Ոստիկանությունում քննարկում են պարեկների մեքենաների և համազգեստի վրայի գրությունները փոխելու հարցը

ՀՀ ոստիկանությունում գործընթաց է սկսվել՝ նորաստեղծ պարեկային ծառայության աշխատակիցների համազգեստի եւ ավտոմեքենաների վրայի գրություններում օտար լեզվի փոխարեն հայերենը գերիշխող դարձնելու վերաբերյալ: Հայերենին երկրորդական դեր հատկացնելը հանրությունը մեծ դժգոհությամբ էր ընդունել, եւ պատկան մարմինները մտադիր են վերանայել մոտեցումը:  

Հուլիսի 7-ից դեռեւս միայն Երեւանում Պետական պահպանության ծառայության աշխատակիցներին եւ Ճանապարհային ոստիկաններին փոխարինեցին Պարեկային ծառայության ոստիկանները: Ստորաբաժանման կազմավորումը մեծ ոգևորություն առաջացրեց հանրության շրջանում, սակայն միեւնույն ժամանակ քննադատության ալիք բարձրացավ՝ պայմանավորված նրանց մեքենաների եւ համազգեստի վրա օտարալեզու գրությունները գերիշխելով:

Բանն այն է, որ ոստիկանների համազգեստի և մեքենաների վրա շատ ավելի խոշոր տառերով գրված է «POLICE» եւ «PATROL», քան հայերեն «ՊԱՐԵԿԱՅԻՆ ԾԱՌԱՅՈՒԹՅՈՒՆ»-ը, ինչը հակասում է Սահմանադրության 20-րդ հոդվածին (որի համաձայն՝ Հայաստանի Հանրապետությունում պետական լեզուն հայերենն է) եւ «Լեզվի մասին» օրենքին:

Խնդրի մասին հայտարարությամբ հանդես եկավ նաև ՀՀ ԿԳՄՍՆ լեզվի կոմիտեն՝ նշելով, որ օրենքով իրենց վերապահված լիազորությունների շրջանակում ձեռնարկելու են անհրաժեշտ միջոցներ՝ խնդրին առնչվող հանգամանքները պարզելու և օրենքով նախատեսված ընթացակարգն ապահովելու համար։ Սակայն Կոմիտեից չէին մանրամասնել, թե մասնավորապես որո՞նք են օրենքով իրենց վերապահված այն լիազորությունները, որոնց գործադրմամբ կարգավորելու են հարցը, ինչպես նաև՝ ի՞նչ գործողություններ են ձեռնարկելու:

Առաջացած հարցերի վերաբերյալ «Հայկական ժամանակը» գրավոր հարցմամբ դիմեց Լեզվի կոմիտե՝ նախ հետաքրքրվելով, թե արդյոք սույն հաղորդագրությունը կամ նմանատիպ բովանդակությամբ հաղորդագրություն ուղարկե՞լ են ՀՀ ոստիկանություն, և արդյոք ոստիկանությունից ստացե՞լ են արձագանք, որին ի պատասխան՝ Կոմիտեից հաստատեցին, որ, ի թիվս այլ պետական մարմինների, գրությունն ուղարկվել է ՀՀ ոստիկանություն: «Խնդիրը քննարկվում է նաև Ոստիկանության ծառայության այլ պաշտոնյաների հետ»,- նշել են Լեզվի կոմիտեից: 

Հարցին՝ Կոմիտեն իր լիազորությունների շրջանակում կոնկրետ ի՞նչ քայլեր է ձեռնարկելու՝ խնդրելով մանրամասնել դրանք, պատասխանել են, որ «Լեզվի մասին» օրենքի պահանջների կատարումն ապահովելու նպատակով խնդրին առնչվող բոլոր հանգամանքները պարզելուց, արարքը որակելուց հետո Լեզվի կոմիտեն օրենքով իրեն վերապահված լիազորությունների շրջանակում կապահովի գործի հետագա ընթացքը: Նկատենք, սակայն, որ Կոմիտեից չեն մանրամասնել, թե որո՞նք են իրենց վերապահված լիազորությունները, որի միջոցով էլ ապահովելու են գործի հետագա ընթացքը:

Մենք նաև հետաքրքրվել էինք, թե արդյոք ունե՞ն այնպիսի լիազորություններ, որոնց գործադրմամբ կարող են հասնել նրան, որ Ոստիկանությունը փոխի Պարեկային ծառայության ավտոմեքենաների և պարեկների համազգեստի վրայի գրությունները՝ գերակշռողը դարձնելով հայատառը: Հարցին ի պատասխան՝ Կոմիտեից հայտնել են, որ Ոստիկանությունը սկսել է գործընթաց, որով նախատեսվում է նաև Պարեկային ծառայության ավտոմեքենաների և պարեկների համազգեստի վրա զետեղված տեղեկույթի համապատասխանեցում «Լեզվի մասին» ՀՀ օրենքի պահանջներին՝ հավելելով, որ, անշուշտ, Լեզվի կոմիտեն սկսված գործընթացում կաջակցի Ոստիկանությանը:

Լեզվի կոմիտեից նաև հայտնել են, որ Ոստիկանությունը որևէ պարտականություն չուներ նախապես Լեզվի կոմիտեի հետ քննարկելու Պարեկային ծառայության ավտոմեքենաների և պարեկների համազգեստի վրա տեղ գտած՝ գրություններին վերաբերող մասը, սակայն, որպես պետական կառավարման համակարգի մարմին, ունի պետական լեզվական քաղաքականություն իրականացնելու լիազորություն, հետևաբար Լեզվի կոմիտեից աջակցություն և լեզվական խորհրդատվություն (պարզաբանում) ստանալու իրավունք:

Մենք գրավոր հարցմամբ դիմեցինք նաև ՀՀ ոստիկանություն, որտեղից ևս հաստատեցին, որ Լեզվի կոմիտեից ստացել են գրություն Պարեկային ծառայության ոստիկանների համազգեստի և մեքենաների վրայի գրության հետ կապված՝ մասնավորապես նշելով. «Ոստիկանությունում ստացվել է ՀՀ լեզվի կոմիտեի նախագահի գրությունը, համաձայն որի՝ պարեկային ավտոմեքենաների և պարեկի համազգեստի վրա զետեղված տեղեկույթներում օտար լեզվի գերակայության հետ կապված՝ Կոմիտեն նախատեսում է նախաձեռնել ՀՀ օրենսդրությամբ նախատեսված գործընթաց, որի շրջանակներում կպարզվի գործընթացի՝ ՀՀ օրենսդրությամբ համապատասխան իրականացված լինելու հարցը»։

ՀՀ ոստիկանությունից նաև նշել են, որ հաշվի առնելով վերը նշված հանգամանքը՝ ներկայումս զերծ կմնան իրավանորմերի պահպանման հետ կապված իրավական գնահատականներ ներկայացնելուց։ Սակայն միաժամանակ ներկայացրել են որոշակի պարզաբանում, թե ինչո՞ւ է նախապատվությունը տրվել օտարատառ գրության գերակայությանը:

«Հայտնում ենք, որ խնդրո առարկա որոշման կայացման հիմքում եղել է ծառայության տեսակը, այդ թվում՝ նաև օտարերկրյա քաղաքացիների համար առավել ընկալելի լինելու նպատակադրումը։ Այնուամենայնիվ, Լեզվի կոմիտեի կողմից նախաձեռնված գործընթացի արդյունքներով հնարավոր է ընտրված մոտեցումը վերանայվի»:

Գագիկ Ավետիսյան

Տպել
1523 դիտում

Արարատ Միրզոյանը հանդիպել է ՄԱԿ-ի Քաղաքակրթությունների դաշինքի բարձր ներկայացուցիչ Միգել Անխել Մորատինոսի հետ

Մարալիկ քաղաքում այրվել է մոտ 25 հակ անասնակեր

«Արևիք» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Մեր դպրոցների որոշ մասում տպավորություն է, թե իրերն ավելի կարևոր են, քան երեխաները. Ժաննա Անդրեասյան

ԱԱՏՄ-ն ստուգայցեր է կատարել առևտրի օբյեկտներում և դեղատներում

Կարևորվել է Հայաստանի և Եգիպտոսի միջև քաղաքական երկխոսության ակտիվացման քայլերի իրականացումը. հանդիպել են ԱԳ նախարարները

19-ամյա գյումրեցին շրջանցել է երկու թուրք մարզիկների և հռչակվել ծանրամարտի Եվրոպայի չեմպիոն

3 օրում ստացվել է հրդեհների մասին 3 ահազանգ Երևանում ու մարզերում

Ծիծաղելի են լուրերը, թե Գյումրիում ՔՊ-ն գաղտնի պայմանավորվածություն ունի «Բալասանյան» դաշինքի հետ․ Ալեքսանյան. Civic

Տիգրան Արզաքանցյանն իր թիմով դուրս է գալիս Դեմոկրատական կուսակցությունից. պայմանավորվածություն է խախտվել

Կոտայքի մարզում մեքենան բախվել է գազախողովակներին, մի քանի պտույտ շրջվելով՝ հայտնվել դաշտում. կան վիրավորներ

Անկարան մտադիր է լրացուցիչ С-400 համալիրներ ձեռք բերել Մոսկվայից. Էրդողան

Առաջիկա օրերին ցրտելու է. մի քանի օրից կվերսկսվեն տեղումները՝ քամու ուղեկցությամբ

Գերմանիայում 16 տարում առաջին անգամ անցկացվում են ընտրություններ՝ առանց Մերկելի թեկնածության

«Երբ լսեցի անունս, կյանքս մի քանի վայրկյանում անցավ դիմացովս». «Միսս Աշխարհ Արմենա 2021»-ի հաղթող

Միջազգային հանրության պատշաճ արձագանք Ադրբեջանի կողմից Արցախի հայաթափմանը. Միրզոյանը՝ ՄԱԿ պաշտոնյայի հետ հանդիպմանը

«Արևիք» ազգային պարկի տարածքում հրդեհաշիջման աշխատանքները վերսկսվել են

Գառնիում մեկնարկում է «Համընդգրկուն ժառանգություն» խորագիրը կրող միջոցառում (լուսանկարներ)

Արարատ Միրզոյանը հանդիպել է Սիրիայի արտաքին գործերի և սփյուռքի նախարար Ֆեյսալ Ալ-Միկդադի հետ (տեսանյութ)

Թուրքիայից Ռուսաստան արտահանվող մրգերի ու լոլիկի մեջ հայտնաբերվել են վտանգավոր հարուցիչներ

Արցախում կորոնավիրուսային հիվանդության 2 դեպք է գրանցվել

Արցախյան պատերազմի մասնակիցներին նվիրված ֆոտոպատմության ցուցադրություն կլինի

Անթիլիասի Մայրավանքում մատուցվում է հոգեհանգստի կարգ՝ ի հիշատակ 44-օրյա պատերազմի զոհերի (տեսանյութ)

Հանդիպել են Գուտերեշն ու Միրզոյանը. քննարկվել են տարածաշրջանային կայունության և անվտանգության մասին հարցեր (տեսանյութ)

ԱԺ-ում կորոնավիրուսի դեմ պատվաստվել են պատգամավորներ ու աշխատակիցներ (լուսանկարներ)

Ուկրաինայի հայկական եկեղեցիներում պատերազմի զոհերի հիշատակին նվիրված հոգեհանգստի պատարագներ կմատուցվեն

Սպանություն Երևանում. իր բնակարանում հայտնաբերվել է դանակի մի քանի հարված ստացած տղամարդու դի

ՀՀ ԱԳ նախարարն ու ԵԱՀԿ գործող նախագահը քննարկել են Արցախում ստեղծված իրավիճակը և ծառացած հումանիտար խնդիրները

Կորոնավիրուսային վիճակագրությունը շարունակում է մտահոգիչ մնալ. 925 նոր դեպք է հաստատվել

16 տարվա ընդմիջումից հետո Հայաստանն Օլիմպիական խաղերին կմասնակցի նաև գեղասահքում

Տաթևից Աղվանի 43 կիլոմետրանոց ճանապարհահատվածը պատրաստ կլինի մինչև նոյեմբերի վերջ (տեսանյութ)

Եղվարդի մոտակայքում մեքենան բախվել է գազատարին, հետո սահել ձորակը. կան տուժածներ

Երկկողմ տնտեսական համագործակցության հեռանկարներին են անդրադարձել ՀՀ և Ռումինիայի ԱԳ նախարարները (տեսանյութ)

Արցախում պետական դավաճանության դեպք է բացահայտվել․ Արցախի ԱԱԾ (տեսանյութ)

Գյումրիում «Բալասանյան» դաշինքի թեկնածուի նախընտրական պաստառի համար ծառի ճյուղեր են կտրում (տեսանյութ)

Բացահայտվել են ռազմամթերքի մատակարարման գործում ՀՀ ԶՈՒ բարձրաստիճան պաշտոնյայի լիազորությունները չարաշահելու դեպքեր. ԱԱԾ

Հանդիպումը, որը կայացավ պատերազմից մեկ տարի անց, դրական քայլ է. Ֆրանսիայի ԱԳ նախարարը Միրզոյան-Բայրամով հանդիպման մասին

Ստեփանակերտը Երևանի թիկունքն է ու հենարանը. Հայկ Մարությանի շնորհավորել է Ստեփանակերտի օրը

Հակամարտության կարգավորումը պետք է տեղի ունենա ԵԱՀԿ ՄԽ համանախագահության հովանու ներքո.Միրզոյանը հանդիպել է Նուլանդի հետ

Գյումրեցին անպայման պետք է լսի Ստեփանակերտի թատրոնի ասելիքը. Աճեմյանի բեմում են Արցախի դերասանները