Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

Հայաստանում հունիսի 20-ին տեղի կունենան խորհրդարանական արտահերթ ընտրություններ։ «Արդար Հայաստան» կուսակցությունը՝ փաստաբան Նորայր Նորիկյանի գլխավորությամբ, նույնպես մտադրություն ունի մասնակցելու ընտրություններին։

ՀԺ-ն Նորայր Նորիկյանի հետ զրուցել է ապագա ԱԺ-ի, խորհրդարանում նախկին ուժերի ներգրավվածության, իրենց կուսակցության շանսերի ու քայլերի մասին։

- Պարոն Նորիկյան, արդեն որոշե՞լ եք, թե կուսակցությունն ինչ ձեւաչափով է մասնակցելու ընտրություններին։

- Մենք հակված ենք ընտրություններին մասնակցելու, սակայն դեռ ձեւաչափի մասին խոսել չենք կարող։ Քննարկումների մեջ ենք։ - Մամուլը գրեց, որ դուք պատրաստվում եք համագործակցել Արման Բաբաջանյանի եւ Դավիթ Սանասարյանի հետ։ Եղե՞լ են քննարկումներ նրանց հետ։ - Արձանագրենք շատ կոնկրետ՝ այդ տեղեկությունները չեն համապատասխանում իրականությանը։ Իսկ քննարկումներ բազմաթիվ ունեցել ենք։ Բայց դաշինքով ընտրություններին մասնակցելու որոշում դեռեւս չկա։

- Ո՞վ է գլխավորելու «Արդար Հայաստան» կուսակցության ընտրական ցուցակը, եւ ովքե՞ր են ներգրավված ցուցակում։

- Չեմ կարող այս հարցին պատասխանել, քանի որ դեռեւս վերջնական որոշում չկա մասնակցության եւ ձեւաչափի վերաբերյալ։ Կարող եմ ասել, որ թիմում լինելու են ինտելեկտուալ, իրենց ոլորտում մասնագետներ, երիտասարդներ, ովքեր նոր շունչ կհաղորդեն քաղաքականությանը։ Եթե «Արդար Հայաստան» կուսակցությամբ հանդես գանք, ամենայն հավանականությամբ կգլխավորեմ ես։

- Կուսակցության կարգախոս որոշե՞լ եք։

- Այո, ունենք մի քանի տարբերակներ։ Դա ժամանակակից, ժամանակի պահանջներին համահունչ, մեր իրականությունը արտացոլող կարգախոս է լինելու։ Այս պահին ձեռնպահ կմնամ դրանք հրապարակելուց, քանի որ վերջերս դեպքեր են լինում, երբ իմ գրառումները տառացի այլ շրջանակներ արտատպում են ու ներկայացնում են որպես իրենց սեփական միտք։

- Ի՞նչ քայլեր եք ձեռնարկում «Արդար Հայաստան» կուսակցությունը հանրությանն ավելի ճանաչելի դարձնելու համար։ Մարզային այցեր, քաղաքացիների հետ հանդիպումներ, ուղիղ եթերներ...

- Ինձ համար շատ տխուր է, որ Նիկոլ Փաշինյանի կառավարության օրոք մեզ համար հեռուստատեսությունը փակ է։ Հեռուստատեսությունները, ըստ էության, անհասանելի են նոր ձեւավորվող ուժերի համար։ Մենք մեր գաղափարները, գործունեության մասին տեղեկությունները տարածում ենք համացանցով, հարցազրույցների հրավիրվում ենք ինտերնետային կայքերի կողմից։ Վերջերս նաեւ երթ կազմակերպեցինք, մարզային այցեր ենք ունենում, փորձում ենք տարբեր մարդկանց, տարբեր հարթակների միջոցով մեր գործունեության մասին տեղեկացնել։

- Խորհրդարան անցնելուց հետո հնարավո՞ր է դաշինք կազմեք որեւէ ուժի հետ։ Ապագա ԱԺ-ն ինչպիսի՞ն եք պատկերացնում։

- Նոր ձեւավորվող խորհրդարանում նախկին ռեժիմի ներկայացուցիչները չպետք է որեւէ դրսեւորում ունենան։ Եթե նախկին քաղաքական ուժերը վերադառնան պառլամենտ, դա ոչ թե Նիկոլ Փաշինյանի պարտությունը կլինի, այլ՝ հայ ժողովրդի։ Ժողովուրդը պետք է հստակ ասի «ոչ» բոլոր ժամանակներում մեր երկիրը ապականած եւ երկրի ապագան վիժեցրած ուժերին։ Իսկ ինչ վերաբերում է խորհրդարանի ներսում դաշինք կազմելուն, մենք դեռ վերջնական որոշում չունենք։

- Ռոբերտ Քոչարյանը, Հանրապետական կուսակցությունը եւս մասնակցելու են ընտրություններին։ Այս ուժերի՝ ընտրությունների մասնակցության ֆոնին, ինչպե՞ս եք գնահատում ձեր եւ այլ ընդդիմադիր ուժերի շանսերը։

- Տարիներ շարունակ ձեր կողմից մատնանշված մարդիկ չափանիշներ են սահմանել մեր երկրում, որ ուժեղ լինելը նույնացվում է հանցագործ լինելու հետ, պետք է թաթախված լինել կոռուպցիայի մեջ, երկրի ունեցվածքը լափած լինել։ Խելացին, կրթվածը, օրինակելի վարքագիծ դրսեւորածը ընկալվում է որպես թույլ։ Մենք այդ չափանիշներով ուժեղ չենք։ Մենք պետք է ապավինենք մեր ժողովրդի գիտակցության վրա, որ այս անգամ ընտրություններին կգնան ոչ թե էմոցիոնալ ֆոնի վրա հիմնված, այլ՝ ուշադրություն կդարձնեն կուսակցության ծրագրերին, գաղափարներին։ Ամենակարեւորը՝ ընտրությունների ժամանակ պետք է ուշադրություն դարձնել ոչ թե նրան, թե ինչ են առաջարկում քաղաքական ուժերը, այլ թե ովքեր են առաջարկողները, ինչ են արել այդ առաջարկողները։ Օրինակ՝ Ռոբերտ Քոչարյանին կամ Նիկոլ Փաշինյանին ընտրելուց առաջ պետք է ուշադրություն դարձնեն եւ իրենք իրենց հարց տան, թե ինչ են արել այդ մարդիկ իրենց կառավարման տարիներին։ Քաղաքացու քայլից է բխում քաղաքական դաշտի առողջացումը։ Եթե նախկին քաղաքական ուժերին հնարավորություն տրվի քաղաքական դաշտում կրկին դերակատարություն ունենալ, հավաստիացնում եմ՝ մենք ընտրություններից հետո ավելի խորքային ճգնաժամի մեջ ենք ընկնելու։ Բայց ամեն բան դեռ առջեւում է։ Այս պահի դրությամբ դրական դինամիկան ակնհայտ է, վստահ եմ՝ մենք կարողանալու ենք շատ լավ արդյունք արձանագրել։

- Շատերը սպասում էին Սերժ Սարգսյան - Ռոբերտ Քոչարյան դաշինքին, որի կազմավորումը տեղի չունեցավ, ի՞նչ եք կարծում, ի՞նչն էր պատճառը։

- Սերժ Սարգսյանի եւ Ռոբերտ Քոչարյանի միջեւ, կարծում եմ, խորքային խնդիրներ կան։ Չմիացումը նաեւ փոխադարձ խանդի արդյունք է, նաեւ երկու գլուխ մեկ կաթսայում չեփվելու հետեւանք։ Ամեն մեկն ունի իր հավակնությունները։ Ըստ էության, փորձելու են ընտրությունների գործընթացում ցույց տալ, թե իրենցից ով է ավելի կենսունակ, իսկ ժողովուրդը պետք է հակառակն ապացուցի, որ այդ երկու ուժերն էլ անկենսունակ են եւ այլեւս անելիք չունեն քաղաքական դաշտում։

ԱՆՅՈՒՏԱ ԱԹԱՆԵՍՅԱՆ

Տպել
1059 դիտում

Երևանում մեկնարկել է բազմամարդ երթ՝ ՔՊ կուսակցության ու Նիկոլ Փաշինյանի գլխավորությամբ (տեսանյութ)

Նիկոլ Փաշինյանին Հրազդանում դիմավորել է Սասուն Միքայելյանը

Խաղի ժամանակ ուշագնաց լինելուց հետո հոսպիտալացված Էրիկսենը դեռ կմնա հիվանդանոցում (լուսանկարներ)

Մենք մեր նահատակների առաջ պարտք ենք և իսկապես դավաճանություն կլինի երկիրը թողնել կեղեքող էլիտային. Նիկոլ Փաշինյան

Սպասվում է կարճատև անձրև և ամպրոպ, առանձին հատվածներում՝ կարկուտ

Կալանավորվել են «Պատիվ ունեմ» դաշինքի անդամ Ռուբեն Խլղաթյանն ու Ջանֆիդայի բնակիչը

Ստեփանծմինդա-Լարս ավտոճանապարհը բաց է

Հրդեհ է բռնկվել Մրգավան գյուղի տներից մեկում

Վրաստանում ՀՀ դեսպանությունը շնորհակալություն է հայտնում Վրաստանին

Կոտայքում վստահաբար ապագա կա՛. Ռոմանոս Պետրոսյանը լուսանկարներ է հրապարակել

Ամեն հնարավորը անելու ենք, որպեսզի հայ ժողովրդի համար խաղաղ զարգացման դարաշրջան բացենք. Նիկոլ Փաշինյանն՝ Աբովյանում

