Home, թե՞ Rome. Եվրոպայի առաջնության եզրափակիչում կհանդիպեն Անգլիան և Իտալիան

Հուլիսի 11-ին Երևանի ժամանակով 23:00-ին Լոնդոնի Ուեմբլի մարզադաշտում կայանալիք ֆուտբոլի Եվրոպայի առաջնության եզրափակիչում կհանդիպեն Անգլիայի և Իտալիայի հավաքականները:

Ճանապարհը դեպի եզրափակիչ երկու հավաքականների մոտ տարբեր էր, տարբեր էր նաև նրանց ցուցադրած ֆուտբոլը: Բայց մի բան ընդհանուր է. երկու թիմերն էլ ամենակայուն խաղն էին ցուցադրում առաջնության ընթացքում: 

Թե Իտալիայի, թե Անգլիայի հավաքականները խմբային փուլում ոչ մի գնդակ բաց չթողեցին, բայց եթե իտալացիներն այդ երեք խաղերում յոթ գնդակ խփեցին, ապա անգլիացիները միայն երկուսը: Փլեյ-օֆֆում երկու հավաքականները հայտնվեցին ցանցի տարբեր հատվածներում, ու եթե Իտալիայի համար ճանապարհը դեպի եզրափակիչ քարքարոտ էր, ապա Անգլիայի համար ցանցը շատ ավելի բարենպաստ էր:

Իտալիայի հավաքականի համար փլեյ-օֆֆ փուլը շատ բարդ սկիզբ ունեցավ: Խմբային փուլում Ռոբերտո Մանչինիի թիմն այնպիսի խաղ ցուցադրեց, որ շատերը թիմին միանգամից սկսեցին համարել չեմպիոնության ֆավորիտ: Բայց 1/8 եզրափակչում Ավստրիայի հավաքականն իտալացիներին երկնքից  իջեցրեց երկիր: Սկուադրա Աձուրան միայն լրացուցիչ ժամանակում կարողացավ հաղթահարել համառ ավստրիացիների դիմադրությունը: Փոխարենը, քառորդ եզրափակչում Իտալիան գեղեցիկ խաղով հաղթեց ՖՒՖԱ-ի դասակարգման աղյուսակի առաջատար Բելգիայի հավաքականին` դրանով վերջ դնելով կասկածամիտների այն տեսությանը, որ իտալացիները հաղթում են միայն միջակ թիմերի, իսկ առաջին լուրջ մրցակիցը նրանց պայքարից դուրս կթողնի: Կիսաեզրափակիչում Իսպանիայի հավաքականը կարողացավ զրկել իտալացիներին իրենց գլխավոր զենքից` գնդակին տիրելուց, բայց Մանչինիի թիմը բնավորություն ցույց տվեց, հարմարվեց մրցակցի խաղաոճին ու կարողացավ գործը հասցնել հետխաղյա տասնմեկ մետրանոցների, որտեղ էլ հաղթանակ տարավ: Այդ խաղը ցույց տվեց, որ Իտալիան Մանչինիի գլխավորությամբ ոչ միայն գեղեցիկ ֆուտբոլ է խաղում, այլև ճկուն է և կարող է անհաջող զարգացումներով ընթացքով խաղում փոխվել ու պայքարել:

Անգլիայի հավաքականը փլեյ-օֆֆի հենց առաջին փուլում հանդիպեց Գերմանիայի ընտրանուն: Ոչ այնքան դիտարժան խաղում անգլիացիները հաղթեցին 2-0 հաշվով ու միանգամից դարձան եզրափակիչ դուրս գալու գլխավոր ֆավորիտը, քանի որ մյուս առաջատար հավաքականներն անակնկալ պարտություններ կրեցին: Ուկրաինայի հավաքականի հետ քառորդ եզրափակիչ խաղում (4-0) դժվարություններ եղան միայն առաջին կեսում, իսկ ահա կիսեզրափակչում Դանիան լուրջ խնդիրներ դրեց Գարեթ Սաութգեյթի թիմի առջև` առաջին անգամ այս առաջնությունում գրավելով անգլիացիների դարպասը: Բայց Երեք առյուծները պատվով դուրս եկան իրավիճակից, հավասարեցրին հաշիվը, մեծ առավելություն ունեին և լրացուցիչ ժամանակում կարողացան հաղթանակ կորզել: Ճիշտ է, տասնմեկ մետրանոցը, որի օգնությամբ անգլիացիները խփեցին երկրորդ գնդակը, խիստ կասկածելի էր և մեծ աղմուկ է առաջացրել, բայց հանդիպման ելքը փոխել հնարավոր չէ: Միգուցե Անգլիան, որն այս առաջնությունում գեղեցիկ խաղ չի ցուցադրում, արժանի չէր նման ձևով հաղթել Դանիային, սակայն ամբողջ առաջնության կտրվածքով ավելի կայուն թիմ դժվար է գտնել: Իսկ Դանիան միանշանակ արժանի է ծափահարությունների այն բանի համար, որ առաջնության առաջին խաղում տեղի ունեցածից հետո (Քրիստիան Էրիկսենի սիրտը կանգնեց խաղի ընթացքում, բժիշկները հրաշքով փրկեցին նրա կյանքը) կարողացավ համախմբվել ու, առանց իր առաջատարի շատ վստահ խաղ ցույց տալով, հասավ կիսաեզրափակիչ:

Եզրափակիչում հանդիպելու են երկու տարբեր խաղաոճերով հավաքականներ. իտալացիները սիրում են տիրել գնդակին ու գրոհել, գնդակ կորցնելիս անցնում են ուժեղ պրեսինգի: Անգլիացիները գործում են պաշտպանությունից, օգտագործում են իրենց հարձակվողների արագությունը հակագրոհների ժամանակ և չափազանց վտանգավոր են ստանդարտների ժամանակ: Ֆուտբոլասերների համար միգուցե առաջինն ավելի համակրելի է, բայց կարևորը վերջնական արդյունքն է:

Անգլիացի երկրպագուներ սիրում են պատեհ-անպատեհ օգտագործել it's coming home արտահայտությունը, այսինքն` ֆուտբոլը վերադառնում է տուն, իր հայրենիք, որտեղից որ սկիզբ է առել: Անգլիան մինչ այժմ մեկ անգամ էր եղել ֆուտբոլային խոշոր մրցաշարի եզրափակիչում` 55 տարի առաջ, ու նորից Ուեմբլիում: Այդ ժամանակ Անգլիան հաղթեց Գերմանիային ու դարձավ աշխարհի չեմպիոն: Թվում է` ֆուտբոլը երբեք այսքան մոտ չի եղել հայրենիք վերադառնալուն: Բայց իտալացի երկրպագուները պատասխանում են անգլիացիներին` it's coming to Rome` ակնարկելով, որ հայրենիքի փոխարեն գավաթը պետք է ուղևորվի Հռոմ: Իսկ home թե Rome կորոշի հանդիպումը: Երկու թիմերին էլ մեծ նվաճման համար ընդամենը մեկ քայլ է մնացել:

Տպել
1065 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում