Արվելու է հնարավորը՝ աշխատողների թիվը չկրճատելու համար. Վանաձորի ինֆեկցիոն հիվանդանոցը միավորվել է Վանաձոր բ/կ-ին

Կառավարության՝ 2019թ.-ի հոկտեմբերի 10-ին ընդունած որոշման համաձայն՝ Վանաձորի ինֆեկցիոն հիվանդանոցը միավորվել է Վանաձորի բժշկական կենտրոնին: Վանաձորի ինֆեկցիոն հիվանդանոց անվամբ իրավաբանական կազմակերպություն այլեւս չկա, փոխարենը սեպտեմբերի 17-ից այն կոչվում է Վանաձորի բժշկական կենտրոնի վարակաբանական բաժանմունք:

Ինֆեկցիոն հիվանդանոցի փակման վերաբերյալ խոսակցություններն սկսվեցին դեռևս 2018թ.-ից, ինչին ընդվզեցին ոչ միայն աշխատակիցները, այլ նաեւ մարզի բնակիչները: Ընդունված որոշմամբ՝ նախատեսվում էր մահճակալների թվի կրճատում, որն իր հետ բերելու էր նաեւ հաստիքացուցակի կրճատման:

Սակայն 2019թ.-ին բռնկված համավարակը որոշ ժամանակով դադարեցրեց գործընթացները: Կորոնավիրուսային իրավիճակով պայմանավորված՝ ինֆեկցիոն հիվանդանոցը վերապրոֆիլավորվեց ու աշխատեց գերծանրաբեռնված ռեժիմով:

Հետո արդեն շրջանառվեց այլ տեղեկություն՝ ինֆեկցիոն հիվանդանոցը Վանաձորի բժշկական կենտրոնի շենքում տեղավորելու հարցը: Սրան եւս ինֆեկցիոն հիվանդանոցի աշխատակիցները դեմ արտահայտվեցին՝ նշելով, թե անթույլատրելի է ինֆեկցիոն հիվանդությունների բուժումը կազմակերպել նույն շենքում այն դեպքում, երբ չկա առանձնացված կոյուղի, շենքային պայմաններն էլ ապահովված չեն անհրաժեշտ համաճարակային ու սանիտարական չափորոշիչներով:

Այս խոսակցություններն էլ երկար կյանք չունեցան: Նախորդ տարի մարզ այցելած առողջապահության նախարարության ներկայացուցիչները հայտարարեցին՝ մոդուլային շենք են կառուցելու: Ինֆեկցիոն հիվանդանոցի նախկին տնօրեն Նունե Էվինյանը մոդուլային շենք կառուցելու վերաբերյալ մեզ հետ զրույցում դեռ այն ժամանակ էր անթույլատրելի համարել տիպային քարե շենքից մոդուլային շենք տեղափոխվելը: Այս ամենին զուգահեռ, փաստացի, կա Կառավարության ընդունած որոշում, որով արդեն այլեւս չկա Վանաձորի ինֆեկցիոն հիվանդանոց հասկացությունը:

Իսկ ինչպե՞ս են շարունակվելու ծառայությունները մատուցվել ազգաբնակչությանը, և արդյոք ռիսկեր պարունակո՞ւմ է Կառավարության ընդունած որոշումը:

ՀԺ-ի հետ զրույցում Լոռու մարզպետարանի առողջապահության եւ սոցիալական ապահովության վարչության պետ Ռուզաննա Աբովյանը, ներկայացնելով հիվանդանոցի փակման ու բ/կ-ին միացնելու գործընթացը, ասաց՝ ներկայումս միայն ադմինիստրատիվ փոփոխություններ են տեղի ունեցել. ինֆեկցիոն հիվանդանոցի տնօրենը դարձել է բաժանմունքի վարիչ, գլխավոր հաշվապահը՝ հաշվապահ: Հիվանդանոցը շարունակում է գործունեությունը նույն շենքում, հետագայում նախատեսված է կառուցել առանձին մասնաշենք, իսկ մինչ այդ, քաղաքացիները անհրաժեշտ բուժումները կստանան նույն վայրում:

Վարչության պետը վստահեցնում է՝ թեպետ Կառավարության որոշմամբ սահմանվել է 15 մահճակալ, սակայն վարակաբանական բաժանմունքը գործունեությունը շարունակում է 30 մահճակալով: Հաստիքացուցակում էլ դեռեւս կրճատումներ չեն եղել.

«Ես ինքս՝ որպես բժիշկ, որպես մանկաբույժ, մեծ տեղ եմ տալիս ինֆեկցիոն ծառայությանը: Մենք մարզում որոշակի ժամանակահատված ունենում ենք որոշակի բռնկումներ, սպեցիֆիկ ինֆեկցիաներ, ունեցել ենք տուլարեմիայի բռնկումներ, ունենում ենք սիբիրյան խոցի դեպքեր, ունեցել եւ ունենում ենք լեյշմանիոզի խնդիրներ, հատկապես՝ Թումանյանի տարածաշրջանում, ու, ընդհանուր առմամբ, չգնահատել այս ծառայությունը, ճիշտ չԷ: Օպտիմալացումը չի խոսում այն մասին, թե մենք այս ծառայությունը ընդհանրապես փակում ենք, ու այն չի գործելու: Ոչ, գործելու է, պարզապես այլ կարգավիճակով: Կառավարության որոշմամբ սահմանված է 15 մահճակալ, բայց ներկայումս գործում է 30 մահճակալով: Այս ուղղությամբ մենք աշխատանքներ ենք դեռ տանում, քանի որ քաջ գիտակցում ենք՝ 15 մահճակալը բավականին քիչ է: Մենք քննարկումներ կանենք թե՛ մարզպետի, թե՛ առողջապահության նախարարության հետ»:

Վարչության պետն ասում է՝ այս ամենի հետ կապված իրենք հանդիպումներ են ունեցել առողջապահության նախարարության ԾԻԳ-ի հետ, քննարկել նոր շենքի կառուցման հարցը, որը ենթադրում է սանիտարական բոլոր նորմերին համապատասխան կառույց. «Կլինի նոր շենք, ոչ մոդուլ, կունենա համապատասխան սանիտարական ու համաճարակային բոլոր պայմանները, իր առանձին կոյուղիով ու մյուս բոլոր պահանջներով: Նոր շենքը եւս կառուցվելու է 30 մահճակալի համար»:

Վարչության պետի խոսքով՝ մինչ կկառուցվի նոր մասնաշենքը, ինֆեկցիոն հիվանդանոցն իր գործունեությունը կշարունակի հին մասնաշենքում.

«Մենք պետք է անենք այնպես, որ ոչ միայն աշխատակիցները չտուժեն, այլ նաեւ մահճակալների թիվը չնվազի ու սպասարկումը լինի 30 մահճակալով, որովհետեւ անգամ այդ 30-նն է մինիմալ քանակ»: Աբովյանը թեեւ փաստում է, որ արվելու է հնարավորը՝ աշխատակիցների կրճատումը բացառելու նպատակով, սակայն միեւնույն ժամանակ չի հերքում՝ 15 մահճակալի դեպքում նույն հաստիքացուցակը միանշանակ չի լինի. «Առայժմ հստակ ոչինչ ասել չենք կարող: Կառավարության որոշումը, այո, կայացված է, բայց գուցե բան կփոխվի»:

Հարցին, եթե մահճակալների թիվը 50 տոկոսից կրճատվում է, արդյոք նույնքանով էլ չի՞ կրճատվի հաստիքացուցակը, մարզային ոլորտի պատասխանատուն ասաց: «Սրանք, այո, ենթադրություններ են, մենք պետք է աշխատենք այդ ուղղությամբ, որ հետեւանքներ չլինեն, որ չկորցնենք մեր լավագույն մասնագետներին: Մինչ այս պահը որեւէ աշխատակից դեռեւս ազատված չէ»,- ասաց նա:

Նոր մասնաշենքի կառուցման վերաբերյալ քննարկումները շարունակվում են: Վարչության պետի փոխանցմամբ՝ դեռեւս նախագծային աշխատանքներն են ընթացքի մեջ: 

Տպել
1921 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում