Այդ միտումը լավ տեղ չի տանում. Պաչաջյանը՝ այլազգի ֆուտբոլիստներին ՀՀ հավաքական հրավիրելու մասին

Հայաստանի ֆուտբոլի ազգային հավաքականի նախկին կիսապաշտպան Լեւոն Պաչաջյանը ոգեւորված չէ այլազգի ֆուտբոլիստներին ՀՀ ընտրանի հրավիրելու գաղափարով: Երեկ՝ օգոստոսի 25-ին, Հայաստանի ֆուտբոլի ֆեդերացիան հայտարարեց վերջին շրջանում հավաքական հրավիրված այլազգի 2-րդ ֆուտբոլիստի՝ «Գանձասար-Կապանի» 28-ամյա կոլումբիացի կիսապաշտպան Վբեյմար Անգուլոյի մասին: Մինչեւ այդ հրավիրվել էր «Շիրակի» նիգերիացի 25-ամյա կիսապաշտպան Սոլոմոն Իմե Ուդոյին: Երեկվա հայտարարությունից հետո համացանցում քննարկում ծավալվեց, թե որն է ճիշտ՝ հրավիրել այլազգիների՝ կարեւորելով արդյունքները, թե հայ ֆուտբոլիստների՝ անկախ նրանից, թե ինչպես կխաղան: «Հայկական ժամանակ»-ի հետ զրույցում շվեդական «Լինշոպինգում» հանդես եկող Պաչաջյանը նշեց, որ անկախ ֆուտբոլիստների որակից, ինքը չի ողջունում այլազգիների հրավիրելու մոտեցումը, քանի որ դա բացասական միտում է համարում:

«Չեմ ուզում կենտրոնանալ ինչ-որ կոնկրետ խաղացողի որակների վրա եւ անձնավորել: Իմ ամբողջ միտքն այն է, որ այդ միտումը լավ տեղ չի տանում, երբ հավաքականում սկզբունքորեն քննարկվում է այն միտքը, որ արտասահմանցիներ կարող են ներգրավվել՝ անկախ նրանց որակից, մարդկային հատկանիշներից: Այն գիտեմ, որ ազգային հավաքականում պետք է ազգային տարրերը գերակշռեն, մանավանդ մեր դեպքում, որ ֆուտբոլիստներն այդքան շատ չեն, մենք էլ մեծաքանակ ազգ չենք: Այդ ամենը հաշվի առնելով՝ կարծում եմ՝ պետք է ավելի շատ ուշադրություն դարձվի մեր տեղի ֆուտբոլիստներին, նրանց աճը, զարգացումն ապահովելուն, նաեւ հավաքականում խաղալուն՝ անկախ արդյունքից: Ինձ համար սկզբունքային չէ արդյունքը»,- ասաց նա:

Մյուս կողմից հավաքականն ունի երկրպագուներ, որոնց կարծիքը տարբերվում է Պաչաջյանի տեսակետից: Նրանք համաձայն են ՀՖՖ-ի այս գործողությունների հետ: Օրինակ են բերում բրազիլացի Մարկոս Պիզելիին, որը երկար տարիներ եղել է ՀՀ հավաքականի առանցքային խաղացողներից մեկը, ինչպես ընդգծում են, որ կան մի շարք այլ, այդ թվում՝ գերհզոր հավաքականներ, որոնց կազմում ընդգրկված են այլազգիներ: Պաչաջյանը, սակայն, մտավախություններ ունի, որ լուրջ խնդիրների կհանգեցնի:

«Եթե վաղը, մյուս օրը 15 լեգեոներ ունենանք ու 3 խաղ հաղթենք, ինչպե՞ս եք գնահատում, ճի՞շտ կլինի: Իմ կարծիքով՝ արդյունքն էլ գալիս է՝ մոտեցումը փոխելով, պետք է հետեւողականորեն աշխատել հայկական կադրերի հետ, նրանց համար լավ ճանապարհ հարթել, որպեսզի մենք էլ տեղ հասնենք. արդյունքը հենց այնպես չի գալիս: Եթե գա մի պահ, որ ասենք՝ դե լավ, այդքան էլ լավը չեն մերոնք, եկեք դիմենք արտասահմանցիներին, պանդորայի արկղը բացենք ու ընկնենք «հեշտ» ընտրության հետեւից, վաղը, մյուս օրը ֆուտբոլիստ չենք ունենա: Մանավանդ հաշվի առնելով՝ ինչ է կատարվում մեր ակումբներում, մի քանի տարի հետո մենք կարող է ֆուտբոլիստներ չունենանք»,- ասաց նա:

Ֆուտբոլիստը չի ողջունում նաեւ այն, որ հավաքական են հրավիրվում արտասահմանում ծնված ու այլ երկրում ֆուտբոլային կրթություն ստացած խաղացողներ: Ըստ նրա՝ պետք է ամեն ինչ արվի, որ ՀՀ-ում աճեցվեն լավ խաղացողներ, որոնք կարող են համալրեր ինչպես ընտրանիները, այնպես էլ՝ ակումբները: Իսկ նման տեմպերով նա կարծում է, որ ապագայում հայ ֆուտբոլիստների քանակի խնդիրն ավելի է լրջանալու:

«Պետք է տեղային լինի այդ ամենը: Մեր խնդիրը պետք է լինի Հայաստանում մեծացած կադրերին հնարավորինս ընդգրկել հավաքականում: Եթե գա այն մակարդակը, որ Հայաստանում լինեն լավ հանդես եկող մի քանի տասնյակ ֆուտբոլիստներ, ու դրա հետ մեկտեղ որպես տեղային լուծում բերեն հայազգի նման 1-2 ֆուտբոլիստների, այդ դեպքում, իմ կարծիքով, իդեալականին մոտ հավաքական կունենանք, բայց, եթե այս միտումները շարունակվեն, իմ կարծիքով՝ էլի կընկնենք, 2000-ականների սկզբի նման ռումինացի, բրազիլացի, արգենտինացի... աֆրիկացի.... հավաքականը համն ու հոտը կկորցնի: Ես ոչ մի դեմ բան չունեմ այլազգիների նկատմամբ, ուղղակի, իմ պատկերացմամբ, ազգային հավաքականը հենց դրանով է ազգային հավաքական, որ ներառում է տվյալ երկրի ներկայացուցիչներին»,- ասաց նա:

Ամեն դեպքում, ինչ վերաբերում է վերը նշված 2 ֆուտբոլիստներին, Պաչաջյանը հարցականի տակ չի դնում նրանց որակները: Նրանից մեկի խաղերին նույնիսկ հետեւել է ու դրական կարծիք ունի: Պարզապես մտահոգված է, որ չկան հայ ֆուտբոլիստներ, որոնք կարող են խաղալ հավաքականում:

««Շիրակից» Ուդոյին ավելի ծանոթ եմ: Նրա մասին դրական կարծիք ունեմ: Կոլումբիացուն չեն հետեւել, չեմ կարող ասել՝ ինչ ֆուտբոլիստ է, բայց, եթե հրավեր է ստացել, ուրեմն ինչ-որ կերպ աչքի է ընկել: Ուղակի, էլի եմ կրկնում, հնարավոր է՝ այդ ֆուտբոլիստները շատ բարձրորակ են, բացարձակ կասկածի տակ չեմ դնում նրանց որակները, բայց հավաքականի հետ կապված այդ խնդիրը, որը նշեցի, դա է առավել քան մտահոգիչ, թե չէ ֆուտբոլիստների հետ խնդիր չկա: Նրանց համար սա շատ լավ հնարավորություն է»,- ասաց նա:

ՀՀ հավաքականի առաջիկա հանդիպումը նախատեսված է սեպտեմբերի 5-ին: Ազգերի լիգայի 2-րդ՝ 2020-21 մրցաշրջանի խմբային փուլի առաջին տուրում խաղալու է Մակեդոնիայի դեմ: Խաղը նախատեսված է մրցակցի հարկի տակ: Այդ հանդիպումը, ինչպես Ազգերի լիգայի՝ սեպտեմբերին կայանալիք մյուս խաղերը, կորոնավիրուսի պանդեմիայի պատճառով անցկացվելու է առանց հանդիսականների:

Տպել
923 դիտում

Արցախի Մարտունու շրջանում իրականացված որոնողական աշխախատանքների արդյունքում հայտնաբերվել է ևս մեկ աճյուն

Ադրբեջանական կողմը հայկական կողմին է փոխանցել երեկ սպանված Սեյրան Սարգսյանի դին

Հայրենադարձվածերից 2-ը Գյումրիից են. Նազելի Բաղդասարյան

Հայաստան է վերադարձել 10 հայ գերի. հայտնի են նրանց անունները

Արմավիրի մարզի Բաղրամյան համայնքում՝ պատերազմում զոհված տղաներին նվիրված «Արմաթ» լաբորատորիայի բացումը՝ լուսանկարներով

ՀՀ տարածքում կան փակ և դժվարանցանելի ավտոճանապարհներ, Լարսը բաց է

Վարչապետի և արտախորհրդարանական քաղաքական ուժերի ղեկավարների մասնակցությամբ նիստ է տեղի ունեցել (լուսանկարներ, տեսանյութ)

Անավարտ թռիչք. Գյումրու N զորամասում հուշակոթող է բացվել՝ ի հիշատակ զոհված օդաչուների (լուսանկարներ)

