Ասում էին՝ ի՞նչ հայ ես դու, 5 տեղից վիրավոր ես ու չես մեռել, հա՛, հայ եմ. 8 ամիս գերությունից հետո Նարեկն արդեն տանն է

8 ամիս մնալով ադրբեջանական գերության մեջ հունիսի 12-ին 15 գերիների թվում Հայաստան վերադարձավ նաև Կոտայքի մարզի Քաղսի համայնքի բնակիչ Նարեկ Սիրունյանը:

Պատերազմի ավարտից հետո Նարեկը 5 զինակից ընկերների հետ 43 օր մնացել է  շրջափակման մեջ մինչև որ նրանց գտել են ադրբեջանական բանակի զինծառայողները և գերեվարել: Պատերազմի ընթացքում Նարեկն ընտանիքի հետ կապ է հաստատել մինչև հոկտեմբերի 12-ը:

18-ամյա Նարեկի հայրը՝ Անդրանիկ Սիրունյանը, մեզ հետ զրույցում պատմեց՝ որդին ընդամենը 10 օրվա ծառայող է եղել, երբ սկսվել է պատերազմը: Սկզբում Ջաբրայիլում, հետո Հադրութում Նարեկը մասնակցել է մարտական գործողություններին: Հայրն ասում է՝ որդին պատերազմի ողջ ընթացքում միշտ ոգեշնչել է ընտանիքի անդամներին:

«2020 թվականի օգոստոսի 30-ին տղես բանակ է զորակոչվել: Կորոնավիրուսային հիվանդության պատճառով 15 օր մնացել է կարանտինիում, հետո ծառայության անցել Ջաբրայիլում: Հրադադարից հետո Հադրութում հինգ հոգով 43 օր մնացել են տներից մեկում ու նոյեմբերի 21-ին գերեվարվել: 8 ամիս պայքարում էի, որ տղես տուն գա»,- ասաց Նարեկի հայրը:

Որ որդին Հայաստան է գալիս հայրը իմացել է համացանցից, ինչպես տեղեկացել էր նրա գերեվարման մասին: Վերադառնալու լուրն իմանալուն պես անմիջապես շտապել է հոսպիտալ՝ որդուն տեսնելու: Պատերազմի ընթացքում Նարեկը հրազենային հինգ վիրավորում է ստացել երկու ձեռքերին և ոտքերին: Հոր խոսքերով՝ Ադրբեջանում նրան առաջին օգնություն են ցուցաբերել, վերքերը սպիացրել, բայց Նարեկը Երևանի հոսպիտալներից մեկում էլ է բուժզննում անցել, բժիշկներն ասել են՝ ոչ մի խնդիր չկա:

«Գերության ողջ ընթացքում նամակներ ենք իրեն գրել, հեռախոսով ենք զրուցել: Ամեն խոսելուց ու նամակներ գրելուց ասում էր՝ լավ եմ, ձեր ցավը տանեմ, աղոթեք ու սպասեք մինչև գամ: Հիմա ես չեմ թողնում, որ ինքն էդ օրերը հիշի, չեմ ուզում էդ օրերի մասին խոսի, դրա համար իր առօրյան անցկացնում է կարդալով, նկարելով»,- ասում է Անդրանիկ Սիրունյանը ու շեշտում՝ հիմա ամենակարևորն այն է, որ Նարեկը ողջ ու առողջ վերադարձել է իր հայրենիք, հետո կորոշի, թե ինչով է ուզում զբաղվել:  

Նարեկի վերադառնալուց հետո ծնողները հունիսի 13-ին հանդիպեցին նաև վարչապետ Նիկոլ Փաշինյանի հետ, երբ վերջինս Քաղսիում քարոզարավ էր անցկացնում: Անդրանիկ Սիրունյանը մոտենալով վարչապետին հարցրեց՝ «Ինձ հիշեցի՞ր», Փաշինյանն էլ արձագանքելով ու գրկելով նրան ասաց.«Բա որ ասում էի կգա, չէիր հավատում, գիտեի որ քո տղան է: Տեսե՞լ ես արդեն, եկե՞լ է տուն»: «Ես միշտ ճիշտն եմ ասել, ու պահանջել եմ, ցանկացել եմ, որ տղաս շուտ վերադառնա տուն, ինչքան շուտ գար, էդքան ես հանգիստ կլինեի: Վարչապետի հետ հանդիպումներ էի ունենում, անընդհատ հարցնում էի՝ ինչու չի գալիս, վարչապետն էլ դա նկատի ուներ, որ իր խոսքին հավատացի, որդիս եկավ: Հիմա շատ երջանիկ ու շնորհակալ եմ, որ իմ որդին տուն է եկել, վերջապես եկել հասել է իր հայրենիքը»,- իր ու վարչապետի զրույցի մասին խոսելով՝ ասաց գերությունից վերադարձած զինծառայողի հայրը:

Երևանի հոսպիտալներից մեկում Նարեկ Սիրունյանը բուժզննում անցնելուց հետո զինվորական հագուստը հագին հունիսի 14-ին վերադարձել է տուն: Հայրն ասում է՝ Քաղսիում Նարեկին բոլորն են ճանաչում, բոլորն են սպասել նրա վերադարձին: Ընտանիքի անդամներն էլ մատաղ են արել:

199183077_336162988023610_8056505663256646250_n.jpg (138 KB)

Գրկելով և համբուրելով Նարեկին՝ քաղսիցիներն Սիրունյաների ընտանիքին ասում են՝ հիմա նրանց տունը լույսով լցվեց: Նարեկն էլ հարազատների հետ գրկախառնվելով հիշում է՝ «Ասում էին՝ ի՞նչ հայ ես դու, 5 տեղից վիրավոր ես ու չես մեռել: Հա՛, հայ եմ, սաղիս մեջ հայի արյուն է: Ինչքան զոհ ենք ունեցել Աստված բոլորի հոգին լուսավորի»:

201837396_501209707767375_5912019631856030734_n.jpg (110 KB)

Մերի Խաչատրյան

Տպել
13660 դիտում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված