Երևան
29 °C
Երկրում հայտարարված ռազմական դրությամբ պայմանավորված՝ շատ կարեւոր է նաեւ տնտեսության կայունությունը: Հենց այս իրավիճակում է, որ պետական բյուջեն եկամուտների կարիք ունի, եւ շատ կարեւոր է, որ շրջանառությունը առնվազն չքչանա:
ՀԺ-ն ՀՀ պետական եկամուտների կոմիտեի նախագահ Էդվարդ Հովհաննիսյանի հետ զրուցել է այս օրերին կոմիտեի կողմից իրականացվող աշխատանքների եւ տնտեսվարողների վարքագծի մասին:
- Պարո՛ն Հովհաննիսյան, ներկա իրավիճակում ռազմաճակատի ամրությունից զատ պակաս կարեւոր չէ նաեւ տնտեսության բնականոն գործունեության ապահովումը, ի՞նչ աշխատանքներ է ՊԵԿ-ն իրականացնում հարկ վճարողների հետ՝ հարկային կարգապահության եւ թիկունքի ամրությունն ապահովելու ուղղությամբ:
- Կոմիտեի բոլոր ստորաբաժանումներն անցել են շուրջօրյա աշխատանքային ռեժիմի եւ ապահովում են հարկային ու մաքսային ծառայությունների հետ կապված խնդիրների լուծումները: Այս օրերին մաքսային ծառայությունն աշխատում է գերլարված գրաֆիկով՝ պայմանավորված ՀՀ տարածք ներկրվող ապրանքների բազմազանությամբ, օժանդակության տարբեր միջոցներով եւ այլն:
Վրաստանի Հանրապետության տարածքում բնակվող ազգությամբ ադրբեջանցիների կողմից հնարավոր վտանգները կանխելու նպատակով մենք վրացի գործընկերների հետ պայմանավորվածության շրջանակներում հայկական պետհամարանիշներով բեռնատարների սպասարկման հոսքը Բագրատաշենից տեղափոխեցինք Բավրայի մաքսակետ: Դրանով պայմանավորված՝ մենք մաքսակետում համալրեցինք ե՛ւ մաքսային, ե՛ւ այլ օժանդակ ծառայությունների աշխատակիցների քանակը, որպեսզի սպասարկումը լինի հնարավորինս արագ ու հարմարավետ:
Ինչ վերաբերում է հարկային եկամուտների հավաքագրմանը, ապա հաշվի առնելով ստեղծված իրավիճակը եւ որոշակի անհարմարությունները՝ չենք թուլացրել հարկային հսկողությունը. այն տեղափոխել ենք մի փոքր գրասենյակային դաշտ ու վերահսկողությունը հիմնականում իրականացվում է աննկատելի եւ անտեսանելի եղանակով: Իհարկե, քիչ չեն դեպքերը, երբ անբարեխիղճ հարկ վճարողների նկատմամբ, անգամ այս պայմաններում, իրականացվում է խիստ վարչարարություն եւ հսկողական աշխատանքներ: Կարծում եմ, այստեղ ավելի շատ մենք պետք է վստահենք եւ հավատանք մեր հարկ վճարողներին, իրենց ինքնագիտակցությանը, որպես ՀՀ քաղաքացի իրենց պատասխանատվությանը: Այս պայմաններում որեւէ մեկի կողմից հարկ թաքցնելը հավասար է դավաճանության՝ հայ ազգին, հայոց բանակին եւ այն հերոսներին, ովքեր իրենց ամենաթանկ բանը՝ կյանքն են նվիրել մեր հայրենիքի պաշտպանության համար:
- Ինչպե՞ս եք գնահատում տնտեսվարողների վարքագիծն այս օրերին: Օրինակ, «Իմ քայլը» խմբակցության պատգամավոր Բաբկեն Թունյանն օրեր առաջ հայտարարեց, որ գործարարները դիմում են անգամ ժամանակից շուտ հարկերը վճարելու համար, սա ինչպե՞ս կմեկնաբանեք: ՀԴՄ կտրոնների տրամադրման առումով ինչպիսի՞ վիճակ է:
- Ընդհանուր առմամբ, հարկ վճարողների վարքագիծը գնահատում եմ կառավարելի եւ բավականին դրական: Կան շատ դեպքեր, բարեխիղճ, հայրենասեր գործարարներ, որոնք ջանք չեն խնայում հնարավոր միջոցներով աջակից լինելու եւ թիկունքը ամուր պահելու հարցում: ՀԴՄ կտրոնների վիճակագրությունը գտնվում է մեր ամենօրյա հսկողության ներքո եւ առանձնակի շեղումներ չկան: Մասնավորապես, 2020 թ. սեպտեմբեր ամսին ՀՀ-ում տպվել է 42 մլն 408 810 ՀԴՄ կտրոն, դա նախորդ տարվա նույն ամսվա համեմատ ավելի է 2 մլն 699 812-ով:
- Այս օրերին տարբեր օժանդակություններ են ուղարկվում Հայաստան, արդյո՞ք մաքսային մարմիններում խնդիրներ առաջանում են այդ ապրանքները արագ տեղափոխելու հարցում:
- Մաքսակետերն ամբողջությամբ համալրված են անհրաժեշտ աշխատուժով, որպեսզի բոլոր գործարքները հնարավորինս արագ կատարվեն: Սակայն կան իրավիճակներ, երբ մեր հայրենակիցները չեն տիրապետում օրենքի կարգավորումներին եւ ստեղծված իրավիճակում խնդիրների կարգավորման յուրահատկություններին: Օժանդակությունների եղանակով ՀՀ ներկրվող եւ տեղափոխվող բեռների համար մենք միջգերատեսչական մակարդակով ստեղծել ենք աշխատանքային խումբ, որոնք ամենօրյա ռեժիմով աշխատում է: Ինչպես նաեւ մաքսային ծառայության հենց ներսում ստեղծել ենք աշխատանքային խումբ, որը կարգավորում է օժանդակության եղանակով ստացվող բեռների ստացումը, փոխադրումը: Սակայն ստեղծվում են իրավիճակներ, երբ ապրանքներ տեղափոխողները փաստաթղթային ձեւակերպումների մեջ ունենում են խնդիրներ, իրենց ընկալմամբ, եթե դա օժանդակություն է, ուրեմն առանց խոչընդոտի պետք է անցնի: Բայց դա մաքսային սահման է եւ գոյություն ունեն որոշակի կարգավորումներ: Ողջունելով եւ բարձր գնահատելով մեր հայրենակիցների աջակցությունը՝ պետք է հորդորեմ նրանց տեղում ենթարկվել մաքսային ծառայողների եւ մյուս պատկան մարմինների հորդորներին եւ պահանջներին: Դրանք ուղղված են մեկ նպատակի՝ իրենց օժանդակությունը բանակին հասցնելուն:
- «Հայաստան» համահայկական հիմնադրամի նախաձեռնած համազգային դրամահավաքին ՊԵԿ-ը 30 մլն դրամ աջակցություն է ցուցաբերել. սա աշխատակիցների՞ հանգանակությունն է, թե՞ հենց կառույցի:
- Աշխատակիցներն իրենք են գումար հավաքել իրենց ցանկությամբ՝ բոլորով միասին, որն էլ ՊԵԿ-ի անունից փոխանցվել է հիմնադրամին: Սակայն մենք դրանով չենք սահմանափակվել եւ չենք սահմանափակվելու, այնպես որ սպասեք ավելիին:
- Այս օրերին ՊԵԿ անձնակազմից սահման մեկնած աշխատակիցներ կա՞ն:
- Առաջին իսկ օրվանից 20-ից ավելի ՊԵԿ աշխատակիցներ ինքնակամ մեկնել են ռազմաճակատ՝ նույնիսկ չսպասելով անգամ ՊԵԿ-ի կողմից գործընթացի կազմակերպմանը: Այս պահի դրությամբ կամավորագրվել են մոտ 200 աշխատակիցներ, այդ թվում՝ իգական սեռի ներկայացուցիչներ:
- Պարո՛ն Հովհաննիսյան, 2020 թվականի 9 ամիսների հարկային մուտքերի պատկերն ինչպիսի՞ն է:
- 2020 թ. 9 ամիսների ընթացքում պետական բյուջեի հարկային եկամուտների հավաքագրումը կազմել է 1 տրլն 16.8 մլրդ դրամ: Նշեմ, որ օրենքով սահմանված պլանային ցուցանիշները եղել է 999.1 մլրդ դրամ: 9 ամիսների ընթացքում հարկ վճարողներին է վերադարձվել 98.9 մլրդ դրամ գումար: 9 ամիսների կտրվածքով հարկային մարմինների կողմից հավաքագրված եկամուտները 15.1 մլրդ դրամով գերազանցում են 2019 թ. նույն ամիսներին հավաքագրված եկամուտներին: Սա բավականին հուսադրելի եւ լավ ցուցանիշ է: Տնտեսության անկումը եւ ՀՆԱ-ի անկման կանխատեսվող ցուցանիշներն այս պահին կարելի է ասել իրենց ոչ ամբողջական ազդեցությունն են ունեցել հարկային եկամուտների վրա:
- Մինչեւ տարեվերջ ՊԵԿ-ը որքա՞ն եկամուտ է կանխատեսում հավաքագրել:
- 2020 թ. հարկային եկամուտների վերաբերյալ կանխատեսումները՝ համաձայն քաղաքականություն մշակող մարմնի (ֆինանսների նախարարություն) կազմելու են 1 տրլն 320.5 մլրդ դրամ: Իհարկե՛, կանխատեսումների հիմքում ընկած են որոշակի մեթոդաբանական հաշվարկներ եւ հիմնավորումներ: Մենք մեզ համար սահմանել ենք բարձր նշաձող եւ բոլոր հնարավոր ջանքերը գործադրել ենք այդ նշաձողին հասնելու եւ այդ հավաքագրումները ապահովելու համար:
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
© 2024 Հայկական ժամանակ