Ադրբեջանցիք թողեցին տրակտորը, սկսեցին ինձ վրա կրակել. բնակիչն ու Արցախի ԱԳ նախարարը՝ Սարուշենի կրակոցների մասին

«Ադրբեջանը հաշվի չի առնում, որ կոպտորեն խախտում է միջազգային իրավունքը»: ՀԺ-ի հետ զրույցում անդրադառնալով ապրիլի 7-ին Արցախի Սարուշեն գյուղի դաշտերում  գյուղատնտեսական աշխատանքներ կատարող բնակիչների վրա Ադրբեջանի կողմից արձակած կրակոցների դեպքին՝ ասաց Արցախի արտաքին գործերի նախարար Դավիթ Բաբայանը:

Հիշեցնենք, որ ապրիլի 7-ին՝ առավոտյան 09:40-ի սահմաններում, Ադրբեջանի կողմից օկուպացված Սարգսաշեն գյուղի տարածքից ադրբեջանցիները կրակել են Սարուշեն գյուղի դաշտերում գյուղատնտեսական աշխատանքներ կատարող Սարուշեն համայնքի բնակիչներ 65-ամյա Շիրին Ադամի Սարգսյանի և 36-ամյա Վիտալի Ալյոշայի Հարությունյանի ուղղությամբ: Նշվում է, որ ադրբեջանական կողմը կիրառել է գնդացիր, ինչ հետևանքով ջարդվել է Վ. Հարությունյանին պատկանող տրակտորի ձախ կողմի ապակին:

Ավելի վաղ ՀԺ-ի հետ զրույցում խոսելով Ստեփանակերտ-Գորիս ճանապարհով անցնող մեքենաների քարկոծման մասին՝ Դավիթ Բաբայանն ասել էր, որ այսօր քարերով են խփում, վաղը այլ բանով կխփեն: Բաբայանից հետաքրքրվեցինք՝ վաղն արդեն եկե՞լ է: Նախարարն ասաց, որ մենք պետք է պահենք սառնասրտություն և չքաղաքականացնենք միջադեպը. «Երբեք չպետք է տրվել սադրանքներին և էմոցիաներին, պետք է ճիշտ քայլեր ձեռնարկել»:

Հարցին՝ որո՞նք են այդ ճիշտ քայլերը, Դավիթ Բաբայանը նշեց. «Պետք է խորացնել համագործակցությունը խաղաղապահ ուժերի հետ, զուգահեռ դրան՝ տարբեր ատյաններում բարձրաձայնել բոլոր դեպքերի մասին: Խաղաղապահների հետ էլ մենք այս հարցերը քննարկում ենք: Իրենք ցանկացած այսպիսի դեպքի վատ են արձագանքում, որովհետև այսպիսի դեպքերը խարխլում են տարածաշրջանի խաղաղությունը»:

Բաբայանի խոսքով՝ տակտիկական քայլերից մեկը պետք է լինի տեխնիկապես հագեցված լինելը. «Միգուցե ներդրվեն անօդաչու թռչող սարքեր այդ տարածքներում, որպեսզի մշտադիտարկում կատարվի: Ամենատարբեր հարցեր քննարկվում են ռուսական կողմի հետ, որոնք կարող են էլ ավելի նվազեցնել խախտման դեպքերը: Մտածել, որ 100 տոկոսով փակվելու է հարցը՝ բարդ է, բայց, գոնե, պետք է հասցնել այդպիսի դեպքերը մինիմումի»:

Արցախի արտգործնախարարի խոսքով Ադրբեջանի այս քայլերը լոկալ բնույթ չեն կրում. «Դժբախտաբար ադրբեջանական կողմն ավելի կազմակերպված է, իրենց պետական քաղաքականությունն ավելի լավ է մշակված, և մենք իրենցից շատ բան ունենք սովորելու: Իրենք այս քայլերով ոչ միայն փորձում են վնաս հասցնել մեզ, սա սադրանք չէ Սարուշենի բնակիչների նկատմամբ, այլ ոտնձգություն է ամբողջ Արցախի նկատմամբ, որպեսզի մարդկանց մոտ վհատության և անվստահության մթնոլորտ առաջանա: Մարդիկ մտածեն, որ Արցախում ապահով չէ և չվերադառնան իրենց բնակավայրեր: Բայց իրենց ամենակարևոր նպատակը՝ հայ-ռուսական եղբայրական հարաբերությունների խարխլումն է: Նման քայլերը հարված են ռուս խաղաղապահների աշխատանքին, որ տեսեք՝ մենք կարողանում ենք իրենց շրջանցել ու կարծիքը հաշվի չառնել, այս ամեն ինչը մտածված է: Դրա համար մենք պետք է լինենք սառնասիրտ»,- նկատեց Բաբայանը:

Արցախի ներքին գործերի նախարարության մամուլի խոսնակ Հունան Թադևոսյանն էլ ասաց, որ կրակոցներից բնակիչներին ոչինչ չի եղել. «Ադրբեջանցիներն ասում են՝ մենք թիրախավորված չենք խփել, բայց մենք գիտենք, որ թիրախավորված է, քանի որ կրակահերթով է եղել կրակոցները ու կոնկրետ բնակիչների ուղղությամբ, այնքան, որ մինչև դիպչել է տրակտորին»:

Հարցին՝ այլ մարդիկ այդ հատվածում եղե՞լ են, Թադևոսյանն ասաց, որ՝ ոչ:

Շիրին Սարգսյանն էլ, ով կրակոցների պահին եղել է դաշտում, մեզ հետ զրույցում ասաց, որ այդ հատվածում այգիներ ունեն, ինչպես նաև ցորենի արտեր և եկել էին մշակելու. «Առավոտ էր, մեկ էլ մեքենայի վրա սկսեցին կրակել, կոտրել էին տրակտորի ապակին: Ես տեսա, որ տրակտորին են խփում, որը ինձնից 150 մետր հեռու էր, սկսեցի ուշադրությունը շեղել ինձ վրա: Թողեցին տրակատորը, սկսեցին ինձ վրա կրակել, բախտի բերմամբ ինձ բան չի եղել»:

Հարցին՝ այսօր այսպիսի դեպքերի հետևանքով երբևէ մտածե՞լ են Արցախը լքելու մասին, Շիրին Սարգսյանը հստակ պատասխան չտվեց. «Այսօր կարող է չխփեն, վաղը՝ խփեն: Իրենց պոստերից մինչև առաջին տունը, 3 կմ հեռու է: Բայց դե մի օր կհասնի: Մեր գյուղից գրեթե բացակա չկա: Դպրոցը, մանկապարտեզը ամեն բան աշխատում է,  բնակիչներն ամեն մեկը իր գործերով»:

Սարուշենի բնակիչը հավելեց, որ այդ հատվածում ռուս խաղաղապահներ չկան. «Մոտավորապես 15-16 կմ-ի չափ չկան խաղաղապահներ»:

ՀՀ ԱԳՆ մամուլի խոսնակ Աննա Նաղդալյանն էլ մեր հարցին՝ ի՞նչ քայլեր են ձեռնարկվում այսպիսի դեպքերը բացառելու համար, պատասխանեց, որ Հայաստանը մշտապես և անշեղորեն բարձրացնում է Արցախի անվտանգության հարցը իր գործընկերների հետ, մասնավորապես ԵԱՀԿ շրջանակներում:

Հիշեցնենք, որ օր մոտ մեկ ամիս առաջ էլ՝ մարտի 25-ին, ադրբեջանական ռուսական խաղաղապահ ուժերի ուղեկցությամբ ընթացող ադրբեջանական ավտոշարասյան թափքից ադրբեջանցի զինծառայողները քարերով հարվածներ էին հասցրել Կարմիր Շուկա-Ստեփանակերտ ճանապարհով ընթացող քաղաքացի Լենդրուշ Բաբայանի վարած ՎԱԶ 21-07 մակնիշի ավտոմեքենայի դիմապակուն, ինչպես նաեւ մարտի 29-ին քարկոծել էին Ստեփանակերտ-Գորիս ճանապարհներով ընթացող զոհված զինծառայողների մարմինները տեղափոխող մեքենան, ջարդել ապակիները:

Անյուտա Աթանեսյան

Տպել
1899 դիտում

Մենք մեր օրինակով ցույց ենք տվել, որ դեռեւս ողջ ենք պատվաստվելուց հետո. Ավինյան

Նոր Արեշում 18-ամյա երիտասարդ է դանակահարվել

Հաշմանդամություն ունեցող անձանց գործազրկությունը Հայաստանում հասնում է 92%-ի. ինչ կփոխի նոր օրենքը

2021 թվականի ամառային զորակոչը կանցկացվի մայիսի 7-ից մինչեւ հուլիսի 31-ը

Ամերիկյան և վրացական նավերը վարժանքներ են անցկացրել Սև ծովում

Որպես նախկինում նրա թիմի անդամ՝ ինձ մոտ Լեւոն Տեր-Պետրոսյանի հայտարարությունը տարակուսանք առաջացրել է. Մակունց

Շուշիի Մայր տաճարը պետք է մնա Հայ առաքելական եկեղեցու պաշտամունքի վայր. Արա Այվազյան

Վանաձորում COVID-19-ի դեմ պատվաստումներ իրականացնող 2 շարժական կլինիկա կտեղակայվի

Գործարկվել է տեղական հարկերի վճարման առցանց համակարգը

15 դպրոց եւ 10 մանկապարտեզ կառուցելու համար Կառավարությունը 2 մլրդ 942 մլն դրամով ավելացրեց ԿԳՄՍՆ բյուջեն

«Քաղաքացիական պայմանագիրը» ընտրություններին կմասնակցի միայնակ. ցուցակում կլինեն նոր մարդիկ, հայտնի է նաեւ կարգախոսը

Քննարկում են ՀՀ-ում «Սպուտնիկ V»-ի արտադրության հարցը. Սերգեյ Լավրով

Սամվել Գրիգորյանը՝ հունահռոմեական ոճի ըմբշամարտի միջազգային մրցաշարի հաղթող

Հայ գրողները ներկայացված են Եվրոպական միության գրական մրցանակի

Ուզում եմ ավագանու անդամ դառնալ. ակներցի աղջիկը, շահած դրամաշնորհային ծրագիրն ու նպատակները

Կլիմայական փոփոխությունների վտանգավոր հետևանքները. Պեկինի բնակիչները զգուշացվել են

Լատվիան պաշտոնապես ճանաչեց և դատապարտեց Հայոց ցեղասպանությունը

«Լուսավոր Հայաստանը» մշակել է հանրային համաձայնության հայտարարություն

Համաշխարհային բանկը 3 մլն 718 հազար դոլար կտրամադրի ՀՀ կառավարությանը՝ Արցախում իրականացվող 4 միջոցառումների համար

Դաշտում հայտնաբերվել է որպես անհետ կորած որոնվող կնոջ դին

Այն քաղաքացիները, ովքեր կունենան պատշաճ պատվաստման հավաստագիր, ՊՇՌ թեստի հանձնման կարիք չեն ունենա. նոր որոշում

Նալբանդյան գյուղում վիճաբանությունն ավարտվել է դանակահարությամբ

Հնդկաստանը նոր հակառեկորդ է սահմանել COVID-19-ով հիվանդացության դեպքերի քանակով

Ադրբեջանցիների կողմից հայկական ավտոմեքենայի քարկոծման դեպքով բավարար տեղեկություններ ձեռք չեն բերվել

Դատապարտում եմ վիրավորող այնպիսի արտահայտությունների գործածումը, ինչպիսիք են ժեխ, զոմբիներ. Արման Թաթոյան

Քոլեջների և ուսումնարանների տնօրենների ընտրության կարգի փոփոխության համար հանրային քննարկում է կազմակերպվում

Կարևորագույն հարցը Ադրբեջանի կողմից բոլոր ռազմագերիների և պատանդների ազատ արձակումն է. Արա Այվազյան

Ապրիլ ամսվա ցուցանիշները 1 ամսվա ընթացքում հարկային եկամուտների պատմական ռեկորդ են ՀՀ-ի համար. Փաշինյան

Զինծառայությունից խուսափածների նկատմամբ կհայտարարվի համաներում. օրինագիծն ընդունվեց

Հաստատվել է կորոնավիրուսային հիվանդության 425 նոր դեպք. գրանցվել է 17 մահ

Ով է մեղավոր զորահավաքի խնդիրների, գործողությունների ղեկավարման, հանցավոր թերացումների համար. 1580 քրգործ է հարուցվել

Մեկնարկել է ՀՀ կառավարության հերթական նիստը. օրակարգում ներառված է 36 հարց

Մեկնարկել է Արա Այվազյանի և Սերգեյ Լավրովի առանձնազրույցը

Սերգեյ Լավրովն այցելել է Ծիծեռնակաբերդ (լուսանկարներ)

1 շաբաթում Հայաստանում և Արցախում գրանցվել է թույլ ցնցումներով 5 երկրաշարժ

60 մլն դոլարի ներդրում, 1500 աշխատատեղ. մանրամասներ Ապարանում նախատեսված լեռնային համալիրի կառուցումից (լուսանկարներ)

«Բարի լույս, Երևան». Մարիա Զախարովան երևանյան սրճարանից լուսանկար է հրապարակել

Արևիկ համայնքում էլեկտրաշչակ է փորձարկվելու

Դոլարը կրկին աճել է. Կենտրոնական բանկը սահմանել է նոր փոխարժեքներ

Հրշեջ-փրկարարները մարել են 4 մարզերում ընդհանուր 1,5 հա տարածքում բռնկված հրդեհները