«Հրանտ Մաթեւոսյան» թանգարանը 6 տարի է՝ կիսակառույց է. գրողի ժառանգը հրաժարվել է Կառավարության հետ բանակցություններից

«Հրանտ Մաթեւոսյան» մշակութային կենտրոն-թանգարանը, որի շինարարական աշխատանքները սկսվել էին 2015 թվականին եւ պետք է ավարտվեին 2.5 տարում, արդեն 6 տարի է՝ չեն ավարտվում: Ավելին՝ Մաթեւոսյանի ժառանգ, «Հրանտ Մաթեւոսյան» մշակութային հիմնադրամի տնօրեն Դավիթ Մաթեւոսյանը հայտնում է, որ 2021 թվականի մարտի 21-ին պաշտոնական գրությամբ հրաժարվել են Կառավարության հետ «Հրանտ Մաթեւոսյան» կենտրոն- թանգարանի կառուցման, կահավորման եւ գործարկման անարդյունավետ բանակցություններից:

Մաթեւոսյանը ֆեյսբուքյան էջում գրել է, որ կենտրոն-թանգարանը վերջանական տեսքի բերելու ու շահագործման հանձնելու նպատակով պատրաստվում են դրամահավաք իրականացնել, եւ այսուհետ դիմելու են բացառապես հանրությանը, ոչ կառավարական կազմակերպություններին: Դիմելու են նաեւ գործարարներին` բոլոր նրանց, ովքեր մշակույթի, Հրանտ Մաթեւոսյանի արժեքն ու դերը հասկանում են. «Մեր ԿԵՆՏՐՈՆԸ կառուցելու ենք-ավարտենք ու գործարկենք այդպես`այդ ֆինանսավորմամբ»:

«2018 թվականից առ այսօր, չնայած մեր բոլոր ջանքերին, առաջարկներին, պնդումների եւ հորդորներին, չնայած ժամանակ առ ժամանակ կայծկլտացող թվացյալ առաջխաղացումներին, որ ՀՀ կառավարության դիրքորոշումների եւ կարծիքների մեջ տրամաբանության մանանեխահատիկներ էին թվում, ոչինչ-ՈՉԻՆՉ-ՈՉԻՆՉ չի փոխվել եւ չի փոխվի»,- գրել է Մաթեւոսյանը:

«Հայկական ժամանակը» Դավիթ Մաթեւոսյանից հետաքրքրվեց, թե որոնք են նման հանգուցալուծման տանելու պատճառները, ինչ-որ հարցում դարձյալ անհամաձայնությո՞ւն ունեն, թե՞ պարզապես այս տարիներին ՀՀ կառավարության՝ կենտրոն-թանգարանի կիսակառույց մնալն աչքաթող անելու եւ անտարբերության արդյունքում հասունացած որոշում է սա:

«Մեզ ասել էին՝ այն հողամասը, որի վրա շենքը կառուցվում է, պատկանում է Հրանտ Մաթեւոսյան հիմնադրամին, ու որպեսզի հնարավոր լինի ինչ-ինչ գործառույթներ իրականացնել եւ հետագայում կենտրոնը շահագործել, անհրաժեշտ կլինի, որպեսզի հողամասն իր բարելավումներով հանդերձ նվիրաբերվի պետությանը: Ապա, երբ պետությունը կառուցապատումն ավարտի, դրանից հետո շենքը կգործի որպես կենտրոն-թանգարան»,- ասաց նա:

Մաթեւոսյանը մանրամասնեց, որ նվիրաբերության ու կառավարության առաջարկների հետ կապված որոշակի ռիսկեր են տեսել. որոշել են նվիրաբերությանը վերաբերող նամակ-առաջարկով դիմել կառավարությանը՝ տվյալ դեպքում կրթության, գիտության, մշակույթի եւ սպորտի նախարարությանը, որոշակի նախապայմաններ են առաջարկել, որոնց իրականացման դեպքում շենքը կնվիրաբերեին պետությանը: Մաթեւոսյանի խոսքով՝ հետագայում, երբ սկսվել է Կառավարության համապատասխան որոշման նախագիծ մշակվել, իրենց նամակ-առաջարկում եղած նախապայմաններից ոչ մեկը հաշվի չեն առնվել ո՛չ որոշման նախագծում, ո՛չ էլ կից ստեղծված տեղեկանք-փաստաթղթում:

«Մենք նվիրաբերությանն էինք համաձայնվելու միայն մեր նախապայմանները հաշվի առնվելու դեպքում, որոնք շատ սթափ ու ռացիոնալ պայմաններ էին, բայց հաշվի չառնվեցին: Աշխատանքային խումբ էր ստեղծվել, որին նաեւ ես էի մասնակցում, մենք մի քանի անգամ ինչ-որ փոփոխություններ առաջարկեցինք, իբրեւ թե համաձայնվում էին, բայց ամեն անգամ նախագծի հերթական վերջնական տարբերակը մեզ ներկայացնում էին ամբողջովին մաքրված՝ մեր առաջարկած բոլոր կետերը հանած»,-ասաց նա:

Դավիթ Մաթեւոսյանը նաեւ նկատեց՝ նախորդ տարվա դեկտեմբերին եւս մեկ անգամ բացատրել էր իրավիճակը: «Երեք ամիս սպասելուց հետո մի քանի օր առաջ մեզ ներկայացվեց որոշման նախագիծ, որը դարձյալ ստերջ, ստերիլ, ոչ մի կետ չպարունակող մի բան էր, ու մենք կայացրեցինք այն որոշումը, որը դուք արդեն տեսել եք իմ հրապարակմամբ»,-մանրամասնեց նա:

Մաթեւոսյանը մտահոգություն հայտնեց, որ արդեն երկու տարի է՝ կառուցված առաջին երկու հարկերում որոշ բաներ թերի են, թեթեւ վթարներ են եղել ներսում ու տարբեր հատվածներ վնասվել են: Ու թեեւ կենտրոնը չի շահագործվում, այն բազմաթիվ ծախսեր է ենթադրում՝ շենքի ջեռուցման, պահակին վճարելու եւ այլն: 

«Հրանտ Մաթեւոսյան» հիմնադրամը պաշտոնական երկու գրություն էր ուղարկել, մեկը ՀՀ ԿԳՄՍ նախարարությանը, մյուսը՝ ՀՀ վարչապետի աշխատակազմին:

Դավիթ Մաթեւոսյանը հայտնեց, որ եթե հետագայում Կառավարությունն ունենա ինչ-որ քայլեր անելու ցանկություն կամ առաջարկ, առանց հիմնադրամի հետ բանակցելու կարող է ուղղակիորեն հայտարարել եւ տրամադրել շինարարության համար անհրաժեշտ գումարը: Ըստ Մաթեւոսյանի՝ ստեղծված իրավիճակում դա կլինի լավագույն լուծումը: Սակայն շենքին վերաբերող հայեցակարգային որոշումներ կայացնելու իրավասություն կառավարութունը չի կարող ունենալ, եթե չունեն հիմնադրամի հետ համաձայնեցվածություն:

«Հայկական ժամանակը» ՀՀ ԿԳՄՍ նախարարությունից հետաքրքրվեց, թե արդեն ուսումնասիրել են նախօրեին ստացած «Հրանտ Մաթեւոսյան» կենտորնի հետ կապված պաշտոնական գրությունը, եւ արդյո՞ք որեւէ նոր առաջարկ կամ լուծում տեսնում են խնդրի առնչությամբ:

Մեզ հայտնեցին, որ մոտ երկու օրից նախատեսվում է փոխնախարար Արա Խզմալյանի եւ Դավիթ Մաթեւոսյանի հանդիպումը, որից հետո արդեն պարզ կլինեն հետագա զարգացումները: «Հանդիպման վերաբերյալ կա արդեն ՀՀ վարչապետի հանձնարարականը»,-հայտնեցին նախարարությունից:

Հիշեցնենք՝ պետությունը Մաթեւոսյանական կենտրոն ստեղծելու համար Երեւանի Աբովյան պուրակում, անհատույց եւ անժամկետ օգտագործման իրավունքով 400 քմ հողատարածք էր տրամադրել։ Երեւանի նախկին գլխավոր ճարտարապետ Տիգրան Բարսեղյանի հեղինակած նախագծով կենտրոնը պետք է եռահարկ լիներ, սակայն վերջին պահին որոշում է կայացվել երկհարկ թողնել: Դավիթ Մաթեւոսյանը բազմիցս իր մտահոգությունն էր հայտնել, որ շենքի հիմքը ֆունկցիոնալ է միայն արտաքին գործունեության իմաստով, բայց ապահովված պահեստային տարածք չունի, չունի նաեւ գույքի նորմալ պահպանման տեղ: Շենքն այս տեսքով բացարձակապես չի բավարարում կենտրոնի լիարժեք կենսագործունեությանը:

Երրորդ հարկի հետ կապված կենտրոն- թանգարանի շինարարության աշխղեկ Արթուր Աբգարյանը ավելի վաղ «Հայկական ժամանակ»-ի հետ զրույցում ասել էր, որ սկզբում երրորդ հարկում սրճարան էր նախատեսված, հետո հրաժարվեցին այդ մտքից: «Երրորդ հարկ չի լինելու, հնարավոր է գմբեթանման ինչ-որ բան լինի եւ կիսահարկ բարձրանա վերեւ, բայց դա էլ դեռ հստակ որոշված չէ: Ճարտարապետի նախագծով բավականին սիրուն բան էր ստացվում, բայց պատահում է, որ ճարտարապետը կարող է մի բանը նպատակահարմար տեսնել, իսկ պատվիրատուն՝ ոչ: Սկզբնականում սրճարան էր նախատեսված, բայց գալիս ասում էին՝ ո՞նց կլինի հա՛մ թանգարան, հա՛մ սրճարան»,- ասել էր նա՝ օրինակ բերելով Եվրոպական շատ երկրների կենտրոններ, երբ նման կառույցին միշտ գումար է պետք լինում, իսկ սրճարանը ֆինանսաբեր կլիներ:

Տպել
1203 դիտում

Իսրայելը հրթիռակոծվում է. հարյուրավոր հրթիռներ են արձակվել Թել-Ավիվի ուղղությամբ (տեսանյութ)

Կոտայքի մարզպետը Չարենցավանի բժշկական կենտրոնում ծանոթացել է համավարակի դեմ պատվաստումային գործընթացի ակտիվությանը

Քոչարյանը մերժել է Գեւորգ Պետրոսյանին. նախկին ԲՀԿ-ականը նոր ցուցակ է փնտրում

Գյումրիում փակվել են Covid բաժանմունքները. չինական պատվաստանյութը դեռ Շիրակ չի հասել

Ընթանում են Արտաշատ քաղաքի Իսակով փողոցում ասֆալտապատման թերությունները շտկելու աշխատանքները

Արտաշատ քաղաքում վաճառված հասարակական օգտագործման կանաչ տարածքների գործով տեսչական մարմինը դիմել է դատախազություն

Ադրբեջանի հայատյացության քաղաքականությունն ապացուցում է՝ արցախահայերը չեն կարող անվտանգ ապրել նրա կազմում․ Միրզոյան

Իսպանացի պատգամավորներն ու սենատորներն Ադրբեջանից պահանջում են ազատ արձակել հայ ռազմագերին

Լինենք պատասխանատու․ Նիկոլա Ազնավուրը պատվաստվել է կորոնավիրուսի դեմ

Ֆուտբոլի Հայաստանի առաջնությունը նոր առաջատար ունի

Անկախության 30-ամյա հոբելյանին ընդառաջ՝ Հայաստանի պատմության թանգարանը կազմակերպում է հանրապետական գիտաժողով

Ընդունելության քննություններին մասնակցելու հայտ է ներկայացրել 13360 դիմորդ․ երկրորդ փուլի հայտագրումը՝ հուլիսի 19-26-ին

Վերաբնակեցման նպատակով Արցախ է տեղափոխվել 54 ընտանիք

Ջրային մարզաձևերի Եվրոպայի առաջնությունում հանդես կգան Հայաստանի 9 ներկայացուցիչներ

Արտակ Ապիտոնյանը և ՖԽՎ պատվիրակությունը անդրադարձել են գերիների անվտանգ հայրենադարձմանը

Նիկոլ Փաշինյանը հաստատել է Հայ-լեհական ռազմատեխնիկական համագործակցության հանձնաժողովի հայկական կողմի նոր կազմը

Պաղեստինաիսրայելական լարվածությունը պահպանվում է, հրթիռակոծությունը չի դադարում

Վստրեչի Ապերը 2 միլիոն դրամ գրավով ազատ է արձակվել. դատախազությունը բողոք է ներկայացրել

Գիլոյանը Սոֆիայում քննարկել է Տոկիոյի Օլիմպիական խաղերի մրցավարական կազմում Հայաստանից ներկայացուցիչ ունենալու հարցը

Հայաստանի բացառիկ կենդանական աշխարհը․ գորշ արջերը՝ Վայոց ձորում (լուսանկարներ)

Արսեն Զախարյանն ընդգրկվել է Ռուսաստանի հավաքականի ընդլայնված ցուցակում

Ծեծկռտուքի դեպքով ձերբակալվել են Կենտրոնի փոխթաղապետն ու գլխավոր մասնագետը

Բաղրամյան պողոտայից բերման ենթարկված Աչաջուրի բնակչի մոտ կանեփի նմանվող զանգված է հայտնաբերվել (տեսանյութ)

Գիտակրթական ոլորտում հայ-ռուսական համագործակցությունը մեծ ներուժ ունի. Արմեն Սարգսյանն այցելել է Լոմոնոսովի համալսարան

Վրաստանի վարչապետ Իրակլի Ղարիբաշվիլին Հայաստանում կհանդիպի Նիկոլ Փաշինյանի հետ. օրակարգը հայտնի է

Ուկրաինական Ռադան դավաճանության մեղադրանքներ է առաջադրել պատգամավորներ Վիկտոր Մեդվեդչուկի և Տարաս Կոզակի դեմ

Արման Թաթոյանը ցավակցել է ՌԴ ՄԻ դաշնային հանձնակատարին՝ Կազանում տեղի ունեցած ողբերգական դեպքի հետ կապված

Հատկապես ծանր է գիտակցումը, որ հրեշավոր հարձակումը կատարվել է դպրոցում. Արմեն Գրիգորյանը ցավակցական հեռագիր է հղել

ՀՀ նախագահ Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին Կազանի ողբերգության կապակցությամբ

Ամենայն հայոց կաթողիկոսն իր ցավակցություններն է հղել Կազանի ողբերգության կապակցությամբ

Առցանց ապառիկ գնումներ ՎՏԲ-Հայաստան Բանկի և «ԻԴԵԱԼ համակարգ»-ի միջոցով

Թուրքիայում հակաիսրայելական ցույցերով խախտվել են հակահամաճարակային սահմանափակումները

Արցախի ՄԻՊ-ը մասնակցել է Եվրոպական խորհրդարանի պատգամավորների կողմից կազմակերպված առցանց համաժողովին

Իրավիճակը սահմանին կայուն մարտավարական է

Ադրբեջանը փորձում է գերիների վերադարձի պարտավորության չկատարումն արդարացնել անհիմն մեկնաբանություններով. Մանե Գևորգյան

Հունիսին Իրանում կանցկացվեն նախագահի ընտրություններ

Համակարգիչս կոտրեցին, 15 հոգով խփում էին. Կենտրոնի թաղապետարանի ծեծված աշխատակիցը մանրամասներ է հայտնում

Ալիեւը մոռանում է, որ Արցախն Ադրբեջանի տարածք չէ․ Արտակ Բեգլարյանի արձագանքը

Խորապես ցնցված եմ տեղի ունեցած ողբերգության լուրից․ Նիկոլ Փաշինյանը ցավակցական հեռագիր է հղել Վլադիմիր Պուտինին

Ադրբեջանի նախագահի հայատյացություն պարունակող ելույթները Հայաստանի ՄԻՊ-ն ուղարկել է ՄԱԿ, ԵԽ և միջազգային այլ մարմինների