12․000-ից ավելի երեխա սպասում է մանկապարտեզ հաճախելու իր հերթին. ծնողները պահանջում են ընդունել նրանց

Այսօր մի խումբ ծնողներ հավաքվել էին Երեւանի քաղաքապետարանի դիմաց՝ բողոքի ցույցի: Նրանք դժգոհում էին, որ մանկապարտեզներում երեխաների ընդունելություն չի կազմակերպվում:

Լրագրողների հետ զրույցում բողոքող ծնողներից մեկը՝ Լուսինե Սարգսյանը, նշեց, որ կարանտինի պայմաններում համբերել են մեկ տարուց ավելի, թե երբ կհասնի իրենց բալիկների՝ մանկապարտեզ ընդունելու հերթը: «Հիմա կարանտինը նորից երկարաձգել են, ու հարցի լուծման տարբերակ չի առաջարկվում: Իմ երեխան 2019 թ․ սեպտեմբերից հերթագրվել է, 1.5 տարի հերթի մեջ է. երեխայիս պահելու համար դուրս եմ եկել աշխատանքից, շատ հուսահատ վիճակում ենք»,- նշեց նա:

Ըստ ծնողի՝ 12 հազար եւ ավելի գրանցված երեխաներ կան, որոնք սպասում են՝ հերթը երբ կհասնի իրենց: Կառավարությունը կարանտինի պայմաններում հանրության համար նոր եւ ընդունելի օրենքներ է մշակել կրթական օղակների համար՝ դպրոցների, համալսարանների, սակայն ոչ մի բան չի նախաձեռնվում պետական մանկապարտեզների համար:

«Երեք օրվա ընթացքում 100 եւ ավելի ծնողներով համախմբվել ենք, որպեսզի հասկանանք, թե այս հարցը ինչպես կարող ենք բարձրաձայնել, որ, ի վերջո, գտնենք դրա լուծումը: 12.000, նույնիսկ ավելի երեխա կա գրանցված. նրանցից շատերը սպասում են արդեն 2-3 տարի: Եվ ինչքան ժամանակ է՝ հարցը կախված է մնացել օդում: Ծնողների մի մասն է միայն այստեղ. դիմել ենք պատկան կառույցներին՝  քաղաքապետարան, համայնքապետարան, բայց ոչ մի հուսադրող պատասխան չենք ստացել: Պետական մանկապարտեզից տարբեր ժամկետներ են նշում, թե երբ նորից կսկսվի ընդունելության գործընթացը»,- նշեց նա:

Ծնողը, հայտնելով իր անհանգստությունը եւ դժգոհությունը, ընդգծեց հետեւյալը. «Երեխայի առողջ մեծանալու համար շփում է պետք, հնարավոր չէ այսպես շարունակելը: Հույս ունենք, որ շուտափույթ լուծում կգտնի այս հարցը, եւ գոնե գարնանից երեխաները կկարողանան հաճախել մանկապարտեզ»:

Քաղաքապետարանի մամուլի խոսնակը, տեսնելով քաղաքապետարանի դիմաց հավաքվածներին եւ լրագրողներին, մոտեցավ եւ հարցի վերաբերյալ ասաց հետեւյալը.

«Քաղաքապետարանը ոչ միայն տեղյակ է այս խնդրին, այլ նաեւ քայլեր է ձեռնարկում մանկապարտեզներում հավելյալ տեղեր ավելացնելու համար: Անցած տարվանից մինչեւ օրս չկա ընդունելություն. մանկապարտեզներում հաճախելիության սահմանափակումները պայմանավորված են եղել կորոնավիրուսային համավարակի պատճառով: Երեւանի քաղաքապետարանն այս առումով հետեւում է բացառապես Կառավարությունից տրվող ցուցումներին: Այդուհանդերձ, քաղաքապետարանի համապատասխան ստորաբաժանումները եւ համակարգող փոխքաղաքապետը նախաձեռնել են քննարկումներ ունենալ համապատասխան գերատեսչությունների հետ՝ այս հարցին տրամաբանական լուծում տալու համար. մենք հասկանում ենք, որ շատ ծնողներ երեխաներին մանկապարտեզ չեն կարողանում տանել: Քննարկումներից հետո տեղեկատվությունը անպայման հայտնելու ենք»:

Սակայն ծնողներին չգոհացրեց այս պատասխանը, Լուսինե Սարգսյանը հարցրեց, թե հնարավոր չէ՞ր արդյոք մինչեւ հիմա ինչ-որ մի որոշման գալ, որ այս իրավիճակում չհայտնվեին շատերը:

Հակոբ Կարապետյանը պատասխանեց, որ հասկանում է ծնողների մտահոգությունը, բայց պետք է սպասեն՝ մինչեւ որեւէ լուծում տրվի հարցին:

Ծնողին դարձյալ չգոհացրեց պատասխանը, եւ նա նշեց, որ շատ երեխաներ այսօր հաճախում են մասնավոր մանկապարտեզներ, որտեղ վարձը սկսվում է 70.000 դրամից:

Ծնողներից մեկն էլ նշեց, որ, չնայած որ նախընտրում է պետական մանկապարտեզը, ստիպված երեխային վճարովի մանկապարտեզ է ուղարկում, որ երեխան կարողանա տարիքին համապատասխան զարգացումով հետ չմնալ մյուսներից: Մեկ այլ ծնող էլ նշում էր, որ ստիպված դուրս է եկել աշխատանքից, որ երեխային կարողանա խնամել:

«Մեր տան շրջակայքի երեք մանկապարտեզներից ոչ մեկում տեղ չկա. արդեն կես տարի է, ինչ սպասում եմ, բայց կան ծնողներ, որ նույնիսկ իրենց բալիկներին երկու տարի առաջ են գրանցել, ու ոչ մի առաջընթաց չկա: Վերջերս գնացել եմ նաեւ թաղապետարան, մանկապարտեզների բաժնի պատասխանատուն ինձ պատասխանել է, որ մինչեւ սեպտեմբեր, պայմանավորված համավարակով, մանկապարտեզներում ընդունելություն չի լինելու. հիմա առաջնահերթությունները հիմնականում տրվում են միայնակ ծնողներին ու անապահով ընտանիքներին, նաեւ զինծառայողների ընտանիքներին: Բայց մեր ծնողների մեջ կան զինծառայողների ընտանիքների ներկայացուցիչներ, որոնց եւս առաջնահերթություն չի տրվել»,- նշեց Զարուհի Սարիբեկյանը:

Ծնողի խոսքով՝ նրանց պահանջը մեկն է՝ վերսկսվեն մանկապարտեզների բնականոն ընդունելությունները, քանի որ իր պես մայրիկներ կան, որ չգիտեն՝ գնան աշխատանքի՞, թե՞ խնամեն երեխաներին, իսկ մասնավոր մանկապարտեզները շատ թանկ են: Պատրաստ են նույնիսկ սահմանափակումներով ուղարկել երեխաներին, որովհետեւ երեխաներն ունեն մյուս երեխաների հետ շփվելու, զարգանալու կարիք, որը չի լինում տանը ապահովել:

Նշենք, որ դպրոցները հակահամաճարակային սահմանված կարգերին համապատասխան արդեն վերսկսել են դասերը առկա եղանակով: Իսկ մանկապարտեզների համար երեխաների ընդունելությանը վերաբերող նոր որոշում առայժմ չկա, ինչը կասեցվել էր այն բանից հետո, մանկապարտեզները սկսեցին գործել երեխաների ավելի փոքր խմբերով։

Մարիամ Գեւորգյան

Տպել
3050 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում