Ավանդույթ, թե դիտավորություն. հայտնի կառույցներ, որտեղ տնօրենի փոխարեն տարիներով ղեկավարվում են ԺՊ-ները

Հայաստանի մի շարք կառույցներում կարծես ավանդույթ է դարձել տնօրենի պաշտոնակատարների անժամկետ ղեկավարումը: Բազմաթիվ են օրինակները, երբ տնօրենի պաշտոնակատարներ են նշանակվում, բայց պաշտոնավարում տարիներ շարունակ, հետո հենց իրենք էլ ընտրվում կամ նշանակվում են տվյալ կառույցի ղեկավար։

Սակայն Պետական ոչ առեւտրային կազմակերպությունների գործադիր մարմինների ընտրության ընդհանուր կարգի համաձայն՝ պաշտոնի նշանակվելու իրավասություն ունեցող անձը պետական ոչ առեւտրային կազմակերպության տնօրենի թափուր պաշտոնում կարող է պաշտոնակատար նշանակվել մինչեւ 6 ամիս ժամկետով։ Ըստ նույն կարգի՝ եթե հայտարարված մրցույթը համարվում է չկայացած, ապա պաշտոնակատարի պաշտոնավարման ժամկետը կարող է երկարաձգվել մեկ անգամ՝ 3 ամիս ժամկետով։

«Հայկական ժամանակը» առանձնացրել է պետական մի շարք կազմակերպություններ, որտեղ տնօրենի պաշտոնակատարները, մեղմ ասած, սպառել են իրենց պաշտոնավարման ժամկետները, բայց ԿԳՄՍ նախարարությունը շարունակում է անտեսել դա:

Շարքը գլխավորում է ՀՀ ազգային կինոկենտրոնը։ Արդեն 5-րդ տարին է, ինչ կինոկենտրոնի տնօրենի պաշտոնակատարն է Շուշանիկ Միրզախանյանը։

ՀՀ կրթության, գիտության, մշակույթի եւ սպորտի փոխնախարար Արա Խզմալյանը, դեռեւս նախորդ տարի «Հայկական ժամանակի» հետ զրույցում անդրադառնալով կինոկենտրոնում, փաստորեն, չավարտվող ժամկետով պաշտոնակատար աշխատելու մասին հարցին, հայտնել էր, որ նախատեսում են Կինոկենտրոնը «Հայկ» կինոստուդիայի հետ վերակազմավորել: Դա, իհարկե, Կառավարության որոշմամբ, իսկ մինչ այդ նպատակահարմար են գտնում, որ այնտեղ շարունակի պաշտոնավարել ԺՊ-ն:

ԿԳՄՍՆ-ից այժմ էլ տեղեկացնում են, որ «Փաստավավերագրական ֆիլմերի «Հայկ» կինոստուդիա» ՊՈԱԿ-ը Կինոկենտրոնի հետ միացման ձեւով վերակազմակերպելու մասին ՀՀ կառավարության որոշման նախագիծը շրջանառման փուլում է: Համապատասխան գերատեսչությունների դիտարկումներից հետո Կառավարության դրական եզրակացության դեպքում նախագիծը կհաստատվի, եւ գործընթացը կմոտենա ավարտին:

Երեւանի կենդանաբանական այգու տնօրենի պաշտոնակատարն արդեն 2 տարի է՝ ղեկավարում է տվյալ կառույցը։ 2019 թվականի նոյեմբերից այստեղ տնօրենի պաշտոնակատար է նշանակվել այգու փոխտնօրեն Վլադիմիր Սիմոնյանը: Նա եկավ փոխարինելու աղմուկով հեռացած նախկին տնօրեն Ռուբեն Խաչատրյանին։ Կենդանիների՝ իրար հաջորդող բազմակի անկումներից հետո Խաչատրյանն ազատման դիմում էր գրել Երեւանի քաղաքապետ Հայկ Մարությանի առաջարկով:

Քաղաքապետարանից մեզ չպատասխանեցին, թե ինչու է ձգձգվում այգու տնօրենի թափուր պաշտոնի մրցույթը: Մեզ նաեւ չհաջողվեց իմանալ, թե երբ է նախատեսվում այստեղ մրցույթ անցկացնել կամ մոտ ապագայում նախատեսվում է, թե ոչ:

Երեւանի Կարեն Դեմիրճյանի անվան մետրոպոլիտենի տնօրենի պաշտոնակատարն է Գեւորգ Ավետիսյանը:

Ավետիսյանը պաշտոնակատար է 2019 թվականի մայիսի 17-ից: Մետրոպոլիտենից մեզ փոխանցեցին, որ համավարակի, ապա նաեւ պատերազմի պատճառով է ԺՊ-ի պաշտոնավարումը ձգձգվել: Մրցույթի մասին հստակ տեղեկություններ դեռեւս չկան:

Խորեոգրաֆիայի պետական թատրոնում 2019 թվականի հունվարից տնօրենի պաշտոնակատարն է Լիլիթ Փալանջյանը: 2019-ի հունվարի 9-ից Փալանջյանը պետք է փոխարիներ թատրոնի նախկին տնօրեն Գայանե Կարապետյանին, սակայն մինչ օրս մրցույթ չի կայացել: ԿԳՄՍ նախարարության կողմից նշանակած ԺՊ-ին թատրոնի 22 հոգանոց անձնակազմն այդպես էլ չընդունեց։ ԿԳՄՍՆ-ից հետաքրքրվել ենք, թե ինչու մինչեւ օրս մրցույթ չեն հայտարարել եւ երբ են պատրաստվում դա անել: Տեղեկատվության վարչությունից մեզ հայտնեցին, որ նախատեսել են ապագայում միավորել Խորեոգրաֆիայի պետական թատրոնը եւ համապատասխան ուսումնական հաստատությունը: «Սրանով կլրացվի բաց միջանկյալ շղթան, եւ արդյունքում Խորեոգրաֆիայի ուսումնարանում սովորող սանը համապատասխան փորձով արդեն կկարողանա մուտք գործել պրոֆեսիոնալ հարթակներ: Աշխատանքներ են տարվում այդ 2 կառույցները միավորելու ուղղությամբ, հարցը կփակվի, երբ կլինի Կառավարության որոշումը»,- հավելեցին նախարարությունից:

Հ.Գ. Այս կառույցում ԺՊ-ի անորոշ կարգավիճակը խորքային խնդիրների հետեւանքով է։ Ամեն ինչ սկսվեց այն բանից հետո, երբ Խորեոգրաֆիայի պետական թատրոնի դռները տնօրենի նորանշանակ ԺՊ-ի առջեւ բացվեցին միայն ԱԻՆ-ի աշխատակիցների միջամտությամբ: Նախկին տնօրենից թատրոնի դռան բանալիները չստանալուց հետո մշակույթի նախկին փոխնախարար Նազենի Ղարիբյանը հրահանգեց դուռը ջարդել։ Փոխարենը նախկին տնօրեն Գայանե Կարապետյանը դատի տվեց նախարարությանը: «Հայկական ժամանակ»-ի հետ զրույցում Կարապետյանն ասաց, որ դատավարական պրոցեսները դեռ ընթացքի մեջ են:

Տպել
4779 դիտում

Հայ-ռուսական միջտարածաշրջանային 8-րդ համաժողովի շրջանակում այսօր անցկացվել է լիագումար նիստ

Թմրանյութ է հայտնաբերվել անչափահասի գրպանում (տեսանյութ)

Մալիշկայի համայնքապետարանը հրավիրում է համայնքային սեփականություն հանդիսացող հողամասի աճուրդ վաճառքի

Գառնիում ասֆալտապատվել են ներհամայնքային ճանապարհներ և արդիականացվել է լուսավորության համակարգը

Քովիդի դեմ պատվաստումային ցուցանիշով Հայաստանը զիջում է իր հարևաններին. վիճակագրություն

Բաքվից վերադարձած բոլոր տղաները Շիրակի մարզից են․ Նազելի Բաղդասարյանը «Մուրացան» բժշկական կենտրոնում է

«Հայաստան» համահայկական հիմնադրամը Լիբանանի հայ համայնքի կարիքների համար 1 մլն դոլար է փոխանցել

Հրդեհ է բռնկվել հեռուստաաշտարակի մոտակայքում․ հայտարարվել է հրդեհի բարդության «1 Բիս» կանչ

Հայաստան են վերադարձել 5 ռազմագերիներ, որոնք դատապարտվել էին 6 տարվա ազատազրկման. նրանց տեղափոխել են բուժզննության

Դուք ինձ համար կուռք եք եղել․ Կարեն Գիլոյանն ընդունել է Օլիմպիական չեմպիոններ Ալեքսանդր Կարելինին և Մնացական Իսկանդարյան

Արմեն Սարգսյանին հավատարմագրերն է հանձնել Հայաստանում Իռլանդիայի նորանշանակ դեսպան Մարտինա Ֆինեյը

Լոնդոնում տեղի է ունեցել Ալեքսանդր Սպենդիարյանի 150 և Առնո Բաբաջանյանի 100-ամյակներին նվիրված համերգ

Հավատարիմ ենք ժողովրդավարական բարեփոխումների քաղաքական ուղեգծին. վարչապետն ընդունել է ԵԽ պատվիրակությանը (լուսանկարներ)

Հայաստան են վերադառնում 5 հայ ռազմագերիներ. Նարեկ Ղահրամանյան

Վահան Քերոբյանը ծանոթացել է Տաշիր քաղաքում գործող «Ամպեր» մալուխների գործարանի աշխատանքներին

300 հազար դոլար, 112 հազար եվրո և 4 անշարժ գույք. ինչ ունեցվածք ունի Առուշ Առուշանյանը

Կինոյի տան և Մալյան թատրոնի մոտ ապօրինի գարեջրատուն են սարքում, որ ֆուտբոլ նայեն․ Կինեմատոգրաֆիստների միության նախագահ

Արտակ Ղուլյանը նշանակվել է Իրավական կրթության և վերականգնողական ծրագրերի իրականացման կենտրոնի տնօրեն

«10 մլն ծառ»-ի շրջանակում տարբեր կազմակերպություններ ծառատունկ կիրականացնեն․ ՇՄ նախարարը քննարկում է անցկացրել

Արման Բաբաջանյանի մեքենայի վրա կրակելու գործով նոր զարգացումներ են սպասվում

Վահրամ Դումանյանն ընդունել է ՌԴ պատվիրակությանը․ հայկական կողմը կարևորում է Հայաստանում ռուսերենի զարգացման հարցը

Արմեն Սարգսյանին հավատարմագրերն է հանձնել Հայաստանում Նորվեգիայի Թագավորության նորանշանակ դեսպանը (տեսանյութ)

2020թ. ԱԺ արտահերթ ընտրություններում ընտրակաշառքի վերաբերյալ առաջին գործով մեղադրական դատավճիռ է կայացվել

Կարեն Անդրեասյանը նոր դատավորների ընտրության և վերապատրաստման հարցեր է քննարկել Արդարադատության ակադեմիա այցի ընթացքում

«Մանչեսթեր Յունայթեդը» բանակցում է Զիդանի հետ. նախաձեռնողը Ռոնալդուն է

Ուզում ենք՝ ուսանողը Երևանում սովորի, բայց իր մարզը զարգացնի. մի խումբ ուսանողներ «Ուսանողի տուն» են հիմնել ու բնակվում

Հոկտեմբերի 20-ին Երևանի կենդանաբանական այգին փակ կլինի. անցկացվելու է «Երազանքի երեկո» միջոցառումը

Դալարում սպանված բնակչի հորեղբայրն ու հորեղբոր որդին հրկիզել են սպանության մեջ մեղադրվողի տունը. 2-ն էլ ձերբակալված են

Ուղևորներն ու վարորդները դիմակ չեն կրել. տեսչական մարմինը 81 խախտում է հայտնաբերել

Ռազմական համալսարանի զոհված շրջանավարտների հիշատակին նվիրված խաչքար-հուշակոթողի մոտ մատուցվել է հոգեհանգստյան կարգ

Քրեակատարողական համակարգում սկսում ենք բարեփոխումների նոր շրջան. Կարեն Անդրեասյան

Եռակողմ հայտարարությամբ դադարեցվեցին ռազմական գործողությունները, իսկ իրավիճակը շարունակում է մնալ անկայուն. Ռուբինյան

ՄԻՊ գրառման մեջ առկա են անճշտություններ, ադրբեջանական ԶՈՒ-ն ինժեներական ակտիվ աշխատանք չի իրականացնում. ՊՆ պարզաբանումը

Վրաերթ Շերամի փողոցում. 11-ամյա երեխան հոսպիտալացվել է

Սուրեն Պապիկյանը Իգոր Մասլովի հետ հայ-ռուսական հարաբերությունների զարգացման լայն օրակարգ է քննարկել (լուսանկարներ)

Իռլանդիայի նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալ Վահե Գևորգյանին

Հայկական կարմիր խաչի ընկերության Գյումրու խնամքի կենտրոնի շահառուներն ալկոհոլ են օգտագործել, ծեծել իրար. Դատախազություն

Այստեղ ենք՝ հասկանալու, թե ինչպես է ընթանում ԵԽ-Հայաստան ծրագիրը. նախագահը ընդունել է Մարթեն Էհնբերգին (տեսանյութ)

«Ոսկե բանալի, ժանգոտ կողպեք» մրցանակաբաշխության ժամանակ Երեւանի քաղաքապետարանն արժանացել է «Ժանգոտ կողպեքի»

Կան բազմաթիվ խնդիրներ, որոնք բարդացնում են գործընթացը. Մհեր Գրիգորյանը՝ սահմանազատման և սահմանագծման մասին