Հայաստանում շուրջ 37 հազար 500 ուսուցիչներից որակավորման երրորդ աստիճանի տարակարգ են ստացել ընդամենը 2-ը

Կրթության, գիտության, մշակույթի եւ սպորտի նախարարի համապատասխան հրամաններով 2020 թվականի նոյեմբերին ու դեկտեմբերին մեկական ուսուցչի շնորհվել է երրորդ աստիճանի տարակարգ։

Ուսուցչի որակավորման պատմության մեջ առաջին անգամ այսպիսի բարձր տարակարգ են ստացել Երեւանի N 186 հիմնական դպրոցի կենսաբանության ուսուցչուհի Գայանե Բուլդոյանը եւ Կոտայքի մարզի Ֆանտան համայնքի միջնակարգ դպրոցի ինֆորմատիկայի ուսուցչուհի Գայանե Կոստանդյանը։

Նկատենք, որ ուսուցչի որակավորման տարակարգ Հայաստանում շնորհվում է 2012 թվականից եւ տարիներ շարունակ, փաստորեն, շուրջ 40 հազար ուսուցիչներից որեւէ մեկին չէր հաջողվել հաղթահարել այդ շեմը։

Գոյություն ունի նաեւ 4-րդ աստիճանը, որը Հանրապետությունում ոչ ոք դեռեւս չի ստացել:

Սահմանված հավելավճարներն էլ քիչ չեն. առաջին աստիճանի որակավորման տարակարգի համար ուսուցիչները  պետք է ստանան մանկավարժական դրույքի 10 տոկոսի չափով հավելավճար, երկրորդ աստիճանի որակավորման տարակարգի համար` մանկավարժական դրույքի 20 տոկոսի չափով,  երրորդ աստիճանի որակավորման տարակարգի համար` մանկավարժական դրույքի 30 տոկոսի չափով, իսկ   չորրորդ` բարձրագույն աստիճանի տարակարգ ստանալու դեպքում աշխատավարձի 50 տոկոսի չափով:

Ինչո՞ւ են այսքան քիչ բարձր տարակարգ ստացած ուսուցիչները. ուսուցիչները չե՞ն ցանկանում բարձր վարձատրվել, թե՞ անհաղթահարելիության չափ դժվար է տարակարգ ստանալու գործընթացը: Այս հարցերի վերաբերյալ «Հայկական ժամանակի» հետ զրույցում իրենց տեսակետներով եւ դիտարկումներով կիսվեցին  երրորդ աստիճանի  տարակարգ ստացած երկու ուսուցիչները:

Երեւանի N186 հիմնական դպրոցի կենսաբանության ուսուցչուհի Գայանե Բուլդոյանը, պատասխանելով այն հարցին, թե որքանով դժվար հաղթահարելի են ներկայացված պահանջները, որոնք նախարարությունը սահմանում է ուսուցիչներին տարակարգ շնորհելու համար ՝ Գ. Բուլդոյանը ասաց.

«Միանշանակ պետք է ասեմ, որ տարակարգ ստանալու համար ինձնից պահանջվել է բավականին մեծ աշխատանք: Ես մեթոդական ձեռնարկի համահեղինակ եմ, ունեմ ամսագրերում տպագրված հոդվածներ, ԿՏԱԿ-ում նյութեր ունեմ տեղադրած, հեռավար ուսուցման դասեր եմ կազմակերպել ուսուցիչների հետ, 2019 թվականին «Տարվա լավագույն ուսուցիչ» եմ ճանաչվել: Ես, իհարկե, տարակարգերի վերաբերյալ  չեմ ուզում խոսել միայն իմ օրինակով, քանի որ ես ունեմ կենսափորձ. 35 մանկավարժական տարիները հնարավորություն են տվել կուտակել աշխատանքներ, որոնց արդյունքում կարողացել եմ ստանալ համապատասխանաբար տարակարգի երեք աստիճանները: Սակայն, խնդիրը պետք է դիտարկենք ավելի ընդհանրական. արդյոք  այն պահանջները, որոնք առաջարկվում են տարակարգեր ստանալու համար, հասանելի՞ են ուսուցիչներին եւ ավելորդ բարդություններ չե՞ն առաջացնում»,- անկեղծ պատասխանեց Գայանե Բուլդոյանը:

Ըստ նրա՝ այս պահանջները  բավականին բարդ են ու նաեւ ինչ-որ տեղ անիրականանալի. ֆիզիկապես մարդը ի վիճակի չէ այդքանը անել, որպեսզի հաղթահարի այդ պահանջները: Սրանք նա հիմնավորեց իր աշխատանքային գործընկերների օրինակով.

«Ես ունեմ ընկերներ՝ համագործակցող եւ միասին առաջ գնացող, որ, լինելով լավագույն մասնագետներ, չեն կարողանում հաղթահարել  սահմանված պահանջները: Յուրաքանչյուր  տարակարգ ստանալու համար անընդհատ բաղադրիչները փոխվում են. սրանք նաեւ հաճախ դառնում են բոլորովին անհաղթահարելի երիտասարդ ուսուցիչների համար, եւ սրա շուրջ պետք է շատ լրջորեն մտածել, քայլեր ձեռնարկել»,- նշեց նա:  

Ըստ Գ. Բուլդոյանի՝ տարակարգ ստանալու հետ կապված խնդիրները չեն լուծվի՝  մի բաղադրիչը մյուսով փոխարինելով.

«Ես ասել եմ նախարարությունում, որ գործող ուսուցիչների կարծիքները պետք է հաշվի առնեն, որոշակի կարգ մշակեն՝ առաջին հերթին իրատեսական եւ մեծ մասի համար ընդունելի: Համակարգային փոփոխությունների պահանջ կա. կենսափորձ ունեցող մարդկանց պիտի կանչեն ու խորհուրդ հարցնեն. եւ, առհասարակ, կրթության ոլորտում այնքան բան փոխելու կարիք կա, որ դրա մասին կարելի է անվերջ խոսել»,- նշեց նա:

Երրորդ աստիճանի տարակարգ ստացած մյուս ուսուցիչը՝ Կոտայքի մարզի Ֆանտանի միջնակարգ դպրոցի ինֆորմատիկայի ուսուցչուհի Գայանե Կոստանդյանը 2017 թվականին ճանաչվել է Կոտայքի մարզի «Տարվա լավագույն ուսուցիչ», 2021 թվականի «Տարվա լավագույնները» մրցույթի հաղթողների շարքում է։

Մեզ հետ զրույցում նա նշեց, որ առաջին աստիճանի տարակարգ ստանալը, ըստ էության, շատ ավելի մատչելի է. սրա մասին են վկայում նաեւ առաջին աստիճանի տարակարգ ստացած ուսուցիչների մեծ թիվը (2020 թվականի դրությամբ Հայաստանի շուրջ 37․500 ուսուցիչներից 2․226-ն ունի առաջին աստիճանի տարակարգ-խմբ․). սահմանված  ընդհանուր 8 բաղադրիչից  ընդամենը երկուսի առկայությունը ապահովելը, նրա կարծիքով, չափազանց հեշտ է:

«Տարակարգի առաջին աստիճան ստացած ուսուցիչները շատ են,  որովհետեւ
որակավորման տարակարգի բնութագրիչներից առաջինը  վարպետության մակարդակն է. Դրա մասին հավաստում է դպրոցի  տնօրենը. այսինքն՝ ծնողները, կոլեգաները կարծիք են գրում, դրա հիման վրա տրվում է համապատասխան փաստաթուղթը. սա, կարծում եմ, բոլորի համար հաղթահարելի բաղադրիչ է: Կարծում եմ, հաղթահարելի է նաեւ վերջին երկու տարվա ընթացքում «Հայկական կրթական միջավայր ֆորում» համակարգում մասնագիտական խորհրդատվական թեմայի վարումը կամ «Հեռավար ուսուցում» համակարգում ուսուցիչների վերապատրաստման հեռավար դասընթացի վարումը. ես, օրինակ,  առաջինի համար ներկայացրել եմ հեռավար ուսուցում բաղադրիչը», - ասաց ինֆորմատիկայի ուսուցչուհին:

Մյուս աստիճանների վերաբերյալ՝ Կոստանդյանը ասաց, որ երկրորդ եւ այսպես հաջորդական աստիճանների  պահանջները, իհարկե, գնալով ավելանում են. երկրորդ  աստիճանի տարակարգ ստանալու համար անհրաժեշտ է 4 բաղադրիչի առկայություն,  երրորդի համար՝ 6,  իսկ չորրորդի համար՝ նաեւ մնացած երկուսը: 

Ինչ վերաբերում է իր՝ երրորդ աստիճան տարակարգ ստանալուն եւ առհասարակ տարակարգերին վերաբերող բարդություններին՝ Գայանե Կոստանդյանը նշեց. «Հեշտ չէ երրորդ աստիճան  տարակարգ ստանալը. դրա համար  պետք է բավականին աշխատանք արվի, սակայն մի բան գոնե ինձ համար միանշանակ է. եթե ես կարողացել եմ 55 տարեկանում հաղթահարել, ապա 30 տարեկանում էլ կարող են. պարզապես ցանկություն եւ քրտնաջան աշխատանք է պետք», - ասաց նա:

Տարակարգ  ստանալու միակ խոչընդոտը, ըստ նրա, ուսուցիչներին ատեստավորվումից հետո հինգ տարվա ընթացքում տարակարգ ստանալու պահանջն է.

«Այ սա, իսկապես,  խոչընդոտ է շատ ուսուցիչների համար, որովհետեւ մարդիկ կան, որ ունեն 4 բաղադրիչը, ուզում են երկրորդ աստիճանի տարակարգ ստանալ, բայց  չեն կարող դիմել. նրանց ատեստավորումից անցել է հինգ տարուց ավելի, բայց, ըստ կարգի, տարակարգ ստանալու  համար հստակ սահմանված է, որ ուսուցիչը ատեստացիա անցնելուց հետո կարող է դիմել՝ տարակարգ ստանալու», -նշեց Գայանե Կոստանդյանը:

Նշենք, որ ուսուցչի որակավորման տարակարգի շնորհման մասին կարգի նոր նախագիծ է դրվել հանրային քննարկման, որով նախատեսվում է ընդլայնել ուսուցիչների հնարավորությունները։ Նոր կարգը հաստատվելու դեպքում արդեն կարող են հաշվի առնվել նաեւ վերապատրաստման օնլայն դասընթացների փաստաթղթերը կամ, օրինակ, եթե մինչ այժմ կարեւորում էին օլիմպիադաներում մեդալակիր աշակերտներ ունենալը, հիմա առաջարկվում է հաշվի առնել նաեւ օլիմպիադաներում կամ առարկայական տարբեր մրցույթներում մրցանակակիր սովորողներ ունենալու հանգամանքը, հաշվի առնել հանրապետական մրցումներում մրցանակային տեղեր զբաղեցրած սովորողներ ունեցող ֆիզկուլտուրայի ուսուցիչների համապատասխան փաստաթղթերը։ Իսկ ահա ուսուցչի՝ պահանջվող վարպետության մակարդակն առաջարկվում է բարձրացնել՝ վարպետության մակարդակի բնութագրիչը դիտարկել միայն լավ եւ գերազանց մակարդակների դեպքում:

Մարիամ Գեւորգյան

Տպել
11596 դիտում

Երեկ կայացել է նաև ԲՀԿ-ի ամփոփիչ հանրահավաքը. հայտնի է մասնակիցների թիվը

Վթար Մարգարա-Վանաձոր ճանապարհին․ այրվող մեքենայից դուրս է բերվել վարորդի դին. կա 3 տուժած

Հայտնի է «Քաղաքացիական պայմանագիր» կուսակցության ամփոփիչ հանրահավաքի մասնակիցների թիվը

Բա իհարկե, նրանք էլ ունեին այսպիսի տպավորիչ ցուցանիշներ, միայն թե իրենց անձնական եկամուտների մասին. Արարատ Միրզոյան

Մենք պետք է հույսեր կապենք մեր բանակի հետ. քաղաքական ուժերը՝ ՀՀ-ի անվտանգային հարցերի լուծման ուղիների մասին

Քաղաքական ուժերի մի մասը կողմ է ազգային համաձայնության կառավարության ձևավորմանը. որ ուժերը միմյանց հետ կհամագործակցեն

«Հասել է ՀՀ քաղաքացու ճշմարտության պահը․․․ ընտրակաշառք բաժանողները ձերբակալվում են հենց այս րոպեներին ու կալանավորվում»

Ինձ համար անհասկանալի է, որ ընդդիմությունը զոհերի և գերիների թվերն ուռճացնում է․ Փաշինյանը տվյալներ հայտնեց

Եթե ասում են՝ իմ մի հայտարարությամբ պատերազմ սկսվեց, Արցախը ճանաչելու արդյունքում պատերազմ չի՞ սկսվի. Նիկոլ Փաշինյան

Կասկած չկա, մեր գերեվարված եղբայրները շուտով վերադառնալու են․ Փաշինյանը 4 կետ ներկայացրեց՝ ապագայի տեսլականի վերաբերյալ

Այս անգամ դուք սխալվելու իրավունք չունեք. Լևոն Տեր-Պետրոսյանը տեսաուղերձ է հղել (տեսանյութ)

ՀՀ-ում քաղաքացիական բախումներ չեն լինելու, որովհետև ժողովուրդը հստակ մեծամասնություն է ձևավորելու․ Փաշինյան

Բայդենը գոհ է, Պուտինի համար՝ միևնույն է. ինչ է գրել միջազգային մամուլը հայտնի հանդիպման մասին ու ինչ կարծիքներ կան

Հայ աթլետները կփորձեն օլիմպիական վարկանիշ լրացնել Կիպրոսում

Ոստիկանության ծառայողը վնասազերծել է ավտովթարից հետո քաղաքացու ծոծրակին ատրճանակ պահած 28-ամյա ԱՄՆ քաղաքացուն․ Shamshyan

Հայ մարզիչը համալրեց Մոսկվայի ԲԿՄԱ-ի մարզչական շտաբը

Քարոզարշավ մուտք գործեցինք հյուծված, անեծքներից ու հայհոյանքներից խոցոտված, ժողովուրդը մեզ ուժ ու հույս տվեց․ Փաշինյան

Կարմիրգյուղի դպրոցում 3 դասասենյակներ կկրեն Արցախյան 44-օրյա պատերազմում զոհված հերոսների անուններ

Ինչու Քոչարյանն իր թեկնածությունը չի առաջադրել Արցախում․ Արամ Սարգսյանի՝ բանավեճին հնչեցրած հարցը մնաց անպատասխան

Գերմանիայի հայ համայնքը պատգամավորներին կոչ է անում ճնշումներ գործադրել Ադրբեջանի դեմ՝ ռազմագերիներին ազատ արձակելու համ

Նիկոլ Փաշինյանի հրավիրած համապետական հանրահավաքը՝ լուսանկարներով

Խորհրդարանական արտահերթ ընտրությունների նախընտրական բանավեճի մեկնարկը տրվեց․ ովքեր են հրաժարվել մասնակցել բանավեճին

Ո՞վ է հայկական «Գելափը», հավատա՞լ արդյոք նրա հարցումներին. Civilnet

Արարատի մարզում կկառուցվի «Երեխաների քաղաք»

ՔՊ-ի հանրահավաքն ավարտվեց. մեկնարկել է բազմամարդ երթ՝ Երևանի կենտրոնական փողոցներով (տեսանյութ)

Վեճի էր բռնվել անցորդների հետ ու երկուսին էլ դանակահարել. հարուցվել է քրեական գործ (տեսանյութ)

«Հույս ունեմ այնտեղ տեսնել մեր մասին ամենաակտիվ հոխորտացողներին»․ Փաշինյանը հանրահավաքից հետո կգնա հեռուստաբանավեճի

ՔՀՏԱ տեսչական մարմինը Մեղրի համայնքում հողամասերի աճուրդային գործերում խախտումներ են հայտնաբերել

Հունիսի 20-ի ընտրություններով և դրա արդյունքներով որոշվելու է 2010, 2020, 2030 թվականներին ծնվածների ճակատագիրը. Մակունց

ԵՄ-ն և ԱՀԿ-ն թոքերի արհեստական շնչառության սարքավորումների նոր խմբաքանակ են փոխանցել Հայաստանին

Նիդերլանդների խորհրդարանի նոր բանաձևը պահանջում է անմիջապես ազատ արձակել հայ ռազմագերիներին և քաղաքացիական անձանց

Երևանում մեկնարկել է «Քաղաքացիական պայմանագիր» կուսակցության համապետական հանրահավաքը (լուսանկարներ)

Վահրամ Դումանյանը և Իտալիայի նորանշանակ դեսպանը քննարկել են հայ-իտալական համագործակցության զարգացման նոր հեռանկարները

Ապարանի ջրամբարից քաղաքացու դի է դուրս բերվել

ՔՊ անդամներն ու համակիրները երթով շարժվում են դեպի Հանրապետության հրապարակ (տեսանյութ)

Սահմանադրական դատարանը հրապարակել է նախագահի դիմումի հիման վրա կայացրած որոշումը

Նորագավիթի ՃՈ անցակետի մոտակայքում մեքենա է հրդեհվել. վարորդն այրվածքներ է ստացել

Լեռնային Ղարաբաղում տիրող իրադրությունը կլինի Լավրովի ու ԵԱՀԿ գլխավոր քարտուղարի հանդիպման թեման

Բեռնարկղերի վերահսկողության ծրագրի շրջանակում ստորագրվել է հուշագիր․ Հայաստանը դառնում է 70 գործընկերների ընտանիքի մաս

Դատապարտելի և սադրիչ են Շուշիում Թուրքիայի և Ադրբեջանի նախագահների կողմից ստորագրված հռչակագիրն ու Էրդողանի ելույթը. ԱԳՆ