Թրամփի հարևանները փորձում են վտարել նրան Ֆլորիդայի իր կալվածքից. ինչու՞ է ակումբը Թրամփն իրենը համարում

Հարեւանները ցանկանում են արգելել ԱՄՆ-ի նախկին նախագահ Դոնալդ Թրամփին օգտագործել իրեն պատկանող ակումբը որպես մշտական բնակավայր, իսկ նախկին փոխնախագահ Փենսը և նրա ընտանիքը, Վաշինգտոնը լքելուց հետո մնացել են անօթեւան, առանց կացարանի:

Այն փաստը, որ Դոնալդ Թրամփը իրավունք չունի մշտապես բնակվել իր անձնական «Mar-o-Lago» ակումբի տարածքում և շուտով պետք է իր համար նոր տուն գտնի, այս շաբաթ հայտարարել են նախկին նախագահի՝ Ֆլորիդա նահանգի Պալմ-Բիչ քաղաքի հարևանների շահերը ներկայացնող մի քանի փաստաբանները:

«Մենք կարծում ենք, որ Մար-օ-Լագոն կարող է դառնալ մի վայր, որը հետևողականորեն կգրավի Թրամփի՝ օրենքը չհարգող աջակիցներին», - ասել է փաստաբան Ֆիլիպ Ջոնսթոնը՝  խոսելով «Պահպանենք Պալմ-Բիչը» կազմակերպության անունից, որը զբաղվում է քաղաքի պատմական ժառանգության պաշտպանությամբ:

BBC-ի փոխանցմամբ, փաստաբան Ռեգինալդ Սթամբոն, որը ներկայացնում է նախկին նախագահի մի քանի հարևանների շահերը, հիշում է, որ վերջին տարիներին Թրամփի՝ իր ակումբ հաճախակի այցելությունների պատճառով Պալմ Բիչի՝  այդ շրջանի բնակիչները բախվել էին փողոցների հաճախակի փակման, խցանումներին,տեղական օդանավակայանի փակման և անվտանգության աննախադեպ միջոցառումների խնդիրներին: Փաստաբանի խոսքով ՝ իր հաճախորդները վախենում են, որ մասնավոր ակումբը Թրամփի մշտական բնակության վայրի վերածելը կհանգեցնի գույքի գների նկատելի իջեցմանը, քանի որ հիշյալ տարածքում քչերը կուզենան խիստ վերահսկվող պայմաններում նախկին նախագահի հարևանությամբ ապրել, երբ վերահսլվում է շրջակայքի ամեն շարժը:

«Պալմ Բիչում վաճառքի շատ գեղեցիկ տներ կան, և ես համոզված եմ, որ նա կարող է գտնել իր կարիքներին համապատասխան մի բան», - ասել է փաստաբան Ստամբոն:

Փաստաբանների հիմնական փաստարկը, սակայն, Թրամփի կողմից դեռ 1993 թվականին քաղաքային իշխանությունների հետ ստորագրված համաձայնագիրն է: Ըստ այդ փաստաթղթի, ապագա նախագահը պարտավորություն է ստանձնել ակումբը չօգտագործել որպես իր մշտական բնակավայր:

Ի՞նչ պայմանավորվածություն է խախտել Թրամփը

Նախկին նախագահը Ֆլորիդայում գտնվող իր Mar-o-Lago կալվածքը գնել է 1985 թվականին ՝ 10 միլիոն դոլարով:

Գրեթե յոթ հեկտար ընդգրկող տարածքը ժամանակին պատկանել է Մերջորի Պոստին ՝ Ամերիկայի ամենահարուստ կանանցից մեկին: 1920-ականների վերջին կենտրոնում կառուցված տունը համարվել է Ֆլորիդայի մեծությամբ երկրորդ առանձնատունը ՝ 58 ննջասենյակով, 33 զուգարանով և երեք ռմբապաստարանով:

1980 թվականին շենքը հայտարարվել է որպես պատմական հուշարձան:

Ըստ Պոստի թողած կտակի, 1973 թ.-ին կալվածքը փոխանցվել է ԱՄՆ դաշնային կառավարության սեփականությանը, բայց Վաշինգտոնի իշխանությունները դրա պահպանման ծախսերը համարել են չափազանց ծանր, և 8  տարի անց նվերը վերադարձվել է առաջին սեփականատիրոջ ժառանգներին:

Երկար բանակցություններից հետո Դոնալդ Թրամփը որպես մասնավոր սեփականություն գնել է անշարժ գույքը, որով ոչ ոք չէր զբաղվում երկար տարիներ, և գրեթե անմիջապես էլ սկսել է վերակառուցել այն: Տունը ընդլայնվել է շուրջ 2000 քմ մակերեսով՝  մասնավոր պարահանդեսային սրահի հաշվին, տեղակայվել են լրացուցիչ սենյակներ, թենիսի խաղադաշտ և Ատլանտյան օվկիանոսին նայող բաց լողավազան: Ավելի ուշ կալվածքին ավելացվել է նաև գոլֆի ակումբ:

Նախկին  գործարար և ապագա նախագահ Թրամփը 1990-ականների սկզբին մի շարք սնանկացումներից հետո  փորձել է մաս- մաս վաճառել անշարժ գույքը ՝ տարածքում կառուցելով մի քանի առանձնատներ, բայց չի հաջողվել վաճառքի համար թույլտվություն ստանալ Պալմ Բիչի քաղաքապետարանից:

Փոխարենը ՝ Թրամփն առաջարկել է իր նստավայրը վերածել փակ, մասնավոր ակումբի: 1993-ի մայիսին կայացած առաջին քաղխորհրդի նիստում ապագա նախագահի անձնական փաստաբան Փոլ Ռամպելը ներկայացրել է ակումբի նախագիծը ՝ միաժամանակ հավաստիացնելով, որ ինքը ՝ Թրամփը, և իր ընտանիքի անդամները չեն պատրաստվում ապագայում ապրել Մար-օ-Լագոյում և այն միշտ մնալու է որպես ակումբ: Ըստ Փաստաբանի հավաստիացման, բացառություն կարող էր լինել միայն այն, որ լինելով ակումբի անդամ, Թրամփը  իհարկե օգտվելու էր հյուրերի սենյակներից:

Քաղաքային իշխանությունների հետ համաձայնագիրը նախատեսում էր, ի թիվս այլ բաների, ակումբի անդամների քանակի սահմանափակում (ոչ ավելի, քան 500 մարդ), նրանց մեքենաների կայանատեղեր, ինչպես նաև հիմնական կետ, որին այժմ հղում են անում Թրամփի նոր հարևանների փաստաբանները. Ակումբի անդամները կարող են ապրել կալվածքում ոչ ավել, քան 7 օր անընդմեջ, միայն տարին 3 անգամ, և «Մար-օ-Լագոյում» նրանց գտնվելու ընդհանուր տևողությունը չի կարող գերազանցել տարեկան 21 օրը:

Այս համաձայնագիրը ստորագրել են Թրամփի օրինական ներկայացուցիչները և ապա, Թրամփն ինքը:

Մասնավոր ակումբը արագորեն դարձավ ամենահեղինակավորներից մեկը Միացյալ Նահանգներում: Անդամակցության վճարն այսօր 200 հազար դոլար է: Բացի այդ, ակումբի անդամները պետք է տարեկան վճարեն 14 հազար դոլար՝ պահպանման ծախսերի համար, իսկ «Մար-աօ-Լագո»-ում մեկ գիշեր մնալու համար հյուրերը վճարում են 2 հազար դոլար՝ 1սենյակի համար:

Ըստ Forbes ամսագրի, գույքի ներկայիս արժեքը գնահատվում է 160 միլիոն դոլար, իսկ մասնավոր ակումբը շարունակում է մնալ Թրամփի այն քիչ ակտիվներից մեկը, որը դեռ եկամուտ է բերում իր տիրոջ համար: Միայն 2019-ին, օրինակ, ակումբը  21,4 միլիոն դոլար շահույթ է բերել:

Ինչու՞ են հարևանները ցանկանում վտարել Թրամփին

Անցած 25 տարիների ընթացքում Դոնալդ Թրամփը իրեն ցույց է տվել, որ բավականին անհանգիստ հարեւան է:

Սկզբում նա բողոքել է ինքնաթիռներից: Ապագա նախագահի ներկայացուցիչների խոսքով ՝ ինքնաթիռների կողմից արտադրված աղմուկը խանգարում էր մասնավոր ակումբի հյուրերին և կարիք կար հավելյալ տարածքի: Դատարանում ձեռք բերվեց բարեկամական համաձայնություն, համաձայն որի ՝ Թրամփը հենց այնպես, շրջանի իշխանություններից ստացավ գրեթե մեկ հեկտար տարածքի արտոնյալ վարձակալության իրավունք. Հենց այնտեղ էլ հետագայում Թրամփի գոլֆի միջազգային ակումբն է բացվել:

2010-ին ապագա նախագահը կրկին դատի է տվել օդանավակայանին `պահանջելով դադարեցնել երկրորդ թռիչքուղու շինարարությունը, իսկ 2015-ին նա կրկին դիմել է դատական մարմիններին` նշելով, որ թռիչքները «ստեղծում են աղմուկի, արտանետումների և աղտոտման անընդունելի մակարդակներ Մար- o- Լագոյում»: Թրամփը վնասը գնահատել էր 100 միլիոն դոլար, բայց դատարանը մերժել է  հայցը:

1997 թ.-ին ապագա նախագահը փորձել է դատի տալ քաղաքային իշխանություններին ՝ պնդելով, որ Փալմ Բիչի քաղաքապետարանը ցուցաբերում է խտրական վերաբերմունք հրեաների նկատմամբ, մինչդեռ իր ակումբի անդամների զգալի մասը հրեաներ են:

Ամենահայտննը, սակայն, Թրամփի ու քաղաքապետարանի վեճն էր ՝ ազգային դրոշի բարձրության ու չափի շուրջ: 2006-ին մի գործարար ակումբի տարածքում տեղադրել էր 24 մետր բարձրությամբ դրոշակաձող, որի վրա ծածանվում էր 6x9 մետր չափերով ամերիկյան դրոշ:

Դրանից հետո քաղաքապետարանը պաշտոնապես տեղեկացրել էր նրան, որ քաղաքային կանոնները արգելում են դրոշակաձողերի տեղադրումը ավելի քան 13 մետր բարձրությամբ `պահանջելով հանել այն: Քաղաքային խորհուրդը նաև Թրամփին պարտավորեցրել էր վճարել օրական 1250 ԱՄՆ դոլարի տուգանք, մինչ դրոշի ձողը հանելը:

Ի պատասխան ՝ գործարարը դատական հայց էրներկայացրեց, բայց գործն ի վերջո ավարտվել էր բարեկամական համաձայնությամբ: Թրամփը համաձայնել է կրճատել դրոշաձողը, քաղաքապետարանը հրաժարվել է ֆինանսական պահանջներից, բայց պարտավորեցրել է նրան տուգանք վճարելու փոխարեն 100,000 դոլար փոխանցել վետերաններին օգնող բարեգործական կազմակերպություններին որպես նվիրատվություն:

Նախագահական ընտրություններում Թրամփի հաղթանակից հետո կալվածքը ստացավ Սպիտակ տան ղեկավարի «ամառային նստավայրի» ոչ պաշտոնական տիտղոսը: Չորս տարվա ընթացքում Թրամփը 30 անգամ այցելել է Մար-օ-Լագո ՝ այնտեղ անցկացնելով ընդհանուր առմամբ 99 օր: 2017-ի հունվարին Պալմ Բիչի տարածքում ներդրվեց ավելի քան 50 կմ շառավղով արգելված թռիչքային գոտի, իսկ Միացյալ Նահանգների գաղտնի ծառայության պաշտոնյաները ակումբի անմիջական հարևանությամբ ներմուծել են նավերի և զբոսանավերի մուտքի հատուկ ռեժիմ:

Նախագահի այցելությունների ժամանակ շրջափակվում էին մոտակա փողոցները, «Մար-օ-Լագո» ակումբի բոլոր աշխատակիցները խուզարկության էին ենթարկվում: Ակումբին ամենամոտ օդանավակայանը ՝ Լանտանան, պարբերաբար հայտարարում էր բոլոր թռիչքների ամբողջական դադարեցման մասին:

Տեղի բնակիչների բողոքի ակցիաները սկսվել են անշարժ գույքի վրա ուղղաթիռի թռիչքուղու կառուցման հետևանքով և օվկիանոսային զբոսանքների համար հատուկ նավամատույց կառուցելու Նախագահի ծրագրերի պատճառով: Տեղական իշխանությունները թույլ չեն տվել կառուցել նավամատույցը, իսկ թռիչքագոտին հայտարարվել է «ժամանակավոր կառույց» , այն պետք է քանդվեր Թրամփի նախագահական լիազորությունների ավարտից անմիջապես հետո:

2019-ի աշնանը Թրամփը  հայտարարել է բնակության վայրի գրանցման  փոփոխության մասին ՝ պաշտոնապես Նյու Յորքից տեղափոխվելով Պալմ Բիչ: Պատճառը Նյու Յորքի Արևելյան շրջանի փաստաբանի գրասենյակի հարկային հայցերն էին:

Անցյալ դեկտեմբերին փաստաբան Ռեգինալդ Սթամբոն առաջին նամակն էր ուղարկել քաղաքային իշխանություններին ՝ մեղադրելով Թրամփին 1993 թվականին ստորագրված պայմանագիրը խախտելու մեջ: Փաստաբանը մեկ այլ բողոք ուղարկել էր  ԱՄՆ գաղտնի ծառայությանը ՝ նշելով, որ, նրա կարծիքով, անվտանգության չափից ավելի միջոցառումները խնդիրներ են ստեղծում տեղի բնակիչների համար:

Ինչ է կատարվում հիմա

Այս շաբաթ Պակմ Բիչի քաղաքային խորհրդի հատուկ նիստի ժամանակ պարզվել էր, որ նախկին նախագահը մտադիր չէ լքել իր ակումբի տարածքը:

Ըստ Թրամփի փաստաբան Ջոն Մարիոնի, 1993 թվականին ստորագրված պայմանագիրը վերաբերում է միայն «ակումբի անդամներին ու հյուրերին», իսկ պետության նախկին ղեկավարն այժմ կալվածքի բաժնետերերից մեկն է:

«Նա այժմ Մար-օ-Լագոյի նախագահն է, նա ղեկավարում  էր մինչ ԱՄՆ նախագահ դառնալը, և այժմ կրկին ակումբի նախագահն է»,-ասել է փաստաբանը՝ նշելով, որ  Թրամփի պարտականությունները ներառում են անշարժ գույքի իրավիճակի ամենօրյա մոնիտորինգ, աշխատակիցների մոնիտորինգ, ֆինանսական փաստաթղթերի ստուգում և ակումբի հյուրերի հետ հանդիպում:

Քաղաքային խորհրդի առաջին նիստում Պալմ Բիչի քաղաքապետարանը չի կարողացել որոշում կայացնել `արդյո՞ք Թրամփը կկարողանա շարունակել օգտագործել իր ակումբը որպես մշտական բնակավայր: Երկու կողմերին էլ խնդրել են պատրաստել նոր փաստարկներ մինչ ապրիլի սկիզբը, երբ քաղաքային իշխանությունները պետք է վերջնական որոշում կայացնեն:

Ի՞նչ կապ ունի Մայք Փենսը

Տարօրինակ զուգադիպությամբ, ԱՄՆ-ի նախկին փոխնախագահ Մայք Փենսը Սպիտակ տունը լքելուց հետո ստիպված է զբաղվել բնակարանային խնդրով:

Ամերիկյան լրատվամիջոցների հաղորդմամբ, Վաշինգտոնից հեռանալուց հետո նա հայտնվել է անօթեւանի կարգավիճակում և այժմ վայելում է իր ընկերների հյուրընկալությունը Ինդիանայում: Հունվարի վերջին, օրինակ, Փենսը և նրա կինը ՝ Քարենը, մի քանի օր հաստատվել էին նահանգապետ Էրիկ Հոլկոմբի հյուրատանը:

Փենսը 13 տարի ծառայել է ԱՄՆ Կոնգրեսում, իսկ Ինդիանայի նահանգապետ է եղել 2013-ից 2017 թվականներին: Ընտրություններում Թրամփի հաղթանակից հետո նա տեղափոխվել էր ԱՄՆ փոխնախագահի պաշտոնական նստավայրը Վաշինգտոնում:

Փենսի ընտանիքը դեռ չունի իր սեփական բնակարանը, չնայած,  կարող է իրեն թույլ տալ դա. ԱՄՆ փոխնախագահի աշխատավարձը 235 հազար դոլար էր, իսկ թոշակի անցնելուց հետո նա իրավունք ունի ամուր կենսաթոշակի և այլ արտոնությունների:

Տպել
1876 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում