Ryanair -ի ինքնաթիռը ականապա՞տ էր, թե՞ վայրէջք է կատարել Լուկաշենկոյի պահանջով. Եվրոպան կպատժի Բելառուսին

Մայիսի 23-ին Ryanair ավիաընկերության ինքնաթիռը արտակարգ վայրէջք է կատարել Մինսկում:

Օդանավում է եղել Բելառուսում ծայրահեղական ճանաչված NEXTA Telegram ալիքի նախկին գլխավոր խմբագիր և հիմնադիրներից մեկը`Ռոման Պրոտասևիչը: Նրան բերման են ենթարկել: Ձերբակալվել է նաև ռուս մի կին՝ Սոֆյա Սապեգան:

Ինչպես են զարգացել իրադարձությունները

Մոսկվայի ժամանակով 14:00-ից հետո, Մինսկի օդանավակայանի մամուլի ծառայությունը հայտարարել է Աթենքից Վիլնյուս թռչող Ryanair ինքնաթիռի արտակարգ վայրէջքի մասին՝ ականապատված լինելու  հաղորդագրությունից հետո: Ականի առկայությունը չի հաստատվել, Բելառուսի քննչական կոմիտեն քրեական գործ է հարուցել վտանգի մասին գիտակցաբար կեղծ հաղորդման փաստի առթիվ, գրում է TACC-ը:

Բելառուսի տրանսպորտի եւ կապի նախարարության ավիացիայի վարչության տնօրեն Արտեմ Սիկորսկին հայտնել է, որ ինքնաթիռի ականապատ լինելու մասին հաղորդագրության հեղինակները սպառնացել են պայթեցնել այն հրթիռով՝ Վիլնյուսի վրայով թռիչքի ժամանակ: Տրանսպորտի նախարարությունը հերյուրանք է որակել հայտարարությունները՝  Ryanair օդանավը օդ-երկինք հրթիռներով պայթեցնելու  սպառնալիքների մասին:

Ինչպես հայտնել են Մինսկի օդանավակայանում, ինքնաթիռում եղել է 123 ուղևոր:  Պաշտոնական Լիտվան էլ մեկ այլ թիվ է հրապարակել, նշվել է, որ այս չվերթում 12 երկրների շուրջ 170 ուղևորներ են եղել, այդ թվում ՝ Լիտվայի ավելի քան 90 քաղաքացի:

Ryanair- ը հաստատել է, որ իրենք բելառուսական կարգավարներից ստացել են Մինսկում ինքնաթիռը վայրէջք կատարելու մասին հրահանգներ: Ընկերությունը կարծում է, որ ինքնաթիռում ոչ թե ռումբ կամ ական է եղել, այլ եղել են բելառուսական հատուկ ծառայությունների աշխատակիցներ:

Ըստ Բելառուսի Պաշտպանության նախարարության, ՄիԳ -29 կործանիչի հերթապահ անձնակազմը օդ է բարձրացվել օդանավն ուղեկցելու համար: BelTA գործակալությունը, վկայակոչելով Առաջին տելեգրամ ալիքին, հայտնում է, որ Բելառուսի նախագահ Ալեքսանդր Լուկաշենկոն անձամբ է տվել ինքնաթիռը Մինսկ տեղափոխելու հրամանը, որն ի կատար են ածել բելառուսցի զինվորականները:

Միայն Մոսկվայի ժամանակով ժամը 20: 50-ին է  հաջողվել ինքնաթիռը ուղարկել Վիլնյուս: Մոսկվայի ժամանակով ժամը 21:37-ին հայտնի է դարձել, որ այն վայրէջք է կատարել:

Բելառուսի տրանսպորտի նախարարությունից հայտնել են, որ կարգավարներն իրականում ճնշում չեն գործադրել Ryanair ինքնաթիռի անձնակազմի վրա՝ Մինսկում վայրէջքի որոշում կայացնելու հարցում: Երկրի ռազմաօդային ուժերը նշել են նաև, որ ՌՈՒ ՄիԳ -29 և Բելառուսի զինված ուժերի հակաօդային պաշտպանության ուժերի հերթապահ անձնակազմը չի ստիպել քաղաքացիական ինքնաթիռին հետ դառնալ Լիտվայի հետ հանրապետության պետական սահմանից:

Այսօր արդեն,  Բելառուսում ստեղծվել է հանձնաժողով` Ryanair ինքնաթիռի վայրէջքի հետ կապված միջադեպը հետաքննելու համար: Մինսկը նաև հրավիրել է Վիլնյուսին ՝ համատեղ հետաքննելու ինքնաթիռի հետ կապված իրավիճակը:

Մինսկում պատրաստակամություն են հայտնել տրամադրել միջադեպի հետ կապված ցանկացած տեղեկատվություն:

Ինչի մեջ է մեղադրվում Պրոտասևիչը

2020 թ.-ի հոկտեմբերի 20-ին Բելառուսի Գերագույն դատարանը հաղորդեց, որ NEXTA տելեգրամ-ալիքը և դրա տարբերանշանը հանրապետությունում ճանաչվել են որպես ծայրահեղական կազմակերպություն՝ նման նյութերի հրապարակման ու տարածման համար: Այս ամենի մեջ մեղադրում են ալիքի հիմնադիրներ Ստեփան Պուտիլոյին և Ռոման Պրոտասևիչին, բացի այդ, նրանք մեղադրվում են զանգվածային անկարգություններ կազմակերպելու և անհնազանդության հետ կապված խմբակային գործողություններ կատարելու մեջ, ներկայացուցիչների իշխանության իրավական պահանջները չկատարելու, ինչպես նաև սոցիալական թշնամանք և տարաձայնություններ հրահրելու մեջ:

2021 թվականի փետրվարին Բելառուսը փաստաթղթեր է ուղարկել Լեհաստան ՝ Պուտիլոյին և Պրոտասևիչին արտահանձնելու համար:

Բելառուսի ԱԱԾ-ն նրանց ներառել է նաև ահաբեկչության մեջ ներգրավված անձանց ցուցակում:

Բելառուսական քրեական օրենսգրքի 293-րդ հոդվածի համաձայն` Պրոտասևիչին կարող է սպառնալ մինչև 15 տարվա ազատազրկում:

Միջադեպի միջազգային արձագանքը

Բելառուսի գործերի ժամանակավոր հավատարմատարը կանչվել է Լիտվայի արտաքին գործերի նախարարություն: Գերատեսչությունը վախենում է, որ Պրոտասեւիչը կարող է մահապատժի ենթարկվել: Լիտվայի նախագահ Գիտանաս Նաուսեդան կարծում է, որ ինքնաթիռը հարկադրված է վայրէջք կատարել Մինսկում՝ իշխանության պահանջով:

Նաև, Բելառուսի դեսպանները կանչվել են Էստոնիայի և Գերմանիայի արտաքին գործերի նախարարություններ: Բացի այդ, Եվրամիությունը ևս կանչել է Բելառուսի մշտական ներկայացուցիչ Ալեքսանդր Միխնևիչին: 

Լատվիան և Չեխիան որոշել են բողոքել Բելառուսի դեմ: Միջադեպը դատապարտվել է նաև Հունաստանի, Ավստրիայի, ԱՄՆ-ի, Իռլանդիայի, Կիպրոսի, Մեծ Բրիտանիայի կողմից:

Շվեդիայի արտգործնախարար, ԵԱՀԿ գործող նախագահ Էն Լինդեի խոսքով ՝ Եվրամիությունն արդեն պատրաստում է Մինսկի դեմ պատժամիջոցների չորրորդ փաթեթը:

Գերմանիան ևս հայտարարել է, որ Եվրամիությունը ստիպված կլինի պատժամիջոցներ կիրառել Լուկաշենկայի դեմ:

Մեծ Բրիտանիայի արտաքին գործերի նախարարությունը նախազգուշացրել է Բելառուսին «լուրջ հետևանքների» մասին: Մեծ Բրիտանիայի արտաքին գործերի նախարար Դոմինիկ Ռաաբը ասել է, թե Լոնդոնը կքննարկի «Հյուսիսային հոսք 2» և «Յամալ-Եվրոպա» խողովակաշարերին սահմանափակող միջոցներ կիրառելու առաջարկը՝ հարկադիր վայրէջքի դեպքից հետո:

IATA- ն կոչ է արել մանրակրկիտ հետաքննել միջադեպը: ICAO- ն նշել է, որ Ryanair ինքնաթիռի հետ կապված միջադեպը կարող է հակասել Չիկագոյի կոնվենցիային:

Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ միջադեպի պատասխանատուները պետք է ենթարկվեն պատժի: Եվրախորհրդարանը տեղի ունեցածը համարել է պետական ահաբեկչություն, իսկ Լուկաշենկոյին՝ բռնապետ:

ՆԱՏՕ-ի գլխավոր քարտուղար Յենս Ստոլտենբերգը կատարվածը որակել է վտանգավոր նախադեպ: Դաշինքի անդամ երկրների դեսպանները մտադիր են քննարկել մայիսի 25-ին տեղի ունեցածը:

ՌԴ նախագահի մամուլի քարտուղար Դմիտրի Պեսկովը հրաժարվել է գնահատել Ryanair ինքնաթիռի վայրէջքը Մինսկում ՝ նշելով, որ միջազգային ավիացիոն կառույցները պետք է իրավիճակը դիտարկեն ստանդարտներին համապատասխանության տեսանկյունից: 

Ռուսաստանի արտգործնախարարության խոսնակ Մարիա Զախարովան հայտարարել է, որ Արևմուտքը չպետք է ցնցվի Մինսկում Ryanair- ի միջադեպից:

Թռիչքների և տարանցման արգելք

Բելառուսի ավիացիոն իշխանություններն ակնկալում են, որ Եվրամիությունը չի արգելի եվրոպական ավիաընկերությունների թռիչքները հանրապետության օդային տարածքով:

ԱՄՆ-ի և ԵՄ-ի որոշ օրենսդիրներ կոչ են անում սահմանափակել և արգելել թռիչքները Բելառուսի վրայով:

Ըստ Bloomberg- ի՝ Եվրամիությունը քննարկում է բելառուսական ավիաընկերությունների համար կառույցի երկրներում ինքնաթիռների վայրէջք կատարելու հնարավոր արգելքը:

Բելգիայի իշխանությունները կոչ են արել արգելել բելառուսական Belavia ինքնաթիռների վայրէջքը ԵՄ երկրների օդանավակայաններում: Ֆրանսիան առհասարակ չի բացառել ԵՄ ինքնաթիռների համար Բելառուսի օդային տարածքի փակումը: Լիտվան արգելել է Բելառուսի օդային տարածքը հատող ինքնաթիռների ընդունումը, Լատվիայի ազգային AirBaltic ավիաընկերությունը որոշում է կայացրել դադարեցնել թռիչքները Բելառուսի վրայով:

Հունգարական  Wizz Air ավիաընկերությունը վերափոխել է Կիև-Տալին չվերթը ՝ շրջանցելով բելառուսական հանրապետության օդային տարածքը:

Օդային տրանսպորտի դաշնային գործակալությունը հաղորդել է, որ Բելառուսով ռուսական ավիաընկերությունների թռիչքներն իրականացվում են կանոնավոր ռեժիմով: Ուկրաինան ևս քննարկում է Belavia ավիաընկերության չվերթներն արգելելու հնարավորությունը: Շվեդիան խորհուրդ չի տալիս թռիչքներ իրականացնել Բելառուսի օդային տարածքում ավիափոխադրումների համար:

Լոնդոնը դադարեցրել է Belavia ավիաընկերության Մեծ Բրիտանիա թռիչքի թույլտվությունը:

Տպել
4140 դիտում

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը

Ովքեր են Մեղրիի համայնքապետի թեկնածուները և ինչ կենսագրություն ունեն նրանք

Մեղադրանք է առաջադրվել հրապարակում սեպտեմբերի 21-ին պայթուցիչի գործադրմամբ խուլիգանություն նախապատրաստելու համար․ ՔԿ

Վայոց ձորի մարզպետ Արարատ Գրիգորյանն ընդունել է Իրանի Իսլամական Հանրապետությունից ժամանած պատվիրակությանը

Համատեղ ուժերով գտնել լուծումներ. Ավանեսյանը հանդիպել է բուժհաստատությունների ղեկավարների հետ

ՀՀ ՊՆ ռազմական ոստիկանությունում անցկացվել է մեկշաբաթյա դասընթաց

Հայաստանը պատրաստ է կառուցողական երկխոսության, որը կբերի տարածաշրջանում հարատև խաղաղության․ վարչապետի ելույթը ՄԱԿ-ում

Մեկնարկել է «100 գաղափար Հայաստանի համար» նորարարական նախագծերի և գիտատեխնիկական մշակումների մրցույթը

Արարատ համայնքում ընթանում են փողոցների ասֆալտապատման աշխատանքներ

Քննարկվել է Կովկաս-Փոթի երկաթգծի վերագործարկման, ինչպես նաև կոնցեսիոն պայմանագրում փոփոխություններ կատարելու հարցը

Երբ հայտարարեցին անունս, մտքումս ասացի՝ ես արեցի դա. «Միսս Տիեզերք Արմենիա 2021»-ի հաղթող

Համագործակցության հուշագիր է ստորագրվել ԱՍՀ նախարարության և Ամունդի-ԱԿԲԱ ընկերության միջև

Վահան Քերոբյանը հանդիպել է IEO տնտեսագիտության միջազգային օլիմպիադայում մեդալներ նվաճած հայ դպրոցականների հետ

Խոշոր ավտովթար Արմավիրի մարզում. վիրավորները հոսպիտալացվել են. shamshyan.com

Արարատ Միրզոյանը հանդիպել է Կարմիր խաչի միջազգային կոմիտեի նախագահ Պիտեր Մաուրերի հետ

Սկսվեց շան հաչոցից ու գարեջրի շշի պարունակությունը նրա վրա լցնելուց․ ավարտվել է սպանության փորձի գործով նախաքննությունը

Շենաթաղ գյուղի մոտակա սարի լանջին հրդեհաշիջման աշխատանքները ժամանակավորապես դադարեցվել են

Ադրբեջանը համակարգված պայքար է տանում Արցախում հայկական մշակութային արժեքների դեմ. Արցախի ՄԻՊ

ՀՀ անկախության տոնի առթիվ ԱԺ նախագահ Ալեն Սիմոնյանը շարունակում է շնորհավորական ուղերձներ ստանալ

Արշակ Կարապետյանը Ջոն Գալագերին է ներկայացրել Ադրբեջանի կողմից իրադրությունն ապակայունացնելուն միտված գործողությունները

«Արևիք» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Փորձ է արվել Հայաստան ներմուծել կեղծ տվյալներով մեծ քանակությամբ հագուստ. ՊԵԿ

Տեղի է ունեցել պահեստազորայինների մարտական հերթապահության հերթափոխ

Ոստիկանության բարեփոխումների գործընթացը մտադիր ենք ամբողջապես իրականացնել. խորհրդակցություն վարչապետի գլխավորութամբ

23-ամյա ուջանցու մեքենայում զենք-զինամթերք է հայտնաբերվել (տեսանյութ)

ԱԺ-ն ամբողջությամբ ընդունեց համայնքների խոշորացման մասին օրենքի նախագիծը

Պատվաստվելու հետևանքով չհիղանալու մասին լուրերը միֆ են. մասնագետ

Մշտադիտարկումներ են իրականացվել Երևանի երկաթուղային կայարանի և Կենտրոն վարչական շրջանի հանրային տրանսպորտի նկատմամբ

E-labor համակարգի ներդրման դեպքում Հայաստանը կլինի ԱՊՀ երկրների շրջանում նման էլեկտրոնային գործիք ունեցող առաջին երկիրը

Ադրբեջանը հայկական կողմին է փոխանցել մեկ աճյուն. որոնումներ այսօր չեն իրականացվել

Մենք խելամիտ ենք համարել համայնքների խոշորացումը հիմա անել, որպեսզի ֆինանսապես ավելորդ ծախս չանենք. նախարար

Նա իր երկրի ու ժողովրդի նվիրյալ զավակն էր. նախագահի աշխատակազմը ցավակցում է Համլետ Գասպարյանի ընտանիքին

Արման Եղոյանն ու Արսեն Թորոսյանը հանդիպել են Հունաստանի խորհրդարանի պատգամավորների հետ

Քովիդի դեմ ստացինոր բուժում ստացող 760 անձի մոտ հիվանդությունն ունի ծանր ընթացք, 177-ը ծայրահեղ ծանր է

Կալիֆոռնիայի Վան Նայս քաղաքի հայկական եկեղեցին վանդալիզմի է ենթարկվել (լուսանկարներ)

Մինչև երկրորդ դեղաչափի ստանալը՝ քաղաքացին աշխատանքի գնալիս կարիք չունի ՊՇՌ թեստի պատասխան ներկայացնել. Ավանեսյան

Անգնահատելի է Լեւոն Աթոյանցի ավանդը «Հայֆիլմի» բեղմնավոր գործունեության մեջ. վարչապետը ցավակցական հեռագիր է հղել

Պարբերաբար զանգահարել է նախկին կնոջը, հայհոյել նրան, ապա բենզինը լցրել դռան վրա, հրկիզել ու դիմել փախուստի. ՔԿ

Կորոնավիրուսի 11.470 դրական դեպքերից 286-ն է պատվաստված քովիդի դեմ․ նախարար