Երևան
27 °C
ՀՀ վարչապետի, ՌԴ եւ Ադրբեջանի նախագահների կողմից Մոսկվայում երեկ ստորագրված հայտարարության իրագործումը ենթադրում է տարածաշրջանում ճանապարհների ապաշրջափակում, տնտեսական հնարավորությունների ընդլայնում, բեռնափոխադրումների ծավալի մեծացում, ինքնարժեքի հնարավոր նվազեցում… Բացի դրական կողմերից, իհարկե, ճանապարհների ապաշրջափակումն իր հետ բերում է նաեւ որոշակի ռիսկեր: Այս կարծիքին է քաղաքական մեկնաբան Հակոբ Բադալյանը: Նրա հետ մեր զրույցը՝ ստորեւ.
- Պարոն Բադալյան, խնդրում եմ մանրամասնել, թե երեկվա հայտարարությունում խոսքը ո՞ր ճանապարհներին է վերաբերում:
- Խոսքը Հայաստանից Ադրբեջանի տարածքով Ռուսաստան եւ Իրան եւ նաեւ Նախիջեւանից Հայաստանի տարածքով Ադրբեջան ճանապարհների մասին է: Բայց հաշվի առնելով, որ նաեւ Թուրքիա-Նախիջեւան հաղորդակցություն կա, ապա այստեղ հասկանալի է, որ Նախիջեւան-Ադրբեջան հաղորդակցությունը ենթադրում է նաեւ Թուրքիա-Ադրբեջան հաղորդակցություն եւ նաեւ Թուրքիա-Ռուսաստան հաղորդակցություն: Այսինքն՝ անուղղակիորեն ճանապարհները ապաշրջափակվում են նաեւ Թուրքիայի համար: Այս տեսանկյունից մենք կարող ենք հարցադրում առաջ բերել, թե այդ դեպքում ինչո՞ւ չի խոսվում Թուրքիայի կողմից Հայաստանի ապաշրջափակման մասին, ինչո՞ւ չի խոսվում հայկական սահմանի բացման մասին այդ հաղորդուղիների բացման շրջանակում: Եվ այստեղ մենք գալիս ենք այն մտքին, որ Թուրքիան հավանաբար ունի պայմաններ, որոնց դիմաց միայն կմտածի հայ-թուրքական սահմանը բացելու մասին:
- Թուրքիայի արտգործնախարարը եւ նախագահը արդեն խոսում են հայ-թուրքական հարաբերությունների կարգավորման մասին…
- Ակնհայտորեն նրանք խոսում են որոշակի նախապայմաններով: Որքան էլ որ Հայաստանի տնտեսության համար ներկայիս իրավիճակում ցանկալի է հնարավորինս մեծ ընդլայնված ճանապարհներ, ապաշրջափակված միջավայր ունենալը, որը մեզ թույլ կտա ավելի արագ վերականգնվել այս ծանր պարտությունից հետո, բայց քաղաքական նախապայմաններով դրան հասնելը Հայաստանի համար կարող է ունենալ բավական վտանգավոր էֆեկտ: Ի վերջո մեր ռեգիոնը որքան էլ կայունության փուլ մտնի, պատմությունը ցույց է տալիս, որ այն անընդհատ վերադասավորումների, կայունության եւ անկայունության, պատերազմների եւ խաղաղության շրջափուլերով է անցնում: Եվ մենք պետք է մտածենք այդպիսի հաջորդ շրջափուլերի դեպքում մեր ռազմաքաղաքական ու իրավաքաղաքական ներուժի մասին: Հետեւաբար այսօր գնալ տնտեսական էֆեկտի հետեւից քաղաքական իրավունքների գնով, մեղմ ասած՝ այդքան էլ ճիշտ չի լինի:
- Ինչ նկատի ունեք՝ ասելով տնտեսական էֆեկտի հետեւից՝ քաղաքական իրավունքի գնով: Ի՞նչ նախապայմաններ կարող է առաջադրել Թուրքիան, որից պետք է հրաժարվել:
- Խոսքը կարող է վերաբերել Հայկական հարցի համատեքստում որոշակի նախապայմաններին, որը Թուրքիան կարող է դնել Հայաստանի առաջ: Ես, իհարկե, չեմ պատկերացնում որեւէ կերպ, որ Հայաստանը հրաժարվի Ցեղասպանության ճանաչման խնդրից, բայց, օրինակ, Թուրքիան Հայաստանի առաջ կարող է դնել հայ-թուրքական սահմանը ճանաչելու հարց: Մենք գիտենք, որ ԽՍՀՄ փլուզումից հետո Հայաստանը շատ հասկանալի պատճառներով չի ճանաչում այդ սահմանը: Թուրքիան կարող է դնել այդպիսի հարց: Եվ հաշվի առնելով, որ այդ սահմանի հարցը 1921 թվականի ռուս-թուրքական հայտնի պայմանագրի մաս է՝ այս առումով Ռուսաստանը եւս կարող է փորձել հասնել նրան, որ Հայաստանը ճանաչի այդ սահմանը: Եվ այստեղ է, որ քաղաքական ռիսկեր կան Հայաստանի համար, եւ այստեղ է, որ շատ կարեւոր է՝ հայ-թուրքական հարաբերության կարգավորման գործընթաց սկսվի առանց որեւէ նախապայմանի: Հայաստանը մշտապես այդ դիրքից է հանդես եկել եւ պետք է անի առավելագույնը, որ այս դիրքից չնահանջի:
- Եթե վերադառնանք երեկ ստորագրված հայտարարությանը. ի՞նչ է սպասվում ճանապարհների ապաշրջափակման պարագայում:
- Տարածաշրջանում ճանապարհների ապաշրջափակումը, բնականաբար, տնտեսական հնարավորությունների ընդլայնում է ենթադրում, բեռնափոխադրումներ, փոխադրումների ինքնարժեքի հնարավոր նվազեցում: Կարծում եմ՝ այդ գործընթացի տնտեսական էֆեկտը նույնիսկ ոչ տնտեսագետ մարդկանց համար շատ պարզ է: Փակ ճանապարհներով տնտեսական վիճակը շատ ավելի բարդ է, քան առավելագույնս բաց ճանապարհներով: Բայց բոլորս ենք հասկանում, որ էստեղ գործ ունենք քաղաքական եւ նույնիսկ ռազմաքաղաքական իրողությունների հետ եւ չենք կարող իրավիճակը գնահատել զուտ տնտեսական էֆեկտի տեսանկյունից: Այս իմաստով շատ կարեւոր է, թե այդ հաղորդուղիների ապաշրջափակումը ինչ քաղաքական պայմաններ է ենթադրում, եւ եթե խոսում ենք կոնկրետ Հայաստանի մասին, շատ կարեւոր է, որ դա տեղի չունենա Հայաստանին քաղաքական պայմաններ թելադրելու միջոցով:
- Համակարծի՞ք եք վարչապետի հետ, որ տարածաշրջանի դիմագիծը կփոխի այս որոշման իրագործումը:
- Իհարկե: Առաջին հերթին տարածաշրջանի դիմագիծը արդեն փոխել է պատերազմը, ցավոք սրտի՝ ոչ մեր օգտին: Բնական է, որ տնտեսական ապաշրջափակումը եւս փոխելու է ռեգիոնը, եւ այստեղ ելակետը մեր օգտին չէ, բայց մենք պետք է ամեն ինչ անենք, որ գոնե դրանից հետո կարողանանք վերականգնել մեր ներուժը եւ, ըստ այդմ, նաեւ մեր քաղաքական սուբյեկտությունը: Սա իրականում հնարավորություն լինելուց բացի՝ նաեւ շատ բարդ մարտահրավեր է Հայաստանի համար: Բայց մենք ի վերջո պետք է պատրաստ լինենք այդ մարտահրավերներին: Մենք որպես պետություն, ցավոք, 30 տարի չէինք պատրաստվել մեր գլխավոր մարտահրավերին. դա պատերազմի ռիսկն էր, եւ հիմա մենք պետք է այս ամենից դասեր քաղենք եւ պատրաստվենք ոչ միայն հնարավորություններին, այլ դրանց հետ եկող նոր ռիսկերին: Նոր իրավիճակը պետք է դիտարկենք որպես վերականգնման հնարավորություն եւ պատրաստ լինենք այս ուղղությամբ արդյունավետ պետական քաղաքականության:
- Տարբեր կարծիքներ կան, որ բեռները կարող են անվտանգ չանցնել այդ տարածքներով եւ այլն: Ըստ ձեզ՝ որո՞նք են ռիսկերը եւ վտանգները, որ կարող է առաջանալ ապաշրջափակման դեպքում:
- Ապաշրջափակումը առաջացնում է տնտեսական մրցակցության ռիսկեր, սա արդեն բիզնես տիրույթի հարց է, բայց մենք պետք է պատրաստ լինենք դրան, կառավարենք տնտեսությունը բացվելու պրոցեսը, որ հայ տնտեսվարողը, գործարարը չհայտնվի շատ ավելի ուժեղ տնտեսությունների ճնշման տակ, եւ մենք էս անգամ տնտեսական էքսպանսիայի չնթարկվենք:
Բեռնափոխադրումների ընդլայնման մասին խոսելիս, անշուշտ, պետք է մտածել նաեւ մարդկանց, ինչպես նաեւ հենց բեռների անվտանգության մասին: Այդ հայտարարության իրագործման դետալների մեջ, անշուշտ, պետք է քննարկվի նաեւ անվտանգության ապահովումը: Օրինակ՝ նոյեմբերի 9-ի հայտարարությունում այդ առումով կար կետ, որ Հայաստանի տարածքով Նախիջեւան տրանսպորտային հաղորդակցությունը վերահսկում է Ռուսաստանի անվտանգության ծառայությունը: Բայց պարզ չէ, օրինակ, թե Ադրբեջանի տարածքով Հայաստանի բեռնափոխադրումների անվտանգությունը ինչ մեխանիզմով է ապահովվելու: Հասկանալի է, որ ամեն ինչ լինելու է փոխադարձ, ասինքն՝ եթե մենք տեսնենք, որ Հայաստանի համար բեռնափոխադրումները անվտանգ չեն, բնականաբար, Հայաստանը իրեն իրավունք է վերապահելու թույլ չտալ նաեւ Հայաստանի տարածքով ադրբեջանական բեռնափոխադրում: Այսինքն՝ որքան էլ ցանկալի է ապաշրջափակումը Հայաստանի տնտեսության համար, մենք պետք է հասնենք էս բոլոր մեխանիզմների շատ հստակ ճշգրտմանը, որպեսզի մեր հաշվին տեղի չունենա էս ապաշրջափակումը:
- Մեկնաբանություններ են հնչում, որ Հայաստանը հնարավորություն չունի որեւէ առաջարկ մերժելու: Այդ պարագայում մենք կարո՞ղ ենք պնդել՝ ինչ ենք ուզում:
- Մենք մշտապես պետք է առաջնորդվենք այլընտրանք գտնելու տրամաբանությամբ, ոչ թե անելանելիության: Այո, մենք ծանր պարտություն ենք կրել, եւ այսօր այդ պարտվողի կարգավիճակում լինելով՝ ստիպված ենք գնալ մեզ թելադրվող օրակարգը չեզոքացնելու, ոչ թե մեր օրակարգը թելադրելու ռեժիմով, բայց պետք է ամեն ինչ անենք, որ այս տրամաբանությունից դուրս գանք, սկսենք օրակարգում մեր հարցերը ավելի ընդգծված առաջ բերել: Շատ կարեւոր է, որ այս ծանր վիճակում այլեւս չզիջենք որեւէ բան՝ որեւէ բան ստանալու համար: Ցավոք, մենք այս պատերազմում ունեցանք թե՛ մարդկային, թե՛ տարածքային կորուստներ, ունեցանք նաեւ քաղաքական կշռի կորուստ, բայց պետք է այլեւս գնանք ոչինչ չզիջելով ինչ-որ բանի հասնելու ճանապարհով եւ ձգտենք հասնել դրան:
- Պարոն Բադալյան, ինչո՞ւ չհաջողվեց Մոսկվայում գերիների հարցով լուծման հասնել: ՀՀ վարչապետը անկյունաքարային էր համարել այս հարցը երեկվա հանդիպման համար: Այս խնդրի լուծման դիմաց ի՞նչ պահանջներ կարող էին ներկայացվել Հայաստանին, որից կհրաժարվեր վարչապետը:
- Ռազմագերիների եւ անհետ կորածների հանգամանքը ակնհայտորեն Ադրբեջանը փորձում է դիտարկել որպես քաղաքական խաղաքարտ: Այդ խաղաքարտը նաեւ Թուրքիան է փորձում օգտագործել՝ Ռուսաստանին ներկայացնելու համար: Հստակ է, որ այդ՝ մեզ համար շատ ցավոտ խնդիրը պատասխանատվություն է նաեւ Ռուսաստանի համար, որը նոյեմբերի 9-ի հայտարարությունում պատասխանատուն է: Մեր գերիների հարցը, ցավոք սրտի, դարձել է քաղաքական բազմավեկտոր խաղի տարրերից մեկը, եւ սա, անշուշտ, բարդացնում է խնդրի լուծումը:
Ինչ պահանջներ կարող են ներկայացվել Հայաստանին՝ այստեղ ամենատարբեր կարող են լինել պահանջները, սկսած Արցախ-Հայաստան հարաբերության արգելակումից՝ մինչեւ հայ-ադրբեջանական սահման: Կարծում եմ՝ այս պայմաններն է, որ քննարկվել են Մոսկվայում եւ Հայաստանի համար գուցե եղել են մերժելի եւ անընդունելի, որքան էլ մարդասիրական տեսանկյունից այս հարցը մեր համար գերկարեւոր է: Ցավոք, պետք է արձանագրենք այդ հարցում Հայաստանի անհաջողությունը եւ բազմապատկենք ջանքերը՝ խնդիրը լուծելու համար: Կարծում եմ՝ այստեղ պետք է լինեն Ֆրանսիայի եւ ԱՄՆ-ի ներգրավմանն ուղղված քայլեր, որովհետեւ եթե այս հարցը մնա ռուս-թուրքական տիրույթում, ապա այս դեպքում Հայաստանի հնարավորությունները մեծ չեն:
- Նշեցիք, որ նոյեմբերի 9-ի հայտարարության իրագործման պատասխանատուն Ռուսաստանն է: Այդ դեպքում ինչո՞ւ թույլ տրվեց այդ հայտարարության 8-րդ՝ գերիներին վերաբերող հարցի շրջանցում եւ անցում 9-րդ՝ ճանապարհների ապաշրջափակման հարցին: Կարծում եք՝ սա ինչ-որ պայմանավորվածության արդյո՞ւնք է:
- 9-րդ կետի մասով դեռ չկան լուծումներ, այլ սկսվում է լուծումներին ուղղված գործընթաց: Երեւանի համար սա եւս շատ կարեւոր է, որ այդ լուծումները պայմանավորվեն ռազմագերիների հարցի լուծմամբ: Աշխատանքային գործընթացի մեկնարկին Երեւանը համաձայնել է, բայց որեւէ լուծման, ապաշրջափակման որեւէ առարկայական քայլի Երեւանը չպետք է համաձայնի, եթե լուծված չեն ռազմագերիների եւ մարդասիրական այլ խնդիրների հետ կապված հարցերը: Ի վերջո դա կարող է լինել այն, թեկուզ աննշան ինդիկատորը, որ կարող է թույլ տալ մտածել Ադրբեջանի հետ համակեցության ռեժիմի մասին: Եթե Ադրբեջանը պատրաստ չէ այդպիսի հարցերում առաջնորդվել պարզ մարդկային տրամաբանությամբ, ապա մենք ինչպե՞ս կարող ենք պատկերացնել Ադրբեջանի հետ համակեցության բաց ռեժիմ:
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ալեն Սիմոնյանին
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
© 2024 Հայկական ժամանակ