Գասպարյանն էլ, Սանոյանն էլ տեղյակ են եղել. Գյումրու պատմական միջուկում ապօրինի շինարարություն է իրականացվել

Գյումրու Կումայրի պատմական միջուկում կռիվ է ընկել: Շիրազի 53 հասցեում գտնվող «Հայ ասպետ» հյուրատան սեփականատեր Մարինա Բազաևան պատմական այդ շենքում շինարարություն է սկսել, որը Գյումրու համայնքապետարանն այս պահին համարում է ապօրինի:

Ապօրինության մասին քաղաքապետարանը խոսեց «Ֆեյսբուք» սոցիալական ցանցում օգտատերերի հրապարակումներից հետո միայն:

Շինարարությունը, սական, Բազաևան ո՛չ մեկ օրում է իրականացրել, ո՛չ էլ, առավել ևս, մի քանի ժամում: Պատմական միջուկի պատմական կառույցի վրա բարձրացած պատերը վկայում են, որ աշխատանքային նորմալ և բացահայտ ընթացք է եղել, քանի որ շինությունը գտնվում է տեսանելի վայրում:

Ավելին, ըստ Բազաևայի, աշխատանքների սկզբում իրեն քաղաքապետարանից ոգևորողներ են եղել, հատկապես նրանք, ովքեր այս պահին իրեն ապօրինության մեջ են մեղադրում: Դրանից բացի, ըստ սեփականատիրոջ, ինքը շինարարություն սկսելու մասին դիմում է ներկայացրել քաղաքապետարան, որի պատասխանը, սակայն, չի էլ ստացել:

«Իրենցից եկել, ասել են՝ ինչ լավ է, որ կառուցում եք, էս կողքի շենքերն ավելի բարձր են, քան դա: Հիմա հավասար կլինեն, այսինքն՝ իրենք բանավոր խրախուսել են սա ու ճիշտ էլ արել են»,- ՀԺ-ի հետ զրույցում պատմեց Մարինան:

Այսինքն՝ Գյումրու քաղաքապետարանի պատասխանատուներն իրականացվող շինարարությունից տեղյա՞կ են եղել՝ ՀԺ-ի ճշտող հարցին Բազաևան պատասխանեց՝ իհարկե: «Իհարկե, տեղյակ են եղել, ուղղակի հիմա Կառավարությունից նամակներ են եկել, իրենք էլ մտածել են, որ խնդիր չունենան: Բոլորը, Գասպարյանը (նկատի ունի քաղաքապետարանի ճարտարապետ Հենրիկ Գասպարյանին-խմբ.), Սանոյանը (նկատի ունի Գյումրու փոխքաղաքապետ Ռուբեն Սանոյանին-խմբ.) ամեն օր էս փողոցով անցնում են, ո՞նց չեն գիտեցել, սա էնպես թաքուն տեղ չի, որ չիմանան: Դա բոլորն են տեսնում, իրենց մշտական ճանապարհն է սա: Իրենք, որպես մարդ, շատ ուրախ են, որ ես կառուցում եմ, բայց որպես պաշտոնյա՝ ուրախ չեն, քանի որ հիմա հենց իրենք խնդիր ունեն»,- ասաց Բազաևան:

Բազաևան պնդում է, որ շինարարական աշխատանքներից տեղյակ եք եղել, արդյոք չե՞ք տեսել շենքի երկրորդ հարկի ավարտուն պատերը՝ ՀԺ-ի հարցին Հենրիկ Գասպարյանը պատասխանեց. «Դրանք այնպիսի օրերի են ավարտվել, երբ ես շաբաթ-կիրակիի հետ կապված ինչ-որ բաներ եմ ունեցել (նկատի ունի զբաղվածություն), բայց, ամեն դեպքում, կոնտրոլի տակ եղել է»:

Եթե չլիներ ֆեյսբուքյան գրառումը, արդյոք քաղաքապետարանը շարունակելո՞ւ էր լռել: Հենրիկ Գասպարյանն ասաց՝ ոչ: Արդեն աշխատանքներ տարել էին այդ ուղղությամբ: Սեփականատերը, սակայն, այդ աշխատանքների մասին որևէ ձևով տեղեկացված չի եղել: Նրան կիրակի օրը անակնկալ ձևով կրթության, գիտության, մշակույթի եւ սպորտի նախարարությունից են այցելել այդ հարցով:

Բազաևան կարծում է, որ սա իր դեմ կատարվող դիտավորություն է, այլապես, ըստ նրա, կարող էին շինարարության մեկնարկին արգելել, ոչ թե պատերի կառուցումը գրեթե ավարտելուց հետո:

«Ես կարծում եմ, որ ինչ-որ մեկն ուզում է ինձ վնասել, որովհետև կիրակի օրվանից սկսեցին մշակույթի նախարարությունից գալ լուսանկարել: Ոչ աշխատանքային օրով ինչո՞ւ են գալիս: Կիրակի շատ շուտ ժամի մշակույթի նախարարությունից եկել է Էդիկը, ես էլ հյուրեր ունեի: Թող ավելի շուտ գային, եթե գալու էին, ոչ թե սպասեին, որ ես պատերն ավարտին հասցնեմ, նոր գան, դա դիտավորություն չե՞ք համարում»,- հարցնում է «Հայ ասպետ»-ի սեփականատերը:

Քաղաքապետարանի պատասխանատուն այսօր վստահեցնում է, որ Բազաևային հենց սկզբից էլ ասել են, որ եթե շինարարություն սկսելու մտադրություն ունի, ապա պետք է օրինական ճանապարհով դա անի, այսինքն՝ ներկայացնի նախագծ, շենքի սեյսմիկ վիճակի մասին եզրակացութուններ և այլն՝ ստանալով համապատասխան թույլտվություն կամ մերժում:

Տիկինը, ըստ Գասպարյանի, չի արել այդ քայլը: «Անձամբ ես էլ եմ զգուշացրել, որ եթե բան է ուզում կառուցել, մենք չենք ասում՝ չկառուցի, բայց եթե պետք է կառուցվի, ապա եկեք օրինական դաշտ, նախագիծը ներկայացրեք, համաձայնեցվի համապատասխան ընթացքով, եթե չկա խնդիր, նոր սկսեք, բայց Բազաևան, էդ ամեն ինչը գիտենալով, առանց նախագիծ ներկայացնելու, ինքնակամ շինարարական աշխատանքներ է սկսել»,- ընդգծում է ճարտարապետը:

Հյուրատան սեփականատերը այլ խնդիր էլ ունի, ասում է՝ իր սեփական կառույցը Կումայրի արգելոց-թանգարանի ցանկում չէ: Ճարտարապետն ասում է՝ ոչ, ցանկի մեջ է, ավելին՝ Շիրազի 53-ը Գյումրիում մնացած եզակի և տեղական նշանակության պատմական հուշարձան է համարվում: Նախկինում նմանատիպ կառույցներ շատ են եղել, այսօր, սակայն, միայն Բազաևային պատկանող շենքն է մնացել:

Բազաևան իր տեսակետն ունի այս հարցում: «Էնպես չի, որ 200 տարի գեղեցիկ շենք է եղել, ու ես հանկարծ բլոկներով վերակառուցում եմ անում, սա իմ սեփականությունն է, ես առք ու վաճառքի պայմանագրով եմ գնել 15 տարի առաջ, էնպես չի, որ ֆոնդի տուն է եղել, ինձ են տվել, ես գնել եմ գումարով: Տանիք չկա, ամբողջ անձրևաջուրը լցվում է տան մեջ, հիմա էլ ես իրենց որ դիմում էի գրել, տեղեկացրել էի, որ լրակառուցում եմ անելու»,- ասում է սեփականատերը:

«Էս տունը Կումայրի արգելոցի ցանկում չկա, և օրենք կա, որի հիման վրա քո տարածքում թեթեև կոնստրուկցիայով բարելավում անելու համար չի պահանջվում ո՛չ նախագիծ, ո՛չ  թույլտվություն, իսկ էս շենքը, որ ասում են՝ այլանդակել են, ես փլատակներց եմ սարքել, էն ինչ, որ հիմա կա, դա իմ և իմ ընկերների շնորհիվ է»,- ասում է սեփականատերը:

Ճարտարապետն էլ պնդում է, որ ցանկացած հուշարձանի պահպանական գոտում գտնվող որևէ շինաշխատանք ենթակա է համաձայնեցման և՛ քաղշինկոմիտեի, և՛ մշակույթի նախարարության հետ, և՛ կառույցի քաղաքաշինական խորհրդի: «Առվել ևս քաղաքաշինական փոփոխությունները կատարվում են բացառիկ դեպքերում: Օրենքով արգելված է հուշարձանները փոխելը, տեղափոխելը, փչացնելը, եթե կա անհրաժեշտություն, ապա պետք է դա արվի Կառավարության որոշմամբ»:

Ըստ Հենրիկ Գասպարյանի՝ այն պարագայում անգամ, երբ շինությունը արգելոցի տարածքում լինի, բայց չլինի արգելոցի ցանկում, կրկին սեփականատերը որևէ փոփոխություն անելու իրավունք չի ունենա առանց համապատասխան թույլտվությունների, այսինքն՝ արգելոցի տարածքում գտնվող ցանկացած շինություն գտնվում է պահպանության հատուկ ռեժիմի տակ:

Կումայրի արգելոց թանգարանը 200 հա տարածք է զբաղեցնում: Կան տարբեր պատկանելիության շենքեր, պետական, սեփական, համայնքային, իրավաբանական անձանց պատկանող շինություններ: Եթե շենքը արգելոցի հաշվեկշռում չէ, դա չի նշանակում, որ հուշարձան չէ: Սրանից ելնելով էլ, ըստ քաղաքապետարանի պատասխանատուի, կասեցրել են Բազաևայի շինարարությունն ու պատրաստվում են վարչական վարույթ հարուցել:

Բազաևան իր հերթի տեղեկացնում է՝ հարցը տեղափոխում է դատական հարթակ, չի նահանջելու: Ապամոնտաժում չի լինի:

«Աշխատանքները դադարեցնելու եմ, թե ոչ, դեռ չեմ որոշել, բայց որ չեմ ապամոնտաժի, դա փաստ է: Ես գումարներ եմ ծախսել, իսկ էդ գումարը գողացած չէ, որ անմիտ ծախսեմ, ես մեծ դժվարությամբ եմ գումար աշխատում, հատկապես՝ այս օրերին, որ, որպես հյուրատուն, պետական ոչ մի աջակցությունից չեմ օգտվել: Փոխանակ օգնեն, մի բան էլ խանգարում են: Ես դատի կտամ, թող դատարանը որոշի»,- վրդովվեց Բազաևան:

Արդյոք սա Գյումրիում միակ ապօրինի շինարարությո՞ւնն էր, որն ինչ-որ առումով աղմկահարույց շեշտադրումներ է ստանում: ՀԺ-ի հարցին «Հայ ասպետ» հյուրատան սեփականատեր Մարինա Բազաևան հենց հարցով էլ արձագանքեց. «Դուք չգիտե՞ք ձեր հարցի պատասխանը: Գյումրիում միայն ապօրինի է, միա՛յն: Օրինական հազվադեպ է լինում, կամ հետո են օրինականացնում, ուղղակի իրենք չեն կարող այդ տղամարդկանց դեմ խոսել, ուժն իմ վրա է պատում, ես էլ կդիմեմ օրինապահ մարմիններին»,- տեղեկացրեց Բազաևան:

Տպել
2822 դիտում

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան