Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

ԱՄՆ-ի Դաշնային իշխանությունները  դեմոկրատ թեկնածու Ջո Բայդենի շտաբին հայտնել են իշխանության փոխանցման պատրաստակամության մասին:

Այս մասին հայտնում է CNN-ը: Սա բավական հետաքրքիր զարգացում է ամերիկյան հետընտրական այս պատմության մեջ, մանավանդ, եթե հաշվի առնենք, որ գործող նախագահ Դոնալդ Թրամփը ոչ մի կերպ չէր հաշտվում իր պարտության մտքի հետ եւ քանիցս հայտարարել է, որ ընտրությունների արդյունքները կեղծվել են եւ ինքը կշարունակի պաշտոնավարել՝ «արդարության հասնելով Գերագույն դատարանում»:

«Ընդհանուր ծառայությունների մարմինը (GSA) նորընտիր նախագահ Ջոզեֆ Բայդենին տեղեկացրել է, որ վարչակազմը ճանաչում է նրան որպես ընտրություններում հաղթած թեկնածու եւ պատրաստ է սկսել իշխանության պաշտոնապես հանձնման գործընթացը: Այս մասին հայտնի է դառնում ըստ մարմնի գործադիր տնօրեն Էմիլի Մերֆիի` երկուշաբթի կեսօրին ուղարկված նամակի, որը հայտնվել է CNN- ի տրամադրության տակ», - տեղեկացնում է հեռուստաալիքը:

Միեւնույն ժամանակ, հեռուստաալիքի կողմից հրապարակված փաստաթղթում չի նշվում, թե երբ է սկսվելու այս գործընթացը, եւ չկա հստակ ցուցում ժամկետների մասին:

Մերֆին միայն հայտնում է, որ ինքը «կարող է միջոցներ եւ ծառայություններ տրամադրել օգնելու համար (նոր) նախագահին իշխանություն փոխանցելու դեպքում»: Միեւնույն ժամանակ, Մերֆին հավաստիացնում է Բայդենին, որ նա նման որոշում է կայացրել «ինքնուրույն ՝ հիմնվելով օրենքի եւ առկա փաստերի վրա» եւ իր նկատմամբ իշխանության օղակներում երբեւէ ճնշումներ չեն եղել:

ԱՄՆ-ի գործող նախագահ Դոնալդ Թրամփն էլ  հայտարարել է, որ ինքն է հանձնարարել GSA-ին անել այն ամենը, ինչ անհրաժեշտ է դեմոկրատ թեկնածուին իշխանության հանձնման  նախնական աշխատանքների կազմակերպման համար: Այս հայտարարությանը զուգահեռ, Թրամփը հավելել է.

«Մեր գործը կայուն առաջ է ընթանում, մենքկշարունակենք կոշտ պայքարը, ես վստահ եմ՝ կհաղթենք: Այնուամենայնիվ, մեր լավագույն շահի համար ես խորհուրդ եմ տալիս, որ Էմիլի Մերֆին եւ նրա թիմն անեն այն ամենն, ինչ հարկավոր է նախնական աշխատանքների  համար: Ես նույնը հանձնարարել եմ իմ թիմին եւս»,-գրել է Թրամփն իր Twitter-ում:

Այս հայտարարությամբ Ամերիկայի գործող նախագահը կրկին հավաստել է, որ հրաժարում է ընդունել ընտրություններում իր պարտությունը եւ պահում է միայն իշխանության փոխանցման  գործընթացների ֆորմալությունը:

Սովորաբար, իշխանության փոխանցման գործընթացները սկսվում են ընտրությունների ավարտից անմիջապես հետո, սակայն այս անգամ՝ դրանք բավական հապաղել են: Բայդենի թիմը սպասված լուրը ցնծությամբ է ընդունել: ԱՄՆ-ում իշխանության փոխանցումը Ջոզեֆ Բայդենին կսկսվի համաճարակի եւ ազգային անվտանգության հարցերի մասին քննարկումներով: Այս մասին հայտնել է  Բայդենի շտաբի՝ իշխանության փոխանցման հարցերով գործադիր տնօրեն Յոհաննես Աբրահամը:

«Առաջիկա օրերին իշխանության փոխանցման շտաբի պաշտոնատար անձինք հանդիպումներ կսկսեն դաշնային պաշտոնյաների հետ: Կքննարկվեն համաճարակի հարցերը, մեր ազգային անվտանգության շահերը լիովին կքննարկվեն: Մենք նաեւ մտադիր ենք ամբողջական պատկերացում կազմել Թրամփի վարչակազմի կողմից պետական ինստիտուտները կործանելու փորձերի մասին,- ասել է Աբրահամը:

Նա չի բացատրել, թե ինչ նկատի ունի «կործանարար» ինստիտուտներ ասելով:

Բայդենը, նախնական տվյալներով, հաղթել է նոյեմբերի 3-ին կայացած նախագահական ընտրություններում:

Բայդենի շտաբի խոսնակ Էնդրյու Բեյթսը այս ամենի համատեքստում ներկայացրել է, թե որ գործիչներին է Բայդենը պատրաստվում նշանակել ԱՄՆ-ի վարչակազմի առանցքային պաշտոններում:

Ըստ Բեյթսի, Պետքարտուղարի պաշտոնը կարող է ստանձնել Թոնի Բլինկենը, նախագահի ազգային անվտանգության հարցերով խորհրդական կարող է դառնալ Ջեյք Սալիվանը, Ազգային անվտանգության վարչության պետը` Ալեխանդրո Մայորկասը, ՄԱԿ-ում ԱՄՆ մշտական ներկայացուցիչը՝ Լինդա Թոմաս-Գրինֆիլդը, կլիմայի հարցերով հատուկ ներկայացուցիչը՝ Ջոն Քերին:

Միացյալ նահանգների պաշտպանության նախարարությունից (Պենտագոն) հայտարարել են, որ իրենք եւս ստացել են Բայդենին իշխանության փոխանցման գործընթացների մեկնարկի մասին ազդակը:

Պենտագոնից հայտնել են, որ GSA- ն արդեն կապվել է գերատեսչության, ինչպես նաեւ Բայդենի ներկայացուցիչների հետ:

«Նախարարությունը ծանուցագիր է ստացել այն մասին, որ նախագահի լիազորությունների փոխանցման մասին օրենքի համաձայն, Գլխավոր ծառայությունների վարչության պետը որոշակի ռեսուրսներ եւ ծառայություններ է տրամադրել Բայդենի եւ Հարիսի անցումային շտաբներին»,- ասվում է ՊՆ հայտարարության մեջ:

Համապատասխան գերատեսչություններին եւ ծառայություններին նաեւ անձնապես հրամաններ արձակելուց զատ, ԱՄՆ նախագահ Դոնալդ Թրամփն այսօր խոստացել է, որ շուտով խոշոր դատական գործընթաց է սկսվելու, որը կբացահայտի ընտրակեղծիքների մանրամասները:

«Մեր մեծ դատավարությունը, որը ամենաչնչին մանրամասնություններով բացահայտում է բոլոր ընտրակեղծիքները եւ անգամ ավելին, շուտով կներկայացվի: Կեղծվա՛ծ ընտրություններ», - գրել է նա իր Twitter- ում:

Այսպիսով, նա մեկնաբանել է Politico-ի եւ Seven Letter Insight-ի անցկացրած հարցման արդյունքները, որը ցույց է տվել,  որ Թրամփի կողմնակիցների 79% -ը կարծում է, թե ընտրությունները «գողացվել են»:

«Նրանք 100% ճիշտ են, բայց մենք պայքարում ենք ամբողջ ուժով», - հավելել է նախագահը:

Հարցումն անցկացվել է 2020 թ.-ի նոյեմբերի 10-ից 19-ը հանրապետության 1500 ընտրողների շրջանում, սխալի սահմանը 2,5% է նշվում:

Այս բոլոր հայտարարություններից եւ տեղեկություններից հետո Նեվադայի Գերագույն դատարանն այսօր հաստատել է նահանգի ընտրությունների արդյունքները, ըստ որոնց՝ այնտեղ հաղթել է դեմոկրատ Ջո Բայդենը, հաղորդում է Associated Press- ը:

Այսպիսով, Բայդենը նահանգից ստանում է բոլոր 6 ընտրիչների ձայները:

Սա երրորդ առանցքային նահանգն է, որը պաշտոնապես հաստատել է Բայդենի հաղթանակը վերջին 24 ժամվա ընթացքում ՝ Փենսիլվանիայից (20 ընտրիչ) եւ Միչիգանից (16 ընտրիչ) հետո:

Թրամփի փաստաբաններն արդեն դատական տասնյակ հայցեր են ներկայացրել ՝ քվեարկության հաշվարկի կարգի կամ ընտրությունների արդյունքների օրինականության դեմ վիճարկելու համար, սակայն մինչ այժմ որեւէ հայց չի բավարարվել:

ԱՄՆ հաջորդ նախագահի երդմնակալության արարողությունը տեղի կունենա 2021 թվականի հունվարի 20-ին:

Հիշեցնենք՝ ԱՄՆ-ում նոյեմբերի 3-ին երկրի նախագահի եւ փոխնախագահի ընտրություններ էին: Ամերիկյան վարչակազմի ներկայիս ղեկավար, հանրապետական Դոնալդ Թրամփը եւ երկրի նախկին փոխնախագահ, դեմոկրատական Ջոզեֆ Բայդենը պայքարում էին պետության ղեկավարի պաշտոնի համար: Ընտրությունների արդյունքներով Ջո Բայդենը բացարձակ, երբեւէ անգերազանցելի ռեկորդ է սահմանել՝ ԱՄՆ-ի ամբողջ պատմության մեջ գրանցելով քվեների ամենաբարձր տոկոսը: Նա հաղթել է նաեւ ընտրիչների մեծ թվով ձայներով:

Ստանձնելով նախագահի աթոռը, Բայդենը կլինի ԱՄՆ-ի պատմության ամենատարեց առաջնորդը, նա 78 տարեկան է, նախորդ ամենատարեց առաջնորդն էլ Թրամփն էր՝ 74 տարեկան:

Տպել
530 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին