Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Ռուսաստանից ֆինասավորվող գործակալները ուշադրությամբ հետեւում են ՀՀ վարչապետ Նիկոլ Փաշինյանի քայլերին: Այս մասին ասվում է ռուսական «Դոսյե» կենտրոնի հրապարակած զեկույցում եւ ավելին՝ ընդգծվում, որ Փաշինյանը նույնիսկ օպերատիվ մականուն ունի՝ «Մորուք»:

«Դոսյե» կենտրոնը, որ ըստ տեղեկությունների պատկանում է Կրեմլի ամենասուր քննադատներից, վտարանդու կարգավիճակով արտասահմանում գտնվող միլիարդատեր Վլադիմիր Խոդորկովսկուն, հանդես է եկել հրապարակումներով, որոնք վերաբերում են հարեւան երկրների, այդ թվում Հայաստանի ներքին գործերին Կրեմլի միջամտությանը:

Կենտրոնը վստահեցնում է, որ հրապարակումներն արված են բազմաթիվ փաստաթղթերի ուսումնասիրության վրա հենվելով: Եվ ահա, ըստ այդմ՝ Ռուսաստանը այլ երկրների գործերին միջամտում է ՌԴ արտաքին հետախուզության գեներալ Վլադիմիր Չերնովի ղեկավարությամբ գործող ցանցի կողմից:

Իր տրամադրության տակ հայտնված գաղտնի փաստաթղթերից «Դոսյե»-ն պարզել է, որ Չերնովը տարածաշրջանում ամենամեծ հաջողություններին հասել է Հայաստանում, որտեղ գործում է «Ռուսաստանի բարեկամների» մի ամբողջ ցանց: Վերջիններս, ըստ կենտրոնի, ՀՀ-ում գործում են ինչպես հրապարակային, այնպես էլ ընդհատակյա։ Դարձյալ ըստ հրապարակման՝ նրանք ամենուր են՝ Կառավարություն, խորհրդարան, ԱԳՆ, հատուկ ծառայություններ եւ այլն: Նրանց աշխատանքն է՝ աղբյուրների որոնումը, տեղեկությունների հավաքագրումն ու վերլուծությունը, ինչպես նաեւ հակաքարոզչությունը։

Ահա այս «բարեկամները», «Դոսյե»-ի փոխանցմամբ, Հայաստանում 2018-ին տեղի ունեցած թավշյա հեղափոխությունից հետո հսկում են ՀՀ վարչապետ Նիկոլ Փաշինյանին, որը գաղտնի զեկույցներում ներկայացվում է որպես «Սորոսի հիմնադրամի դրածո»։ 

Օրինակ Չերնովի ղեկավարությամբ գործող անձանցից մեկը, որի անունն է Սվետլանա Մաքսիմովա, զեկուցել է. «Մինչեւ օգոստոս, ինչպես Միշան էր խոստանում, Նիկոլին չեզոքացնել չհաջողվեց: Հիմա, ամենայն հավանականությամբ, գործի կդրվի կոշտ սցենարը»:

Մեկ այլ դեպքում նա հայտնել է. «Ստացվում է` Փաշինյանը իր չափերը չի ճանաչում, դե, դե, սպասենք, տեսնենք, ինչպես է սայթաքելու: Եվ շնորհակալություն հայտնենք նրան, որ միանգամից այսքան արեւմտամետ ձրիակերների բացահայտեց»: Ով է Սվետլանա Մաքսիմովան, ով է Միշան, «Դոսյե»-ի հրապարակման մեջ չի հստակեցվում: Հետաքրքիր է, որ ըստ հրապարակման նա հետեւում է նաեւ Հանրային խորհրդի նախագահ Ստեփան Սաֆարյանին, որի վերաբերյալ կենտրոնի հրապարակման մեջ նշված է՝ «արեւմտամետ»: Ինչ վերաբերում է Փաշինյանին, ապա ըստ հրապարակման՝ նրա մասին կոմպրոմատ է ուղարկում նաեւ «Թեկնածու» (Кандидат) կեղծանունով մեկ այլ աղբյուր: Նրա ով լինելը եւս չի հստակեցվում: Միայն նշվում է, որ վերջինս իր ղեկավարներին զեկուցել է.

«Հայաստանի ղեկավարը չի ձգտել սերտորեն համագործակցել կոլեկտիվ անվտանգության պայմանագրի գործընկերների հետ: Ավելին, Ն.Փաշինյանը կասկածի տակ է դրել ՀԱՊԿ-ին ե նույնիսկ ԵԱՏՄ-ին երկրի անդամակցությունը պահպանելու նպատակահարմարությունը: Դրա հետ միասին, նա բացահայտ անհարգալից վերաբերմունք է ցուցաբերել ՀԱՊԿ-ի նկատմամբ՝ հրամայելով ձերբակալել կազմակերպության ներկայիս գլխավոր քարտուղարին՝ գեներալ-գնդապետ Յուրի Խաչատուրովին»: Ավելին, այստեղ խոսք է գնում նաեւ Մոսկվայում կայացած Հաղթանակի շքերթին Փաշինյանի չմասնակցության մասին, նրա բերած պատճառը անվանվում է անտեղի:

Հրապարակման մեջ նշվում է նաեւ, որ «Ռուսաստանի բարեկամները» չեն վախենում գաղտնազերծումից, քանի որ ՀՀ ԱԱԾ-ն անվանում են ռուսական ԱԱԾ-ի՝ «Լուբյանկայի մասնաճյուղ»: Այդ առումով հիշատակվում է ԱԱԾ նախկին տնօրեն Գեորգի Կուտոյանի անունը, որն, ըստ քննության նյութերի վերջերս ինքնասպան եղավ, ինչպես նաեւ Արթուր Վանեցյանի անունը: «Վերջինս ԱԱԾ-ի ղեկավար պաշտոնում աշխատեց մոտ մեկ տարի, պաշտոնանկությունից հետո դարձավ Փաշինյանի կոշտ քննադատը, եւ հիմա նրան հաճախ են տեսնում Մոսկվայում` ազդեցիկ գործարարների ընկերակցությամբ», - գրում է «Դոսյե»-ն: Խոսք կա նույնիսկ 90-ականներին ԱԱԾ տնօրենի պաշտոնը զբաղեցրած Կառլոս Պետրոսյանի մասին: Ըստ հրապարակման՝ 2004 թվականին պաշտոնից ազատվելուց հետո նա ՌԴ քաղաքացիություն է ստացել եւ ապրում է Մոսկվայի Կոմպոզիտորների տանը, որտեղ 200 մլն ռուբլի արժողությամբ բնակարան է գնել։ Բացի այդ, Պետրոսյանին է հանձնվել մերձմովկովյան Մալախովկայում գտնվող ՊԱԿ-ի նախկին ամառանոցը։

Չերնովի ղեկավարած կառույցի փաստաթղթերի ուսումնասիրության արդյունքում գտնվել է նաեւ «Բարգավաճ Հայաստան» կուսակցության առաջնորդ Գագիկ Ծառուկյանի անձնագրի պատճենը։ Անձնագրի պատճենը պահելու պատճառը չի նշվում, փոխարենը նշվում է, որ նա Մոսկվայի հաճախակի հյուրն է, իսկ 2019 թվականի փետրվարին նրա կուսակցությունը համագործակցության հուշագիր է ստորագրել «Եդինայա Ռոսիայի» հետ։

Հրապարակման մեջ ներկայացվում են Ծառուկյանի կենսագրության որոշ հատվածներ, մասնավորապես այն, որ 2004 թվականին Երեւանի կենտրոնում իր մեքենան պայթեցնելու համար այն ժամանակ դեռեւս «Հայկական ժամանակ» թերթի գլխավոր խմբագիր Նիկոլ Փաշինյանը մեղադրել է հենց Ծառուկյանին։

«Կրեմլի այս գործընկերը բավական բուռն կենսագրություն ունի», - նշում է կենտրոնը՝ որպես օրինակ բերելով Ծառուկյանի մասնակցությաբ բռնաբարության գործը. «1979-ին խորհրդային ոստիկանության ծառայող Ծառուկյանը մեղավոր է ճանաչվել խմբակային բռնաբարության համար եւ պատիժը կրել Նիժնի Տագիլում»:

Հրապարակման մեջ անդրադարձ կա նաեւ որոշ ՀԿ-ների, որոնք սերտորեն համագործակցում են Կրեմլի հետ: Խոսքն, օրինակ, Լազարեւյան ակումբի մասին է, որն, ըստ «Դոսյե»-ի, ռուսական կողմից համակարգում է Պետդումայի պատգամավոր Կոնստանտին Զատուլինը, իսկ անդամներն են Զորի Բալայանը, Վազգեն Մանուկյանը, Արտաշես Գեղամյանը:

Արձագանքներ

ՀՀ ԱԱԾ-ն չմեկնաբանեց «Դոսյե»-ի հրապարակումը: Մեր հարցին, թե արդյոք ուսւմնասիրվո՞ւմ է այն, ԱԱԾ-ից գրավոր հարցում խնդրեցին:

Ռուսական կենտրոնի հրապարակման առաջին արձագանքը թերեւս պատգամավոր Հրաչյա Հակոբյանի ֆեյսբուքյան գրառումն էր. «Ժողովուրդ հասկանալի է չէ՞, որ Հայաստանի քաղաքական դաշտում «Կանդիդատ» ծածկանունով գործող օտարերկրյա գործակալը Վանեցյանը չի»:

Ֆեյսբուք սոցցանցում թեմային անդրադարձավ նաեւ Հանրային խորհրդի նախագահ Ստեփան Սաֆարյանը. «Չեմ կարող որեւէ կերպ գնահատել այս հոդվածում օգտագործված փաստերն ու դրանց արժանահավատությունը։ Քանի որ այնտեղ շոշափված է նաեւ իմ անունը, միայն կհայտարարեմ, որ իմ շրջապատում կամ ծանոթ օտարեկրացի/ռուս անձանց մեջ չկա Սվետլանա Մաքսիմովա անունով որևէ մեկը, առավել ևս առաջին անգամ եմ լսում նրա «կուրատորների» անուն ազգանունները ու երբևէ որևէ առնչություն նրանց հետ չեմ ունեցել։ Թե ինչպես են նրանք «հետևում» ինձ, որևէ բան ասել չեմ կարող»,- գրել է նա։

Մեր հարցերին ի պատասխան հրապարակմանն անդրադարձավ նաեւ քաղաքագետ Լեւոն Շիրինյանը:

-Պարոն Շիրինյան, Դոսյե կենտրոնի կողմից հրապարակվել է զեկույց, ըստ որի Հայաստանում ռուսական գործակալներ են աշխատում: Հնարավոր համարո՞ւմ եք:

- Ես որ քանի տարի է՝ ասում եմ 5-րդ շարասյուն, ի՞նչ եմ ասում: Ռուսաստանը 5-րդ շարասյուն ունի, դա հաստատ է: 5-րդ շարասյունը այն է, որ տվյալ պետության իշխանության կողքին եւ նրա տակ օտար պետության շահեր պաշտպանող մարդիկ կան: Հիմա թե դա ովքեր են՝ ԱԱԾ-ն կարող է ասել, ես չեմ կարող ասել: Այստեղ կարեւոր է, թե ով է հրապարակել այդ տեղեկությունը:

Դոսյե»-ն, ըստ տեղեկությունների՝ ֆինանսավորվում է Խադարկովսկու կողմից:

-Խադարկովսկին ռուսական իշխանության հետ ունի անձնական թշնամություն, դա պետք է նկատի ունենալ նրա հրապարակած տեղեկությունները կարդալիս: Նրա նպատակը նախ եւ առաջ կարող է լինել խառնակչությունը: Շատ հնարավոր է, որ ճիշտ ինֆորմացիա է հրապարակել, բայց դրա նպատակը կարող է լինել առաջին հերթին Հայաստանի ու Ռուսաստանի հարաբերությունները փչացնելը:

-Ամեն դեպքում ասվում է, որ գործակալների ուշադրության կենտրոնում նաեւ ՀՀ վարչապետն է:

- 100 տոկոս հետեւում են, որովհետեւ Նիկոլ Փաշինյանը իրենցը չի: Նիկոլ Փաշինյանը հայ ժողովրդինն է եւ ոչ մեկինը չի, դրա համար էլ հետեւում են: Եթե իրենցը լիներ՝ չէին հետեւի:

- Շրջանառվում են գործակալների անուններ՝ օրինակ, Կանդիդատ, Սվետլանա, Միշա եւ այլն: Ովքե՞ր կարող են լինել:

-Անունով չգիտեմ, չեմ կարող ասել, եթե ԱԱԾ-ն դրանց անունները չգիտի՝ ուրեմն սխալ է աշխատում: Բայց հարցն ինչի մեջ է, եթե 5-րդ շարասյուն է աշխատում, ուրեմն մարդկանցով է աշխատում, հետեւապես Սվետլանա կլինի, թե Լուսինե, կարեւոր չէ, կարեւորը Ռուսաստանից մեկը կարգավորում է դա հաստատ: Ինչքան գող ու թալանչի կա՝ գնում է Ռուսաստան, բա Ֆրանսիա ինչո՞ւ չեն գնում:

- Ի դեպ,զեկույցում խոսվում է ԱԱԾ նախկին տնօրեն Կառլոս Պետրոսյանի մասին, որը Մոսկվայում է:

- Բա իհարկե: Միքայել Հարությունյա՞նն ուր է փախել: Պիտի Ռուսաստանին ասել՝ քո 5-րդ շարասյունը վերցնում ես ու հեռանում եւ գործակալների իրական ցուցակը տալիս մեզ, որ Խադարկովսկին չտա:

Տպել
9335 դիտում

Նիկոլ Փաշինյանը նոր նշանակում է արել

Հետմահու պարգևատրվել են սեպտեմբերյան ագրեսիայից զոհված տավուշցի զինծառայողները

ՀՀ նախագահին են ներկայացվել Սահմանադրական դատարանում ընթացող բարեփոխումները և ծրագրերը (տեսանյութ)

Գնել Սանոսյանը Քիշնևի քաղաքապետի հետ երկուստեք հետաքրքրություն ներկայացնող հարցեր է քննարկել

Կառավարության բարեփոխումների ծրագիրը նպատակ ունի նորովի արժևորել թատրոնի հանրային նշանակությունը. Ժաննա Անդրեասյան

Քանի գրառում է առկա Անիի և Սիսիանի ՏԸՀ-ների գրանցամատյաններում. ԿԸՀ-ն հաղորդագրություն է տարածել

Հայաստանը հավատարիմ է տարածաշրջանում խաղաղության հաստատման իր դիրքորոշմանը. ՀՀ նախագահը՝ Հունաստանի դեսպանին

Ադրբեջանի սադրանքներն ու ագրեսիան չեն նպաստում տարածաշրջանում կայունության հաստատմանն ուղղված ջանքերին. ԱԳ նախարար

Արցախում քննարկվում է վերացնել քաղպաշտպանության աշխատանքներին զինապարտ քաղաքացիների ներգրավումը

Հպարտ եմ, որ հայ եմ․ Հայաստանի ազգային հավաքականի նորեկ Հրանտ-Լեոն Ռանոս

Իրանի ԱԳ նախարարը Մոսկվայում կհանդիպի Սերգեյ Լավրովի հետ

1 մլրդ 21 միլիոն դրամ, Վահագնի թաղամասի՝ 2 անշարժ գույք. ապօրինի ծագում ունեցող գույքի բռնագանձման ևս մեկ հայցադիմում

«Քաղաքացիական պայմանագիր» կուսակցությունը պատրաստվում է դիմել դատարան

ՀՀ էկոնոմիկայի փոխնախարարը կմեկնի ԱՄՆ

Պարեկային ծառայողի հանկարծամահության դեպքով հարուցվել է քրեական վարույթ

Վարչապետին ներկայացվել է Վիճակագրական կոմիտեի 2022 թվականի կատարողականը

Այսօր Թատրոնի միջազգային օրն է. Լևոն Հովհաննիսյանը շնորհավորել է ոլորտի նվիրյալներին

Ռուբինյանը Իսպանիայի դեսպանին ներկայացրել է հայ-թուրքական հարաբերությունների կարգավորման ընթացքը

Կալանավորվել են «Լեդի Հակոբի» եղբորորդին և մի քանի կգ թմրամիջոցի հայտնաբերման գործով անցնող 9 անձ

Իսրայելի նախագահը կմեկնի Ադրբեջան

Հայտնի է՝ ով է սպասարկելու Հայաստան-Կիպրոս ֆուտբոլային հանդիպումը

Ադրբեջանական դիրքերից կրակել են Մարտակերտի նռան այգում աշխատող մարդկանց ուղղությամբ

Պահանջեք ձեր նախագահից կատարել իր ստանձնած պարտավորությունները․ Խաժակյանը` ադրբեջանցի պատվիրակին

Սյունիքում մեքենան գլորվել է ձորը. վարորդը մահացել է

Կամայական սպանություններ, խոշտանգումներ. ԱՄՆ-ի զեկույցը՝ Ադրբեջանում մարդու իրավունքների մասին

Ձյուն, անձրև, ամպրոպ․ օդի ջերմաստիճանը կնվազի 15-19 աստիճանով

Տոյվո Կլաարը կայցելի Բաքու

Գեղարքունիքի մարզում հանկարծամահ է եղել ավագ պարեկը. նա 1 օր առաջ էր նշանադրվել

Ազատում ու նշանակում գլխավոր դատախազությունում

Ինչու են նվիրատուները մնում անանուն. Մխիթար Հայրապետյանը՝ «Իմ քայլը» հիմնադրամին փոխանցումների մասին

Հայտնի է՝ որ դատավորն է քննելու Արշակ Հակոբյանի վերաբերյալ քրեական գործը

Ուկրաինան ավելի քան 540 միլիոն դոլարի անօդաչու թռչող սարքեր կգնի. Զելենսկի

Ապրիլին մայրաքաղաքում կլինեն նոր երթուղիներ, որոնք կսպասարկեն բնակչությանը

Պոկել են պարեկի տեսախցիկը, հարվածել, քաշքշել. ի պատասխան՝ կիրառվել է արցունքաբեր գազ և ուժ

Արտակարգ պատահար «Հաղթանակ» կամրջի վրա. դեպքի վայր է մեկնել մեկ մարտական հաշվարկ (լուսանկարներ)

Ալիևի աշխատակազմն Արցախի ներկայացուցիչներին կրկին հրավիրում է Բաքվում հանդիպման

Մահացել է գրող, «Ազգ» թերթի համահիմնադիր Երվանդ Ազատյանը

Վիգեն Սարգսյանի պաշտպանի բողոքը մերժվել է

Բայդենը կրկին կորցրել է բեմից դուրս գալու ելքը, այս անգամ՝ Օտտավայում (տեսանյութ)

Մարտուն Սիմոնյանը տեղափոխվել է պարեկային ծառայություն․ հայտնի է՝ ով կփոխարինի նրան