Ժողովուրդը պետք է հասկանա՝ թուրքական ապրանքները բոյկոտելով հանդերձ, շուկայի եղածը պիտի սպառենք․ Ղազարյան

Թուրքական ապրանքների ներմուծման արգելքը եւ առհասարակ դրանց դեմ բոյկոտը բերել է նրան, որ արդեն իսկ Թուրքիայից ապրանքներ ներմուծած տնտեսվարողները դժվարությունների առաջ են կանգնել։ Խնդիրը հետեւյալն է. մինչ պատերազմական իրավիճակը տարբեր ընկերություններ Թուրքիայից ներկրել էին հագուստ, մաքրող միջոցներ, կենցաղային տեխնիկա եւ այլն, սակայն Արցախում տեղի ունեցող գործողություններին Թուրքիայի մասնակցությունը հայ հանրության շրջանում մեծ բողոք առաջացրեց, ինչն էլ բերեց այդ երկրի ապրանքների դեմ բոյկոտի։ 

Դրան հաջորդեց Կառավարության համապատասխան որոշումը, որով դեկտեմբերի 31-ից 6 ամիս ժամկետով կարգելվի թուրքական պատրաստի արտադրանքի ներմուծումը ՀՀ։ Սակայն արդեն իսկ ներմուծում կատարած տնտեսվարողները խնդրի առաջ են կանգնել՝ ինչպե՞ս վաճառել ապրանքը, որ կարողանան այդ գումարով այլ շուկաներ մուտք գործել։ Բանն այն է, որ տնտեսվարողներն արդեն իսկ վճարել են այդ ապրանքի համար եւ այստեղ միակ վնասը կրում է ոչ թե Թուրքիան, այլ հենց հայ տնտեսվարողը։

Խնդրին արձագանքել է նաեւ ՀՀ ԱԺ տնտեսական հարցերի մշտական հանձնաժողովի նախագահ Բաբկեն Թունյանը՝ ֆեյսբուքյան իր էջում գրելով. «Դադարեցրեք թուրքական ապրանքների բոյկոտը։ Հնարավորություն տվեք արդեն իսկ թուրքական ապրանքներ ներմուծած մեր հայրենակիցներին՝ վաճառել ու սպառել պաշարը։ Լրացուցիչ խնդիրներ չստեղծենք նրանց համար։ Ի վերջո, այդ մարդիկ թուրքական ապրանք վաճառել են, որովհետեւ պահանջարկ է եղել, մենք գնել ենք։ Միեւնույն է, դեկտեմբերի 31-ից ներմուծումն արգելվելու է։ Ժամանակ տվեք, որ մարդիկ բիզնեսը վերակառուցեն, չսնանկանան»։

Խնդրին անդրադարձել էր նաեւ Հայաստանի արդյունաբերողների եւ գործարարների միության նախագահ Արսեն Ղազարյանը՝ դարձյալ կոչ անելով սպառողներին չխոչընդոտել արդեն իսկ ներկրված թուրքական ապրանքների սպառմանը։

Ղազարյանը ՀԺ-ի հետ զրույցում ասաց, որ մարդիկ ապրանքներ են ներկրել, հումք են ներկրել, վճարել են ավելացված արժեքի հարկը, ապրանքը մատակարարել են առեւտրային ցանցերին, եւ այս պահին բոյկոտելը նշանակում է մի ամբողջ փոքր բիզնեսի ֆինանսական լուրջ հարվածի տակ դնել։

«Մարդիկ պիտի կարողանան այդ գումարները շուկայից վերադարձնել, որպեսզի այլ շուկաներում կամ տեղական արտադրության մեջ գումար ներդնեն։ Եթե մենք գնանք այս ճանապարհով՝ մեծ հարված ենք հասցնելու տնտեսվարողներին»,- նշեց նա։

Ղազարյանն ընդգծեց՝ առաջինն է եղել, որ հայտարարել է Թուրքիայից մատակարարումների անժամկետ դադարեցման անհրաժեշտության մասին, սակայն պետք է առողջ տրամաբանությամբ մոտենալ հարցին. «Շուկայում արդեն իսկ գտնվող ապրանքի դիմաց մեր տնտեսվարողը վճարել է։ Մենք այսօր վնաս ենք հասցնում մեզ եւ դա պետք է գիտակցենք։ Այսուհետ ոչ մի ներդրում այդ շուկայում, մեր Կառավարությունը որոշել է, եւ ըստ այդմ պետք է շարժվենք, բայց շուկայում եղածը պետք է սպառենք»։

Հարցին՝ հասկանալով, թե ինչու են քաղաքացիները բոյկոտում թուրքական ապրանքները, մյուս կողմից էլ արդեն իսկ ներմուծում իրականացրած տնտեսվարողների դրությունը տեսնելով, ի՞նչ ելք է տեսնում, Ղազարյանը պատասխանեց՝ համազգային քայլը ճիշտ էր բիզնեսների եւ պետության կողմից, ավելին՝ նա կարծում է, որ մենք պետք է անժամկետ այս բոյկոտն ու արգելանքը պահենք, քանի որ Թուրքիան մեզ հետ պաշտոնական առեւտուրը  չի  վերականգնում եւ չի բացում ճանապարհները. «Բայց այնուհանդերձ, այս պարագայում պետք է ըմբռնումով մոտենանք, մեր սեփական շահն է։ Մենք այսօր այդքան ռեսուրս չունենք, որ որպես պետություն կոմպենսացնենք այդ տնտեսվարողների վնասը։ Ժողովուրդը պետք է հասկանա՝ բոյկոտելով հանդերձ՝ այդ շուկայի եղածը պիտի սպառենք։ Կամ էլ մենք՝ խոշոր բիզնեսմեններս, պետք է այդ փոքր բիզնեսի հոգսը վերցնենք մեզ վրա՝ չգիտեմ ինչպես։ Օրինակ՝ առեւտրային ցանցերը իրենց դարակներից հանեցին այդ ապրանքները՝ հայրենասիրական մղումներով, բայց այդ մարդկանց վնասը ո՞վ է կոմպենսացնելու»։

Նրա խոսքով՝ 2 ամիսը բավարար ժամկետ է, որպեսզի թուրքական ապրանք ներմուծողները կարողանան այլ շուկաների հետ կապեր ստեղծել. «Հնարավոր է ապրանքները լիարժեք փոխարինել ԵԱՏՄ տարածքից եւ Չինաստանից։ ԵԱՏՄ-ից ապրանքները գալիս են 3-4 օրում, գրեթե այնպես, ինչպես Թուրքիայից։ Իսկ Չինաստանից 35- 40 օրում են գալիս։ 2 ամիսը 60 օր է, եւ բավարար ժամանակ կա։ Չինաստանի շուկայում թուրքական ապրանքների գնին եւ մրցունակությանը համարժեք ապրանքներ կան, իսկ մենք շատ լավ առեւտրային ռեժիմներ ունենք Չինաստանի հետ»։

Անդրադառնալով հարցին, թե հանրությունը կարո՞ղ է վստահ լինել, որ ներմուծողներն այդ 2 ամիսը չեն օգտագործի հնարավորինս շատ թուրքական ապրանք ներմուծելու համար, Ղազարյանը պատասխանեց. «Չեմ կարծում, որովհետեւ ռիսկերը շատ մեծ կլինեն։ Բացի այդ՝ նաեւ արժանապատվության հարց կա»։

Թուրքական «Վեստել» ապրանքանիշի կենցաղային տեխնիկա ներմուծող «Վեստա» խանութ սրահներից մեկի մենեջեր Զարուհի Ղարիբջանյանը մեր զրույցում հայտնեց, որ ընկերությունը ինքն է որոշել շատ արագ ազատվել թուրքական ապրանքներից եւ երբեւէ այլեւս չներմուծել թուրքական որեւէ ապրանքանիշ։

«Մեզ մոտ շատ վաղուց է որոշում եղել ազատվել թուրքական ապրանքներից, սակայն դեռ ինչ-որ մնացորդներ ունենք։ Դա միեւնույն է, ինչ-որ ձեւով պետք է սպառենք։ Կարծում եմ, ինչպես մենք՝ այդպես էլ մնացած բոլորը պետք է սպառեն իրենց մնացորդները»,- նշեց Ղարիբջանյանը։

Նրա խոսքով՝ ընկերությունն արդեն իսկ խզել է թուրքական ընկերությունների հետ պայմանագրերը եւ երբեւէ էլ չեն ստանալու թուրքական ապրանքներ։

Ղարիբջանյանն ասաց, որ թուրքական կենցաղային տեխնիկան շուկայում մատչելի տարբերակ էր հաճախորդի համար եւ հենց դրա համար էին ներկրում, որպեսզի բավարարեն հաճախորդների պահանջարկը: Հարցին՝ այդ նույն մատչելի թուրքական կենցաղային տեխնիկային համարժեք փոխարինելու տարբերակներ կա՞ն, մենեջերը պատասխանեց. «Չինական «Միդեա» ապրանքանիշն ենք նաեւ ներկայացնում։ Հույս ունենք, որ լիարժեք ե՛ւ որակը, ե՛ւ գնային քաղաքականությունը կբավարարի հաճախորդներին։ Ամեն դեպքում փնտրում ենք նաեւ այլ ապրանքանիշներ, որպեսզի գները հարմար լինեն հաճախորդների գրպանին»։

Նա նշեց, որ ընկերությունը խոշոր է եւ հեշտ կլինի թուրքական ապրանքներից անցում կատարելը։

Տպել
2710 դիտում

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ

Փայտածխով բեռնված մեքենա է այրվել

Օրակարգային է Գյումրիում փողոցաշինության ընթացքում «Վեոլիա Ջուր» ընկերության հստակ համագործակցությունը. Շիրակի մարզպետ

ՀՀ տարածքում ավտոճանապարհներն անցանելի են

ՀՀ-ն հաստատակամ է տարածքային ամբողջականության ապահովման հարցում օգտագործելու ինքնապաշտպանության օրինական իրավունքը. ԱԳՆ

Չաուշի փողոցում մեքենա է այրվել. վարորդը հոսպիտալացվել է

Ադրբեջանցին հեռացավ առանց ձեռքսեղման. Հովհաննես Բաչկովի հաղթական մենամարտի տեսագրությունը (տեսանյութ)

Տոկիո-2020 Հովհաննես Բաչկովը հաղթեց ադրբեջանցուն ու դուրս եկավ քառորդ եզրափակիչ

Պատվաստվել, թե չեն պատվաստվել մշակույթի ու շոուբիզնեսի գործիչները. հարցում

Տեսչական մարմինը դիտարկումներ է իրականացրել հանրային տրանսպորտի հավաքակայաններում

Տիգրան Ավինյանն աշխատանքային շրջայց է կատարել Երևանի 33-րդ (Ֆիրդուսի) թաղամասում

Արմեն Սիմոնյանը Երկաթուղայինի օրվա առիթով պատվոգրեր է հանձնել համակարգի մի շարք աշխատողների

Արմեն Շեկոյանի հոգեհանգստի արարողությունը տեղի կունենա հուլիսի 31-ին, հուղարկավորությունը՝ օգոստոսի 1-ին

ԳԹԿ-ն նախաձեռնում է ստեղծել հայոց լեզվի ավարտական և միասնական քննությունների թեստերի նոր առաջադրանքների պաշարներ

Վահան Քերոբյանը Վրաստանի գործընկերոջ հետ խոսել է արագընթաց գնացքի գործարկման հնարավորության մասին

ՄԱԿ-ում Հայաստանի մշտական ներկայացուցիչը նամակ է հղել կառույցի Անվտանգության խորհրդի նախագահող Նիկոլա Դե Ռիվիերին

Սննդամթերքի ներմուծմամբ զբաղվող ընկերության 45 աշխատակից չի ենթարկվել նախնական և պարբերական բժշկական զննության

Մեկնարկեց ֆուտբոլի Հայաստանի առաջնությունը. «Փյունիկը» հաղթեց ԲԿՄԱ-ին

Ծաղկաշեն գյուղում այրվել է մոտ 500 հակ անասնակեր

Նիկոլ Փաշինյանի նվիրած 2 ճագարը Միքայելին տարավ երազանքի հետևից. գյումրեցի տղան Հայաստանի ամենափոքր ճագարաբույծն է

ԱԺ-ն ամբողջությամբ ընդունեց հայհոյանքը քրեականացնող նախագիծը

Նիկոլ Փաշինյանը հեռախոսազրույց է ունեցել Կարմիր Խաչի Միջազգային Կոմիտեի նախագահ Փիթըր Մաուրերի հետ

Տոկիո-2020. Արմեն Մելիքյան և Կարեն Ասլանյան. Երիտասարդ ըմբիշների առաջին օլիմպիական փորձը

ՄԻՊ-ը միջազգային կառույցների ներկայացուցիչներին է ներկայացրել սահմանային բնակիչների իրավունքների խախտումները

18 տարեկանից բարձր սովորողները պետք է ներկայացնեն պատվաստման սերտիֆիկատ կամ 14 օրը մեկ թեստ հանձնեն․ նախագիծ

Նկարիչների միության շենքում տեղի է ունեցել Գրքի երևանյան չորրորդ փառատոնի բացման հանդիսավոր արարողությունը

Վանաձոր-Ալավերդի ավտոճանապարհին ավտոմեքենա է այրվել

Ճանապարհային երթեւեկության խախտման քանի դեպք են արձանագրել քաղաքացիները եւ ուղարկել ոստիկանություն

Հայտնի են թափուր մրցույթի ընդունելության արդյունքները. 2 փուլերից հետո բուհերին տրված տեղերի կեսն անգամ չի համալրվել

Թուրքիայի բնակիչներն աշխարհում ամենից քիչ են ժպտում. Gallup

Շիրակում ՔՈՓ թիմը դաշտային վարժանք է անցկացրել (տեսանյութ)

Երևանը համարում եմ շնչող էակ․ Մարությանը հյուրընկալել է համայնքին աջակցող անհատների և ընկերությունների ներկայացուցիչների

Վրաստանը կորոնավիրուսի նոր բռնկման վտանգի տակ է

Մեկ նամականիշով գեղաթերթիկ՝ նվիրված «Մեծանուն հայեր. Առնո Բաբաջանյանի ծննդյան 100-ամյակը» թեմային

«Պոլիտեխնիկը պետք է դառնա արդյունաբերության թիվ 1 հենարանը»․ Հայկ Չոբանյան

Վարանդայի շրջանում հայտնաբերվել և տարհանվել է մեկ զինծառայողի աճյուն

Հայաստանում մեկնարկել է «Մարդկանց թրաֆիքինգի և շահագործման իրազեկման և կանխարգելման» տեղեկատվական արշավը