Ամանորին ընդառաջ ռեստորանային եւ զբոսաշրջային ոլորտներում որոշակի ակտիվություն կա

Շուրջ 8 ամիս է՝ Հայաստանի զբոսաշրջային եւ հանրային սննդի ոլորտները կորոնավիրուսի, ապա նաեւ պատերազմի պատճառով անկումային վիճակում են։ Ամանորին ընդառաջ սովորաբար ոլորտներում պահանջարկը մեծանում է, եւ հիմա հաշվի առնելով, որ այլ երկրներ գնալու հնարավորություններ գրեթե չկան՝ սովորույթի ուժով Նոր տարվա գալուստը նշել պատրաստվող քաղաքացիների համար հիմնական ուղղություն դառնում են հայաստանյան հյուրանոցներն ու ռեստորանները։ Բայց պատերազմն էլ իր սրբագրումներն է արել, եւ շատերի համար Նոր տարին ամենեւին էլ տոնական կերպարանք չունի։

Հայաստանի շուրջ 300 ռեստորաններ եւ սրճարաններ համախմբող Ռեստորանների հայկական միության գործադիր տնօրեն Վահե Գեւորգյանը ՀԺ-ի հետ զրույցում ասաց. «Մեր միության անդամների մոտ կա ինչ-որ շարժ։ Բիզնեսը փորձում է ինչ-որ բաներ ծրագրել՝ պատշաճության կանոնները պահելով»:

Գեւորգյանի խոսքով՝ Էկոնոմիկայի նախարարը առաջարկել է Ամանորի օրերին պետության հետ համագործակցելով՝ որոշակի խթանել ռեստորանային ոլորտը. «Որոշ բաներ առաջարկելու են մեր գործընկերները այդ օրվա համար։ Իհարկե, ոչ զվարճալի, ամանորյա ընթրիքի՝ զուտ ավանդական մասը պահելու առումով։ Ինչ-որ բան կլինի՝ առանց ուրախ երաժշտության»։

Հարցին՝ Ամանորին ընդառաջ սովորաբար ռեստորանները գները բարձրացնում են, այս դեպքում գնային փոփոխություններ եղե՞լ են, միության գործադիր տնօրենն ասաց. «Կարող եմ ասել, որ, ամեն դեպքում, մեր ռեստորանների առումով որոշակիորեն ավելի մատչելի գներ են սահմանվել, քան նախորդ տարի, երբ զբոսաշրջային պիկ էր։ Զբոսաշրջիկների բացակայությունը հաշվի առնելով՝ փորձում ենք ՀՀ քաղաքացիներին հնարավորինս ներգրավվել»։

Հարցին՝ այլ երկրներ մեկնելու սահմանափակումները կարո՞ղ են խթան դառնալ, որ Ամանորին քաղաքացիները հայաստանյան ռեստորաններ այցելեն, Գեւորգյանը պատասխանեց, որ այս պահին դեռեւս չեն կարող ասել, քանի որ պրոցեսը, ըստ էության, նոր է սկսվում. «Մի քանի օրից կկարողանանք ամփոփել իրավիճակը»։

Խոսելով կորոնավիրուսի եւ պատերազմի հետեւանքով ոլորտում ստեղծված վիճակի մասին՝ նա նշեց, որ ընդհանուր հաճախականությունը նվազել է, եւ ոլորտը 2 մեծ խնդիրների առաջ է կանգնած. «Առաջին խնդիրը տարածքների վարձակալության հետ է կապված, երկրորդը՝ վարկերի։ Ձեռնարկությունների մեծ մասը վարկառու են։ Ե՛վ շրջանառությունն է ցածր, ե՛ւ վարձակալության գումարները չեն փոփոխվում։ Ունենք ծանր վարկային բեռի տակ ընկնող բավականին խոշոր ընկերություններ»։

Գեւորգյանի խոսքով՝ միության գործընկերներից մի քանիսը Արցախում գործունեություն են ծավալել բանակի սննդի մատակարարման ողղությամբ, եւ հիմա ծանր է նաեւ նրանց վիճակը։

Տուրիզմի հայկական ֆեդերացիայի նախագահ Մեխակ Ապրեսյանը ՀԺ-ի հետ զրույցում ասաց, որ հիմա շատերը խոսում են Ամանոր նշել-չնշելու մասին. «Իրավիճակն այսպիսին է՝ որոշ վայրերում՝ հյուրանոցային տնտեսության օբյեկտներում եւ հանգստավայրերում, որոշակի աշխուժություն կա, ամրագրումներ կան։ Որոշ տեղերում միջին իրավիճակ է։ Սակայն մի մասի մոտ նույնիսկ հնարավորություն չկա դա անելու, քանի որ շատ ծանր կացության մեջ են հայտնվել»։

Նրա խոսքով՝ բնակչության վճարունակությունը եւս ամենաբարձր մակարդակի վրա չէ։ Կորոնավիրուսի, իսկ հետո նաեւ պատերազմի պատճառով բավականին ծանր տնտեսական կացության մեջ են եղել, եւ եկամուտներն էապես նվազել են. «Շատերն իրենց նույնիսկ վերջին հնարավորությունները ուղարկել են հիմնադրամին։ Այս ամենը, իհարկե, չի կարող իր ազդեցությունը չունենալ, ու իրավիճակը մոտավորապես այսպիսին է»։

Ապրեսյանի կարծիքով՝ գիտակցելով այսօրվա ցավը, իրականությունը, այնուամենայնիվ, պետք է շարունակել ապրել, ոտքի կանգնել, զարգանալ. «Իհարկե, անպայման ոգեկոչելով մեր բոլոր հերոսներին, որոնք առ այսօր պաշտպանում են մեր երկիրը, մեր սահմանները։ Դրա համար պետք է ապրել եւ նաեւ այս տարին ճանապարհել, դիմավորել նորը պատշաճ ձեւով»։

Նա ընդգծեց՝ ՀՀ տարածքում, Արցախում՝ Ամանորը տնից դուրս նշելը պախարակելի բան չէ. «Դրանով նաեւ նպաստում ես մարզերի, այդ թվում՝ նաեւ սահմանամերձ մարզերի համայնքներին փոքր-ինչ եկամուտ ապահովելուն, տուրիզմի ոլորտը փրկելուն»։

Ֆեդերացիայի նախագահը նշեց՝ զբոսաշրջության ոլորտը շատ ծանր վիճակում է հայտնվել եւ պետք է փրկել այն, որովհետեւ այդ ոլորտն էլ մեզ է փրկելու տնտեսական փլուզումից. «Զբոսաշրջության ոլորտն օգնելու է տնտեսական վերականգնման, տնտեսական զարգացման եւ տնտեսական հզորացման հարցում։ Դա պախարակելի չէ»։

Դիտարկմանը՝ փակ սահմանների պայմաններում Ամանորին ընդառաջ ներքին զբոսաշրջությունը խթանելու հնարավորություն է ստեղծվել, Ապրեսյանն արձագանքեց, որ այս վատ իրավիճակում դա հնարավորություն է, որ ներքին տուրիզմը սկսի «շնչել». «Որոշակի աշխուժություն կա։ Իհարկե, թվերով հետո կիմանանք, երբ հրապարակվեն վիճակագրական տվյալները, բայց այնպես չէ, թե ընդհանրապես կանգնած է։ Սակայն, ամեն դեպքում, նախորդ տարվա ցուցանիշներին չենք հասնի»։

Հարցին՝ ո՞ր քաղաքներ կամ մարզեր են հիմնականում քաղաքացիները նախընտրում գնալ Ամանորը դիմավորելու համար՝ նա պատասխանեց. «Միշտ դժվարացել եմ այդ հարցին պատասխանել, որովհետեւ կստացվի մեկին գովազդել, մյուս կողմին ասել՝ չէ, այնքան էլ հարմար չէ։ Հայաստանի բոլոր վայրերն էլ լավն են, ընդունելի են։ Վերջին տարիներին ոլորտը կամաց-կամաց ակտիվացել է ոչ միայն հայերի, այլեւ արտասահմանցների ներգրավմամբ՝ չհաշված այս տարին։ Առանձնացնել մեկը մյուսից դժվար է»։

Անդրադառնալով Ամանորին հայաստանյան հյուրանոցների եւ հանգստյան գոտիների գներին՝ Ապրեսյանն ասաց, որ, համենայն դեպս, գների բարձրացում չկա, նույնիսկ որոշ տեղերում նվազում կա. «Մեր մասնավոր հատվածը իրավիճակը ռեալ է գնահատում ե՛ւ վճարունակության տեսանկյունից, ե՛ւ պահանջարկի ոչ մեծ լինելու տեսանկյունից։ Մարդիկ դեռ գոյատեւման եւ զարգացման հնարավորություններ ապահովելու խնդիր են լուծում»։

Հարցին՝ Ամանորի որոշակի աշխուժությունը կարո՞ղ է խթան դառնալ, որ ոլորտը սկսի վերականգնվել, նա պատասխանեց. «Նախ սա առաջին հերթին պիտի նպաստի ոլորտի պահպանմանը եւ շատ լավ կլինի նաեւ, որ նպաստի զարգացմանը»։

Տպել
1791 դիտում

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից