Ադրբեջանի ԶՈՒ-երը վարձկաններին ստիպել են գործողություններ ձեռնարկել նաև Հորադիզի շրջանում. զինդատախազ

Ադրբեջանի Հանրապետության զինված ուժերի կողմից Արցախի Հանրապետության եւ Հայաստանի Հանրապետության նկատմամբ սանձազերծված պատերազմի շրջանակում հարուցվել են մի շարք քրեական գործեր, որոնցով իրականացվում են ակտիվ քննչական, դատավարական գործողություններ:

Այսօր հրավիրված ասուլիսի ժամանակ ՀՀ զինվորական կենտրոնական դատախազության զինվորական ծառայության դեմ ուղղված հատկապես կարևոր գործերով քննության նկատմամբ հսկողության բաժնի ավագ դատախազ Արշակ Մարտիրոսյանը որոշ մանրամասներ ներկայացրեց այդ գործերից:

Մասնավորապես, նրա խոսքով՝ սեպտեմբերի 27-ին Ադրբեջանի ԶՈՒ-երի կողմից ողջ ռազմական ուժի ներդրմամբ, այդ թվում՝ ԱԹՍ-ի գործադրմամբ եւ վարձկանների ներգրավմամբ լայնածավալ հարձակում սկսելու դեպքի առթիվ հարուցվել է քրեական գործ ագրեսիվ պատերազմ սանձազերծելու, վարելու, միջազգային մարդասիրական իրավունքի նորմերը խախտելու, վերադասի կողմից ստորադասին՝ անձանց մասսայական ոչնչացման հրաման տալու, ինչպես նաեւ՝ վարձկանների հավաքագրման եւ ներգրավման հատկանիշներով.

«Դրանից երկու օր անց Ադրբեջանի ԶՈՒ-երը մասսայական հարձակում է գործել եւ թիրախավորել ՀՀ-ն, մասնավորապես, Գեղարքունիքի, հետագայում նաեւ՝ Սյունիքի մարզերը, եւ ցավալին այն է, որ գրոհների թիրախ է դարձել խաղաղ բնակչությունը, ինչը ոչ միայն մեր ներպետական, այլեւ միջազգային նորմերի կոպիտ խախտում է, որովհետեւ քաղաքացիական անձինք գտնվում են պաշտպանության տակ»,- ասաց Արշակ Մարտիրոսյանը՝ տեղեկացնելով, որ այդ դեպքի առթիվ հարուցվել է առանձին քրեական գործ՝ նույն հոդվածների հատկանիշներով. «Հարուցված քրեական գործի նախաքննության ընթացքում ձեռնարկվել են անհետաձգելի քննչական եւ դատավարական գործողություններ, որոնցով պարզվել եւ հիմնավորվել է, որ նշված գործողություններին մասնակցել են վարձկաններ, տարբեր խմբավորումների անդամներ»,- նշեց զինդատախազը:

Վերջինիս խոսքով՝ հոկտեմբերի 12-ին, երբ Ադրբեջանը ստանձնել էր պարտավորություն՝ հրադադար պահպանելու մասին, խախտել է այն՝ հարկադրելով վարձկաններին շարունակել այդ գործողությունները Արցախի դեմ. «Տվյալներ են ձեռք բերվել նաեւ այն մասին, որ Ադրբեջանի ԶՈՒ-երը ստիպել են վարձկաններին Հորադիզի շրջանում ձեռնարկել ակտիվ ռազմական գործողություններ, ընդ որում, ստիպել են կրել ադրբեջանական ԶՈՒ-երի համազգեստ՝ վարձկան լինելու փաստը թաքցնելու նպատակով»:

Զինդատախազ Արշակ Մարտիրոսյանը հիշեցրեց, որ հոկտեմբերի 10-ին վարձկանների կողմից դիվերսիոն ներթափանցման փորձ է կատարվել Հադրութի շրջանում, ինչի հետեւանքով հրկիզման եղանակով վնասել եւ ոչնչացվել են տեղի բնակիչների առանձնատները, սպանվել են բնակիչ, զինծառայողներ: Այս դեպքի առթիվ էլ առանձին քրեական գործ է հարուցվել ահաբեկչության հատկանիշներով. «ՀՀ գլխավոր դատախազ Արթուր Դավթյանի հանձնարարությամբ ձեւավորվել են քննչական, դատախազական խմբեր, որպեսզի բոլոր միջադեպերին հնարավորինս ինտենսիվ եւ օպերատիվ արձագանք տրվի»,- նշեց Մարտիրոսյանը՝ հավելելով, որ հավաքագրված ապացույցները կներկայացվեն միջազգային դատարաններում:

Տպել
1876 դիտում

Հայաստանի ներդրումային քաղաքականությունը պետք է արմատական փոփոխությունների ենթարկվի. Քերոբյան

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր

Գագիկ Ծառուկյանին մանդատից զրկելու հարցով կդիմեն ՍԴ. ԱԺ խորհրդի նիստն ավարտվեց