Հակահամաճարակային կանոնները խախտվել են Ավան և Նոր Նորք վարչական շրջանների հանրային տրանսպորտում

«Ալիբեկ» սարի գագաթին ավտոմեքենան արգելափակվել է ձյան մեջ

Կալանավորվել է ոստիկանության ՊՊԳՎ նախկին պետ Վարդան Մինասյանը

Զագրեբում քննարկվել է հայ-խորվաթական երկկողմ օրակարգին վերաբերող հարցերի լայն շրջանակ (լուսանկարներ)

Հայտնի է Ճարտարի բնակչին սպանած ադրբեջանցու ինքնությունը. խաղաղապահները բանակցում են դին արցախյան կողմին հանձնելու շուրջ

Արմավիրի մարզի Բաղրամյան համայնքում «Արմաթ» ինժեներական լաբորատորիա է բացվել

2 դեղաչափով պատվաստված անձինք 6 ամիս անց կարող են ստանալ բուստեր՝ խթանիչ դեղաչափ. ՀՎԿԱԿ

Հալեպի նահանգապետը պատրաստակամություն է հայտնել օժանդակել Հալեպի հայկական եկեղեցիներին, դպրոցներին և հայ համայնքին

ԱԳՆ-ն վերահաստատել է ՀՀ աջակցությունը՝ ԵԱՀԿ մամուլի ազատության հարցերով ներկայացուցչի կողմից նախաձեռնված ծրագրերին

Մայր Աթոռ Սուրբ Էջմիածնում նշվել է հայոց առաջին լուսավորիչների տոնը (լուսանկարներ)

Ողբերգական դեպք Վանաձորում. ննջասենյակում հայտնաբերվել է տան տիրոջ կիսաայրված դին (լուսանկարներ)

Լեռնային և նախալեռնային գոտիներում ճանապարհները կպատվեն մերկասառույցով

Օտարերկրացի տղամարդուն ծեծել են, հափշտակել բջջային հեռախոսը, գումարն ու արծաթե վզնոցը

Իրականացվել է մարտական հերթապահության հերթափոխ, ստուգվել է զինծառայողներին կցագրված զենք-զինամթերքը

Դեկտեմբերի 5-ի ՏԻՄ ընտրություններով Հայաստանը կավարտի վարչատարածքային ամենամեծ բարեփոխումը (տեսանյութ)

Մուշի ոստիկանները ապօրինի պահվող զենք են հայտնաբերել

Երկրաշարժ է գրանցվել Բավրա գյուղից 18 կմ հյուսիս-արևելք. ցնցումները զգացվել են Լոռիում

Հատուկ նշանակության ստորաբաժանման զինծառայողների հետ կրակային պատրաստության պարապմունք է անցկացվել

Քննարկվել են բարձր տեխնոլոգիաների ոլորտում Բելառուսի հետ համագործակցության ընդլայնման մի շարք հնարավորություններ

Արցախում կորոնավիրուսի 54 նոր դեպք է գրանցվել, ծայրահեղ ծանր վիճակում է 18 հիվանդ

Զովունի գյուղից դեպի Կորեայի ձոր տանող ավտոճանապարհը ժամանակավորապես փակ է

Արաբկիրում Սոսե և Վաղարշյան փողոցների մայթերը հիմնովին բարեկարգվել են, գործընթացը շարունակական է. Դանիելյան

Գրանցվել է կորոնավիրուսի 419 նոր դեպք և 25 մահ, փաստացի բուժում է ստանում 10834 պացիենտ

7 ժամով կդադարեցվի Սյունիքի մարզի Սիսիան քաղաքի 2 փողոցի գազամատակարարումը

Ստոկհոլմում Հայաստանի ու Ադրբեջանի ԱԳ նախարարների հանդիպում տեղի չի ունեցել. ԱԳՆ խոսնակ

Մինչև 6 ժամ լույս չի լինի Երևանի տարբեր հասցեներում և 4 մարզի որոշ համայնքներում

ՀՀ տարածքում կան փակ և դժվարանցանելի ավտոճանապարհներ

Ալավերդի-Այրում ավտոճանապարհին մեքենան ձորն է ընկել. կա զոհ

Աճառյան 1-ին փակուղու խաչմերուկում Աճառյան փողոցի տրանսպորտային լուսացույցները կտեղակայվեն երթևեկելի մասի վերևում

Ոսկեվազ համայնքում գազի ներքին ցանց է կառուցվում

Հայաստանի եւ Ղազախստանի ԱԳ նախարարները մտքեր են փոխանակել միջազգային ու տարածաշրջանային անվտանգային հարցերի շուրջ

205 համարի երթուղայինը վթարի է ենթարկվել․ 2 ուղեւոր տեղափոխվել է «Աստղիկ» բժշկական կենտրոն