Ուզում եմ ավագանու անդամ դառնալ. ակներցի աղջիկը, շահած դրամաշնորհային ծրագիրն ու նպատակները

19-ամյա Ալլա Ծատինյանն անհատական դրամաշնորհային ծրագրով գումար է ստացել եւ որոշել այն ծառայեցնել իր բնակավայրի անլուծելի դարձած խնդիրների բարձրաձայնմանն ու նպաստել դրանց լուծմանը:

Ալլան Լոռու մարզի Ալավերդի քաղաքի Ակներ թաղամասից է: Ակները, ճիշտ է, պաշտոնապես քաղաքի մի թաղամաս է համարվում, բայց ավելի շատ գյուղ է, ընդ որում՝ առանց խմելու ջրի, առանց գազի ու առանց հարեւան բնակավայրերի հետ պատշաճ տրանսպորտային կապի:  

Դրամաշնորհային ծրագիրը, որի միջոցով Ալլան անդրադառնում է համայնքի խնդիրներին, կոչվում է «Համայնքային ծառայությունների հասանելիությունը Ակներ թաղամասում»: 19-ամյա աղջիկը այս ծրագրի շրջանակներում հարցազրույցների եւ անհատական ուսումնասիրության միջոցով վերհանելու է համայնքի հիմնական խնդիրները: Ծրագրի միջոցով ստացած գումարի որոշակի մասը տրամադրել է սոցիոլոգիական ուսումնասիրություններին, իսկ մյուս մասը կստանա աշխատանքի ավարտին: Բայց թե ինչքան գումարի մասին է խոսքը, Ալլան չի ցանկանում հանրայնացնել:

«Հայկական ժամանակի» հետ զրույցում նա պատմեց, որ ծրագրի շրջանակներում հարցազրույցներ է վերցրել համայնքի բնակիչներից եւ տվյալ բնակավայրում որոշում կայացնող երեք անձանցից, տվյալ պարագայում այդ անձինք են Ալավերդի համայնքի ղեկավարը, Ակների թաղապետն ու մեկ գլխավոր մասնագետ:

Ալլայի բարձրաձայնած առաջին խնդիրը համայնքի կենսական կարեւոր հարցերից մեկն է՝ ակներցիների ջուր ունենալու տարիների երազանքը: «Խմելու ջրի լուրջ խնդիր ունենք, նույնիսկ նախակրթարանում ու դպրոցում, եթե երեխաները ուզում են զուգարան գնալ, ապա դաստիարակը կամ ուսուցչուհին պիտի անպայման ձեռքը բռնած տանի (1-ինից 2-րդ դասարանի երեխաների դեպքում գրեթե միշտ այդպես է): Ինչքանո՞վ է հաճելի, որ ուսուցչուհին ամեն երեխայի հետ գնա, պետքարանի առջեւ կանգնի, սպասի: Նորմալ կառուցված սանհանգույց կա, բայց քանի որ ջուր չկա, այն չեն կարողանում օգտագործել, ստիպված հին, դրսի զուգարաններից են օգտվում»,- ասաց Ալլան՝ շտապելով կիսվել իր՝ նոր ստացած ուրախացնող տեղեկությունով. խնդիրն այս անգամ լուծման ճանապարհին է, երկար սպասեցնել չի տա:

Ալավերդիի համայնքապետ Սասուն Խեչումյանը, օրեր առաջ իր գրասենյակում հյուրընկալելով համայնքի հարցերով մտահոգ Ալլային, խոսել էր ջրի խնդրից ու հայտնել, որ կարճ ժամանակում այդ հարցն արդեն լուծվելու է: «Պոմպը տեղադրել են, բայց վատն է եղել, եւ ջուրը չի հասել բնակիչներին, իսկ հիմա նոր պոմպ են ուզում տեղադրել, թե ինչ միջոցներով, դա արդեն չգիտեմ»,- ասաց նա:

Երկրորդ գլոբալ խնդիրը, որը մտահոգում է ակներցի աղջկան, թաղամասում գազաֆիկացման բացակայությունն է. «21-րդ դարն է, բայց մեր համայնքում դեռ գազ չկա, ինձ ասացին, որ դա մեծ ծախսերի հետ է կապված»: Այս խնդրի վերաբերյալ համայնքի ղեկավարն Ալլային ասել է՝ Ակների գազաֆիկացումը մեծ գումարներ է պահանջում:

Ըստ Ալլա Ծատինյանի՝ Ակների խնդիրներից է նաեւ չափազանց վատ ճանապարհը, անթիվ փոսեր են, չկա նաեւ նորմալ աշխատող տրանսպորտ, որը կկապի Ալավերդիի կամ հարակից գյուղերի հետ. «Առաջարկելու եմ, որ փոփոխություն անենք ժամային գրաֆիկում: Օրինակ՝ մի ավտոբուս կա, որն օրը երեք անգամ գնում-գալիս է Ալավերդի, բայց ժամերը հարմարեցված չեն: Երբ Ակներ թաղամասում ապրողների հետ հարցազրույցներ էի անում, հարց բարձրացրին, որ եթե ուզենան Ալավերդիում կամ Սարահարթում աշխատել, չեն կարողանա, որովհետեւ սովորաբար աշխատանքն ավարտվում է ժամը 7-ին, բայց այդ միակ ավտոբուսը 5-ին արդեն շարժվում է Ալավերդիից, Սարահարթից էլ՝ 5:30: Ակներում աշխատատեղ չկա, Սարահարթում ու Ալավերդիում աշխատելու համար էլ պայման չկա: Համատարած աղքատություն է»:

Ալլան սովորում է Վանաձորի պետական համալսարանում: Ավարտել է «Տեղական ժողովրդավարության դպրոց»-ը, որից էլ դրամաշնորհ է ստացել: Ապագա պատմաբանն ասում է՝ իր համայնքի խնդիրների հանդեպ հետաքրքրություններն ու դրանց լուծմանը նպաստող քայլերի շահագրգռվածությունը գալիս են նաեւ այն դպրոցից, որն ավարտել է:

Գրեթե համոզված է, որ կարողանալու է դրամաշնորհային ծրագրով Ակների խնդիրները ավագանու ուշադրության կենտրոնում պահել, որպեսզի դրանք հնարավորինս արագ լուծում ստանան:

«Եթե բնակչության, հատկապես երիտասարդության շրջանում այս դրամաշնորհային ծրագիրը գոնե մի փոքր ոգեւորության ու մոտիվացիայի աղբյուր լինի, շատ ուրախ կլինեմ: Դպրոցն ավարտելով՝ հասկացա, որ ես իմ թաղամասին անհրաժեշտ եմ ու առաջիկա ավագանու ընտրություններում պետք է դնեմ թեկնածությունս, որովհետեւ ամենախնդրահարույց թաղամասից Ալավերդու ավագանիում ներկայացուցիչ չկա»,- ասաց 19-ամյա Ալլան:

Ակներում հաշվառված է 650 բնակիչ: Ալլան վստահ է՝ եթե այստեղ լուծվեն իր մատնանշած խնդիրները, ապա Ակները հրաշալի ապրելու վայր կդառնա, քանի որ Լոռվա չքնաղ բնությունն արդեն իսկ հարստություն է: Ալլան համայնքի զարգացման ծրագրերի մասին էլ է արդեն հասցրել մտածել: Վստահ է՝ բազմաթիվ զբոսաշրջային ծրագրեր կարելի է իրականացնել այդ հրաշք վայրում: Եթե լինեն կոմունալ պայմաններ, կարելի է հանգստի գոտիներ ստեղծել. «Ենթադրենք՝ ես ունեմ հյուրատուն. ինչքան էլ հրաշք վայրում տեղակայված լինի այն, եթե գազ, ջուր չկա, ապա ոչինչ չեմ կարող անել, հո զբոսաշրջիկին չեմ ասի՝ սպասի՜ր, գնամ, վերեւներից մի դույլ ջուր բերեմ, դրանով դու լվացվիր, բայց լողանալ չես կարող...»:

Ալլան համոզված է՝ այս խնդիրները փոքր ցանկության ու կամքի դեպքում կարելի է լուծել, թեկուզ՝ բարերարների միջոցով. «Ես չեմ ընդունի այն ակներցիներին, որոնք համակերպվող կլինեն: Ո՛չ, մենք համակերպվող չենք լինելու, ամեն ինչ անելու ենք, որ մինիմալ կենցաղային պայմաններ ապահովենք մեր բնակավայրում: Ակներցիները կոտրվող չեն: Այդ խնդիրների լուծման դեպքում բարձրագույն կրթություն ստացած ակներցիները չեն գնա, Երեւանում մնան, այլ վստահ եմ՝ կգան ու այս մեր պուճուր, գողտրիկ ակները կզարգացնեն»:

Տպել
1471 դիտում

Երեւանում տարօրինակ բաներ են կատարվում

Երեւանում տասնյակից ավելի ապօրինի շինություններ են քանդվել. ինչ հերթականությամբ ու սկզբունքով է գործընթացն իրականացվում

Վերահաշվարկի արդյունքում ավելացած ու պակասած քվեներ, նոր անվավեր քվեաթերթիկներ

Ռուսաստանը պնդում է, որ կրակ է բացել բրիտանական Defender կործանիչի ուղղությամբ. Բրիտանիան հերքում է

Արմեն Չարչյանը տեղափոխվել է հիվանդանոց. պաշտպան

Արմեն Չարչյանին կալանավորելու որոշման դեմ բողոք կներկայացվի. պաշտպան

Չտարածեք իրականությանը չհամապատասխանող տեղեկատվություն, որ այս ամենը արեցիք դուք․ ավագանու անդամը՝ քաղաքապետարանին

Պուտինն ու Ալիևը քննարկել են Լեռնային Ղարաբաղի շուրջ ստեղծված իրավիճակը

Հայ խաղաղապահները մասնակցել են զորավարժության (լուսանկարներ)

ԿԸՀ-ն վերահաշվարկել է 65 տեղամասերի քվերակության արդյունքները․ ներկայացվում է կողմ ձայների փոփոխությունները

Հրդեհ է բռնկվել հեռուստաաշտարակի մոտակայքում․ Հայտարարվել է հրդեհի բարդության «1-Բիս» կանչ

Արմեն Չարչյանը կկալանավորվի. դատարանը հրապարակեց որոշումը

Խնդրում ենք ընտրողների ցուցակների շուրջ արհեստականորեն չստեղծել կեղծիքի և անճշտությունների պատրանք․ ոստիկանություն

Սուրբ Սարգիս եկեղեցու հարակից ձորից փրկարարները մեծ դժվարությամբ դուրս են բերել տղամարդու դի․ Shamshyan

Ձեր առջև բազմաթիվ խոյացած խնդիրներից երեքն ամենակարևորն են․ Նիկոլ Փաշինյանը հանդիպել է Տիգրան Խզմալյանի հետ

Նախարարությունը խորհրդատվությունների իրականացման գործընթաց է սկսում բուժաշխատողների համար

Ինչո՞ւ վերընտրվեց իշխանությունը եւ ինչպե՞ս վերադարձան նախկինները. քաղաքական մեկնաբանը 2 պատճառ է առանձնացնում

Գերազանցության մեդալի հավակնորդներն այսօր հանձնել են «Մաթեմատիկա» առարկայի կենտրոնացված քննությունը

«Ֆլայ Արմենիա Էյրվեյզը» դատի է տվել Քաղաքացիական ավիացիայի կոմիտեին

Նախագահը շարունակում է շնորհավորական ուղերձներ ստանալ տարբեր երկրների և միջազգային կազմակերպությունների ղեկավարներից

Միասնական քննությունների ավարտից հետո են ուսումնասիրվելու բողոքարկման դիմումները. ԳԹԿ

Հայ երկու բռնցքամարտիկ կպայքարի Եվրոպայի երիտասարդների առաջնության ոսկե մեդալի համար

Արմեն Սարգսյանին ծննդյան օրվա առթիվ շնորհավորել է ՌԴ նախագահ Վլադիմիր Պուտինը

14-րդը. ձյուդոյի միջազգային ֆեդերացիան հաստատեց Ֆերդինանդ Կարապետյանի օլիմպիական ուղեգիրը

Վաղարշակ Հարությունյանը ՊՆ վարչական համալիրում ընդունել է Հայկ Չոբանյանին

Կինոյի տան շենքը ենթարկվում է անօրինական զավթումների․ Կինեմատոգրաֆիստների միությունն ահազանգում է (լուսանկարներ)

Հայտարարվել է ՎՏԲ-Հայաստան Բանկի Խորհրդի նոր կազմը

Կերժակովի հետևից. Արտյոմ Սիմոնյանը կհամալրի Ռուսաստանի Պրեմիեր լիգայի նորեկի կազմը

էլեկտրահարված տղաներից մեկը շնչում է արհեստական սարքի միջոցով. մյուսի կյանքի համար բժիշկները պայքարել են 5 օր

Չսպասելով ընտրական հանձնաժողովների կամ ներգրավված սուբյեկտների քայլերին՝ դատախազությունը նախաձեռնելու է գործընթաց

Պետք չէ ստեղծել տպավորություն, թե ընտրությունները համակարգված կերպով կեղծվել են․ Դավիթ Խաժակյան

«ՆԶՊ-ն բոլորիս համար ունի առանցքային նշանակություն». մեկնարկել է ռազմամարզական ճամբարի ծրագիրը

«Քաղաքացիական պայմանագիր» կուսակցության ներկայացուցիչը դատի է տվել ԿԸՀ-ին

Նիդերլանդների խորհրդարանի թուրքական խմբակցությունը միացել է հայ ռազմագերիներին անհապաղ ազատելու պահանջին

Հարգում ենք ժողովրդի մեծամասնության ընտրությունը․ «Ինքնիշխան Հայաստան» կուսակցությունը բաց է համագործակցության համար

Շենգավիթում կատարված սպանության փորձը բացահայտվել է. հետախուզվողը ներկայացել է ոստիկանություն (տեսանյութ)

Արմեն Սարգսյանին ծննդյան օրվա առթիվ շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևը

Մաթեմատիկայի միասնական քննությունից անբավարար է ստացել դիմորդների 22.5 տոկոսը. հայտնի են նախնական արդյունքները

Ես մեր քաղաքացիներին ասում եմ մոլորյալներ. Արթուր Վանեցյան

Հանցագործության համար պատիժը պետք չէ մեկնաբանել որպես քաղաքական հետապնդում. Տիգրան Ավինյան