություն է ներկայացրել՝ հետաձգելու ԲԴԽ նախագահի ընտրությունները

Համբարձում Մաթևոսյանն ու Գնել Սանոսյանն աշխատանքային այցով եղել են Լոռիում, ծանոթացել իրականացվող աշխատանքներին

Երևանում վիճաբանության ժամանակ կինը դանակահարել է ամուսնուն

Սնկային թունավորման դեպք Վանաձորում. ծանր վիճակում հոսպիտալացվել է 5 անձից բաղկացած ընտանիք, այդ թվում՝ երեխաներ

Արմավիրի բնակչին պատժելու համար ՌԴ-ից վերադարձել են, զինված կողմնակիցների հետ կրակոցներ արձակել. կա 29 մեղադրյալ

Մեկնարկել է Հնդկաստանի ԱԳՆ Արևմտյան ուղղության քարտուղարի հանդիպումն Արարատ Միրզոյանի հետ

Արթուր Ղազինյանը վայր է դնում պատգամավորական մանդատը

Երկար ժամանակով լույս չի լինելու Երևանում և 7 մարզերում

Նորատուսում վարորդը վրաերթի է ենթարկել իր հորեղբոր 13-ամյա թոռանը․ երեխան մահացել է, վարորդը հետախուզվում է

Ադրբեջանական դիրքերի ուղղությամբ կրակոցներ արձակելու մասին լուրերը սուտ են. ՊՆ

Վահագն Խաչատուրյանը շնորհավորական ուղերձ է հղել Ջոզեֆ Բայդենին

Երևանի Ազատամարտիկների փողոցում ավտոմեքենա է այրվել

Դատախազության՝ պետական իշխանության դեմ հանցագործությունների գործերով վարչության պետին շնորհվել է նոր դասային աստիճան

Ես կվերադառնամ. «50-Cent»-ը հրաժեշտի տեսանյութ է հրապարակել Հայաստանից

Տեխնոլոգիաները գալիս են մարդկանց, հասարակություններին ծառայելու. վարչապետը մասնակցել է «Պոլիտեխնիկ»-ի ավարտական երեկոյին

Նոր չափորոշիչով ուսուցչի շաբաթական դրույքաչափը տարրական դասարանում կազմելու է 18 ժամ՝ գործող 22-ի փոխարեն. փոխնախարար

Ըմբիշ Լյովա Գևորգյանը՝ Եվրոպայի երիտասարդական առաջնության հաղթող. Հայաստանը երկրորդն է թիմային հաշվարկում

Պատերազմը մեր հրաշք էրեխեքին տարավ. Ախուրյանում Զինվորի պուրակ և հուշահամալիր է բացվել (լուսանկարներ)

Նշվել է Մեծի տանն Կիլիկիո Արամ Ա կաթողիկոսի գահակալության 27-ամյակը

Կիևում հայտնել են Թուրքիայի կողմից՝ իբր ուկրաինական հացահատիկ տեղափոխող ռուսական նավի կալանավորման մասին