Վրաերթի հետևանքով «Սուրբ Աստվածամայր» ԲԿ տեղափոխված 6-ամյա տղան մահացել է

ՄԻՊ ներկայացուցիչներն առանձնազրույցներ են ունեցել գերությունից վերադարձած 15 անձանց հետ

Մենք պողպատյա մանդատով յուրաքանչյուրին ցույց ենք տալու իր արժանի տեղը. Նիկոլ Փաշինյանը՝ Նոր Հաճնում

Թուրքիայի Սահմանադրական դատարանն ուսումնասիրում է քրդամետ կուսակցության փակման պահանջը

Նուբարաշենի աղբավայրում շարունակվում են հրդեհաշիջման աշխատանքները (տեսանյութ)

Եթե ժողովուրդը որոշի, որ մենք հեռանանք՝ կհեռանանք. եթե որոշի, որ պետք է մնանք՝ կմնանք. Նիկոլ Փաշինյանը՝ Նոր Գեղիում

Վրաստանը 15 հայ ռազմագերիների վերադարձի համար բոլոր կողմերի հետ աշխատել է 3 ամիս. Զալկալիանի

Արցախում հաստատվել է կորոնավիրուսային հիվանդության 4 նոր դեպք

ԵԱՀԿ նախագահը ողջունել է 15 հայ ռազմագերիների վերադարձը հայրենիք

Ոչ միայն 15 գերիներ են վերադարձել, այլև վերադարձի գործընթացը վերակենդանացել է. Փաշինյանը՝ քարտեզների փոխանցման մասին

Արագածոտնի մարզպետը հերքում է Թալինում ծեծի ենթարկվելու և միջադեպի մասին լուրերը

Բերդաշենում շչակ է գործարկվելու

Հաստատվել է կորոնավիրուսային հիվանդության 39 նոր դեպք. գրանցվել է 2 մահ

Մխչյան համայնքում ամբողջությամբ հրդեհվել է վագոն-տնակ

«Քաղաքացիական պայմանագիր» կուսակցության՝ հունիսի 18-ին նախատեսված հանրահավաքը չի չեղարկվել. լուրերը կեղծ են

15 ռազմագերիների վերադարձի գործընթացը տեղի է ունեցել ԱՄՆ-ի եւ Վրաստանի իշխանությունների միջնորդությամբ. Մ. Գևորգյան

Տեղ գյուղի 2 բնակիչ տրակտորներով հայտնվել են ադրբեջանական տարածքում. բանակցելուց հետո վերադարձվել են. ՊՆ

Միացյալ Նահանգները Հայաստանի և Ադրբեջանի քայլերը ողջունում է․ կրկին կոչ է անում վերադարձնել բոլոր գերեվարվածներին

Վարչապետը հրապարակել է գերությունից վերադարձած զինծառայողների անունները

Ադրբեջանում գտնվող գերիներից 15-ը վերադարձան Հայաստան

Ոմանք կերազեին, որպեսզի մեր գերեվարված եղբայրներից և ոչ մեկը մինչև ընտրություններ չվերադառնար հայրենիք. Տարոն Չախոյան

Առաջին ալիքի նկատմամբ քաղաքական ճնշումների փորձեր են արվում. Հանրայինը դիմում է ԿԸՀ, ՀՌՀ, ՄԻՊ՝ հրատապ արձագանքի համար

15 գերի է վերադառնում, նրանք ճանապարհին են. Փաշինյանը հայտարարել է Կարմիր գյուղում և լուսանկար է հրապարակել (տեսանյութ)

Եթե Լևոն Տեր-Պետրոսյանը լինի երկրի ղեկավար, մեկ շաբաթում կլուծվի գերիների հարցը. ՀԱԿ-ը Գյումրիում քարոզարշավ անցկացրեց

Հադրութի շրջանում այսօր ևս 8 աճյուն է հայտնաբերվել

Զանգեզուրի պղնձամոլիբդենային կոմբինատը փորձում է ազդեցություն ունենալ քաղաքական գործընթացների վրա. Իոաննիսյան

Հրդեհ Զովունիում. այրվել է խոտածածկույթ

Ինչ ունեցվածք ունի «Հայաստան» դաշինքի ցուցակի 18-րդ համար «Անռիվա» ընկերությունների հիմնադիր Հռիփսիմե Ստամբուլյանը

Ավտովթարի հետևանքով մահացել է գեներալ Սեյրան Սարոյանի զարմիկը. shamshyan.com