«Հայաստանը Եվրոպա է և վերջ». Հայաստանի Եվրոպական կուսակցությունը քարոզարշավը անցկացնելու է հանրահավաք-համերգների միջոցով

«Քանդի՛ր ԿԳԲ-ի շղթան, ընտրի՛ր Եվրոպական կուսակցությանը», «Հայաստանը Եվրոպա է և վերջ». այս կարգախոսներով է առաջիկա խորհրդարանական ընտրություններին մասնակցում Հայաստանի Եվրոպական կուսակցությունը:

Չնայած հունիսի 7-ին պաշտոնապես մեկնարկել է խորհրդարանական արտահերթ ընտրությունների նախընտրական քարոզարշավը, այս կուսակցությունը քարոզարշավ, որպես այդպիսին, չի անցկացնում: Ռեժիսոր, կուսակցության նախագահ, պատգամավորի թեկնածու Տիգրան Խզմալյանը մեզ հետ զրույցում մանրամասնեց՝ ժողովրդի հետ հանդիպումը կուսակցության անդամները կազմակերպելու են հանրահավաք-համերգների տեսքով, որոնց օրն ու ժամը դեռևս հայտնի չէ:

«Երևանում և մարզային հանդիպումները կենտրոնացնելու ենք՝ կազմակերպելով մեր կուսակցության անդամ Ռուբեն Հախվերդյանի համերգները: Այսինքն՝ լինելու են հանրահավաք-համերգներ: Նախատեսում ենք անցկացնել Երևանում, Վանաձորում և Գյումրիում»,- ասաց նա՝ հավելելով, որ սպասում են քաղաքապետարանների պատասխանին:

Խզմալյանը պատասխանել է նաև մեր մի քանի հարցին:

- Պարոն Խզմալյան, ի՞նչ կառանձնացնեք ձեր կուսակցության նախընտրական ծրագրից:

- Նախընտրական ծրագիրը 1990 թվականին ընդունված Հայաստանի անկախության հռչակագիրն է, բացառությամբ՝ դրանում առկա առաջին հոդվածի: Հռչակագրի մնացած բոլոր կետերը մինչև օրս չեն իրականացվել, մենք առաջարկում ենք իրականացնել: Եվրոպական կուսակցության մյուս ծրագրերը կապված են Եվրամիության և եվրաինտեգրացման համապարփակ ընդլայնված համաձայնագրով: Այսինքն՝ մենք առաջարկում ենք երեք կարևոր քայլ. դուրս գալ ՀԱՊԿ-ից և ԵԱՏՄ-ից, անդամակցել Եվրամիությանը և դառնալ ՆԱՏՕ-ի անդամ երկիր, երկիրը ներքաղաքական եվրոռեմոնտ անել:

- Այսինքն՝ դուք առաջարկում եք, որ Հայաստանը մուտք գործի Եվրոպա՞:

- Այո՛, մենք առաջարկում ենք, որ Հայաստանը մուտք գործի Եվրոպա, անջատվի ՌԴ-ից: Ժամ առաջ, օր առաջ պետք է բոլոր իրավական, քաղաքական, տնտեսական քաղաքականությունը ընդհատել ԵԱՏՄ-ից և ՀԱՊԿ-ից, որովհետև մեր երկիրը գաղութացված է և հիմա նաև զավթված է: Այդ կազմակերպությունների հետևում կանգնած է ռուս-թուրքական դաշինքը: Մնալը այդ դաշինքում մեր պետականության և ազգային ինքնության համար վտանգավոր է, և դա պատերազմից հետո ակնհայտ է դարձել մեր համաքաղաքացիների համար:

- Պարոն Խզմալյան, իսկ որքա՞ն եք գնահատում խորհրդարան անցնելու ձեր քաղաքական ուժի շանսերը:

- Մենք չունենք արդար սոցիոլոգիական ծառայություն, որովհետև քաղաքացիական հասարակությունը բավականաչափ զարգացած չէ, զարգացած չեն նաև սոցիալական ինստիտուտները, բայց մեր օգտին կքվերակեն այն ուսանողները, որոնք իրենց ապագան կապում են եվրոպական կրթության, եվրոպական իրավունքների, եվրոպական արժեքների հետ: Մեզ կընտրի նաև կանանց մեծ մասը, որոնք ազգային արժանապատվությունն ու ինքնությունն են կարևորում: Մեզ կընտրեն այն մարդիկ, ովքեր գիտեն, որ առողջապահությունը, կրթությունը այն են, ինչը մենք ուզում ենք ստանալ Եվրոպայից:

- Խորհրդարան անցնելուն պես ո՞րն է լինելու ձեր առաջին քայլը: Ինչ է անելու կուսակցությունը:

- Ուղիղ կապեր ենք հաստատելու Եվրամիության և ԱՄՆ խորհրդարանների հետ: Մենք արդեն ունենք այդպիսի պայմանավորվածություն. Համաեվրոպական Վոլտ կուսակցությունը, որը միավորում է 50 պատգամավորներ Եվրոպական Միության 17 խորհրդարաններից, հունիսի 16-ին մեր հրավերով այցելելու է Հայաստան: Մենք վաղուց ենք իրենց հետ համագործակցում, հատկապես բավական արդյունավետ է մեր համագործակցությունը հայ գերիներին ազատելու պահանջի հետ կապված: Մեր ջանքերի շնորհիվ եվրոխորհրդարանը 601 ձայնով քվեարկեց և պահանջ ներկայացրեց Ադրբեջանին հայ գերիներին ազատ արձակելու վերաբերյալ:

- Իսկ որևէ կուսակցության հետ դաշինք կկազմե՞ք:

- Քաղաքական դաշտը բաժանված է հակաժողովրդական և ժողովրդական ուժերի միջև, ժողովրդականը դրանք այն կուսակցություններն են, որոնք կողմ են արևմուտքին, իսկ մյուս ուժերը ռուս-թուրքական դաշինքի շահերը սպասարկող են, այսինքն, ըստ մեզ, բռնապետության և հակաժողովրդական դաշինքի ներկայացուցիչներ են, իրենց հետ դաշինք երբեք չենք կազմի: Ներկա իշխանությունների հետ դաշինք ևս չենք կազմի:

- Ինչո՞ւ պետք է ժողովուրդը իր ձայնը ձեզ տա:

- Որովհետև մենք ապահովելու ենք Հայաստանի սահուն մուտքը դեպի Եվրամիություն և ՆԱՏՕ: Մենք ապահովելու ենք խաղաղություն մեր երկրում, երկրում ռազմական խնդիրների խաղաղ լուծում միջազգային օրենքների հիման վրա:

Մերի Խաչատրյան

Տպել
1282 դիտում

«Խստաշունչ ոճ» խորագրով ցուցահանդեսը՝ Ռուսական արվեստի թանգարանում

Արցախի ԱԺ խմբակցությունները կոչ են անում ԵԱՀԿ Մինսկի խմբի համանախագահ երկրներին ճանաչել ԼՂ Հանրապետությունը

Կդադարեցվի Վարդենիսի մի շարք փողոցների գազամատակարարումը

Օդի ջերմաստիճանն աստիճանաբար կնվազի. ինչ եղանակ է սպասվում առաջիկայում

Էկոնոմիկայի փոխնախարարը Լյուքսեմբուրգում քննարկել է երկկողմ առևտրատնտեսական կապերի ընդլայնման հեռանկարները

Կարեն Անդրեասյանն ընտրվել է ԲԴԽ նախագահի պաշտոնում

ՔՏՀԱ տեսչական մարմինը «Փեթակի» աշխատանքները դադարեցնելու որոշում է կայացրել

Երևանում կայացել են ՀԱՊԿ անդամ պետությունների փոխարտգործնախարարների խորհրդակցություններ

Փոխվարչապետ Գրիգորյանը և ԱԶԲ նախագահը քննարկել են էներգետիկ և ճանապարհային ենթակառուցվածքների զարգացման աշխատանքները

Երևանի «Հայրենիք» կինոթատրոնի մոտակայքում այրվել է ավտոմեքենա

Կրկնում ենք մեր կոչը՝ Ադրբեջանի զինված ուժերը պետք է վերադառնան ելման դիրքեր. ԵԱՀԿ-ում ԱՄՆ դեսպան

Գիշերվա ժամերին ադրբեջանցիները դիրքերից ուժեղ լույսեր են գցում բնակելի տների պատուհաններից ներս, ահաբեկում մարդկանց. ՄԻՊ

Կոտայքում առգրավվել են արջի որսի համար նախատեսված ինքնաշեն թակարդները

Ալիևն առաջարկել է Բաքվի, Երևանի և Թբիլիսիի մասնակցությամբ եռակողմ հարթակ ստեղծել

Ադրբեջանի զինվորական հոսպիտալում առանց ցավազրկելու վիրահատել են հայ զինծառայողներին. ՀՀ ՄԻՊ

Իջևանի Արցախյան փողոցում ավտովթարի հետևանքով 4 տուժած է հոսպիտալացվել

Բոլորն էլ խոշտանգվել են, նվաստացումների ենթարկվել. ՄԻՊ-ը՝ վերադարձած հայ ռազմագերիների մասին

Լոռիում առանձնակի դաժանությամբ սպանություն գործած ամբաստանյալին ազատ արձակելու հնարավորությունը ճանաչվել է անթույլատրելի

Վարչապետ Նիկոլ Փաշինյանը ժամանել է Սանկտ Պետերբուրգ

Վահրամ Դումանյանը շնորհավորական ուղերձ է հղել գրադարանավարի օրվա առիթով

Լիանա Թովմասյանը նշանակվել է արդարադատության նախարարի խորհրդական

Ռուստամ Բադասյանը մասնակցել է «Նինոծմինդա» մաքսային անցակետի բացման արարողությանը

Քննարկվել են կայուն ապաէսկալացիայի և խաղաղության աշխուժացման ջանքերը, որոնց ԵՄ-ն պատրաստ է աջակցել. Շառլ Միշել

Երևանում Եվրամիության ներկայացուցչությունը հանդես է եկել քառակողմ հանդիպման արդյունքներն ամփոփող հայտարարությամբ

Հրազենային վնասվածքով հիվանդանոց տեղափոխված 31-ամյա երիտասարդը մահացել է

ՊԵԿ նախագահն ընդունել է ՀՀ-ում ԱՄՆ դեսպանին. քննարկվել են մաքսային և հարկային ոլորտներում համագործակցության հարցեր

Նուբարաշենի 41-ամյա բնակչուհու սպանության կասկածանքով կա 37-ամյա ձերբակալված (տեսանյութ)

Առանձին հանդիպումներ կունենան Հայաստանի և Թուրքիայի ԱԳ նախարարներն ու հատուկ ներկայացուցիչները. Էրդողան

ԱԻՆ–ը լիազորություն չունի ինչ–որ կենտրոն բացելու կամ գործել արգելելու համար․Կոստանյանը՝ Փեթակի փակման լուրերի մասին

Գեղարքունիքի Կուտական համայնքի դիրքերի ուղղությամբ այսօր ինտենսիվ փոխհրաձգություն տեղի չի ունեցել. ՊՆ խոսնակ

Հայաստանում բարձր են գնահատում Ձեր վերաբերմունքը հայ ժողովրդի շահերին վերաբերող հարցերին. վարչապետի ուղերձը Պուտինին

Ադրբեջանը համաձայնել է համագործակցել ԵՄ առաքելության հետ, որը տեղում կկարողանա արձանագրել ագրեսիան. Մարուքյան

Ուզում եմ հույս հայտնել, որ Դուք այսուհետ էլ կլինեք մեր ժողովրդի կողքին. Արցախի նախագահը շնորհավորել է Պուտինին

Ադրբեջանը կրկին դրական արձագանք չտվեց. Նիկոլ Փաշինյան

Տեղի կունենա արխիվային նյութերի ցուցահանդես՝ նվիրված Հայաստանի կոմպոզիտորների միության հիմնադրման 90-ամյակին

Թուրքիան հավատում է Հայաստանի հետ հարաբերությունների ամբողջական կարգավորմանը. Էրդողան

Նուբարաշենում 37-ամյա տղամարդը սպանել էր կնոջը, այնուհետ՝ ոստիկաններին սպառնացել պայթեցնել նռնակը

Նախագահ Վահագն Խաչատուրյանը շնորհավորական ուղերձ է հղել Վլադիմիր Պուտինին ծննդյան օրվա առթիվ

Խոշոր ավտովթար Իջևան քաղաքում. բախվել են թեթև մարդատարն ու բեռնատարը․ վերջինս կողաշրջվել է, կան վիրավորներ

Կովկասում կայուն խաղաղության համար․ Մակրոնը լուսանկար է հրապարակել և մեկնաբանել երեկվա քառակողմ հանդիպումը