Ճիշտ կեցվածքը ընդդիմադիր լինելն է. Գոգոլի անվան դպրոցի տնօրենը՝ իր գրառումների, հայացքների ու հարուցված քրգործի մասին

Երեկ քննչական կոմիտեն հայտարարություն տարածեց, ըստ որի վարույթ է ընդունվել Երևանի Էրեբունի վարչական շրջանի  Ն.Գոգոլի անվան թիվ 35 դպրոցի տնօրենին առնչվող քրեական գործը՝ կաշառքի վերաբերյալ: 

Տնօրեն Ասատուր Սարյանը մեր այցելության ժամանակ դպրոցում էր և չնայած հարուցված քրգործին նրա լիազորությունները կասեցված չեն: Սարյանը շարունակում է զբաղեցնել տնօրենի պաշտոնը: Ավելին, ասաց, որ պատրաստվում է ուսուցչի թափուր պաշտոնի համար մրցույթ կազմակերպել:

Ավելի վաղ հայտնել էինք, որ դպրոցի տնօրեն Ասատուր Սարյանը փետրվարի 18-ին իր աշխատասենյակից բերման էր ենթարկվել՝ կաշառք պահանջելու համար: Համաձայն ոստիկանության հայտարարության, նա Ռուսաստանից տեղափոխված և ռուսերեն ուսուցմամբ 4-րդ դասարան ընդունված ՀՀ քաղաքացի երեխայի ծնողից, նույն աշակերտի համադասարանցու ծնողի միջոցով, որպես կաշառք պահանջել է 300 դոլար: Սակայն 2021 թվականի փետրվարի 16-ին տնօրենը կաշառք տված ծնողին իր աշխատասենյակ է հրավիրել և հայտնել, որ 300 դոլարից իրեն փոխանցվել է ընդամենը 100-ը, պահանջել է 200 դոլար։ Իսկ երկու օր անց՝ փետրվարի 18-ին, իր աշխատասենյակում հրաժարվել է վերցնել պահանջած 200 դոլարը՝ պատճառաբանելով, որ մյուս ծնողն արդեն իսկ կարգավորել է խնդիրը։ Դեպքի առթիվ հարուցվել էր քրեական գործ, որն ուղարկվել էր Քննչական կոմիտե: Քրգործը ոչ միայն կաշառք ստանալու, այլ նաեւ տալու եւ միջնորդելու փաստի առիթով է: Նշվում է, որ քրեական գործ է հարուցվել ՀՀ քրեական օրենսգրքի 311-րդ հոդվածի (կաշառք ստանալը) 2-րդ մասով,  312-րդ հոդվածի (կաշառք տալը) 1-ին մասով և 313-րդ հոդվածի (կաշառքի միջնորդությունը) 1-ին մասով:

Մեր այցելության ժամանակ տնօրենը սկզբում հրաժարվում էր մեկանաբանություն տալ՝ պատճառաբանելով, որ գործը դեռևս ընթացք չի ստացել, բայց հետո համաձայնեց՝ ասելով, որ հարուցված քրգործի մասին իրեն տեղեկացրել են դեռ փետրվարի 18-ին, երբ բերման էր ենթարկվել ոստիկանության 6-րդ վարչություն, ազատ են արձակել, քանի որ ապացույցներ չեն եղել: Ասաց՝ «գործը շատ է ձգձգվել՝ փետրվարի 18-ից ճանապարհորդել, երեկ արդեն եկել հասել է Քննչական կոմիտե»:

Սակայն պնդում է մեղադրանքը չի ընդունում, ինքը կաշառք երբևէ չի ստացել` չնայած նրան, որ ծնողների կողմից առաջարկներ եղել են: Խոսելով կոնկրետ այս դեպքի մասին, պարզաբանեց, գիտի՝ թե որ ծնողի մասին է խոսքը, միջնորդ չկա, բայց հնարավոր է հանդիպել է նրան, երբ տեսնի՝ կհիշի. «Երեխան դպրոց է եկել մեկ տարի առաջ, հայերենին ընդհանրապես չէր տիրապետում, այդ ժամանակ դեռ օրենքը գործում էր, որ ՌԴ քաղաքացիություն չունեցող երեխաները, Ռուսաստանից Հայաստան վերադառնալիս, մի տարի ադապտացվելու համար կարող են ընդունվել դպրոցի ռուսական բաժին, տարին լրանալուց հետո՝ տեղափոխվեն հայկական: Բայց 2020 թվականի մայիսի 15 ընդունված օրենքի համաձայն, ադապտացիան հանվել է: Այդ երեխայի մեկ տարին ավարտվելուց հետո, որպես բարի կամքի դրսևորում համաձայնեցի, որ ուսումը շարունակի ռուսական բաժնում, քանի որ նա ուներ նաև ՌԴ կեցության վկայական (Вид на жительство): Ծնողը ասում էր, որ քաղաքացիության փաստաթղթերը մինչև սեպտեմբերի վերջ պատրաստ կլինեին, ես էլ մարդկային վերաբերմունք ցուցաբերեցի՝ որպեսզի երեխային անընդհատ չտեղափոխենք, թույլ տվեցի, որ մնա ռուսական բաժնում: Հետո պատճառ բերեցին համաճարակը, պատերազմը սկսվեց: Հիմա չգիտեմ հետագա ընթացքը ինչպես կլինի, քանի որ իմ դեմ հարուցված գործի պատճառով չեմ զբաղվում այդ հարցով»:  

Տնօրենը նշեց, որ այդ քրգործի մասին շատ բան է մտածում՝ գուցե հրավիրի մամուլի ասուլիս և մտքերն այդպես արտահայտի:

Ասատուր Սարյանին հարցրինք նաեւ ֆեյսբուքյան իր էջի գրառումների բովանդակության ու բառապաշարի մասին՝ որքանո՞վ է դա հարիր ուսումնական հաստատության ղեկավարին: Վերջերս, օրինակ, նա վերահրապարակել էր գրող Վահրամ Սահակյանի՝ գռեհիկ ձեւակերպումներով ու արտահայտություններով մի գրառում՝ հաջակցություն ընդդիմության: Ընդհանրապես Գոգոլի դպրոցի տնօրենը շատերին հայտնի է որպես Ռոբերտ Քոչարյանի վերադարձին անհամբերությամբ սպասող մարդ:

Ասատրյանը սկզբում ասաց, որ չի հիշում այդ գրառման մասին, հետո դժվարությամբ մտաբերեց, ապա պարզվեց՝ դա կիսվել էր իր համար, որ հետո կարդար: Նշեց, որ այդ կիսումները կարող է նկատել են ինչ-որ մարդիկ, այդ պատճառով էլ ուշադրություն է գրավել:

Աջակցում է ընդդիմությանը եւ դեմ է նոր իշխանությունների՞ն. տնօրենը չմեկնաբանեց, միայն ասաց. «Ես գրականության մարդ եմ, իսկական գրողը, ինչպես ասել է Հեմինգուեյը, պետք է լինի ընդդիմադիր, ճիշտ կեցվածքը ընդդիմադիր լինելն է, անկախ այդ ամենից, դպրոցի տնօրենները պետք է ունենան քաղաքական դիրքորոշում, բայց քաղաքականությամբ չզբաղվեն՝ поэтом можешь ты не быть но гражданином быть обязан»:

Անդրադառնալով նրան, որ ոստիկանությունը հայտարարել էր՝ տնօրենի աշխատասենյակում կատարված դեպքի վայրի զննությամբ հայտնաբերվել են ապացուցողական նշանակություն ունեցող փաստաթղթեր, ընդհանուր 5300 դոլար և 165 հազար դրամ անհայտ ծագման գումար, տարբեր տրամաչափի փամփուշտներ և այլն, տնօրենը նշեց, որ այդ փամփուշտները եղել են օգտագործված երեք փամփուշտներ, որոնք երեխաների մոտից են վերցրել. «Փամփուշտները չափազանցված են, եղել են ընդամենը երեք հատ: Մենք երեխաների մոտից ենք գտել, ուսուցիչները վերցրել են, տվել ինձ, ես էլ դրել եմ իմ դարակը: Գումարի մասը չեմ մեկնաբանում, փաստաբանիս հետ պետք  է խորհրդակցեմ»:

Այսօր կապ հաստատեցինք նաև այն ծնողի հետ, որն ըստ ոստիկանության՝ տնօրենին կաշառք է տվել: Նա նշեց միայն, որ հարուցված քրեական գործի մասին տեղեկացել է հեռուսատացույցով, իրեն կանչել են ոստիկանություն, ցուցմունք է տվել: Այլ հարցերի հրաժարվեց պատասխանել:

Ըստ ոստիկանության՝ որպես միջնորդ հանդիսացած ծնողի հետ էլ կապ հաստատել մեզ չհաջողվեց:

Հ.Գ. Ասատուր Սարյանի աշխատասենյակի դուռը դեռ զմռսված է եւ նա աշխատում է փոխտնօրենի աշխատասանյակում: Մեր նախորդ հրապարակման մեջ նշել էինք, որ փակված սենյակում մնացել է տնօրենի ակվարիումը եւ ձկները սովից սատկում են: Այսօր պարզվեց ելքը գտել են՝ ապակու պատի վրա բացված անցքից խողովակով նրանց կերակրում են:

Մերի Խաչատրյան 

 

Տպել
2976 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